|
|
 أخيرا.. دار رائعة لجمع السودانيين ببوسطن
|
مولانا (القاضى) التجانى ابراهيم رئيس لجنة (البحث عن دار) وبعد مجهود مضنى يتفتق وردا ويتحصل للسودانيين على دار تأوى نشاط الجالية
تحت رعاية الهمام موافى شورة رئيس نخبة المكتب التنفيذى الموقرة للجالية السودانية ببوسطن ولاية ماسيتشيوستس (Spirit Of America)
ولضيق الوقت قامت مجموعة قليلة وبمروءة السودانيين المعهودة بدفع والالتزام بإيجار 6 شهور مقدما لحين دعوة جميع السودانيين بالولاية قريبا للقيام باللازم تجاه متطلبات المرحلة وتنظيم العمل الإجتماعى.
والدعوة مفتوحة للجميع بالمشاركة والمساندة الفورية
والحاضر يكلم الغائب
ويممكنكم الاتصال فورا للمشاركة
بالاخ التجانى إبراهيم
او موافى شورة
بشير خلف الله
جمال الامين
ياسر كركب
اسامة دنقلا
محمد النيل
أو أيٍ من اعضاء اللجنة التنفيذية
فهيا بنا
|
|
 
|
|
|
|
|
|
|
|
Re: أخيرا.. دار رائعة لجمع السودانيين ببوسطن (Re: محمد النيل)
|
الاخ محمد النيل
السلام عليك و علي شباب بوسطن الحلوين
الجالية السودانية بمدينة بوسطن واحدة من اقدم واعرق
الجاليات السودانية بامريكا واشهد بذلك وكانت هنالك علاقات
متبادلة وزيارات في الاعياد والمناسبات بين جالية فلادلفيا
وجاليتكم العريقة في اوائل التسعنيات من القرن المنصرم
ولازالت ، ولكم اسعدني خبر حصولكم علي دار لجمع السودانيين
ببوسطن ... الف مبروك الدار وان شاءالله دائماً عامرة بوجودكم
منذر احمد بابكر - فلادلفيا
| |
|
|
|
|
|
|
|
|
|
Re: أخيرا.. دار رائعة لجمع السودانيين ببوسطن (Re: منزر احمد بابكر)
|
Quote: الجالية السودانية بمدينة بوسطن واحدة من اقدم واعرق
الجاليات السودانية بامريكا واشهد بذلك وكانت هنالك علاقات
متبادلة وزيارات في الاعياد والمناسبات بين جالية فلادلفيا
وجاليتكم العريقة في اوائل التسعنيات من القرن المنصرم
ولازالت |
منذر حبيبنا وناس فلى الحلوين
والله شهادة منكم تشرفنا وتزيدنا فخرا
ياله من تاريخ يثير الشجون
فلادلفيا شقيقة بوسطن
وان شاء الله ح نبعث ليكم سفير يمثل جاليتنا لديكم
ونكون اول جالية تبتدع ذلك
هههههها
وحاليا ممكن تعتبروا عصام مهدى القائم بالاعمال تبعنا
ولو عصام ما مخارج معاكم
اقبلوا اوراق اعتماد عادل ابوعضل
لحدما نرسل ليكم سفير يعجبكم
وان شاء الله ح نعمل افتتاح مهرجان
الدعوة مفتوحة لكم جميعا
لسه ح نحدد التاريخ
ولو جيتوا
ح اغنى ليكم
عيونك كانوا فى عيونى
بس عشان تتشجعوا
ههههه
ومبروكين داركم
فرحنا والله
تحياتنا للجميع
وشكرا لشهادتك ومشاركتك
| |
|
|
|
|
|
|
|
|
|
Re: أخيرا.. دار رائعة لجمع السودانيين ببوسطن (Re: Khalid Kodi)
|
| Quote: ولازم نفرعها بالشربوت الفاهم ، وبالعدم كجومورو بالببسى... |
الحمد لله وقفت لحدى هنا
كنت خايفك تمشى لبعد النقاط دى شوية!
هههههههها
لكن بينى وبينك شهيتنى شربوت أمى الباااااااارد داك.
