|
Re: إطلالة الشاعر شهاب أحمد جحفر بديوان هواجس (Re: عبدالحافظ سعد الطيب)
|
هواجس 3
السبت قد تأتينني حبلى بعشقي أما انا00 أسير حبك والهوى وأسير خلفك في الثرى فيضج فينا عشقنا لما امتددنا في المدى00 عبر انديا حك في الافق00 كل النجوم تراقصت00 وأنا اتمازجك عمقا يمازج أعمقك عشقي تسامى00فاشراب إلى السماء وهج تأجج وانتمى ليغازل الوهج النجوم مداخلي 00والانفلات كوني أنا حتى الممات شبقي يضج بداخلي والسبت يأتي بانتماء الصدق فينا فأجوب في عمق افتتاني أدمنك نتداعى متى نحياج00 نتناجى00نغازل بعضنا نتلزز الإحساس نتلمس الحلم الجميل00الانفلات والسبت قد يأتي ولا تأتين فافقد الأشياء عندك والمساحات افقد العمق أللذي حطمه التفاضل00 والتنازل00 والوجاهات الحلم يبدو صورة ممجوجة العمق صمت اجوف00 وملامح لهواجس وضباب فالسبت قد تأتينني وبدون ملامحك
| |
|
|
|
|
|
|
Re: إطلالة الشاعر شهاب أحمد جحفر بديوان هواجس (Re: عبدالحافظ سعد الطيب)
|
لما خطانا تترتب
زى رزازا في الهجيرة في الرؤى ألجوانا حالمة رطب الزمن المؤجج بالهواجس في المسيرة وبين محطات التعب جيتي من بين الكلام فجيتي ألحان الغنى وقعتي اسمك في الأمام بانت ملامحك في الزحام بقت لهب شديتي عصب الانتباه هزيتي أحلام الزمان جادلتي خارطة المكان فجرتي في الأعماق أمان دو زنتي أنغام الطرب وبقيتي لحظات الترقب لما يمتد المدى لما تمتزج ألاماني وارتدادات الصدى في نهايات الاماسي بالنسيم المر عابر وانسرب وانتشرتك فيني إبداعات خطوك في خطاي خطوات وفي شم النفس جواي تطلي على القلب نقاط تطلعي من عيوني الق بتشابا لي أفق فسيح وأرحب ولما خطانا تترتب00 بتزيد مساحات التلاقي سر وجودك واشتياقي والجوة منك فيني باقي مني لي جوايا اقرب ابتديتك00 بنتي في جواي جبل اشتهيتك00 والهتاف في حلقي 00بل امتزجتك00 أيدي وأيدك للحتل واختزنتك00 فيني للزمن الصعب
| |
|
|
|
|
|
|
Re: إطلالة الشاعر شهاب أحمد جحفر بديوان هواجس (Re: عبدالحافظ سعد الطيب)
|
معاك برتاح مرقتا عليكي من بين التعب والشوق مخضب بالفرح دورين مجرتق بالعديل والزين لقيتك واقفة في الزمن المشوتر صاح وناديتك00 ادخلي عليا من كل الجهات رفيقة ومشبعة بالثبات معطنة بالطيبة ودعا ألامات ماصلة قدام للبنات وأبقى ضرا كي وكتين الهجير لفاح واخترتك00 نوال وحلال رفيقة حلي والترحال قلادة فأل وسترة حال معاك ارتاح ارحكي نصاح نبقى رماح زغاريد لي صبح صداح وتبقي قفايا وكتين الزمن وحاح
| |
|
|
|
|
|
|
Re: إطلالة الشاعر شهاب أحمد جحفر بديوان هواجس (Re: عبدالحافظ سعد الطيب)
|
محطة صدق
محطة في طول الطريق تيناتنا عبر الأزمنة البيني بينك لا غنا لا كلمة حلوة بدونا لا انبهار بي روعة فيك أو افتعال للدوزنة حاجة أجمل من دا كلو مطمئنة أنا ببدا بي أول كلام اخترتو ليك وشرحتو ليك انو المسافات الطوال لابد تقصر بالوصال وانو الكلام الماهو جد لابد نحسمو عشان محال تبقى الحقيقة بدون جدال ويبقى السماح شان الوصال لازم نقيف لو حتى لحظة من الزمان قدم خطوط الانكسار نفتح منافذ للخطى الجايانا من غير ارتجال نتنفس الوهج البدندن فينا يشمخ بينا00 ساكن فينا00 ما مابينا00 بس راجينا00 نتخطى الظروف ألماها أصلا بيت مقال أو وقفة قدام المحال خط الحدود الفاصلة فيني بتعرفيها عمق المسافات وامتدادا سكنتي فيها عارفاها من أول درب وين دايرة تاني تحدديها بعد الكلام الكاتبو أوضح من وجودنا علي الطريق نفس المقاطع وانسيابا علي الورق ضل الخطوط الخاتا رسمها في الخيال والانتقال00والانفعال00 واندياحات الرؤى المنسجمة ما بين كل كلمة وفكرة أغراها المجال دعوة لي عمق الحقيقة وامتزاج تلقائي من غير افتعال
