|
|
|
 Re: .. فيديو كليب سودانى .. خطييير.. ويامجاهد عثمان انت زول فنان (Re: مجدي عبدالرحيم فضل)
|
ابوقصى مجدى عبد الرحيم سلامات
Quote: بس قصة الفيديو كليب دي محتاجة تجويد
وتناسق ماتكون بس لون ووجه الزولة دي جارية في غابة السنط ولا شنو ياعامر
|
من وجهة نظرى يامجدى ان الكليب كله موفق جدا خاصة فى جوانب التصوير
وهندسة الصوت اما فى موضوع القصة اعتقد هناك تطور كبير وماتنسى
الاغانى المصورة السودانية كلها زى لعب البلى يحاسوها بجاى وجاى يعنى
لو قال الفنان يارمال حلتنا طوالى يجيب ليك قيزان الرملة ولوقال الفنان
نخيلنا يجرى المخرج ويجيب ليك طبق حق بلح
يا مجدى الجماعة العملوا الكليب ده شباب زى الورد
ومن قلبى اتمنى ليهم التوفيق
| |
 
|
|
|
|
|
|
|
|
Re: .. فيديو كليب سودانى .. خطييير.. ويامجاهد عثمان انت زول فنان (Re: ناصر احمد الامين)
|
| Quote: انا شخصيا عجبني السيناريو (البسيط .. العميق) دا، و ما عارف ليه اتذكرت اغنية (مادونا) Frozen |
ربما يكون الامر كما ذكرت اخى ناصر فهناك بعض العوامل المشتركة فى الكليبين
مثل الفستان بين مادونا وبتنا السودانية سماهر وكذلك الصقور التى تملا خلفية
الصورة وربما هناك عامل اضافى اخر مثل الموسيقى القريبة من الصينية فى
الكليب السودانى بحكم المشاركة فى سلم موسيقى واحد اما فى كليب مادونا
فهناك اشارة الى لمحة موسيقية يابانية مثلما وردت الاشارة فى نهاية الكليب
وفعلا ياناصر عمل مقدر ومجهود كبير من هؤلاء الشباب اللذين قدموا هذا العمل
الناجح
شكرا ياناصر
| |
|
|
|
|
|
|
|
|
|
Re: .. فيديو كليب سودانى .. خطييير.. ويامجاهد عثمان انت زول فنان (Re: عامر تيتاوى)
|
Quote: استاذنا الموصلى
عندما افترعت هذا الخيط تمنيت
ان تراه انت بالذات لان رايك مهم
جدا فى هذا الموضوع وانتم اهل
الاختصاص وقد صدق حدسى وانت
تمنح هذا العمل الجرىء اعجابك
وهوامر ليس بالسهل
ويفتح ابوابا جديدة لشباب مبدع
قادم بقوة |
هنالك ياتيتاوي شباب كثيرون مبدعون الي الحد البعيد
يتواصلون معي عبر الفيس بوك والايميل
يبشرون بانتصارحقيقي سيطفو علي السطح قريبا
وسيسود وستنزوي ظاهرة الاجترار والمجترين
ومشايعيهم
ابشر بالخير
| |
|
|
|
|
|
|
|
|
Re: .. فيديو كليب سودانى .. خطييير.. ويامجاهد عثمان انت زول فنان (Re: Elmosley)
|
الأخ عامر و استاذنا الموصلي وبقية عقد هذا البوست ..
تحية طيبة وصباح الخير...
من شدة اعجابي بهذا الكليب عرضته على صديقي وهو مايكل شمديتز وزميلي بالجامعة وعندنا مادة مشتركة مع بعض وهي الادب الانجليزي ولكنه متخصص في الافلام وصناعتها ..مؤخراً اصبحت لديه رغبة في الفديو كليب .. المهم مايكل هذا انسان بسيط وجميل الدواخل ومن خلال حكاياتي عن السودان احب السودان والسودانيين.. المهم عرضت هذا الكليب عليه لمعرفة (رأيه ) كاختصاصي. واخد ورقة وقلم ودون الآتي ( بالمناسبة ترجمت له كلمات الاغنية ترجمة ادبية ) :
اولاً القصة جميلة واعجبته البنت ( لمن اتعقدت ) وقال لي ان لها وجهها معبر جداً حكى عن الآمها لهذا الفراق .