نحن ما صدَّقنا لقينا لينا دار يا خالد
عليك الله ماتكجها لينا
نحنا قافلين على التحف الجميلة بتاعتك
حبى وتقديرى
| |
|
|
|
|
|
|
|
|
|
Re: أخيرا.. دار رائعة لجمع السودانيين ببوسطن (Re: محمد النيل)
|
ابوي الله يرحمو كان من اشد المؤيدين للم شمل جالية المحس في الرياض
وكان بيخلف كراع ويرتشف الشاي بلبن ويقول "اهنا اساسا هبتين آملين زي غنم جحا
مافيش داعي نبقو ستين هتة في اسميدو الغربة بنت الكلب دي"
مبروك لعموم آل بوسطنلاب و ماسيتشيوستسلاب الدار وابقو هتة واهدة في الغربة بنت ستين دي ..
| |
|
|
|
|
|
|
|
|
Re: أخيرا.. دار رائعة لجمع السودانيين ببوسطن (Re: محمد النيل)
|
| Quote: ياخي الوتر دي خفف فيها بسورة الاعلي |
مرحب مرحب
عبد الحكيم أننقا
شرفت دارنا والله
وتعازينا الحرة فى صديقك
طبعا لانو الدار جديدة
ح نكون فرحانين بيها
اول ايام ح تكون بالبقرة
وشوية شوية
فى النهاية ح نرجع للناس
تحياتى حبيبنا
امسكوا فى عزاز الشامى دى
طلعت بلدياتنا
ان شاء الله تكون اصلا معانا؟
| |
|
|
|
|
|
|
|
|
|
Re: أخيرا.. دار رائعة لجمع السودانيين ببوسطن (Re: محمد النيل)
|
ميمد
تالت مرة مبروكين الدار
عندنا عمنا راجل كبير ومخرف
مرة واحد واعظ مشي ليهم في رمضان
ومسكم ليك تراويح بسورة البقرة وعمك مجقلب
في الركعة الاخيرة ختم بسورة الاعلي ووصل صحف
ابراهيم وموسي(ديل اسامي اولاده)
عمك طوالي قال :ابراهيم من موسي من ار كرتونق قبيجاميني؟
ابراهيم شنو موسي شنو؟ سيحت ركبنا...
Quote: امسكوا فى عزاز الشامى دى
طلعت بلدياتنا
ان شاء الله تكون اصلا معانا؟ |
ايوة عزاز معانا بس مقلة في الكتابات النوبية
برضو منتظرنها تواصل بهناك..
تسلم يا هميم
| |
|
|
|
|
|
|
|
|
 Re: أخيرا.. دار رائعة لجمع السودانيين ببوسطن (Re: سيف اليزل برعي البدوي)
|
سلامات أخي النيل
وطيب الله جميع أوقاتكم جميعها.
إنه لخبر يسر
الخاطر.
ونتمنى من الله أن يجعلها عامرة
بالتجمع الطيب والبرامج الجيدة
والمفيدة .
فالمجتمع السوداني بمدينتنا مجتمع متسالم ومتآخي
ومحب للخير , فقط تنقصه مثل تلك الأشياء ليصير
إلى الأمام ,ونتمنى أن نكون كسودانين إضافة إيجابية
لأمريكا ونصنع أجيال قادمة متطورة ومنتجة فنحن نمتلك كنوز
من القيم الغالية التي تجعلنا نفخر بها وتهيؤنا لنعش
في أي مكان في العالم بسلام ومحبة وتآخي وطمأنينة.
والتحية لكل القائمون وراء تحقيق
مثل تلك الإنجازات والباذلون
الجهد لرفعة مجتمعنا وتطوره.
