|
|
 شرطة مرور الخرطوم .. العذاب بالكوم !!
|
تصدقوا أمضينا اليوم قرابة العشرين دقيقة فى الكبرى الطائر المؤدى من كوبر إلى كبرى القوات المسلحة وبأمر شرطة مرور الخرطوم !
لا أجد أى تفسير لحجز العربات القادمة من بحرى شمال عن طريق الكبرى الطائر الذى أنشأ أصلاّ لفك ضائقة المرور وتسهيل مرور العربات القادمة من المنطقة الصناعية مباشرة إلى الكبرى دون المرور عبر صينية كوبر السابقة ... لذا حين تحجز العربات فى الكبرى يصبح الكبرى دون فائدة وكان أحسن الصينية !
مدخل الكبريين يسمح لمرور عربتين من المدخل الجانبى لكبرى القوات المسلحة وعربتين كذلك من الكبرى الطائر !
يقوم رجال المرور عند مدخل الكبريين بحجز العربات القادمة من الكبرى الطائر والسماح للعربات القادمة من الطريق الجانبى بالمرور إلى كبرى القوات المسلحة يعنى بالواضح كده يقومون بإلغاء الكبرى تماما !! طيب عملتوا ليه من الأول ؟؟
دى واحدة !!
|
|
  
|
|
|
|
|
|
|
 Re: شرطة مرور الخرطوم .. العذاب بالكوم !! (Re: صلاح أبودية)
|
التانية :-
قامت إدارة المرور مؤخرا بمنع الحافلات القادمة من الإستاد والمتجهة إلى بحرى من الوقوف وإنزال الركاب على طول شارع الجمهورية من صينية المجلس التشريعى إلى ما بعد صينية سان جيمس !! وكذلك قامت بتغيير نظام الباركين إلى النظام الطولى !!
بهذا القرار يتضرر الكثير من المواطنين مستقلى هذه الحافلات الذين لهم حاجات فى تلك المنطقة المحددة فى القرار (توازى السوق العربى والأفرنجى) وبالأخص كبار السن وذوى الحاجات الذين ليس لهم غير خيارين أن ينزلوا قبل صينية المجلس التشريعى أو بعد صينية سان جيمس !!
دى التانية !!
| |
|
|
|
|
|
|
|
|
|
Re: شرطة مرور الخرطوم .. العذاب بالكوم !! (Re: صلاح أبودية)
|
الثالثة :-
لا أجد تفسيراّ للقرار الصادر من إدارة المرور بإلزام كل سائقى العربات التجارية بربط حزام الأمان دون بقية سائقى خلق الله ودون بقية الركاب بالذات فى المقعدين الأماميين !
يعنى بالواضح كده شرطة المرور حريصة على سلامة سائقى المركبات التجارية دون بقية السائقين والركاب فى المقعدين الأماميين !!
دى التالتة !!
| |
|
|
|
|
|
|
|
|
|
Re: شرطة مرور الخرطوم .. العذاب بالكوم !! (Re: صلاح أبودية)
|
الرابعة :-
أفتكر شرطة المرور من أهم واجباتها تسهيل المرور !!
مامعنى أن يوقف شرطى المرور عربة فى منتصف الطريق ويبدأ فى إستجواب سائق المركبة رخصتك ، رخصة العربية ، التأمين ، ما عارف شنو لغاية ما يلقى ليهو مخالفة حتين بعد داك يقول ليك جنب !!
ونوع هذه المخالفة تتوقف على إنطباع الشرطى حين يتبادل النظرات مع السائق أثناء مروره بالقرب منه فى منتصف الطريق !
فإذا إرتبك السائق ونظر ثم عبس وبسر ثم أدبر فإنه لا محالة مخالف !
وإذا نظر وتبسّم وحمر لرجل المرور فربما يمر مرور الكرام !
المهم الموضوع خاضع لإنطباع رجل الشرطة !