ثانيا استخدام الألوان جميل ولكنه عاب على صانع الفلم استخدام خاصية معينة لا اذكرها جعلت الألوان تبدو ( ازيد ) من الطبيعية .
ثالثا لبس للفتاة يدل على عدم تغييرها اما الفنان ( اذا كان هو محور القصة او الطرف التاني ) تغييره لملابسه يعني استمراره في الحياة من غير تأثر عكس الفتاة .
رابعا قلة العفوية spontaneous في بعض الاحيان ...
اما اكثر مشهد اعجبه فهو مشهد ركض الفتاة داخل الغابة وبالمناسبة حللنا الفيدو كلب مع بعض وكانت ملاحظتي ان المخرج ( او مؤلف القصة ) لو اختار الغابة كدليل على ان الحياة اصبحت كالغابة يستحق العلامة الكاملة . ( مايكل اعجبته هذه الملاحظة بشدة ) .
ما انظر ليكم اكتر عشان ما اقدكم ويبقى ( دمي تقيل ) ولو عندك عناوين الناس الفي الكليب ده رسلم لي في الماسنجر الداخلي يا عامر لو سمحت ..
اخوك
اسامة
| |
|
|
|
|
|
|
|
|
|
Re: .. فيديو كليب سودانى .. خطييير.. ويامجاهد عثمان انت زول فنان (Re: Osama Mohammed)
|
اسامة محمد لقد احسست باعجابك وتقديرك لهذا العمل الفنى
من خلال حروفك الطيبة والمليئة بالصدق وقد قدمت خدمة كبيرة
لكل المهتمين بهذا الشان من خلال الملاحظات الفنية لصديقك
مايكل شمديتز بما فيها من قيمة مهنية كبيرة وخبيرة
وساعود الى الموضوع برواقة لكننى وددت فقط ان اقول لك باننى
للاسف لا املك اى وسيلة اتصال باى ممن قاموا بهذا العمل
لاننى فقط معجب من بعيد وليس لدى سابق معرفة باحدهم
ولك مودتى يااسامة
| |
|
|
|
|
|
|
|
|
|
Re: .. فيديو كليب سودانى .. خطييير.. ويامجاهد عثمان انت زول فنان (Re: عامر تيتاوى)
|
استاذنا الموصلى :
Quote: هنالك ياتيتاوي شباب كثيرون مبدعون الي الحد البعيد
يتواصلون معي عبر الفيس بوك والايميل
يبشرون بانتصارحقيقي سيطفو علي السطح قريبا
وسيسود وستنزوي ظاهرة الاجترار والمجترين
ومشايعيهم
ابشر بالخير |
حلم جميل وامنية نتمنى ان تزهر غدا
ومصداقا لما ذكرت فان لا احد يعلم شيئا
عن مجاهد عثمان ثم يخرج بكل هذه القوة
والعنفوان وهذا يؤكد ان هناك كثيرون
عدا مجاهد ينتظرون الفرصة
| |
|
|
|
|
|
|
|
|
|
Re: .. فيديو كليب سودانى .. خطييير.. ويامجاهد عثمان انت زول فنان (Re: غباشي)
|
حبيبنا تيتا اشواق بلا حدود ...كالعادة دائما تتحفنا بالجميل الراقي
ماعندي كلام اقولة غير انه نجم ات ..وسيلمع وسط النجوم ويبهرنابهذا الصوت الملائكي
تعرف اغمض عينيك واسمع ..حتلقي كليب اخر يخرج من احاسيسك وتلقي الصورة اجمل ..
ابداع صورة وصوت ..
