|
|
 فـطـوّمـة قـالـت: لآزم ننشر قصيدتها في سودانيز اونلاين...
|
فـطــوّمـة...
شِتيــلـة مفرهــدة ونـايــرة بـرآءة الدنيـا فـي عــيونـا
فـوق عِــز الأهـل قايـمـة حِـليــوة صغيــرة درفــوّنـة
نسـايـم الريـد تمـيل بيهـا عشـان هـى لِوينــة عـرجـونـة
شاربـة الـفـرحـة مـن الـنـيل لــون الـبُـرتُـكـان لـونـا
بالأدب الرفــيـع والـذوق والحِــنــيّـة مــفــطــومـة
وِديعـة فـآل بـخيـت وسـعيـد فـي رِويحــتـنا منـضـومـة
فضـايـلها تـرمى لقـــدآم بِــنـيــات الـفــريـق دونــا
بِـسـيمتا تـرضى كُـلّ الـنـاس وحـاتـكم جـد قـلـيـل لومـا
محـصنة بالضُـحى ويـاسيـن مـن الفـارغـة مـعــصـوّمـة
مـع أنفـاسـي طالـعـة ونـازلـة فـي عـينـيا مـرســوّمـة
بحِـس بالـحُـمى فـي جُـواى كـان حسـيـتا مـحــمـوّمـة
وأقالـد الفـرحـة لمـا أشــوفا فـي ضحـكاتـا مـخـتـوّمـة
أكـان وصـفــوهـا بالـقــمـرا أقــول واللهِ مـظـلـوّمـة
دِى أحـلى مـن القمـر يـا نـاس وفـى السمحات كبـيـر كومـا
وكـان فـتشـتو كٌـلّ الكـون بتـلـقــوا حـلاتـا مـعـدومـة
بـســم اللهِ مـا شـــاء الله بـســأل ربــنــا يـصــونـا
يحفـظا مـن سهـام العـين بِنـيـتـى الحِلـوّة فــطــوّمــة
ود الــمــديــر...
بِنيتى الحِلوة فطوّمة...
|
|
 
|
|
|
|
|
|
|
 Re: فـطـوّمـة قـالـت: لآزم ننشر قصيدتها في سودانيز اونلاين... (Re: د.نجاة محمود)
|
Quote: حلوه فطومة .. تشوفها تنسى هموم الدنيا ..
ماشاءالله عليك يا فطومة ياعسوله ..
ربنا يحفظك ويغطيك وينجيك ..
وخمس وخميسه على العين الشافتك وما سمت وصلت ..
اها يا معاوية يا اخوي نحجز ولا يستر الله ...
اصلوا نحن الباوقة والمنقه دي ما عايزين نفوته.. |
آمين يا أختنا عفاف.
فطومة بتقول ليك شكراً يا عمتو، وهي خجلانة.
وأنا بقول ليك مش تحجزو وبس. فطومة حقتكم
وإنتو حُرين فيها...
شكراً عفاف...
| |
|
|
|
|
|
|
|
|
|
Re: فـطـوّمـة قـالـت: لآزم ننشر قصيدتها في سودانيز اونلاين... (Re: يحي ابن عوف)
|
Quote: معاوية
ربنا يحفظ ليك فطومة
محـصنة بالضُـحى ويـاسيـن مـن الفـارغـة مـعــصـوّمـة
مـع أنفـاسـي طالـعـة ونـازلـة فـي عـينـيا مـرســوّمـة
أبيات راقية
تحياتي |
آمين أخي أبو جهينة،
فطومة بتقول ليك:أنا بحب اتبرا شديد يا عمو
ولو إنت جيت اتبرا بجيك من السيالة
أزورك في البيت.
تسلم يا ريس. إن شاء الله نجيك
في جديد الوليدات...
| |
|
|
|
|
|
|
|
|
|
Re: فـطـوّمـة قـالـت: لآزم ننشر قصيدتها في سودانيز اونلاين... (Re: معاوية المدير)
|
Quote: الأخ معاوية
السلام عليكم
حفظ الله لكم فاطمة و جعلها قرة عين لك و لوالدتها.
اسم فاطمة اسم جميل حبيب إلى القلب فهو اسم سيدة نساء العالمين و حبيبة رسولنا الكريم صلى الله عليه و سلم. و هو اسم أمي الحبيبة حفظها الله و رعاها و اسم بنتي الغالية فطومة التي سأسرق قصيدتك الرائعة و أهديها له |
آمين أخي العوض،
اللهُمّ صلي وسلم وبارك على سيدنا
محمد وعلى أهله وسلم تسليماً كثيرا.