محبتي وإحترامي.
| |
|
|
|
|
|
|
|
|
|
Re: أخيرا.. دار رائعة لجمع السودانيين ببوسطن (Re: Safa Fagiri)
|
اختى الغالية صفاء
اشكرك لمداخلتك القيمة
هذه الدار كنا ننتظرها بصبر
وكما تعلمين ان سوق العقارات ببوسطن مرتفع بصورة جعلت من المستحيل ان يكون للسودانيين دار تجمعهم فيها
ولكن بحمد الله ثم بمجهود بعض الاعضاء تحصلنا على مبنى مجهز اصلا لهذا الغرض
حيث كان دارا للارمنيين وتحولوا منه لمكان اكبر يسعهم
واعطوه لنا بايجار لم نكن لنحلم به
والان جاء دورك انت ومبدعى بوسطن ليجملوا لنا المكان
بانتاجكم الادبى الرفيع
حيث كنتِ انت ممن شرفوا بوسطن فى المواقع الاسفيرية شعرا وادبا ورقيا نُحسد عليه
ففى بوسطن ووسطت مجتمعه السودانى توجد الكوادر الفنية والمواهب القادرة على جعل الدار منارة يحتذى بها
الاخرون من ديار السودانيين فى الولايات الاخرى
ولك الشكر والتقدير والاحترام
| |
|
|
|
|
|
|
|
|
 Re: أخيرا.. دار رائعة لجمع السودانيين ببوسطن (Re: محمد النيل)
|
الأخ: محمد النيل
سلامات
خبر مفرح جدا
التحية للجالية السودانية ببوسطن ولاية ماسيتشيوستس و تحية خاصة للجنة التنفيذية للجالية و قائد ركبها موافى شورة.
ألف ألف مبروك الدار، و إن شاء الله تكون مكان لانطلاق أعمال ضخمة و انجازات عظيمة تنفع و تفيد الجالية السودانية ببوسطن.
وفقكم الله و سدد خطاكم
*
**
| |
|
|
|
|
|
|
|
|
 Re: أخيرا.. دار رائعة لجمع السودانيين ببوسطن (Re: محمد النيل)
|
مبروك الدار.. وجعلها الله عامرة بأهلها
والله سعيدين يا النيل ياأخوي بمجهودكم العظيم ده
خالص الشكر والتقدير للزعيم موافي وبقية العقد الفريد
وإنشاء الله حاضرين معاكم الإفتتاح والإبتهاج بيكم ومعكم
وأكيد برنامجكم عامر ودسم قدر المناسبة
وتسلم يالنيل يا فنان...
| |
|
|
|
|
|
|
|
|
|
Re: أخيرا.. دار رائعة لجمع السودانيين ببوسطن (Re: رياض ادريس همت)
|
محمد النيل
تحايا طيبه ومبرووك دار السودانيين وان شاء الله عامره بالنشاط ولامه لكن الوان طيف السودان
وتشيل سمح الطبع يا رب
وامانه فى الذمه لمنا فى اسامه دنقلا ده ان شاء الله هو شديد
وقول ليهو ناس عقد الجلاد بسالو عليك
وفى البروفايل بتاعى بلقى التلفون والايميل
واكرر تهنئتى
انور عبد الرحمنعلى
ابو غيداء
| |
|
|
|
|
|
|
|
|
|
Re: أخيرا.. دار رائعة لجمع السودانيين ببوسطن (Re: anwar abu gaidaa)
|
Quote: وإنشاء الله حاضرين معاكم الإفتتاح والإبتهاج بيكم ومعكم
وأكيد برنامجكم عامر ودسم قدر المناسبة |
زولنا العزيز محمد ياسين خليفة
تقدير وتحايا واحترام
بوجودكم الدار بتكون انضر
عارفنك ما ح تقصر معانا
اذاً حان موعد الابتهاج وليزداد التعاون والتكاتف بين سودانيى ماسيتشيوستس اكتر مما كان عليه
ودمتم
| |
|
|
|
|
|
|
|
|
|
Re: أخيرا.. دار رائعة لجمع السودانيين ببوسطن (Re: محمد النيل)
|
Quote: اسال عن شباب العزوزاب وين مافى اسهم ظهر الى الان اتمنى ان نراهم وهم يتسابقوا فى اعداد البرامج المختلفة.
