|
|
 كيف تقلـع عن التدخـين .؟
|
يغلى كأس حليب في قدر
وكذلك يغلى كأس ماء في قدر آخر
وعندما يصل كل منهما لدرجة الغليان
يخلط كلاً من الحليب والماء في قدر آخر
ويستنشق البخار الناتج من الخليط لمدة 10 دقائق
تكرر هذه العملية لمدة 10 أيام متتالية
ستخرج جميع الأوساخ العالقة في الرئتين بجميع ألوانها بطريقة مدهشة وكثيفة
وبعد مضي فترة ال 10 أيام سيكره المدخن طعم السجائر
وسيساعده ذلك في الإقلاع عن التدخين
هذه الطريقة نقلتها عن مجرب لها وأكد النتائج الإيجابية لها وأقلع عن التدخين نهائياً
بعد العشرة أيام زار الطبيب ليؤكد له الطبيب
بعد الفحص والأشعة كأن صاحب الرئتين لم يدخن طيلة حياته
|
|
 
|
|
|
|
|
|
|
 Re: كيف تقلـع عن التدخـين .؟ (Re: شول اشوانق دينق)
|
| Quote: الحقنا بالمقادير الصحيحة إن أمكن وينالك الثواب |
شفت يا دكتور النوع بتاع شول النوع الكضاب زاتو
يشبكك الحقنا بالمقادير وما عارف يا ريت شنو كدا
وفي النهاية الدخان ألف!!
طيب يا دكتور ما عندك حاجة كدا للتمباك؟
يعني إذا حليت السجاير باللبن والموية
التمباك بكون حلو بشنو؟
| |
|
|
|
|
|
|
|
|
 Re: كيف تقلـع عن التدخـين .؟ (Re: محمد يوسف الزين)
|
محمد يوسف الزين
| Quote: التمباك بكون حلو بشنو؟ |
ذكرتنى قصة طريفة لواحد من المعارف عندو جدو
عمرو قريب الـ 80 سنة وبيسف من هو صغير فكر يخلى
التمباك وماقدر فى النهاية جاتو حيلة غريبة جدا
جاب ليهو مسمار كبير وختاهو فى الجمر لمن بقى احمر
وماكضب جر شفتو وخت فيها المسمار .!!
بالله الراجل شهر ماقدر يفتح خشمو ، خلى انو يسف
عاش الشهر كلو على السوائل وبعد الجرح طاب .. تااااانى رجع للتمباك .
____
نصيحة ماتجرب طريقة الجد المخرف دا 
| |
|
|
|
|
|
|
|
|
|
Re: كيف تقلـع عن التدخـين .؟ (Re: شول اشوانق دينق)
|
الريس شول
تحياتى
| Quote: الحقنا بالمقادير الصحيحة إن أمكن وينالك الثواب |
مقادير شنو ياشول .؟
اصلك داير تعمل صينية مكرونة باللحمة المفرومة .؟؟
رطل حليب بيكفى ومعاهو كوز من الزير .. وبس .!!
____
من هسع كلمت بتاع اللبن البيجينا يزيد الكمية .. لوووووووول
| |
|
|
|
|
|
|
|
|
|
Re: كيف تقلـع عن التدخـين .؟ (Re: د.يوسف محمد طاهر)
|
.
| Quote: الإقلاع عن التدخين يحتاج لإرادة قوية وعزيمة صادقة فقط يا مزمل لا غير ... |
ده كلام صاح.....
أنا بدخن لى كم وتلاتين سنة....
فى يوم 19/11/2009 كنت فى انتظار الأسرة فى موقف البصات...
وكان عندى علبة سيجاير لقيت فيها سيجارة واحدة...قلت
خلاص أدخن السيجارة دى وبعد تكمل أقوم اشترى علبة تانية.
وقعدت قدام مكتب الترحيلات وبديت ادخن فى السيجارة....
ولما كملتها قلت أقوم اشترى العلبة وأجى....