فطومة بتقول ليك سلّم على الوالدة
والقصيدة نُص بالنُص بينى وبين
فطومتك.
نسأل الله أن يحفظ الوالدة، ويحفظ
فطومة وتحايانا ليهن...
| |
|
|
|
|
|
|
|
|
|
Re: فـطـوّمـة قـالـت: لآزم ننشر قصيدتها في سودانيز اونلاين... (Re: معاوية المدير)
|
Quote:
المديـــر سلامات ...
تحياتي لفطومة وليك ولكل الاهل بالسيالة ...
قول ليها عمكـ حيدر الكنناري قال ليك إنت عسل مصفي ..!
ربنا يحفظها ويغطي عليها ويوفقها في دراستها وحياتها |
مرحبتين حبابك حيدر الزين،
تقبل تحايانا وتحايا أهلك ناس السيالة.
فطومة بتقول ليك: آمين، وشكراً يا عمو حيدر
لو جينا اتبرا وبقيت إنت في كنور والله نجي
نسلم عليك...
| |
|
|
|
|
|
|
|
|
|
Re: فـطـوّمـة قـالـت: لآزم ننشر قصيدتها في سودانيز اونلاين... (Re: ismeil abbas)
|
Quote: أخى معاوية..ربن يحفظ ليك وبينا فطومة..الحلوة الفى الصورة ماده قدومه...
Quote: أكـان وصـفــوهـا بالـقــمـرا أقــول واللهِ مـظـلـوّمـة
دِى أحـلى مـن القمـر يـا نـاس وفـى السمحات كبـيـر كومـا
تحياتى لها..ولك.... |
الرجل القُدوة أخونا إسماعيل عباس،
ســـــلام.
آمين أخي إسماعيل،
فطومة بتقول ليك أنا بريدك يا عمو إسماعيل،
وإنت شِعرك أحسن من حق أبوي... وأصل...
مشكور يا إسماعيل...
| |
|
|
|
|
|
|
|
|
|
Re: فـطـوّمـة قـالـت: لآزم ننشر قصيدتها في سودانيز اونلاين... (Re: معاوية المدير)
|
ماشاء الله تبارك الله ... حفظهاالله وراعاها -
جاء في الاثر ان امير المؤمنين عمر بن الخطاب رضي الله عنه قد قال: (لولا ثلاث ما أحببت البقاء في الدنيا ...منها وان اجالس اقواما ينتقون اطايب الكلام كما ينتقون اطايب الثمر )
... وشخصى الضعيف يقول لولا مثل هذه البوستات لما كان لنا في البورد بقاء ...
ربنا يحفظها ... اخوك ما شاء الله بيت عزابه ... خشونه وعنف قانوني ... ولمن نلاقي فاطمه العوض الفوق دي - من خريف لخريف- الواحد بيكون زى رواد الفضاء - ماشى فى الهوا
| |
|
|
|
|
|
|
|
|
|
Re: فـطـوّمـة قـالـت: لآزم ننشر قصيدتها في سودانيز اونلاين... (Re: طارق أحمد عثمان)
|
Quote:
ماشاء الله تبارك الله ... حفظهاالله وراعاها -
جاء في الاثر ان امير المؤمنين عمر بن الخطاب رضي الله عنه قد قال: (لولا ثلاث ما أحببت البقاء في الدنيا ...منها وان اجالس اقواما ينتقون اطايب الكلام كما ينتقون اطايب الثمر )
... وشخصى الضعيف يقول لولا مثل هذه البوستات لما كان لنا في البورد بقاء ...
ربنا يحفظها ... اخوك ما شاء الله بيت عزابه ... خشونه وعنف قانوني ... ولمن نلاقي فاطمه العوض الفوق دي - من خريف لخريف- الواحد بيكون زى رواد الفضاء - ماشى فى الهوا |
آمين أخي مرتضى،
ولك جزيل الشكر.
فطومة بتقول ليك شكرأ يا عمو،
ونحن في إنتظار فطومة مرتضى.