هذا ما بدا لى وما حدث لى حينما فوجئت بشرطى المرور يقف أمامى فجاءة فى منتصف الطريق ولم تعجبه ردة فعلى لهذه المفاجأة فبدأ فى إستجوابى حتى نال منى !!!
| |
|
|
|
|
|
|
|
|
|
Re: شرطة مرور الخرطوم .. العذاب بالكوم !! (Re: صلاح أبودية)
|
سعادتو صلاح أبودية
ناس شرطة المرو بعاينو لسائقي العربات كأنهم مجرمين يجب معاقبة أكبر عدد منهم..يعني في ترصد أكتر من ضابط يكون قاعد في العربية و يقطع في الايصالات و يلملم في القروش و عساكر منتشرين منتظرين صيد سمين؟ بعدين ياخي بفترضوا انو اي بني آدم سائق عربية عندو استعداد و شايل قروش عشان يسدد المخالفات!!! و الغرامات زاتها مبالغ فيها!! ربنا يعين الناس.
| |
|
|
|
|
|
|
|
|
|
Re: شرطة مرور الخرطوم .. العذاب بالكوم !! (Re: الحاج حمد الحاج)
|
الريس الحاج حمد
كيف حالك ، طولنا منك !!| Quote: ناس شرطة المرو بعاينو لسائقي العربات كأنهم مجرمين يجب معاقبة أكبر عدد منهم..يعني في ترصد أكتر من ضابط يكون قاعد في العربية و يقطع في الايصالات و يلملم في القروش و عساكر منتشرين منتظرين صيد سمين؟ بعدين ياخي بفترضوا انو اي بني آدم سائق عربية عندو استعداد و شايل قروش عشان يسدد المخالفات!!! و الغرامات زاتها مبالغ فيها!! ربنا يعين الناس. |
شكلك كده الجماعة ديل جابوا كثافتك فى الإجازة !!
| |
|
|
|
|
|
|
|
|
|
Re: شرطة مرور الخرطوم .. العذاب بالكوم !! (Re: صلاح أبودية)
|
الرابعة دى عجبتنى بينى وبينك هههههههههه
سياسة يوقفك ويقعد يفتش للمخالفة دي بتجيب كثافةة الواحد صحى ويقوم يتصرف تصرف طايش زى ما عمل واحد بلدياتنا قبل كدا فى كسلا
طبعآ ركب بتاع الحركة فى الكبوت ساقوا مشوار صغير لكن بتاع الحركة غلبو يرجع بى كرعيو نسبة لانكسارها هههههههههه
نصيحة اخوية
لو الشارع بيسمح ليك تشتت شتت
لو لحقوك انزل واملأ يمين
تحياتنا
| |
|
|
|
|
|
|
|
|
|
Re: شرطة مرور الخرطوم .. العذاب بالكوم !! (Re: صلاح أبودية)
|
| Quote: لا أجد تفسيراّ للقرار الصادر من إدارة المرور بإلزام كل سائقى العربات التجارية بربط حزام الأمان |
صلاح
سلامات..
كدى اقيف معاى فى النقطة بتاعت ربط الاحزمة لسائقى العربات التجارية دى .!
بذمتك شفت ليك لورى فورد فيهو حزام أمان .؟
والله العربية اللورى دى من شركتها مافيها
حزام امان ، يجوك ناس المرور يقولو
لبتاع اللورى وين حزام الامان .!!
..
عليك الله فى استعباط اكتر من كدة .؟
ولاحظ معاى دائما ناس المرور بيقصدوا
ناس اللوارى فى كل التقاطعات ..!
السر شنو الله اعلم .!
| |
|
|
|
|
|
|
|
|
|
Re: شرطة مرور الخرطوم .. العذاب بالكوم !! (Re: مزمل خيرى)
|
صفة رئيسية من صفات الكوز المنبري هو الاشادة بالنظام والتبشير له بعدة طرق أحيانا بشكل خجول وأحيانا أخرى بشكل مفضوح.
وهذه الصفة تمكنك من معرفة نوعية الكوز:
1. كوز.
2. كوز أمنجي.
3. كوز مفضوح.
4. كوز متستر.
5. كوز مقدود.
6. مغفل نافع.
7. كوز متعاطف.
8- و الاشياء المشابهة
يجب فضح جميع الكيزان وبعض المندسين الجبناء.