|
وو رياض همت اننقا
تحية طيبة
نورت البوست
اولاد العزوزاب واقفين بقوة مع الجالية
انهم يعملون ويخدمون فى صمت
وهم تقدر تقول عليهم سوَّايين وما حدَّاثين
واغلبهم ليسوا اعضاء بمنبر السودانيز
تجدهم فى اماكن الكلام كسلانين
وفى ساحات العمل همة(على وزن همت)
نخاف عليهم من العين
نقلت لهم سلامك من بوست النوبة
وبردوا عليك احسن التحايا
ارقد قفا
اولادنا حمالين التقيلة
| |
|
|
|
|
|
|
|
|
|
Re: أخيرا.. دار رائعة لجمع السودانيين ببوسطن (Re: محمد النيل)
|
سلام اخوى محمد النيل... سلام
خبر دافئ ونحن مدفونين تحت الثلوج..
والله دة اجمل خبر اسمعو فى عام 2010 واطمأنينا لما شفنا قريبنا الهمام موافى شورة فى الواجهة... دة شغل تمام وكمان ما شاء الله عنكم عمالقة زى ناس بروفيسور عبدالرحمن محمد ابراهيم وخالد كودى ود. ندى ... ربنا يحفظكم ويسدد خطاكم..
وكمان ما تنسوا تربوا داركم بناس متحف بوسطن للفنون الرفيعة ... وموافى عارف المدخل..
حبنا لكم ولبوسطن الجميلة..
نورالدين منان
من عشاق بوسطن
| |
|
|
|
|
|
|
|
|
|
Re: أخيرا.. دار رائعة لجمع السودانيين ببوسطن (Re: محمد النيل)
|
Quote: وامانه فى الذمه لمنا فى اسامه دنقلا ده ان شاء الله هو شديد
وقول ليهو ناس عقد الجلاد بسالو عليك |
الاخ انور
اشكرك على مرورك
واسامة دنقلا كعهدكم به هو الدينمو المحرك لللمات كما تعلم
وشعلة نشاط الجالية فى بوسطن
وهوالسكرتير الاجتماعى للجالية وهى اهم سكرتاريا يرثها من دورة لاخرى دون منازع وتفرض عليه إن ابى فرضا
فهو الهميم الكريم
والفى جيبو ما حقو
ساارسل تلفونه فى ماسنجرك
وان احببت ابعت تلفونك وساعطيه له
تحياتى
| |
|
|
|
|
|
|
|
|
|
Re: أخيرا.. دار رائعة لجمع السودانيين ببوسطن (Re: ايمان بدر الدين)
|
ويعلم الله إنا لنحبكم
على وزن:
اورد القرطبي في جامعه قال جابر رضي الله عنه: كانت الجواري من الانصار اذا نكحن كن يمررن بالمزامير والطبل اورده ابن ماجة وصحح العلماء عن انس بن مالك رضي الله عنه عن النبي صلى الله عليه وسلم مرَّ ببعض طرق المدينة فاذا هو بجواري يضربن بدفهن ويتغنين ويقلن:
نحن جواري بني النجار
يا حبذا محمداً من جار
فقال النبي صلى الله عليه وسلم:
والله يعلم اني لاحبكن.
ففعلا اخى منان
بوسطن تحوى الدرر من العمالقة السودانيين
وهناك الاماكن الهامة
كمتحف الفنون الذى ذكرته ولنا معه علاقة نوبية وتعاملنا معه
وهناك مؤسسات اكاديمية وفنية ستثرى عملنا السودانى ببوسطن
وما هارفرد عنا ببعيد
لك التحايا وعاطر الثناء بمرورك
النيل
| |
|
|
|
|
|
|
|
|
|
Re: أخيرا.. دار رائعة لجمع السودانيين ببوسطن (Re: محمد النيل)
|
Quote: سلام ياجاليه بوسطن
نحن جاليه واشنطن عايزين نشاركم الفرحه والعقبال عندنا غايتوا شغالين ليل نهار من اجل الدار مبروك مجددا لكن كربوا البرنامج وقدموا الدعوات |
اول حاجة يا ايمان بدر الدين
قبلما اقول اى شيئ
انتم مدعوين فى حفل الافتتاح
سيكون افتتاحا على مستوى قامة بوسطن
ح يكون مهرجان
تحياتى لك ولناس واشنطون
وادعوا الله ان يسهل لكم امر الدار
ما تفوتوا ايام انهيار الريل إستيت دى
دى فرصة تتحصلوا فيها على دار
حتى لو بعقد ايجار لامد طويل
احسن من التمليك لانو بيعمل وجع راس
وخاصة الايجار بيكون رخيص الايام دى
| |
|
|
|
|
|
|
|
|
|
Re: أخيرا.. دار رائعة لجمع السودانيين ببوسطن (Re: محمد النيل)
|
رسالة عبر البريد
من الاخ عصام مهدى احمد همت
الزعيم العزوزابى بفلادلفيا
مبروك الدار اخونا النيل ..