عندك فطومة معاوية، وفطومة العوض، برضو ممكن
فطومة معاوية تكون فطومة العوض، وفطومة العوض
تكون فطومة معاوية، ونحن كلنا في إنتظار فطومة
مرتضى، يارب...
| |
|
|
|
|
|
|
|
|
|
Re: فـطـوّمـة قـالـت: لآزم ننشر قصيدتها في سودانيز اونلاين... (Re: معاوية المدير)
|
Quote:
( أميرة
في توب الأمير الله فوقها )
بنت المدير
سمحة
وفي السمحات أميرة
( تشبهي الفل في الجناين)
والسمرة في بحر الدميرة
سمحة يا أم الجدائل
الفرحة من عينيك جداول
ساقية شتوي من يومه طاول
سمحة يا جذوة أهلنا
توقد الحن في المحنة
وتبرد الحم النارو جنة
ربي يحفظها |
آمين يا سِرى،
فطومة بتقول ليك: يا عمو المسافر تعال نمشي الباوقة
عشان أنا بريدها، وصورتي دى في الباوقة. كمان وراي
البحر وفي شجرة صفصاف. شكراً على القصيدة الحلوة.
مشكور يالمسافر على نظم الجابودي.
دايرلو طمبآرة...
| |
|
|
|
|
|
|
|
|
|
Re: فـطـوّمـة قـالـت: لآزم ننشر قصيدتها في سودانيز اونلاين... (Re: معاوية المدير)
|
الله يخليكم لبعض
بالطبع هو رزيم الجابودي
والأشياء الجميلة دائماً بتحرك الدواخل في صورة مشابهة لرزيم الجابودي
ولذلك بديت هذه الكلمات بالأغنية التي يغنيها ود الحوري بالطنبور المشهور
"" أميرة في توب الأمير
الله فوقها
جات تقدل عصير"
نفس الشئ هناك شريط للفنان العبقري وردي وفيه أغاني بالطنبور فيها القمر بوبا
وفيها ياسلام منك أنا آه يا سلام...
الحياة نفحة الهية
والبنون من نعم الحياة ومنحة من الله
وإنشاء الله في الأيام القادمة سوف أنزل ليك صورة العروسة خديجة نصر الدين حسن المدير
وكما تعلم والدكم الكريم محمد عثمان المدير وحسن مصطفى المدير كانو أصدقاء مقربين للوالد..
وفي عام 1964 سكنا لمدة سنتين في بيت والدكم في السيالة - عطبرة، وفي البيت كانت في غرفة للحمام الرقاص، وهو نوعية إنجليزية نادرة ، كنت أقوم برعايتها وتغيير أواني الشراب والبذور لها، كذلك هناك تعريشة خاصة بها مجموعة كبيرة من دود القز ينتج الحرير... ما عارف انك كنت مولود في ذلك الوقت ؟؟
| |
|
|
|
|
|
|
|
|
Re: فـطـوّمـة قـالـت: لآزم ننشر قصيدتها في سودانيز اونلاين... (Re: المسافر)
|
Quote: فطومة بتقول ليك أنا بريدك يا عمو إسماعيل،
|
ياسلام يافطومة....الحلوة لكومة...
الرائعة فى فنونه...الزاهية فى لونه..
كان شفتو الجمال كلو خاتنو فى عيونه...
وكان شفتو السماحة كمان ..وهى صارة قدومه...
ناس الفريق قالوا.....حلوة وسغنتونه...
لك ولآسرتك الكريمة خالص الود....وخاصة فطومة...وقول ليها عمو إسماعيل قال ليك..شدى حيلك وأبقى لينا زولة مسؤولة...
تقديرى وأحترامى..
| |
|
|
|
|
|
|
|
|
|
Re: فـطـوّمـة قـالـت: لآزم ننشر قصيدتها في سودانيز اونلاين... (Re: ياسر بيناوي)
|
Quote: وإنشاء الله في الأيام القادمة سوف أنزل ليك صورة العروسة خديجة نصر الدين حسن المدير
وكما تعلم والدكم الكريم محمد عثمان المدير وحسن مصطفى المدير كانو أصدقاء مقربين للوالد..
وفي عام 1964 سكنا لمدة سنتين في بيت والدكم في السيالة - عطبرة، وفي البيت كانت في غرفة للحمام الرقاص، وهو نوعية إنجليزية نادرة ، كنت أقوم برعايتها وتغيير أواني الشراب والبذور لها، كذلك هناك تعريشة خاصة بها مجموعة كبيرة من دود القز ينتج الحرير... ما عارف انك كنت مولود في ذلك الوقت ؟؟ |
أخونا نصر الدين حسن مصطفى، نسأل الله له الرحمة والمغفرة.