أنه لمخجل جدا أن يدعي البعض الوطنية وهم يقفون مواقف المتفرجين
ومعا لكشف عصابة مافيا الانقاذ وجميع المأجورين
| |
|
|
|
|
|
|
|
|
|
Re: شرطة مرور الخرطوم .. العذاب بالكوم !! (Re: Mustafa Mahmoud)
|
د. محمود أب ريالة
بتاع الإسبتالية !!
Quote: يجب فضح جميع الكيزان وبعض المندسين الجبناء.
|
لا خلاص فضحتنا والله !
عليك الله إندسوا من منو هنا؟؟
إنت القالوا ليك نحن كيزان عديل كده عملت ليهم شنو ؟؟
قاعدين يملطشوا فيك وفى بوستاتك .. جاى تعمل فيها كشيف هنا !!
أهبل !
| |
|
|
|
|
|
|
|
|
|
Re: شرطة مرور الخرطوم .. العذاب بالكوم !! (Re: صلاح أبودية)
|
شكراً يا جنابو .. الحقيقة البوست عجبني .. لكن العجبني أكثر الرد ده .. ههههههههه
Quote: د. محمود أب ريالة
بتاع الإسبتالية !!
لا خلاص فضحتنا والله !
عليك الله إندسوا من منو هنا؟؟
إنت القالوا ليك نحن كيزان عديل كده عملت ليهم شنو ؟؟
قاعدين يملطشوا فيك وفى بوستاتك .. جاى تعمل فيها كشيف هنا !!
أهبل ! |
أديهو .. والله بسطتني بسطة .. الله يبسطك دنيا وآخرة ..
عافي منك تب لله والرسول ..
| |
|
|
|
|
|
|
|
|
|
Re: شرطة مرور الخرطوم .. العذاب بالكوم !! (Re: مزمل خيرى)
|
مزمل كيف حالك ؟
Quote: بذمتك شفت ليك لورى فورد فيهو حزام أمان .؟
والله العربية اللورى دى من شركتها مافيها
حزام امان ، يجوك ناس المرور يقولو
لبتاع اللورى وين حزام الامان .!!
|
المشكلة إنو بتاع اللورى فى النهاية بطلع ليهم حزام أمان ..
من وين ؟ والله ما عارف !!
| |
|
|
|
|
|
|
|
|
|
Re: شرطة مرور الخرطوم .. العذاب بالكوم !! (Re: صلاح أبودية)
|
أخى صلاح,
تحية طيبة لك و لكل زوار بوســتك الكريم.
بحكم عملى فى بحرى (مطاحن ســيقا للغلال) و ســكنى فى الخرطوم, فقد لاحظت ذلك صباحا اليوم, الســبب كان حادث مرورى فى منتصف الكبرى(أظن أن المتســبب فيه شــاحنة تابعة للقوات المســلحة) فى الجزء القادم من بحرى.
لا يعنى كلامى اننى ابرىء شرطة المرور من العيوب , فهم يســومون الناس خسف العذاب صباح مســاء.
دم بخير
أخوك
أســامة
| |
|
|
|
|
|
|
|
|
|
Re: شرطة مرور الخرطوم .. العذاب بالكوم !! (Re: Osama Siddig)
|
أخى أسامة
لك التحية والإحترام
Quote: بحكم عملى فى بحرى (مطاحن ســيقا للغلال) و ســكنى فى الخرطوم, فقد لاحظت ذلك صباحا اليوم, الســبب كان حادث مرورى فى منتصف الكبرى(أظن أن المتســبب فيه شــاحنة تابعة للقوات المســلحة) فى الجزء القادم من بحرى.
|
وبحكم عملى فى الخرطوم وسكنى فى بحرى ..
نعانى كثيرا حين يكون هناك رجل مرور فى مدخل الكبريين !
لدرجة أننا حين نجد الزحمة عند مدخل الكبرى الطائر نتراهن ..
على أن هناك رجل مرور فى مدخل الكبريين !
| |
|
|
|
|
|
|
|
|
|
Re: شرطة مرور الخرطوم .. العذاب بالكوم !! (Re: صلاح أبودية)
|
Quote: المشكلة إنو بتاع اللورى فى النهاية بطلع ليهم حزام أمان ..
من وين ؟ والله ما عارف !! |
مساكين.. يعملوا شنو.؟
الواحد يألف ليهو حزام امان من مافى عشان مايتغًرم .!