مع امنياتي له بالتوفيق ونحن في انتظار الجديد لهذا الواعد الفنان
لك وله كثير محبتي
| |
|
|
|
|
|
|
|
|
|
Re: .. فيديو كليب سودانى .. خطييير.. ويامجاهد عثمان انت زول فنان (Re: عماد شمت)
|
Quote:
علي الجالسين في مكانهم محلك سر والاجتراريين ان يعلموا
بان جيلا جديدا من المبدعين يتحرك تحت الارض في بركان
سينفجر قريبا
ان مزاوجة الاصالة بالمعاصرة بطريقة السهل الممتنع
امر غاية في الصعوبة ولكنهما تجاوزاه لحنا وتوزيعا
ماشا الله عليهما جرآة تتطلب اعجابي |
لا اعتقد عندي تعليق أفضل من ده
عمل يستحق الثناء والتقدير
ولكم الود
| |
|
|
|
|
|
|
|
|
|
Re: .. فيديو كليب سودانى .. خطييير.. ويامجاهد عثمان انت زول فنان (Re: ahmed khidir)
|
Quote: علي الجالسين في مكانهم محلك سر والاجتراريين ان يعلموا
بان جيلا جديدا من المبدعين يتحرك تحت الارض في بركان
سينفجر قريبا |
عارف يا أستاذ الموصلى ..
أنا مرات بمازح أصحابى بمرارة وأقول ليهم أنتو عارفين يا جماعة يكون ربنا سبحانه وتعالى أدانا كوتتنا من الفنانين دفعة واحدة وأنتهى الموضوع على كدا!.
منذ بداية الخمسينات , عاش الشعب السودانى فى زمن ملئ بالأبداع والمبدعين , كل فنان فيه متفرد بأدائه وصوته وأصالته وألحانه الخاصة . هذا الجيل من الفنانين والمبدعين بدأ يتساقط بالموت أو ينزوى بحكم الزمن . ومع كل التقدم التقنى والفنى والثقافى الذى أكتسبته البشرية , وكأن بطون النساء فى السودان قد عُقرت , لم نحظى بجيل من الفنانين الشباب يستطيع أن يملأ هذا الفراغ الفنى الحادث فى الساحة السودانية , والذى كان من المفترض فيه أن يكون أكثر إبداعا وأكثر ثقافة وأكثر تقنية .. فعشنا زمن الإجترار .
فوالله فهذه بشائر خير إن كان هناك جيل من المبدعين (يتحرك تحت الأرض) .. وقد آن له ينفجر . فقد إنتظارنا .
شكرا للأخ تيتاوى
وشكرا للفنان الشاب مجاهد عثمان
تحياتى الطيبة
.
| |
|
|
|
|
|
|
|
|
|
Re: .. فيديو كليب سودانى .. خطييير.. ويامجاهد عثمان انت زول فنان (Re: ليلى عز الدين)
|
ليلى عز الدين
سلامات
للامانة النصرى زول غناى شديد ولديه بعض الاغنيات المصورة
وجميلة فى هارمونى
| Quote: بس صوت جميل و أحلى كتير من التصوير |
اكيد صوت مجاهد جميل ومعبر جدا ولكن التصوير هذه المرة قدم جديدا
واظهر على الاقل امكانية تطوير الدراما فقد ظهرت البنية سماهر بوجه معبر
جدا وتناسق حركى مع الاداء الموسيقى والمكان
وهذا راى المتواضع وغير المتخصص وكمتلق فقط ان هذا الفيديو
خطير ويكشف وجود امكانيات سودانية شابة كبيرة تريد ان تنفذ من براثن
التقليد والاحباط الى سماوات الابداع والتجديد
| |
|
|
|
|
|
|
| |
عامر تيتاوى
غباشي
محمد زكريا
مجدي عبدالرحيم فضل
ناصر احمد الامين
Elmosley
طارق جبريل
Osama Mohammed
مرتضى احمد عبد القادر
احمد محمد بشير
ليلى عز الدين
عماد شمت
ترهاقا
خالد علي محجوب المنسي
ahmed khidir
Dr Mahdi Mohammed Kheir
عبدالله كع
Balla Musa
على محمد على بشير
احمد العربي
فيس بوك
تويتر
انستقرام
يوتيوب
بنتيريست