وقبل ما أقوم فجأة لقيتنى بقول لنفسى(ليه ما تخلى السيجارة
الدخنتها دى تكون آخر سيجارة؟؟)
وفعلا لحدى تاريخ اليوم...12/1/2010 ما دخنت سيجارة تانى!!!
.
| |
|
|
|
|
|
|
|
|
|
Re: كيف تقلـع عن التدخـين .؟ (Re: hammama)
|
السلام لكل الإخوه
بالمناسبه أنا أسهل حاجه عندى أخلى السجاير .......
يومياً بخليهو مرتين تلاته ....... بس مشكلتى برجع ليهو
أنا حليت مشكلة ترك السجاير ... فى واحد بحل لى مشكلة الرجوع ليهو ؟؟؟
منتظرين ....
| |
|
|
|
|
|
|
|
|
|
Re: كيف تقلـع عن التدخـين .؟ (Re: أسامه الكرور)
|
اسامة
Quote: يومياً بخليهو مرتين تلاته ....... بس مشكلتى برجع ليهو
|
ياخى انابشرب 3 علب برنجى فى اليوم ودائما بكمية اكتر فى الفترة المسائية
لكن بديت اقلل شوية وهسع بقت علبتن وعندى مساعى جادة انها تكون علبة واحدة
فى اليوم .
بس المشكلة العلبة الواحدة دى تتخلى كيف.؟
غايتو هسع شغال فى حكاية اللبن بالموية دى عشان
نشوف اخرتا شنو .؟
| |
|
|
|
|
|
|
|
|
|
Re: كيف تقلـع عن التدخـين .؟ (Re: صلاح أبودية)
|
مزمل خيري سلامات
انا كنت بدخن تلاتة علب في اليوم ولو الشغل جر سهرة بدخل في العلبة الرابعة ،،،
قلت كدي الواحد يقوم يشرع في ترك التدخين ولكن لانو عندي تجربة قبل كدة (خليتو ورجعت )المهم قلت نبدا نقلل...
لغاية ما وصلت مرحلة عدم التدخين نهار الا في ما ندر ...
يعني تدخين نهاري مافي ،،،،
انت عارف انا وصلت للمرحلة قلت خلاص قربنا لكن من المغرب مايجي طوااااااالي الولاعة وين ويا ولد تعال امشي الدكان
وهاااااااااك يا نفخ ،،،،
شكرا علي المعلومة وسيد اللبن بعد يجي من لندن خليهو يغشانا في بحري .......
| |
|
|
|
|
|
|
|
|
Re: كيف تقلـع عن التدخـين .؟ (Re: صلاح أبودية)
|
مزمل خيري سلامات
انا كنت بدخن تلاتة علب في اليوم ولو الشغل جر سهرة بدخل في العلبة الرابعة ،،،
قلت كدي الواحد يقوم يشرع في ترك التدخين ولكن لانو عندي تجربة قبل كدة (خليتو ورجعت )المهم قلت نبدا نقلل...
لغاية ما وصلت مرحلة عدم التدخين نهار الا في ما ندر ...
يعني تدخين نهاري مافي ،،،،
انت عارف انا وصلت للمرحلة قلت خلاص قربنا لكن من المغرب مايجي طوااااااالي الولاعة وين ويا ولد تعال امشي الدكان
وهاااااااااك يا نفخ ،،،،
شكرا علي المعلومة وسيد اللبن بعد يجي من لندن خليهو يغشانا في بحري .......
| |
|
|
|
|
|
|
|
|
|
Re: كيف تقلـع عن التدخـين .؟ (Re: HAIDER ALZAIN)
|
حيدر ودالزين
| Quote: بعدين في لصقة طبية دي نافعة والا دعاية ساى |
كدى جرب وصفة اللبن وبعــد داك نشوف حكاية اللصقة دى
بالمناسبة شفت لى دعاية فى واحدة من القنـوات عن نوع
من الحبوب تخلى الزول يقلع عن التدخين ، بالله شوفة لى
عندكم فى الشرقية عليك الله ينوبك ثواب ..
