|
|
 فى امر مبايعة الرئيس ... او اٍيثار السـلامة !
|
اول حاجه ياجماعة لا يفوتكم ان تحيونى على العنوان
اتقطعت فيه عدييل الليله او نحو ذلك ..
فتاملوا !
نرجع للموضوع ..
تعالوا فى الاول نجرد الحاجات اذا كان فى شخص (اى شخص )
عابز يبايع الرئيس (اى رئيس ) ويشكروا ويطبل ليه
ويبقى بوق لنظام حاكم (اى نظام) .. الموقف دا صعب ؟
بحتاج تتخلى من الخوف او الطمع او ... الخ ؟
غايتو الموقف دا متاح واى زول بقدر يعملوا ما صعب
ومجانى .. يعنى بوضوح كدا مافى زول بقدر يزايد بيه
ويقول والله انا عملت حاجه الناس ما بتقدر عليها ..
ويقول والله انا انتصرت على نفسى فى مقاومة السلطة والجاه
موقف تاييد الرئيس دا موقف مجاااااااااااانى واى زول بدون اى
مواصفات ممكن يقيفه مش كدا ؟؟؟ الحاجه الوحيده الما عايزة شجاعة !
يبقى التهليل بيه والمباهاه والافتخار بيه دا كلام ما فى محله
صاح ؟؟؟ لانه ببساطة ممكن اى زول يقيفه وبلا ثمن !!!
ذى ما بقولوا الخلايجه ما يحتاج ..
ـــــــــــــــــــــــ
هو فى الجانب الاخر ممكن يكون ايثار للسلامة ..
غايتو لو شركى دا قبض .. بكون حوتا عديييل كدا !
|
|
  
|
|
|
|
|
|
|
|
Re: فى امر مبايعة الرئيس ... او اٍيثار السـلامة ! (Re: دينا خالد)
|
Quote: اول حاجه ياجماعة لا يفوتكم ان تحيونى على العنوان
اتقطعت فيه عدييل الليله او نحو ذلك ..
فتاملوا !
|
تأملنا ..
لا أخفي أنني دخلت بغرض التحية على العنوان _
فوجدت (شكرتا دلاكتا) ..
(مثل صار هاماً بعد إستخدامه من قبل صاحب المقام الرفيع أفندينا
البشير (رض) وأرضاه )
أما بعد ..
في أمر مبايعة الرئيس فهي واجبة وجوباً شرعياً على الرجل البالغ _
وعلى المرأة مبايعة جزئية _ (مرجعها نقصان العقل والدين )
فعليها مبايعة الرئيس نهاراً ..
ومبايعة زوجها ليلاً ..
والجمعة تبايع ناس أبوها وتتقدى عندهم ..
لا أنسى أن أنوه إلى أن السبت إجازة ..
أو كما قلت ..
| |
|
|
|
|
|
|
|
|
|
Re: فى امر مبايعة الرئيس ... او اٍيثار السـلامة ! (Re: كمال علي الزين)
|
لووووووووول يا كمال !
Quote: فعليها مبايعة الرئيس نهاراً ..
ومبايعة زوجها ليلاً ..
والجمعة تبايع ناس أبوها وتتقدى عندهم ..
لا أنسى أن أنوه إلى أن السبت إجازة |
طوالى دخلت فى الغريق ؟ ومحل ناقص ومحل مقصر
غايتو شليق شلاقه غنم زهرة ,,
لكن زوجها دا شاورتو ؟؟
ـــــــــــــ
ما عصرت علينا شديد بالسبت دا ؟؟ لوووووووووووووب .
| |
|
|
|
|
|
|
|
|
|
Re: فى امر مبايعة الرئيس ... او اٍيثار السـلامة ! (Re: Nazik Eltayeb)
|
Quote: كدي جربي بس اكتبي في البورد دا إنك
بتأيدي البشير و شوفي التمن الحتدفعيهو !!
|
قولوا واحد بس محتاجين بنكون لى مصيده الشرك دا
صغيير .. لووووووووووول يا حسين
هسه عليك الله لما يشبو ليك تراجى ودينا ونهال وسهام وداليا حافظ
او نحو ذلك .. دا تمن دا ؟؟؟ عليك الله مش تدفع الثمن
تحرد الباقى ذاتو .. ياخ انت فى ديك الساعه ؟؟ ايييييييييييك ونسيت
عزاز .. اها دا مش تدفع عمرك كله وتلقاه ؟ ... شفت انك مش بتدفع بل
مدين كمان !!
اها بقا شوف الثمن ال على الصعيد الاخر ...
ـــــــــــــــــ
بطل يا حسين .. مافى تمن ولا هم يحزنون !!
| |
|
|
|
|
|
|
|
|
|
Re: فى امر مبايعة الرئيس ... او اٍيثار السـلامة ! (Re: دينا خالد)
|
نفسي ياخ ابقى رئيس جد جد *
و بعد داك المابعة و لا ايثار السلامة ما بهمني كتير ، ما رئيس كمان !
رايكم شنو في رابطة معجبي دينا خالد ؟
بشرط واحد تبقوني الرئيس حقها
اها قلتو شنو ؟ . . اول مثني ح ابقيهو نائب الرئيس
كسارين التلج من الرجرجة و الدهماء اليبايعو ساي
و المعارضة ( المؤثرة ) على نفسها ولو كان بها خساسة اليشيلو سلاحم ساي و يواجهونا
--------------
كجنت رئيس حسابات دي .. دايرين لينا رئاسة جد جد و مبايعين و المؤثرين يمتنعون . . فاهمين ؟!