حطوه سليمه..نتمني ان يلتف الجميع حول هذا العمل الهام..
نرجو ان تكون اول المناشط مدرسه سودانيه للاطفال للاعمار المختلفه
واكيد ما حتفوت عليكم
نامن علي ما يجمعنا كسودانيين وما اكثرها ونبتعد عما يفرقنا
موفقين باذن الله
تحياتي لبشير وموافي.
والفار ومولانا.
و للجميع
اخوكم عصام همت ..
| |
|
|
|
|
|
|
|
|
|
Re: أخيرا.. دار رائعة لجمع السودانيين ببوسطن (Re: محمد النيل)
|
Quote: نرجو ان تكون اول المناشط مدرسه سودانيه للاطفال للاعمار المختلفه
واكيد ما حتفوت عليكم |
ومن اجل ذلك تقام الجمعيات
اخ عصام مهدى شعلة فلادلفيا
حبابك ما غريب الدار
والدار دارك
والعمل الاجتماعى خاصة فى امريكا والدول الغربية عامة
اذا لم يكن من اجل الاطفال والاجيال الجديدة
اذا مافى ليه فايدة
وشكرا على توجيهاتك المفيدة
وتحياتنا لاهلنا بفلادلفيا الشقيقة
النيل
| |
|
|
|
|
|
|
|
|
|
Re: أخيرا.. دار رائعة لجمع السودانيين ببوسطن (Re: محمد النيل)
|
شوف يا ود النيل وخالد كودي
ما تاكلونا حنك بالكوجومورو بالببسي
والله الشفع والوتر بصورة البقرة
وين صور الدار؟؟
يعني هسع لو باركنا وبكرة قولتوا مافي دار
نودي وشنا من ناس كوستاوي وين؟؟
....
والله مبروك من جوى قلبنا
وان شاء الله من الدار ترشحوا منكم Mayor لمدينة بوسطن
| |
|
|
|
|
|
|
|
|
|
Re: أخيرا.. دار رائعة لجمع السودانيين ببوسطن (Re: Shams eldin Alsanosi)
|
Quote:
والله مبروك من جوى قلبنا
وان شاء الله من الدار ترشحوا منكم Mayor لمدينة بوسطن |
ح يحصل
باذن الله
شكرا لآمالك العريضة
يا اخ السنوسى لك عاطر التحايا والتقدير
وما تشيل هم
ح نملأ ليك كوستاوى صور الافتتاح
ووشك خلى فى مكانو
وتجى تحضر الافتتاح وتصور براك
التصوير مسموح
هههههههها
شكرا للزيارة
عقبال زيارة الدار
| |
|
|
|
|
|
|
|
|
 Re: أخيرا.. دار رائعة لجمع السودانيين ببوسطن (Re: محمد النيل)
|
الاخ النيل
انا اقترح انكم تبدوا البرامج بتاعتكم بالاحتفال بالمولد النبوى الشريف ، يعنى يوم روحانى كده حتى لو ما فيهو مداحين ، طبعا انا اعرف انوا الاحتفالات الدينية قد تكون صعبة شوية عندكم لكن طالما فى اطار معين ومحدود وبصورة سليمة ما اظن بكون فى مشكلة وربنا معاكم .