ما شاء الله البنيات كبرن وبقن عروسات. (في إنتظارالصورة)
في ذلك الوقت كان عمري ثلاث سنوات، وفطومة لمان كانت صغيرة
كنت أرقدها في سدري وأهدهدها دوماً بهذه الآغنية وأظنها أيضاً
من ضرب الجابودي:
الله ليلي شِن تشبه بلا الدافننو في بطن المطامير!
لدروبك إنت ما شقن بوابير
يا قشيش نص الخلا الفوق في العتامير
البكركر رعدو وديّما سماهو عِكير
السمح مرعآك يا قش التناقير
جات تدلى بالوديان عديلة
كاحلة بلا كُحُل بت القبيلة
نِفيسك شمعوهوجوّه الفتيلة
يا عجو المحس التقيل دلآ العراجين
إنت ما بيدوك لزولاً مِسكين
إلِ واحداً تمرو مقرون في البساتين
سواقيهو تصحي الكانو نايمين
حليلك يا أم جبين يا بدر دورين
سديرك عام تقولغُرر الوزازين...
التحية لك أخي المسافر...
| |
|
|
|
|
|
|
|
|
|
Re: فـطـوّمـة قـالـت: لآزم ننشر قصيدتها في سودانيز اونلاين... (Re: د.نجاة محمود)
|
Quote:
ياسلام يافطومة....الحلوة لكومة...
الرائعة فى فنونه...الزاهية فى لونه..
كان شفتو الجمال كلو خاتنو فى عيونه...
وكان شفتو السماحة كمان ..وهى صارة قدومه...
ناس الفريق قالوا.....حلوة وسغنتونه...
لك ولآسرتك الكريمة خالص الود....وخاصة فطومة...وقول ليها عمو إسماعيل قال ليك..شدى حيلك وأبقى لينا زولة مسؤولة...
تقديرى وأحترامى.. |
ولك الحب والمودة وخالص التقدير، ولأسرتك الكريمة خالص الوُد.
فطومة بتقول ليك: يا عمو إسماعيل وصيتك حأعمل بيها إن شاء الله،
وشكراً على القصيدة الحلوة شديد.
| |
|
|
|
|
|
|
|
|
|
Re: فـطـوّمـة قـالـت: لآزم ننشر قصيدتها في سودانيز اونلاين... (Re: Nasir Ahmed Elmustafa)
|
Quote:
اهااااااااااااا القصيدة زين سمحة وما بناباها
لكن بالجد انا زعلان شديد
تنزل صورة المدام في منبر عام ومن غير شورتي كمان
اهادا الكلام المابينفع معانا
وبعدين يا ابو النسب ياخي انا كنت في البلد بعمل في اجراءات الترشيح
للانتخابات هنديات شنو ..؟
ياخي انت حتناسب سيناتور اد الدنيا
خالص الود
تحياتي لي رفارف قلبي فطومة |
أووووه أخونا الهندي. مرحبتين،
فطومة بتقول ليك: يا عمو ياسر يأخ ما تهزر،
عمتو عفاف بتزعل مِنّك...
أوووووعك تخلي عفاف تسمعك...
| |
|
|
|
|
|
|
|
|
|
Re: فـطـوّمـة قـالـت: لآزم ننشر قصيدتها في سودانيز اونلاين... (Re: معاوية المدير)
|
Quote:
الليلتنا تب
محسوبتك من الداخلة |
أها ما قُتلِك...
قبل إلتحاقي بسودانيز أونلاين كانت بيناتنا مدخلات عرفت من
خلالها إنك من الداخلة. وقتها كنت أكتب عن طريق الأخ
منصور المفتاح، وصاحب البوست كان الأخ عبد العزيز
الفاضلابي.
شكراً دكتورة نجاة والله الواحد لمان يلقى ناس اتبرا
يفرح من جوّه قلبو...
تاني فطومة بتسلم عليك...
| |
|
|
|
|
|
|
|
|
 Re: فـطـوّمـة قـالـت: لآزم ننشر قصيدتها في سودانيز اونلاين... (Re: معاوية المدير)
|
Quote: فـطــوّمـة...
