|
|
 مأساة الشاب موسى عمر بمستشفى بحري
|
في اثناء تواجدى بمستشفى بحرى نهار اليوم الجمعة 22/1/2010م لزيارة احد اقاربي الذى يرقد طريح الفراش بقسم الباطنية ، نبّهنى احد الاقارب بان هناك شاب طريح الفراش هنا ، وليس لديه ام ولا أب .. فاخذته معي وذهبنا سويا للشاب موسى عمر ، وجدناه محتارا وكانه ينتظر شيئا ، ولكنها في الحقيقة لحظة يأس من الدنيا وما فيها ، اخذته بعيدا وبدات اسأل فيه ..
يقول : ( اسمى موسى عمر ، عمري 19 سنة ، من قرية اسمها (...) ذكره لى ولكن لغرابة الاسم نسيته ، ويقول : ( في سنة 2000م كنت سارح بالبهائم فى الخلا الجنب حلتنا ، حصل ضرب في الحلة والحلة اتحرقت كلها ، وتانى ما رجعت لاهلي لانو ما فضل زول ( على حد قوله ) ، وانا برضو انضربت في ركبتى ) طلبت منه ان يفتح ركبته وبالفعل وجدت آثار اصابة قديمة .. يواصل موسى حديثه ويقول : ( مشيت بابنوسة وبعد داك مشيت هجليج ، وعملوا لي عملية في العيون ، كنت ما بشوف نهائي الا يقودونى ، وقضيت في هجليج ثمانية سنوات بعدها جيت هنا ( مستشفى بحري ) وانا هسي عندي سُكري ، وما بعرف اي زول فى البلد دى ، وبقيت قاعد هنا ، وعندي سرير في العنبر فوق ، وعندي ملف عند الدكاترة ، والدكاترة بدونى العلاج لكن الحقن الفاضية بمشى اشتريها براي ، بمشى اشحد الف الفين اشترى منها الحقن الفاضية وآكل منها ) .
ذهبت معه للممرض الموجود وسالته عن مدى معرفته بالشاب موسى ، قال لى ان كل ما يعرفه عنه هو وجوده بالمستشفى منذ اغسطس الماضى ولا يوجد معه احد طيلة هذه المدة وان الدكاترة لم يقصروا معه ، واطلعنى على الملف الخاص به لكنى لا اعرف فى امور الطب شيئا ..
بعد ذلك سألنى الشاب موسي قائلا : ( اها رايك فينى شنو ؟ ) قلت له ماذا تريد وماهو هدفك .. قال : ( لو لقيت لى طبلية يكون كويس ، عشان اعيش منها واقدر اشترى العلاج بتاعى ، وما اشحد زول تانى ) ..
|
|
 
|
|
|
|
|
|
|
 Re: مأساة الشاب موسى عمر بمستشفى بحري (Re: باسط المكي)
|
تحياتي معاويه ومساك سعيد ..
اول حاجه اشكرك كتير لايراد البوست , يلا عشان نكون عمليين
نقوم نعمل زياره ميدانيه انا وانت (اذا وافقت طبعا) نمشي
مستشفى بحري , عشان نقيم حوجه العم دا بالضبط شنو ,
لاني متاكده انها ما حاتكون الطبليه بس , اكيد لانو مريض
بالسكري فهو محتاج لي انسولين وادويه اخرى زي الفيتامينات مثلا ,
وكمان محتاج لي شويه ملابس , ولو قدرنا وربنا وفقنا محتاج برضو
لي حته ينوم فيها غير المستشفى اللي ما داير يطلع منها بسبب
الحوجه ولانو ما عندو حته تانيه يمشي ليها ..
المهم بكره انشالله نحاول نمشي ليهو باذن الله ..
العوض اخوي .. نجي نديك التمام عشان الشغل كلو يتم عن طريق
(تنادينا) ..
تحياتي معاويه .. وربنا يكتبو في ميزان حسناتك ..
| |
|
|
|
|
|
|
|
|
Re: مأساة الشاب موسى عمر بمستشفى بحري (Re: داليا الكباشى)
|
Quote: لاني متاكده انها ما حاتكون الطبليه بس , اكيد لانو مريض
بالسكري فهو محتاج لي انسولين وادويه اخرى زي الفيتامينات مثلا ,
وكمان محتاج لي شويه ملابس , ولو قدرنا وربنا وفقنا محتاج برضو
لي حته ينوم فيها غير المستشفى اللي ما داير يطلع منها بسبب
الحوجه ولانو ما عندو حته تانيه يمشي ليها ..
المهم بكره انشالله نحاول نمشي ليهو باذن الله ..
|
داليا الكباشى .. سلام وتحية
وجودك في هذا البوست ضرورى للغاية فانتم اهل الاختصاص
وانا لا اعرف في امور الطب شيئا كما ذكرت من قبل ..
اتمنى ان نوفق في زيارة هذا الشاب مرة اخرى ..
والوقوف على حالته وتقييمها ووضع الحلول اللازمة ..
وبالفعل هو يحتاج لكل ما ذكرتيه آنفا ، وعندما سألته عن الملابس من اين يقتنيها
قال لي : انه يقـوم برواية قصته للمتواجدين بالمستشفى فيعطوه ملابس .. وهكذا
| |
|
|
|
|
|
|
| |
معاوية عوض الكريم
العوض المسلمي
باسط المكي
داليا الكباشى
SHIBKA
خالد سند
أم سهى
فيس بوك
تويتر
انستقرام
يوتيوب
بنتيريست