وشكرا
رياض ادريس همت
| |
|
|
|
|
|
|
|
|
|
Re: أخيرا.. دار رائعة لجمع السودانيين ببوسطن (Re: رياض ادريس همت)
|
الأخ العزيز وغالي
محمد النيل
تحية واحتراما
والان زاد احترامي لك انك جولكين وبتنوم بدري بعد الوتر طبعا
والتاني انك من عندينا .. وطبعا اندهشت انك موجود في امريكا ست العالم
لكم جميعا التهاني بافتتاح الدار وربنا يجعلها دار يجتمع فيها اهل البلاد بالمحبة
وروح التسامح وان يقدموا جهدهم الخلاق في دعم اواصر الصداقة مع الشعوب والمحبة الحقة بين
اهاليهم ولكم احترامي وتقديري ..
ـــــــــــــــــــــــــــــــ
بالمناسبة راجع بوست همت بتاع المولد النبوي واديني رايك في البرنامج الطرحناه
وده بوست ليهو شهر
رايك بهمني جدا جدا
| |
|
|
|
|
|
|
|
|
|
Re: أخيرا.. دار رائعة لجمع السودانيين ببوسطن (Re: محمد سنى دفع الله)
|
مبرووك اهلي وا صدقائي فى مدينتي الثانية بوسطن وتحياتي لكم بدار عامرة و برنامج موفق إن شاء الله
و التحية لهؤلاء الكرام اجمل من قابلت فى بوسطن و لك ايضا اخي النيل و تحياتي لمحمد الفاتح و ابو السيوف
Quote:
ياسر كركب
جمال الامين
بشير خلف الله
موافى شورة
|
إن شاء الله حاضرين لاي احتياجات للدار عند قدومي فى الصيف إن شاء الله تلفوني فى البروفايل.
اتمناها دار تجمع شتات الجالية فى الولاية عامة إن شاء الله
مبروك و موفقين إن شاء الله
| |
|
|
|
|
|
|
|
|
|
Re: أخيرا.. دار رائعة لجمع السودانيين ببوسطن (Re: Sayed Bekab)
|
| Quote: انا اقترح انكم تبدوا البرامج بتاعتكم بالاحتفال بالمولد النبوى الشريف |
وليه لا اخ رياض
شكرا لاهتمامك
وما عندنا مشاكل دينية هنا
والامريكان ناس طيبين
ما زى سمعتهم فى الخارج
والبلدى دى وخاصة ولايتنا قائدة الحريات فى امريكا
ومركز العلوم وفكر الحرية والديمقراطية
ولك التحايا
النيل
| |
|
|
|
|
|
|
|
|
|
Re: أخيرا.. دار رائعة لجمع السودانيين ببوسطن (Re: محمد النيل)
|
Quote: والان زاد احترامي لك انك جولكين وبتنوم بدري بعد الوتر طبعا
والتاني انك من عندينا .. وطبعا اندهشت انك موجود في امريكا ست العالم
لكم جميعا التهاني بافتتاح الدار وربنا يجعلها دار يجتمع فيها اهل البلاد بالمحبة
وروح التسامح وان يقدموا جهدهم الخلاق في دعم اواصر الصداقة مع الشعوب والمحبة الحقة بين
اهاليهم |
استاذى الموقر المحترم
السنى دفع الله
ما يخدعك كلام خالد كودى عنى انى من الجلاكين
ولاحظ كلمة استاذى الفوق دى
دا لما انت كنت بتقدم برنامج توجيهى للاطفال
نحنا الاطفال كنا بنجى نحضر برنامجك بتشوق
يا عمى السنى
ههههههها
واما فيما يختص التفاهم والمحبة بين الشعوب الرجاء ادخل البوست بتاع:
عادت قناة هارموني
للاخ مصطفى الجعيل
راجع مداخلتى
ح تعرف راييى
اخى واستاذى مصطفى السنى
انا ابادلك نفس الاحترام واكتر
ومحبتى لك زادت
ومكانتك محفوظة عندنا منذ الصغر
وانا فعلا حاسى انى شديت عليك شوية فى موضوع السجود لمحمود عبد العزيز
وانا اعتذر
لانو البوست هزانى وكنت ارجو منك غير ما كتبت
وعلى كل لدى الشرف بمرورك
والشرف انى من عنديكم
حبى لك الف مرة
بالمناسبة انا اقدر الفن وادافع عنه
النيل
