|
|
 وارقو وقيرا سيدي عبد الكريم
|
.
يتداول المغاربة مثلاً يشير الى حرب زعيم ثورة الريف عند الاشارة الى طول عمر الشخص أو الشيء بقولهم
فلان حضر القيرا ديال سيدي عبد الكريم. الآن بالمغرب هناك حرب أخرى يخوضها فريقي الهلال والمريخ حول اللاعب عبد الكريم الدافي حيث أكد وكيل اللاعب قبل قليل للاذاعة الرياضية أن الأمر لم يحسم بعد، رغم افادات الاستاذ جمال الوالي لذات الاذاعة بالأمس. وقال أنهم ينتظرون أن يقوم المريخ بتحويل مبلغ من المال لتأكيد جديته، حيث أن هناك مخاوف من أن المريخ ليست له خانة لللاعب في حال فشل صفقة وارقو مع الاهلي المصري.
.
|
|
 
|
|
|
|
|
|
|
|
Re: وارقو وقيرا سيدي عبد الكريم (Re: abdelwahab hijazi)
|
.
جمهور المريخ حسبما ورد ببعض الاعمدة الصحفية اليوم غير راضي عن التخلي عن النيجيري وارقو. وبعضهم سعيد فقط بابطال مفعول "مفاجأة الأرباب".
الدافي قدم عرض لا بأس به خلال فترة الاعارة بالمريخ. ومن حديث الوكيل فهمت أنه ما زال راغباً في مواصلة المشوار مع المريخ. ولكن هناك وكيل آخر يعمل لصالح الهلال (بوضياف) ويرغب في انجاح صفقة انتقاله الى الهلال باعتماد تاكتيك بسيط اقناع اللاعب والنادي القنيطري بأن امكانية تسجيله للمريخ مستحيلة. وأنتقال وارقو للاهلي المصري ايضا مستحيل لتجاوز النادي الاهلي لعدد الاجانب كذلك.
تمنياتنا بالتوفيق للناديين. وربما كان من الاوفق حسم الامر بينهما فوراً حتى لا يقعا في فخ المزايدة.
.
| |
|
|
|
|
|
|
|
|
|
Re: وارقو وقيرا سيدي عبد الكريم (Re: abdelwahab hijazi)
|
سلام يا سعادتو
بالله عليك الله دا ما لعب عيال
القمتين لا يمتلكون الاداري المحنك
اعلن الوالي قبل يومين ان تسجيلاتهم انتهت....فجأة يلخبط كل الكيمان ويرجع يجري وراء الدافي لمجرد ان الهلال سعي اليه حتي ولو انه غير محتاج ليهو....دي عقلية اداري يدير نادي قمة...دا والله نادي حواري كتير عليهو
رأيي ...وارغو افضل من الدافي
تحياتي لكل افراد الاسرة
| |
|
|
|
|
|
|
|
|
|
Re: وارقو وقيرا سيدي عبد الكريم (Re: yasir Abdelgadir)
|
ياسر يارشاشة
مساء الخير
قلنا لقينا لينا رشاشة عقلاني
Quote: بالله عليك الله دا ما لعب عيال
القمتين لا يمتلكون الاداري المحنك |
وكنت عاوز اواصل معاك
لكن.....
جيت لي طبزاتكـ......
| Quote: دي عقلية اداري يدير نادي قمة...دا والله نادي حواري كتير عليهو |
طيب ياخي كنت تقول الاتنين.....!!!!!
| |
|
|
|
|
|
|
|
 Re: وارقو وقيرا سيدي عبد الكريم (Re: yasir Abdelgadir)
|
.
سلام يادكتور وسلام للاسرة الكريمة،
مسألة تحير فعلاً يا دكتور رغم أنك تركت كل اللوم على جمال الوالي فيمايبدو. شخصياًاعتقد أن مستوى الدافي لا بأس به أيضارغم أن المريخ ربما يكون في حاجة أكثر لوارقو. ولدي احساس أن جمال الوالي يريد بعض المنافع من الصفقتين في آن. فيمايتعلق بوارقو فسيتكفل النادي الاهلي بالمرتب بالطبع بينما يستطيع المريخ استغلال مبلغ الخمسمائة في شراء القادمين الجدد. كما أن وارقو سيظل لاعباً بالمريخ معاراً فقط الى النادي الاهلي. وشكل الوالي زي التاجر الحريف البشيل البضاعة النضيفة يختها في وش الزبون زي ما بقولوا ناس السوق. الاهلي المصري سيتيح تسويق وارقو للفرق الاوربية وعندها سيستفيد الطرفان في حال البيع خلال فترة الاعارة. أما بعده فسيتفيد المريخ وحده.
دبوس صغير كده لو وارقو فات ناس الهلال حيفرحوا أكثر من زعل المريخاب عليهو.
.
| |
|
|
|
|
|
|
|
|
|
Re: وارقو وقيرا سيدي عبد الكريم (Re: abdelwahab hijazi)
|
.
هارون يا صفوة!
حتى لو قال الاتنين انحنا زولنا ده راضين بيهو كده.
وازيدم بيتين كمان وراضين بمزمل ابو القاسم وسلك وعبد المجيد عبد الرازق كمان.
وكان زادوا بندبل كلتشي السوداني.
