|
|
 Re: شركة اردنية تكتشف 7 اطنان من الذهب في السودان (Re: khalid abuahmed)
|
خالد أبو أحمد
متعك الله بالصحة والعافية
زمان السجم خشمنا وجاب لينا محمد علي باشا وكتشنر الثروة والرجال أها المستعمر ما لقى ذهب بحجم الأهوال والمشوار بين أضنه والجيلي مسكوا في التانيه ، وأقول ليك شئ الرجاله تطير
اعلنت شركة برسلي الأردنية المختصة في مجال التنقيب عن الذهب امس عن اكتشافها حوالي سبعة أطنان ونصف الطن من الذهب في العاصمة السودانية الخرطوم .
هسي هنا في big question mark الخرطوم هنا موقعها شنو من الإعراب في الخبر أعلاه هل هي مكان لإعلان خبر وجود أطنان الذهب أم الذهب زاتو موجود فيها ، لأنه بحسب الخبر الناس بتحفر شمال شرق السودان ، وسؤال تاني ناس قريعتي راحت الكل واحد شايل ليهو جهاز وحايم في الخلا بدء من خلا بربر إلى آخر منطقة ممكن تشوف فيها بعينك المجردة يمشو وين بعد أن إشتروا أجهزة غاية في الدقة زي DIS 300 ودي قالو ليك ممكن وإنت يتنقب تظهر ليك على الشاشة رسالة تقول ليك وراك دبيب (ثعبان) وتحد ليك نوعهإذا كان سام أو حام ، وصديق اللدود اللوترابي الأمريكي بالجواز بس كاد أن يفتح شركة متخصصة في هذا الأجهزة وقطع غيارها وإكسسواراتها كمان فبعد أن كان يتاجر في كريمات ديانا وصابون تايد من دول الخليج يام أنا كان سوداني الجنسية خليجي الهوى يتتلتل في مطارات ومواني الوصول والمغادرة بما يحمله من ممنوعات ووزن زائد يتطلب فهلوة وحركات قردية لضمان الربح عدا عن ما يعانيه من صعوبات في إعادة رأس المال قبل تدويره أو تثلثه أصبح الآن يحمل عكازين زيو وزي أى رياضي فشل في القفز بالزانة أو كرة القدم الشاطئية فأصاب أنكله أو كاحله بإلتواء إستوجب معه وضع جبيرة وحمل عصاتين هما في واقع الأمر جهازي كشف المعادن والدبايب والعقارب.
| |
  
|
|
|
|
khalid abuahmed
almulaomar
جعفر محي الدين
فيس بوك
تويتر
انستقرام
يوتيوب
بنتيريست