| |
|
|
|
|
|
|
|
|
|
Re: أخيرا.. دار رائعة لجمع السودانيين ببوسطن (Re: محمد النيل)
|
| Quote: اتمناها دار تجمع شتات الجالية فى الولاية عامة إن شاء الله |
بطِّل شتات وتعال راجع انت ذاتك
وبالمناسبة الدار جنب بيتك (هيتة بالهيتة)
ولو كنت موجود كنا ح نمسكك الفنايل والكورة والقنايات
هههههههها
حبيبنا سيد
إلُّو ياخى
شكرا على المرور
والدار فى ووترتاون 755
Mt. Auburn
اظهر
او ارسل الاشتراك
عشان نحرس بيتكم
ولو ابيت
ح نفلقو ليك بالحجار كل يوم واحنا طالعين بعد الوتر (مرة بالفتحة ومرة بالكسرة)
النيل
| |
|
|
|
|
|
|
|
|
|
Re: أخيرا.. دار رائعة لجمع السودانيين ببوسطن (Re: محمد النيل)
|
| Quote: والان زاد احترامي لك انك جولكين وبتنوم بدري بعد الوتر طبعا |
أستاذنا السني
سلام مربع من بوسطون لشخصكم الكريم..
محمد النيل زول فنان وصاحب صوت شجي والأسبوع الفات ساهر بينا للساعة 2 صباحا(هههه)
لولا غربته المبكرة للمع نجمه في السودان الذي هاجر منه لأميركا عام 1988
بحاول أنزل ليك صورتو وهو حاضن العود وأمامه الأورغنات وكان معنا العازف محمد أبوعركي البخيت الذي أبدع عزفا
وكلنا هنا في بوسطون ناس بنحب الفن والفنانين وربنا يجيبك زيارة بجاي
لك خالص موداتنا
سيف اليزل
| |
|
|
|
|
|
|
|
|
|
Re: أخيرا.. دار رائعة لجمع السودانيين ببوسطن (Re: محمد النيل)
|
العزيز الهارب من بوسطن السيد البيكاب
سلامات وإشتياقات زايدة...
تعرف الدار دي around the corner من بيتكم
يعني الداخل ليها لازم يرفع ليكم التمام
هم حسع بيظبطو فيها... وشكلها حاتكون جميلة وعامرة
والله يعلم مقدار فرحنا بيها... وأملنا إنها تكون "دار السودان"
واللذيذة واقعة على خط الباصات 71 و73
ودي أغرب باصات في العالم!
غير إنها شغالة بالكهرباء كل عشر دقائق طول اليوم
فيها أبواب باليمين والشمال...
والزول فيها بيدفع القروش لامن ينزل!
والله حيرتني بشكل... لدرجة إني عملتها ساساية
فيا سيدي والله ليك وحشة.. ومكانك في بوسطن فارغ وراجيك
_________________________
سيف والنيل... يعني تنمو بالقعدات دي براااكم؟
عالم جبانات بشكل!
أها حقناعليكم تعويض سريع وحتمي... فالزومي متضايقي
| |
|
|
|
|
|
|
|
|
|
Re: أخيرا.. دار رائعة لجمع السودانيين ببوسطن (Re: Mohamed Yassin Khalifa)
|
Quote: سيف والنيل... يعني تنمو بالقعدات دي براااكم؟
عالم جبانات بشكل!
أها حقناعليكم تعويض سريع وحتمي... فالزومي متضايقي |
محمد يس خليفة
ود بوسطن
بل قلب بوسطن
لك التجايا
ح تدفع العداد كامل؟
ول ح تزوغ زى واحد كدا؟
ما داير اجيب اسم
حرفو الاول
سيف اليزل
المهم عايزين اشتراكات الدار
اتصل لاعطاءك التفاصيل
النيل
| |
|
|
|
|
|
|
|
|
|
Re: أخيرا.. دار رائعة لجمع السودانيين ببوسطن (Re: محمد النيل)
|
النيل العزيز... سلامات
يا أخوي سيف ده أدوهو بريييك... الراجل ده موعود!
| Quote: ح تدفع العداد كامل؟ |
عداد نور ولا موية؟
| Quote: المهم عايزين اشتراكات الدار |
البوست ده بقى شرك؟
ما خاتين عليهو ناس بشير خلف الله وعمر التوم الزاغو
**** يا سيدي نحنا جاهزين نور وموية
وحرم ما بنقصر معاكم...