بتاع المكتبة قال لي كل يوم صدى وسوبر بس؟
قلت ليهو حلاة وَحَمار.. مش ياسر قال بطيخاب؟
حليل كوارثنا دي ماسورة السماهم "الفاصولياب"
عالم فاصوليا صحيح.
الجملة الاخيرة دي لزوم تأكيد الاستلاب الخديوي وكده!
.
| |
|
|
|
|
|
|
|
|
|
Re: وارقو وقيرا سيدي عبد الكريم (Re: abdelwahab hijazi)
|
.
هارون يا صفوة!
حتى لو قال الاتنين انحنا زولنا ده راضين بيهو كده.
وازيدم بيتين كمان وراضين بمزمل ابو القاسم وسلك وعبد المجيد عبد الرازق كمان.
وكان زادوا بندبل كلتشي السوداني.
بتاع المكتبة قال لي كل يوم صدى وسوبر بس؟
قلت ليهو حلاة وَحَمار.. مش ياسر قال بطيخاب؟
حليل كوارثنا دي ماسورة السماهم "الفاصولياب"
عالم فاصوليا صحيح.
الجملة الاخيرة دي لزوم تأكيد الاستلاب الخديوي وكده!
.
| |
|
|
|
|
|
|
|
|
|
Re: وارقو وقيرا سيدي عبد الكريم (Re: abdelwahab hijazi)
|
عذرا الحبيب عبد الوهاب
ماسلمنا
اصلو الرشاشة ده هجمنا
لك الود اينما كنت
بصراحة بعد ان اكمل المريخ عقد محترفيه
كنت اتمني وجود الدافي في الهلال لكن الهلال برضو
ماعنده خانه ...يعني العملية مزايدات ومكايدات بين العديلين .
وفي الحالتين انا الضائع( لسان حال الكرة السودانية ...!!!!)
تسلم
| |
|
|
|
|
|
|
|
|
|
Re: وارقو وقيرا سيدي عبد الكريم (Re: طارق جبريل)
|
عبد الوهاب سلام كتير وشوق بالزاف
كلام موضوعى ومنطقى فى ما يخص الدافى ووارقو
ولكن فى راى ان الاثنين لم يوفقا مع المريخ
لاسباب تتعلق بالمريخ وليس باللاعبين وخاصة
وارقو
اما الدافى فاود التذكير بان وجوده لم يساعد
المريخ فى الفوز ببطولة وهذا لا يعيبه لكنه
يقلل من حظوظه المفترضة فى موسم اضافى بل يجب
البحث عن لاعب جديد ربما يكون اكثر توفيقا
من الدافى الذى هرع اليه المريخاب بعد ان
برزت رغبة الهلال فى ضمه وهذا فى حد ذاته
مؤشر سلبى
وياطارق جبريل
الدرى ما غادى يدير والو
| |
|
|
|
|
|
|
|
|
|
Re: وارقو وقيرا سيدي عبد الكريم (Re: عامر تيتاوى)
|
.
شكراً يا طارق وياتيتا على اثراء الرابط.
الحال كما تعلمان قد تبدل. وهو شيء مطمئن بالنسبة لي على الأقل.
فقد سعدت ببقاء وارقو كثيراً. وسعدت أيضاً أن الوالي طلع تفتيحة وفوت الفرصة على
أولاد بمبة في استغلال ضيق الوقت لصالحهم لشراء موهبة كوارقو بثمن بخس.
فيما يتعلق بالدري الدافي فهو لا يزال في قبضة المريخ. وغالباً ما يسمع الوالي نصيحة
أولاد ازرق ويسعى الى تخليله حتى يونيو. وعندها بجيكم حاااااااااااااامض يا تيتا إن شاء الله.
لكن شكل المريخاب مستغربين من فرحة الهلالاب العارمة بيوسف محمد وفشل صفقة وارقو.
طيب قول يوسف محمد نسينا ليكم القلتوهو فيهو بعد ترك الزريبة. وقول كمان صدقناانو
ناس سيون السويسري فكوه ليكم عشان خاطر عيون حلوين وليس لضعف مستواه.
وقول كمان انتو فرحانين عشان شداد ومجدي بيه جابوا ليكم بدعة جديدة في طرائق التسجيلات.
أقول ليك حاجة قون قالت اليوم انو كمان نجم المونديال ورغم عدم فهمنا للحتة دي لكن
فوتناها ليكم برضو.
طيب " عودة وارقو" دي فرحانين بيها كيف؟
أقول ليك ياتيتا
دي زي رد الزولة الراجل قاليها بعرس فيك
قالت ليهو:
مالو ما في مشكلة والله أضبح الولد وأطهر الخروف.
لم أقرأ بابكر سلك اليوم.
إن شاء الله يكون طهر الخروف.
أشرحوا لينا يا دكتور ياسر "الفرح الخرافي" المتجدد ده.
ياخي " خفيف البلد" من خفتها أمبارح كاتبة العنوان غلط وبالانجليزي.
ازاي تكتب سوري بالسين ياحسين.
مش كده وبس ... ديل نفشوا ليك ريش بوضياف لما شعر بالبرد.
بوضياف زاتو الفجر قنبلة "أمة الأمجاد" دي.
ودي بنجيها بعدين إن شاء الله.
.
| |
|
|
|
|
|
|
| |
haroon diyab
طارق جبريل
عامر تيتاوى
فيس بوك
تويتر
انستقرام
يوتيوب
بنتيريست