|
فلانة ..!!
|
فلانة ..!! خفيفة ولفيفة وعاملة فيها تقيلة ! ثقيلة ودمها بارد وعاملة فيها بت قضيم ! شينة وقبيحة وممعطة وعاملة فيها سعاد حسنى ! نمامة وشمامة ! وكضابة ! وهجّامة ! حاقدة وحاسدة ! شفقانة وجعانة ! أكّالة ونكارة ! قوّالة وسوّاطة ! مفضوحة وشيّالة حال .. شنّافة وما فى حاجة سمحة بتعجبها ! لافحة توبها ويابيت فكنى ويابيت أمسكنى ! زى البلوتوث تنقل فى الأخبار ... عشّة طلقوها وسعدة راجلها عرّس فيها ! وناس رزقة تلاجتم باظت ! حتى الأدبخانة الإتملت فى الحلة عارفاها ! تصحى أول زول فى الحلة وتنوم آخر زول ! عرس إلهام ما عاجبها وطهور أولاد الزمزى كلو خمج .. وسراميك ناس حاجة بتول ما أصلى وحيطتم قصيرة ! وحاج سمير مات بالفياغرا بعدما عرس ليهو بت صغيرة !! وسارة تلفونها صينى وبالأقساط ! وحتوتة دهبها فااااااالصو .. هى الإشترتو ليها من أمدرمان ! والسر ما سجّل فى الهلال سجّل فى الأمير ! والقروش كلها شالا أبوهو لأنو أم السر إيدها مطلوقة ! والمهندس عامر العربية السايقة دى حقت خال حبوبتو ما حقتو ! وهو زاتو ما مهندس فنّى ساى ! بعد ده كلو تقول ليك وهى طالعة ... ما عليــنا !!!! عرفتوها ؟؟
|
|
|
|
|
|
|
|
Re: فلانة ..!! (Re: صلاح أبودية)
|
وتانى تجيك راجعة .. قالوا الوصية بالمهلة .. أعملوا حسابكم السجمانة إيدها خفيفة وقبضوها بالثابته شايلة تلاتة موبايلات من بيت البكاء ! أها فوتكم بى عافية ! الرسول أعفو لى !!
| |
|
|
|
|
|
|
Re: فلانة ..!! (Re: صلاح أبودية)
|
** ود ابو ديه.. ** مساءك خير.. ## لكن بطريقتك دى داغرت البروف الفاتح جبره فى كيبورتو .. ** مُستمتع ومُتابع ,, بوستيك عايز ليهو حجر شيشه ورمله مرشوشه وفنجان جبنه.. (ودام الود بيننا) (ابو محمد فؤاد)
| |
|
|
|
|
|
|
Re: فلانة ..!! (Re: عبدالكريم أحمد الامين)
|
عبدالكريم ! كيف حالك وحمدا لله على السلامة
Quote: لكن بطريقتك دى داغرت البروف الفاتح جبره فى كيبورتو .. ** مُستمتع ومُتابع ,, بوستيك عايز ليهو حجر شيشه ورمله مرشوشه وفنجان جبنه.. |
ياخى ده شرف كبير لينا والله أن تقرن إسمنا مع هذا العلامة الشامخ له التحية من هذا المنبر .. حجر الشيشة بتلقاهو لكن الرملة دى تلقاها وين والله إلا تجى الحاج يوسف !
| |
|
|
|
|
|
|
Re: فلانة ..!! (Re: عماد الشبلي)
|
بالله هي وصلت حلتكن أنا كنت قايله نشاطاته في حلتنا بس لكن دي ما اتشرت عديل أها بعد دا يوقفوها كيف غايتو ياها زاته ما خليت ليها شئ المصيبة ان كل الناس عارفاها وبريدو ونسته مع الشاي والجبنات بس عشان بتجيب ليهم الشمارات وكده لكن شغالين قطيعة بوراها أها خلاص عاد فَرَصت بقت ما بتتمسك الله يعينا عليها
| |
|
|
|
|
|
|
Re: فلانة ..!! (Re: وجن)
|
وجن كيف حالك !Quote: بالله هي وصلت حلتكن أنا كنت قايله نشاطاته في حلتنا بس لكن دي ما اتشرت عديل أها بعد دا يوقفوها كيف
|
والله دى إلا توقفاالكلاب الحايمة دى !
| |
|
|
|
|
|
|
Re: فلانة ..!! (Re: صلاح أبودية)
|
عينكم للفيل وتطعنوا في ضلوا هي جابتوا من وين ؟؟؟ ما من ابوها المعرس تلاتة فوق أمها. أبوها البرة البيت عامل فيها حكيم زمانه وجوة البيت سجان ليمان ولما غلبته العيشة عمل فيها رجل اعمال وفك شيكات يمين وشمال ولما جا العسكري بأمر قبضه المسنون لقاه قطع الحدود وترك اربعة عوايل يتضورون أما اخوها الصايع داك ما خلا بت في الفريق إلا شاغلها وكم واحدة غشاها بالزواج لحدي ما صحت علي سنوات عمرها الضاعنسراب وآخرتها إتقدم لبت طفلة يلد الاكبر منها وباركوها ليه أيوي ابوها ما معروفة ليه جيهة وأخوها من ضل لي ضل والإتنين ما كانوا بيغطوا علي عجزهم في تولي مسئولية البيت الا بضرب الكبيرة والصغيرة وانت مارقة وين والكان سلم عليك دا منو؟ وانتوا ماشين بعيد ليه؟؟ ما فلان الكبير اسمه عمر البشير ......وعندها فحدث ولا حرج
| |
|
|
|
|
|
|
Re: فلانة ..!! (Re: صباح حسين طه)
|
صباح .. صباحك خير ! يازولة برّاحة .. مالك ؟
Quote: عينكم للفيل وتطعنوا في ضلوا هي جابتوا من وين ؟؟؟ ما من ابوها المعرس تلاتة فوق أمها. أبوها البرة البيت عامل فيها حكيم زمانه وجوة البيت سجان ليمان ولما غلبته العيشة عمل فيها رجل اعمال وفك شيكات يمين وشمال ولما جا العسكري بأمر قبضه المسنون لقاه قطع الحدود وترك اربعة عوايل يتضورون أما اخوها الصايع داك ما خلا بت في الفريق إلا شاغلها وكم واحدة غشاها بالزواج لحدي ما صحت علي سنوات عمرها الضاعنسراب وآخرتها إتقدم لبت طفلة يلد الاكبر منها وباركوها ليه أيوي ابوها ما معروفة ليه جيهة وأخوها من ضل لي ضل والإتنين ما كانوا بيغطوا علي عجزهم في تولي مسئولية البيت الا بضرب الكبيرة والصغيرة وانت مارقة وين والكان سلم عليك دا منو؟ وانتوا ماشين بعيد ليه؟؟ ما فلان الكبير اسمه عمر البشير ......وعندها فحدث ولا حرج |
أنا هنا بصدد الحديث عن ظاهرة إجتماعية ولا شأن للسياسة بهذه الظاهرة الإجتماعية ! فالظاهرة أقدم من كل حكّام السودان ! شكرا للمرور
| |
|
|
|
|
|
|
|