شِتيــلـة مفرهــدة ونـايــرة بـرآءة الدنيـا فـي عــيونـا
فـوق عِــز الأهـل قايـمـة حِـليــوة صغيــرة درفــوّنـة
نسـايـم الريـد تمـيل بيهـا عشـان هـى لِوينــة عـرجـونـة
شاربـة الـفـرحـة مـن الـنـيل لــون الـبُـرتُـكـان لـونـا
بالأدب الرفــيـع والـذوق والحِــنــيّـة مــفــطــومـة
وِديعـة فـآل بـخيـت وسـعيـد فـي رِويحــتـنا منـضـومـة
فضـايـلها تـرمى لقـــدآم بِــنـيــات الـفــريـق دونــا
بِـسـيمتا تـرضى كُـلّ الـنـاس وحـاتـكم جـد قـلـيـل لومـا
محـصنة بالضُـحى ويـاسيـن مـن الفـارغـة مـعــصـوّمـة
مـع أنفـاسـي طالـعـة ونـازلـة فـي عـينـيا مـرســوّمـة
بحِـس بالـحُـمى فـي جُـواى كـان حسـيـتا مـحــمـوّمـة
وأقالـد الفـرحـة لمـا أشــوفا فـي ضحـكاتـا مـخـتـوّمـة
أكـان وصـفــوهـا بالـقــمـرا أقــول واللهِ مـظـلـوّمـة
دِى أحـلى مـن القمـر يـا نـاس وفـى السمحات كبـيـر كومـا
وكـان فـتشـتو كٌـلّ الكـون بتـلـقــوا حـلاتـا مـعـدومـة
بـســم اللهِ مـا شـــاء الله بـســأل ربــنــا يـصــونـا
يحفـظا مـن سهـام العـين بِنـيـتـى الحِلـوّة فــطــوّمــة |
تسلم يا معاوية على الكلمات العميقة معنى ودلالة
وربنا يحفظ ليك الأمورة فطومة ويسعدك بها
خالص التحايا والاشواق
| |
|
|
|
|
|
|
|
|
|
Re: فـطـوّمـة قـالـت: لآزم ننشر قصيدتها في سودانيز اونلاين... (Re: فضل الصادق)
|
Quote:
يا سلالالالالالالالالالالالالام يا نديدي ,,, فطومة السمحة ربنا يحفظها ويغطيها
وان شاء الله نشوف سمحها يا رب,,, كلم امها تبخرها |
آمين يا نديدي سيف،
فطومة بتقول ليك: شكراً يا عمو سيف. أنا بريدك
شديد، ولمان المقداد يسجل في برشلونة حانجيكم
في نيويورك.
مشكور يا سيف. إن شاء الله نجيكم في جديد
الوِليدات...
| |
|
|
|
|
|
|
|
|
|
Re: فـطـوّمـة قـالـت: لآزم ننشر قصيدتها في سودانيز اونلاين... (Re: Nola)
|
Quote:
ربنا يخلى ليك فطومه
تقدل فى مشيتها متل وزينه
كاسيها توب عفاف فى خضره جميل لونه
ربنا يحفظها بما حفظ به عباده الصالحين ويجعل دربها أخضر عليكما ويجنبها الإحن والمحن
والبلايا ويقر بها أعينكما.
تستاهل القصيدة الحلوه الشفيفه من قلب يسع الدنا كلها وهو قلب الوالد . |
آمين أخي فضل،
فطومة بتقول ليك: يا عمو فضل شكراً ليك،
وشكراً علي القصيدة.
يستاهلك الخير يا فضل، وربنا يديك
الصحة والعافية...
| |
|
|
|
|
|
|
|
|
|
Re: فـطـوّمـة قـالـت: لآزم ننشر قصيدتها في سودانيز اونلاين... (Re: معاوية المدير)
|
Quote:
ود المدير سلامات
ماشاء الله تبارك الله
فطومة ربنا يحفظه ويخليها ليك
الا يا دكتورة نجاة فطومة دي حقتي انا تب
فاضلابية ومن ام الطيور وجدي نواوي
الداخله بيتنا اها قلتي شنو هههههه |
آمين أختي منال،
فطومة بتقول ليك: شكراً ليك يا خالتو منال. إنت
خالتي وعمتي، وأنا حقتكم كلكم. وكمان تاني شكراً
ليك عشان عملت الصورة حلوة.
مشكورة يا منال، وسلمي لينا على خليفة
أحمد علي...
| |
|
|
|
|
|
|
| |
معاوية المدير
عفاف الصادق بابكر
هند محمد
ابو جهينة
Elawad
سيف اليزل برعي البدوي
doma
يحي ابن عوف
HAIDER ALZAIN
ismeil abbas
المسافر
naeem ali
ياسر بيناوي
Nasir Ahmed Elmustafa
Ammar Elyas Babiker Hassan
سيف الدولة كامل
هاشم أحمد خلف الله
فضل الصادق
فيس بوك
تويتر
انستقرام
يوتيوب
بنتيريست