يا أخي نحنا في دييك السـاعة!
وبينا تلفون...
| |
|
|
|
|
|
|
|
|
|
Re: أخيرا.. دار رائعة لجمع السودانيين ببوسطن (Re: محمد النيل)
|
الأخ الحبيب محمد النيل ، تهانينا بالدار الجديدة فى بوسطن وربنا يجعلها دار تجمع بين قلوب السودانيين ببوسطن وحواليهابمختلف مشاربهم والوان طيفهم السياسى والثقافى ، وذلك لمزيد من التواصل والتعاضد فيما يخدم السودان والمغتربين فى بوسطن ، مودتى.
| |
|
|
|
|
|
|
|
|
|
Re: أخيرا.. دار رائعة لجمع السودانيين ببوسطن (Re: محمد النيل)
|
| Quote: الأخ الحبيب محمد النيل ، تهانينا بالدار الجديدة فى بوسطن وربنا يجعلها دار تجمع بين قلوب السودانيين ببوسطن وحواليهابمختلف مشاربهم والوان طيفهم السياسى والثقافى ، وذلك لمزيد من التواصل والتعاضد فيما يخدم السودان والمغتربين فى بوسطن ، مودتى. |
شكرا
اخ هاشم محمد الحسن
على المرور
نتمنى مشاركتنا الافتتاح
سنعلن ذلك قريبا باذن الله
نرجو المتابعة
| |
|
|
|
|
|
|
|
|
|
Re: أخيرا.. دار رائعة لجمع السودانيين ببوسطن (Re: سيف اليزل برعي البدوي)
|
الرجاء من الاخوة فى بوسطن وما جاورها
خاصة منهم الشباب
الحضور اليوم الاحد 28 فبراير بمكتب الجالية Lincoln st. 216 للمساعدة لنقل محتويات المكتب للدار الجديدة المقر الرئيسى الدائم
حيث سيتم اخلاء المكتب نهائيا وتسلميه للمالك اليوم
وذلك اعلانا لبداية عهد مشرق جديد للجالية السودانية باالولاية
نرجو الاهتمام بالحضور
الافتتاح الرسمى سيحدد قريبا
لكن الدار مفتوحة تحت الخدمة الان ومتاحة للجميع
| |
|
|
|
|
|
|
|
|
|
Re: أخيرا.. دار رائعة لجمع السودانيين ببوسطن (Re: محمد النيل)
|
| Quote: والحمد لله ياخ الظهرته فى البوست ومستعد لللت والعجن... |
جدا يا بروف كودي... حرم جاهزين ليهم تب
جهز الحليب... وأنا عليا عجين اللقيمات
ونحنا على ناس سفر وصلاتنا جمع وقصر... وسورة الكوثر طويلة علينا
بنقرا نصها في الركعة الأولي والنص التاني بنتم بيهو الصلاة!
فلهم دينهم.. ولنا دين
والله أخوك دخل بوسطن الساعة 2 صباحا وخارج منها الدقش
ليك علي أكلمك من مانشستر الظهر
والله ليك وحشة...
________________________________
النيل عليك الرسول كان تكلمني...
عندي ليك شمار وشطة حارة
| |
|
|
|
|
|
|
| |
محمد النيل
منزر احمد بابكر
سيف اليزل برعي البدوي
Khalid Kodi
عبد الحكيم نصر
Safa Fagiri
Abdelrahim Mansour
سيف الدولة كامل
Tragie Mustafa
حسين نوباتيا
Mohamed Yassin Khalifa
Mannan
ايمان بدر الدين
Shams eldin Alsanosi
محمد سنى دفع الله
Sayed Bekab
حامد محمد حامد
هاشم محمد الحسن عبدالله
فيس بوك
تويتر
انستقرام
يوتيوب
بنتيريست