اى حزام بنطلون قديم يفى بالغرض ، المهم يشوفك العسكرى رابط حزام..
تصدق يوم لقت بتاع لورى رابط ليهو حزام امان من قاش عادى بتاع العساكر دا ..!!
| |
|
|
|
|
|
|
|
|
|
Re: شرطة مرور الخرطوم .. العذاب بالكوم !! (Re: محمد الطيب حسن)
|
صفة رئيسية من صفات الكوز المنبري هو الاشادة بالنظام والتبشير له بعدة طرق أحيانا بشكل خجول وأحيانا أخرى بشكل مفضوح.
وهذه الصفة تمكنك من معرفة نوعية الكوز:
1. كوز.
2. كوز أمنجي.
3. كوز مفضوح.
4. كوز متستر.
5. كوز مقدود.
6. مغفل نافع.
7. كوز متعاطف.
8- و الاشياء المشابهة
يجب فضح جميع الكيزان وبعض المندسين الجبناء.
أنه لمخجل جدا أن يدعي البعض الوطنية وهم يقفون مواقف المتفرجين
ومعا لكشف عصابة مافيا الانقاذ وجميع المأجورين
| |
|
|
|
|
|
|
|
|
|
Re: شرطة مرور الخرطوم .. العذاب بالكوم !! (Re: محمد الطيب حسن)
|
| Quote: تدفع ولا نفك اللوحه بتاعتك دي |
محمد الطيب ..تحياتى
طبعا حكاية العسكرى يفك اللوحة دى ممنوعة من رئاسة المرور
فى يوم من الايام ومعاى واحد صاحبى عندنا موضوع مشينا نقضيهو فى عمارة الاخوة
وقفنا العربية تحت العمارة وطلعنا ، بعد 10 دقائق جينا لقينا عسكرى مرور معاهو زرديبة بيحاول يفك فى اللوحة
- ياجنابو الحاصل شنو.؟
- فى شنو كيف ماشايف العربية مضيقة الشارع .؟
- مضيقة الشارع كيف يعنى.؟ واقفة فى الممنوع .؟
- يازول ماتكتر معاى انا بفك اللوحة وتجينى اخر اليوم فى قسم مرور شمال .!!
- وتفكها لية طالما نحن جينا نمشى مرور شمال طوالى !!
- لا..لا انا هسع شغال تجينى بعدين ..
- طيب ياجنابو مش مديركم وكان (اللواء التهامى) مش قال ممنوع عسكرى يفك لوحة عربية او يحجز رخصة قيادة حقت مواطن .؟
- الكلام دة جبتو من وين يا ابوالشباب ، وبعدين انت داير تورينا شغلنا.؟ انت عندك اعتراض .؟
- ايوة عندى اعتراض ، فى مشكلة كونى معترض على تصرفك دا .؟
- يا ابوالشباب لوسمحت بطاقتك .؟
- بطاقة شنو .؟ ياخ انا معترض على تصرفك دا تقول لى بطاقتك .؟
- ياجنابو لو مامقتنع انو كلامى دا صاح .. انتظر دقيقة ..
طلعت الجوال واتصلت على شرطة المرور (777777) ، وشغلت الاسبيكر
- الو ..
- الو .. مرحب معاك رئاسة شرطة المرور .. اى خدمة .؟
- السلام عليكم ، لو سمحت ممكن أسأل سؤال .؟
- مرحب بيك .. اتفضل
- شكرا ياجنابو ، سؤالى هل من حق شرطى المرور يفك لوحة عربية حقت مواطن .؟
- لا..لا ممنوع منعاً باتاً انو يفك لوحة عربية على حسب توجيهات السيد المدير ..
- شكرا ياجنابو
- مرحب بيك ، اى سؤال تانى
- لا .. شكرا ..