| |
|
|
|
|
|
|
|
|
 Re: كيف تقلـع عن التدخـين .؟ (Re: مزمل خيرى)
|
Quote: يغلى كأس حليب في قدر
وكذلك يغلى كأس ماء في قدر آخر
وعندما يصل كل منهما لدرجة الغليان
يخلط كلاً من الحليب والماء في قدر آخر
ويستنشق البخار الناتج من الخليط لمدة 10 دقائق |
أبو جوان إنت متاكد الشغلة ده للإقلاع عن التدخين ولّ الشئ ساونا
_____________
بعد الساونا أم عشرة دقائق ... اللبن الخليط بالموية ده يتكشح ولّ يتشرب
| |
|
|
|
|
|
|
|
|
|
Re: كيف تقلـع عن التدخـين .؟ (Re: مزمل خيرى)
|
.
Quote: عبدالحفيظ ..
المشكلة ذاااتة فى العزيمة
الناس ديل كلللهم لو كانو عندهم عزيمة
كانوا خلو السجائر زماااان ..
شكرا للمرور .. |
إحتمال إنو أنا قدرت أخلى التدخين عشان أنا ما مدخن شره...
يعنى مرات مابزيد من علبة فى اليوم ...و مرات كتيرة....وفى الغالب
العلبة تقعد معاى يومين أو تلاته...و طالما أنا جوه البيت ما بدخن..
وأحيانا ما أدخن طول يومى الجمعة و السبت...
أفتكر دى كلها عوامل ساعدتنى على ترك التدخين...
...... مُشْ ؟!!
.
| |
|
|
|
|
|
|
|
|
|
Re: كيف تقلـع عن التدخـين .؟ (Re: عبدالحفيظ حسن)
|
| Quote: الإقلاع عن التدخين يحتاج لإرادة قوية وعزيمة صادقة فقط يا مزمل لا غير |
اخي مزمل اسمع نصيحة دكتور يوسف دي
انا دخنت اكثر من عقدين وذهبت للصينيين بالرياض وجربت معاهم الابر الصينيه لمدة شهرين وبالفعل
توقفت لمدة شهرين
ولكن رجعت تاني
الاراده فقط
جالس في مكتبي يوم 19/2/2000 م وحاسي بالم في صدري
عامل هندي معي قال لي تشتكي من صدرك ليه ما تترك التدخين ؟
ومن يومها جبت لي كيس كبير بتاع تسالي
وكل يوم اقرض لي كيس
الحمد لله الان عشر سنوات ولم ادخن لا شيشه لا سيجاره
الاراده فقط
| |
|
|
|
|
|
|
|
|
|
Re: كيف تقلـع عن التدخـين .؟ (Re: عبدالحفيظ حسن)
|
يا دكتور .. سلام والمعاك برضو سلام
يا ريت واحد يقوم يجرب (( قصة الابيضين (اذا فرضنا المية بيضا) - في الاقلاع عن التدخين ))
ونحنا - انشالله ننتظر النتيجه ..
يا مزمل انا تركت التدخين اكتر من 950 مرة لكن برجع بكل بساطه .. زي المافي حاجه
وحاتك ......... زهجته من البعمل فيهو ده -
اي لبن ممكن ....؟؟
| |
|
|
|
|
|
|
|
|
|
Re: كيف تقلـع عن التدخـين .؟ (Re: عبدالله كع)
|
السلام عليكم
انا كنت مدخن للسيجاير بصورة جنونية والحمد لله اني تركتو من سنة 2000
لكن المشكلة الجد جد الشيشة ..... قصة اللين المقشوش ده بننفع معاها .
وهل فعلاً
| Quote: بعد الساونا أم عشرة دقائق ... اللبن الخليط بالموية ده يتكشح ولّ يتشرب |
وانا مع انو الموضوع بتاع الاقلاع ده موضوع عزيمة وارادة وما موية ولبن والله اعلم .