| |
|
|
|
|
|
|
Re: إطلالة الشاعر شهاب أحمد جحفر بديوان هواجس (Re: عبدالحافظ سعد الطيب)
|
مواقفك
عذابات البعاد سدت
نسيمات الهوى ألهبت مسامات الغنى الطقت فتقت الجروح فجت وعذبت الفؤاد لجت مسارب الفرحة والأشعار
مواقفك في الوسط هدت آفاق للغنى امتدت خطاكي معايا ما عدت عذابات الهوى الجدت غيومك فيني ما صبت رطبت الوحيح والنار
تماهيتك شفق ألوان تمازجتك عشق تحنان نبعتا معاكي في ألحان تفيض في ثورة من وجدان اجابد في الظروف بقت مفاهيمك علي زى نار
وقفتا على شفا الفكرة مواقف فكت الشفرة وبرضك راجعة لي بكرة وبكرة بدون زمان نكرة فهم غيرك سيوف شقت عميق الألفة والإبحار
على موج الهوى المنساب جرح من قلبي لي جواك رجيتك في الدمع دفاق سكنتك في مصبو ملاك وطوعتا الظروف وقفت رهنتي ظروفي للأقدار بقيت محتار00 معاك محتار
| |
|
|
|
|
|
|
Re: إطلالة الشاعر شهاب أحمد جحفر بديوان هواجس (Re: باسط المكي)
|
شكر جزيل مرصع بالشوق
للرائعين
أحمد عثمان الضابط السودانى الأصيل من الرواد الشرفاء الذين قذفوا كاباتهم على وزير الداخلية لك الأنحناء
باسط المكى الحارة 11 منها عمر أدريس والهادى ادريس واسامة عباس لا تسقط أبدا من الذاكرة لكم مودتى
من شهاب أحمد جحفر
| |
|
|
|
|
|
|
Re: إطلالة الشاعر شهاب أحمد جحفر بديوان هواجس (Re: عبدالحافظ سعد الطيب)
|
الصدق
الشمس تصطف النجوم وانا00 استنطق الصدق المؤزم في زمان الانكسار والانبهار أتلفح المد الذي00 يمشي وئيدا في الزحام يخطو تليدا مشرئبا للامام يزحف على جمر الحقيقة لا ينام وهل ينام00 والأفق يرقبنا زرف الدموع00 أم انه نزف تسرب عبر اماق الطفولة في خشوع00 أم انه طفل يسوع00 قد قال لي في ذات يوم بعضهم00 هل أنت يا هذا يسوع00 لكنني00 سأظل اطرق في رحاب الصدق صدقا لا يسوع حتى يفئ الظل ظلا أو تبارحني سنيني عبر ظلي أو تظللني سحابات الحقيقة والدموع والنجم يقتلني شموع والشمس تحرقني شيوع والأرض تحضنني فجوع والناس تطمرني ابتهال بالخنوع فانا وبعضي في اتفاق وامتزاج بيننا لا مثل ما قالوا خضوع
(عدل بواسطة عبدالحافظ سعد الطيب on 01-27-2010, 07:58 AM)
| |
|
|
|
|
|
|
Re: إطلالة الشاعر شهاب أحمد جحفر بديوان هواجس (Re: عبدالحافظ سعد الطيب)
|
الحلم الجميل
وقفت في قمة مشاعري واشتهيتك رتبت من أجلك دروب المستحيل وانتظرتك يا منايا أنا وغنايا في حافة الحلم الجميل شغلت بيك الناس وناسي معاكي ذاتي واندفعتك بيا للفهم الأصيل انتقيتك من رؤايا والتقيتك في هوايا وفي وجودي وفي غنايا لكني لما احتجت ليك00 افتقدتك لحظة الفرح الجميل في المشاوير والمشاركة والأحاسيس الجميلة وأنة الحزن النبيل فتشت عنك ما لقيتك وقفت قدامك00ملامحك ما بتبين جادلت احساسك00مشاعرك00والحنين لكني فجاءة لقيتني واقف في الضلام والدنيا ليل وهبط من قمة مشاعري صريع ذليل رغم التفاؤل والتسامح والتفاني الكان قبيل استاهل البقبل تنازل ويعشق الحلم الجميل
(عدل بواسطة عبدالحافظ سعد الطيب on 01-27-2010, 08:31 AM)
| |
|
|
|
|
|
|
|