دينا انا جادي .. اقل شئ في مبايعتك
| |
|
|
|
|
|
|
|
|
|
Re: فى امر مبايعة الرئيس ... او اٍيثار السـلامة ! (Re: دينا خالد)
|
كدي جربي بس اكتبي في البورد دا إنك
بتأيدي البشير و شوفي التمن الحتدفعيهو !!
ملاسي
أتارييييك................ كاتم تأييدك ...ولابد
هارش من ناس البورد ( اللابنفعوك ولا بضروك )
عهدناك ذكيا ياحسين ياخ
الأنتخابات قربت ياصديقي
على الأقل حي الدوحة بتاع اليافطة داك بتبقى فيهو رئيس اللجنة الشعبية ( وش متكيف )
دينا سلامات
| |
|
|
|
|
|
|
|
|
|
Re: فى امر مبايعة الرئيس ... او اٍيثار السـلامة ! (Re: كمال سالم)
|
تمبس امنع الفوضى !! خلاص جيتنا بى ثقافة الرقيص ؟
رقبة وواحده ونص ؟ لووووووووول شكلك بقيت اسطى
من الفرجة فى الحفلات من المورده الى كركاس ..
غايتو عدونا واااااحد .. لكن انا ما بخلى لى المعارضة
ما حقتو .. يعنى ح تبايع البشير كيتا فيه ؟؟ بالغت والله
ارجع يا اخ العرب ارجع ..
ـــــــــــــــ
عد كما كنت .. اكتب ..
| |
|
|
|
|
|
|
|
|
 Re: فى امر مبايعة الرئيس ... او اٍيثار السـلامة ! (Re: دينا خالد)
|
Quote: لووووووووول شكلك بقيت اسطى
من الفرجة فى الحفلات من المورده الى كركاس |
.. وإنت الصادقة السودان دا أحسن حتة الواحد يرقص فوقو .. رقيص جد ..
المشكلة في الناس الم بتعرف ترقص .. وعايزه تشتر الرقصة ..
حسع إنت بتعرفي ترقصي ..؟
إنت صدقتي شان قلت ليك يا شيريهـان ...؟
حسع يعني اكان قلت ليك يا .. ايمن الربع .. بتقدري تطلعي في راس البيت ؟؟
حضرت لي حفلة قام أيمن الربع طلع في راس البيت بتاع الناس .. لو كنت اكتر دقة .. هو طلع في راس الحمام ..
لكن الحمام برضو ممكن تسميهو راس بيت ..
أو راس بيت الحمام ..
| Quote: غايتو عدونا واااااحد |
.. لالالا يا ماما تحية .. أنا ما عندي عدو مشترك معاك .. لسة المرحلة دي ما وصلتها .. ديل كلهم لزوم ما يلزم من التضقيل .. لما تلقى ليك واحد مطرف ..
ضقل بيهو ..
نظام متعة وكدا دا ..
حسع يعني عايزه تقنعيني أنو البشير عدوك ..؟
والله دا الرقيص بتاع واحده ونص الفوقاني دا زاتو .. ابو بدون شعر ..
تقولي تعال أرجع واكتب يا اخـا العرب ويا لب .. لب .. الواحد يكتب ما تفهموهو .. تكتبو ما نفهمكم ..
دي عامله زي نجيكم تكورو .. ما نجيكم تكورو لينا ونكورك ليكم نحنا بالاعذار ..
...
ما عارف ليه جاني احساس كدا إنك ح تكوني كاتبتي المفضلة خلال الربع دا .. عوضا عن احدهم سبق وأن توجناه بهذا المنصب ..
منصب الكاتب المفضل ..
ـــــــــــــــــ
في حال رفضكم التتويج .. كلمونـا .. عشان ما نتحسس
أو
نشوف غيركم ..
| |
|
|
|
|
|
|
|
|
|
Re: فى امر مبايعة الرئيس ... او اٍيثار السـلامة ! (Re: محمد الجزولي)
|
اعتذار وتنويه
اولا\ لصاحبة البوست التي لاشك قد ذهبت بعا الظنون الى اني قصد
تدمير البوست
ثانيا\ لجميع الزملاء والزميلات
القصة وما فيهااني استخدمت جهاز احد الاصدقاء
وكان هناك مشكلة في الجهاز (يركن) لم اكن اعلم بها
لذلك ضغت على زر الادخال بصورة متكررة وخرجت مباشرة ولم ارجع للمنبر لمشاهدة المداخلة
وحدث ما حدث للحقيقة ان العريس تمبس نبهني لذلك لكني كنت قد غادرت المكتب
وحيث اني استعمل جهاز المكتب تاخرت في الرد
لذلك اكرر اعتذاري للفاضلة دينا ودي اول مداخلة لي في بوستاتهاجاءت بهذه الصورة
وللجميع ايضا
| |
|
|
|
|
|
|
| |
دينا خالد
حليمة محمد عبد الرحمن
كمال علي الزين
Hussein Mallasi
Nazik Eltayeb
قيقراوي
عمر عشاري
tmbis
كمال سالم
Kostawi
محمد عبد الماجد الصايم
محمد حيدر المشرف
Ahmed Yousif Abu Harira
Mohamed E. Seliaman
محمد الجزولي
فيس بوك
تويتر
انستقرام
يوتيوب
بنتيريست