اتلفت لقيت العسكرى يحمًر لى طوالى حشر الزردية فى القاش بى وراء , واختفى من الانظار ..
| |
|
|
|
|
|
|
|
|
|
Re: شرطة مرور الخرطوم .. العذاب بالكوم !! (Re: صلاح أبودية)
|
الأخ صلاح أبو ديه
والله مسكت موضوع حساس ، خاصة العربات البتمشي بي شارع الجمهوريه دي ، الحافلات هسع قصاد السوق العربي ما بتقيف ولو معاك زول مريض ماشي مجمع الانقاذ أو اي من المراكز الطبيه بي هناك يموت بس ، الا تاكسي والله بحن من الصباح علي الناس جاريين جري شديد خاصة عدد كبير من الخالات العاملات اشوفهم كل يوم ينزلو ويمشوا سريع في شبه هروله تعب شديد ، مفروض يكون في حته في النص
| |
|
|
|
|
|
|
|
|
|
Re: شرطة مرور الخرطوم .. العذاب بالكوم !! (Re: هويدا شرف الدين)
|
استاذ ابو دية تحياتي و عساك بخير
يمكن تكون دي اول مرة اتداخل معاك و هذا يسعدني
بمناسبة ناس المرور طبعا معروفين بانهم صعبين شديد يعني لو لمَّوا فيك فنصيبك إحدى الحسنيين في عُرفهم (يعني يا تدفع ليهم الغرامة كاملة او كمان ترشيهم وتكون طلعت بأقل خسارة) الله مايوقعك في يدهم ياخ ديل ما بيرحموا كلو, المصيبة انهم مفتكرين نفسهم بيطبقوا في القانون
لكن لكي لا يتم التعميم فنظلم بعضهم والله انا شفت منهم ناس ملايكة و بيتعاملوا بالحسنى و اخلاقهم عالية جداً بس للاسف ما كُتار
| Quote: مامعنى أن يوقف شرطى المرور عربة فى منتصف الطريق ويبدأ فى إستجواب سائق المركبة رخصتك ، رخصة العربية ، التأمين ، ما عارف شنو لغاية ما يلقى ليهو مخالفة حتين بعد داك يقول ليك جنب !! |
ذكرتني بنكتة عن شرطي المرور
قال ليك شرطي مرور من اخوانا الجنوبيين قصَّ لي بتاع لوري, اها جاي جاي ما لقى فيهو اي طريقة , الرخصة سارية, التامين ساري, فرامل تمام, بوري تمام, قزاز كرت, منشَّات مية مية, خطرات و انوار ألف ,لحدي العاكس و اللستك الاسبير ... المهم مافي اي طريقة لي مخالفة , قام صاحبنا بتاع المرور بعد ما قنع عاين بجنبات الصندوق بتاع اللوري طوااالي قبل ليك على السواق و قال ليهو عندك مخالفة ليه لوري دا ما فيوا قِربَة 
| |
|
|
|
|
|
|
|
|
|
Re: شرطة مرور الخرطوم .. العذاب بالكوم !! (Re: هويدا شرف الدين)
|
هويدا شرف الدين
لك التحية
Quote:
والله مسكت موضوع حساس ، خاصة العربات البتمشي بي شارع الجمهوريه دي ،
الحافلات هسع قصاد السوق العربي ما بتقيف ولو معاك زول مريض ماشي مجمع الانقاذ
أو اي من المراكز الطبيه بي هناك يموت بس ، الا تاكسي والله بحن من الصباح علي الناس
جاريين جري شديد خاصة عدد كبير من الخالات العاملات اشوفهم كل يوم ينزلو
ويمشوا سريع في شبه هروله تعب شديد ، مفروض يكون في حته في النص |
نتمنى أن يجد ما كتبتيه هنا آذان صاغية !