ودي واحترامي لراعي البوست
ناصر موسى
| |
|
|
|
|
|
|
|
|
|
Re: كيف تقلـع عن التدخـين .؟ (Re: عبدالله كع)
|
وهنا ايضا زميل لكم استعبدته علبة المارلبورو اللايتس لاكتر من
عقد من الزمان, هذا طبعا قبل ان تسعبدني علبة البرنجي ذات اللونين
الابيض والاحمر. اقلعت عنه وبدأت اشياء كثيرة في حياتي في تطور ايجابي
تحسنت الصحة قلت كمية القلق بصورة ملحوظة. ودعت السهر. عدت لممارسة
الرياضة. النزلة اللعينة التي صادقتني سنينا عددا اصبحت في حل عن جسدي
استقامت اوقات صلواتي اذ انني اصبحت لا اتكاسل عن اداء هذه الفريضة في
اوقاتها المعلومة. ووووووو كثيييييييير من الاشياء الايجابية.
ولكن 
جاء رمضان وجاء وقت سيجارة ما بعد الافطار وذاد القلق واستفحلت الخرمة
وجاء صديق لي . اجتمعت كل عناصر الطبيعة ضدي وتم الاغراء
( يا زول سجارة المويات ما بتنفات) وهااااااك يا جاااااااااخ ولعنا الاولى
ولحقتها الثانية فالثالة وعييييييييك لي هسي سيجارة في ط.... سيجارة
بعد ان اقلعت عنه لعام كامل. ادركت تماما-حينها- ان شيطان سجائري لا يربط في رمضان
اما بعد
فيا صحابي في التدخين الشي دا قسمة ونصيب كان الله قاسم ليك تسيبوا وساعدت
ان القصة بي جكة, بتساب ليك وان كمان قسمتك شياطينا من النوع البكون مفكوك في
رمضان, فموضوعك مستحمي
والسلام عليكم ورحمة الله
| |
|
|
|
|
|
|
|
|
 Re: كيف تقلـع عن التدخـين .؟ (Re: الخير محمد عوض)
|
طبعاً يا أبوجوان أقلعت عن التدخين مرة واحدة فقط وكان ذلك يوم 13/11/2006م ولمدة 6 أشهر لم أدخن فيها ولا سجارة حتى ذهبت إلى شمال بحر الغزال "أويل" وكان ذلك فى خريف 2007م ... وما إن وطأت قدمى "أويل" _خريف تلك البلاد مختلف تماماً عن خريف الخرطوم_ حتى إحتجت لإحدى الأمرين أحلاهما مر، حيث كنت فى مهمة يستغرق الشهرين.
إما السجارة أو ... فإخترت السجارة لعله يقينى من الخريف والرطوبة العالية هناك.
فكانت العودة المهببة وإلى اليوم لم أستطع الفكاك منه.
____________
الشغلة قلب تبادل خبرات يا جمع المدخنين
| |
|
|
|
|
|
|
|
|
|
Re: كيف تقلـع عن التدخـين .؟ (Re: صلاح أبودية)
|
Quote: يغلى كأس حليب في قدر
وكذلك يغلى كأس ماء في قدر آخر
وعندما يصل كل منهما لدرجة الغليان
يخلط كلاً من الحليب والماء في قدر آخر |
ويضاف لهما الجنزبيل والسكر والشاي
وبعد داك سيجارة تضبط المزاج .
30 عاماً من التفرد
ولا أمل.
سلمت من كل شر .
| |
|
|
|
|
|
|
| |
مزمل خيرى
شول اشوانق دينق
فاروق أبوحوه
محمد يوسف الزين
د.يوسف محمد طاهر
عبدالحفيظ حسن
كمال ادريس
hammama
أسامه الكرور
عبد الرحيم محمد عبد الرحيم
صلاح أبودية
طلال جبير جابر
HAIDER ALZAIN
عبدالله كع
الخير محمد عوض
أحمد الصديق
فيس بوك
تويتر
انستقرام
يوتيوب
بنتيريست