|
|
|
 Re: الحزب الشيوعى /فرع الكلاكله (Re: مناهل ابراهيم)
|
ما طال في بحرك في مي
كلمات / محمد الحسن سالم حميد
ما طال في بحرك في مي
وتمرك مفدع بالجريد
شدرك امد حد السمى
طينك معتق بالطمي
نبيتك اكيد نبيتك هوى
نبيتك ايوة سوا ..سوا من جديد .. نبيتك جديد
ايد ابوي على ايد اخوي على ايد انا
على ايد على ايد تجدع بعيد في اللجة في من راس ميضنة
حيكومة الفقر الدمار
الكضبن والصهينة
اللي ناقص ايامنا كاس
اليالطيف سوس البحر نردم قفاهو حجر .. حجر
من ها الرصيف
الما قدر قدام سريحة الموج يقيف
الما انستر الرزقية وناس وايه
نسقيها كاس اسقينا
نوريها كيف عشق الحياة
سنانا فوق حجر القصاص
سوانا ناس ضرب البحر
جوانا احد من الرصاص
يا ضو حبيبين القسا
طول ما انت غرقان في الاسى
تبت يدين ما ترمي ساس
ما تبني مجدك من جديد
تفتح شبابيك الخلاص
تدخل نسيمات النشيد
بيت القصيد يستقبله
مستقبله والحاضر الماضي التليد
يا بلدي يا فردة جناحي التاني
وكت الناس تطيرلي عالمة
وا فجعة الزول البيجيك
ما يلقى فيك غير الهجير ناسا تواي مسالمة
مل البشاشات القبيل تلقاها ميتة مسممة
والجاته جاتة من الارض ما جاته من السما
ما اعتى غبنك يا ولد
واعدل قضيتك واعظمة
لا ترجع السيف الجفير
والدنيا فايرة مصادمة
من غير تجيب تار البلد
ريح العوارض تهزمة
تطرد مع ابليس الاخير دعة الضلال
من جنتك ادمة
تأكل من الشجر الحلال
يغشاك نعاس في ضل رمى
تختال هضاريب الصعب
كربة ليالي المظلمة
يا نيل قبل خاطرك يطيب
ارضك تفزع باللهيب
تكشح تواريب الغضب صعب المراس
نوبة و زنوج وبجة وحلب
رطانة عربان مواشو
ومولدين تلقانا او نلقاك ضو
ظلمة لياليك العجاف
رعشة نهاراتنا النشاف
امنا بيك وموحدين
في ايدينا فاس وقلم رصاص
شتلة وكمنجة ومسطرين
وطبنجة في خط التماس
| |
  
|
|
|
|
|
|
|
|
Re: الحزب الشيوعى /فرع الكلاكله (Re: معاوية عوض الكريم)
|
| Quote: ماهي العلاقة بين الحزب الشيوعى ومصطفى سيداحمد ؟ |
شخصيا سمعته يغني مع كورال الحزب الشيوعي السوداني في العيد الاربعين للحزب الشيوعي
فاذا كان المغنين يا معاوية بذلك الكورال شيوعيين فاذا العلاقة واضحة .. يا زول انت بجدك
ما عارف انه مصطفي سيد أحمد ( ربنا يرحمه ) كان شيوعي ؟؟
| |
|
|
|
|
|
|
| |
معاوية عوض الكريم
خالد العبيد
محمد الشيخ أرباب
مبارك محمد عثمان
عبداللطيف خليل محمد على
فيصل محمد خليل
بخاري عثمان الامين
باسط المكي
فيس بوك
تويتر
انستقرام
يوتيوب
بنتيريست