كان الله فى عون الجميع
| |
|
|
|
|
|
|
|
|
|
Re: شرطة مرور الخرطوم .. العذاب بالكوم !! (Re: صلاح أبودية)
|
تحياتي اخ مزمل
حكاية فك اللوحه دي عندي معاها زكريات كتيره
واحلي مافيها واحد فكو لوحتو وهو قاعد في عربيتو
الكلام ده قدام الريفيرا بأمدرمان
وانا واقف شاهد عيان
الراجل واقف بعربيتو ومعاه زوجتو الظاهر انو منتظر واحد
عسكري المرور جا من غير اي كلام او اي سابق انزار وبداء يفك في
لوحات العربيه والزول قاعد فيها
الراجل حسيت احتراما لانو زوجتو معاه ماعايز يعمل مشكله مع العسكري
المصر انو يفك اللوحات مع انو لو قال ليه اتحرك من هنا المشكله بتنتهي
لكن للاسف دي عقليه عساكرنا (البعض طبعا) بس الاغلبيه
لازم يعملو فيها عناتر قدام المواطن البسيط
يامزمل ياخوي القسم الوحيد الشغال في ادارة المرور 100%
قسم المخالفات
| |
|
|
|
|
|
|
|
|
|
Re: شرطة مرور الخرطوم .. العذاب بالكوم !! (Re: محمد الطيب حسن)
|
شكرا استاز صلاح لطرح الموضوع
ويامحمدالطيب انته عارف بتاع المرور ده فك لوحات الزول بتاع الريفيرا ليه
لانو مركب معاه زوجته
ودي عقلية كم واحد بايخ مندس في وسطهم
نعم في وسطهم لانو اغلبيتهم ناس طيبين ومساكين
لكن في الاونه الاخيره دي بقوا لامين ناس بايخه
والله مايوقفك ويتشربك فيك الاتكون معاك بت
والعجب لوشاف وليد صغييروني ومركب معك ناس بيتكم امك وبعض من اخواتك
تعال شوف العجب طبعا اكيد عربيتك فل تامين رخصه ووويتشربك فيك المظله دي ممنوعه
وياريت لواكتفي بي دي وبس لازم ينزلك ويبهدلك عشان يفك التظليل المظله السمحو ليك بيها ناس الترخيص
والبياخه حصلت مستوي انو ضابط ينصاع ورا العسكري
زي ماحصل قبل مده في صينيهالمظلات والدنيا مع المغارب
يوقف ليهم عربيه كامري ودايرين تصديق التظليل والفي عربيه يوضح ليهم العربيه بتاعةالسيد الوزير
بطاقتك ويوضح ليهم انو اهوالوزير راكب والعربيه اتحركت
لكن الغريب شنو يااخوان شوفو الحصل احنا في2010واداره المرور قمة التكنلوجيا يعني سعادتو ده لواكتفي بي لوحات العربيه دي كان خير
لا لكن قام طوالي شغل النجده وورارهم
وشوف المه والباقي
وماطرحي للحادثه اعلاه الا لتصرف المسؤل اعلاه
يعني تسويات ماحقارات
في النص
المطلع عيني انو تلقي الحمله شغاله فل
وامامك عربيه ومامرخصه ومافيها لوحات زاتو ومظلله وتمشي امامك ويوقفو بتاع امجاد مسكين
الحارقني
انو يوقفو عربيه في مدخل الكبري والدنيا ليل ليه لانو نور مافي
والغريب يدفع 30 ويواصل مسبرو
المعزبني ومطلع زيتي
حمله 3صباحا لناس القش المساكين
وناس المرور بتحبو
لكن في ناس حقو يشيلوهم منهم
| |
|
|
|
|
|
|
|
|
|
Re: شرطة مرور الخرطوم .. العذاب بالكوم !! (Re: صلاح أبودية)
|
| Quote: طيب ما دى المشكلة زاتها |
مرة يا ابو صلاح ماشى فى شارع المطار, بعدين خط عبور المشاة معمول جديد (بس ما معمول بالتمر)
المهم واحد اخونا من ناس المرور زااااااااتهم قاطع الشارع بى عبور المشاة ويعاين للعربية الجاية من هناك لانو المفروض يقيف.
اجمل مافى الموضوع انو بتاع العربية بيعاين لبتاع الحركة بى عين انو مفروض يقيف عشان هو يمشى بعدين بتاع الحركة يقطع الشارع
الاجمل من كدا انو هم الاتنين ماشين لغاية ما دقشوا بعض.
بتاع العربية: ياخ انت ما تصبر خلينا نمشى بعدين اقطع ياخ
بتاع المرور:.............................................ياخ انت ماشايف الدين التهت دا (والتهت من اللكنة ماخطأ نحوى)
| |
|
|
|
|
|
|
| |
صلاح أبودية
الحاج حمد الحاج
Mohammed Awad
مزمل خيرى
Mustafa Mahmoud
عبداللطيف محجوب
Osama Siddig
محمد الطيب حسن
هويدا شرف الدين
غباشي
فيس بوك
تويتر
انستقرام
يوتيوب
بنتيريست