|
|
 شِفت الليل أب كراعاً برّه
|
الحمد لله الذي يُحمّد على المكاره وحده، والبتقّع من IBM يتحملوها المساكين الزينا ديل، والبتقّع مني تتحملوها إنتو، وكل زول يرمي في قفّة أخوهو؛ لي زّمن شغال after noon، والآفتّر نون لو تعلمون، دوام مبروك بلحيل، تشتغل شغلك، وكان في سهرّة تكملها، وتجي راجع تنوم نومّك، وبكره تصحى علي مهلتّك؛ الشهر ده الله إبتلى بعضنا ببعض، من الساعة 12 بالليل للساعة 8 صباحاً، والوكت ده بكري نائم، ونوم أب صلعة عباده..
___
عندي حسابات قديمة داير أصفيها، والبسمّع إسمو ما يتطارشني، أنا قاعد، وفورتي أكتر من فورّه تمبس، لأنو في الليل ده لافي شغل، ولا في زول ذاتو بتكلّم معاي..
|
|
 
|
|
|
|
|
|
|
 Re: شِفت الليل أب كراعاً برّه (Re: Yassir Tayfour)
|
تعرف يا أب تفه
شغل الأفترنون دا ممتع ياخ! بعدين الجسم كان اتعوّد عليهو خلاس
اليومين ديل قلبنا شغل صباح .. صباح الرحمن البقولوهو زاتو!
تخيل تصحى صلاة الصبح واليوم يكون بدا خلاس!!
باللاي ترجع البيت تقعد زي الضاربكـ هيم! أيوه هيم عدييييل!
أها بس صلاة العشا دي تشوف ليكـ حجر وتبقى متخارج!!
ياخ صفّي ولو لقيت صفيت لينا معاكـ شوية تكون ما قصّرت برضو!
| |
|
|
|
|
|
|
|
 Re: شِفت الليل أب كراعاً برّه (Re: Yassir Tayfour)
|
| Quote: وفورتي أكتر من فورّه تمبس، لأنو في الليل ده لافي شغل، ولا في زول ذاتو بتكلّم معاي.. |
الاخ ياسر صباح الخير
والله كلامك دا انا مافهمت منو حاجة انتو الناس في المنبر دا عندهم اللغاز براهم .
وحكاية انو مافي زول يتكلم معاك دي (الله في لا تيأس), وياولدي هون على نفسك.
مع مودتي
هاجر
| |
|
|
|
|
|
|
|
|
 Re: شِفت الليل أب كراعاً برّه (Re: داليا حافظ)
|
يا دلو سلامات،
| Quote: يا شفت بالله حقنا في العنوان برة .. |
ياخي جهجهتيني جنس جهجهة، قلت دلو دي مرات بترمي ليها شفرات عشان تحلها you have to get out of the box
____
أخير إتذكرت البوست بتاعك أب كراعاً بره، حقك محفوظ..
| |
|
|
|
|
|
|
|
|
|
Re: شِفت الليل أب كراعاً برّه (Re: SHIBKA)
|
شِبكه،
Quote: تلاتة ارباع تضامني مع اب صلعة النايم
والربع الباقي
يكون مع العايز تصفي معاهو حساباتك يا ياسر |
تلاتة أرباع يا شبكه مره واحده، يعتبر سوء توزيع تضامن..
___
أرقدي عافية يا شبكه..
| |
|
|
|
|
|
|
|
|
|
Re: شِفت الليل أب كراعاً برّه (Re: Yassir Tayfour)
|
| Quote: لي زّمن شغال after noon، والآفتّر نون لو تعلمون، دوام مبروك بلحيل، تشتغل شغلك، وكان في سهرّة تكملها، وتجي راجع تنوم نومّك، وبكره تصحى علي مهلتّك؛ الشهر ده الله إبتلى بعضنا ببعض، من الساعة 12 بالليل للساعة 8 صباحاً، والوكت ده بكري نائم، ونوم أب صلعة عباده.. |
سيم سيم ياابتفة..
بس رايت ناو انا شغالة مورنيق...الله لاوراك تتدخل النت مسارقة
الليل مهيل وبتاخد راحتك هنا..
اى طلبات نحن جاهزين,,,,,,
وانامن اسي بجهز اللافتات وبقود المسيرة,,,
قصرت معاك,?
| |
|
|
|
|
|
|
|
|
|
Re: شِفت الليل أب كراعاً برّه (Re: Yassir Tayfour)
|
Quote: يا هاجر فورة تمبس دي كانت زمان، هسي فورتو أكيد بتكون أسرّع من "صفرجّت"؛ اليأس هيِّن، الكلام القنوط..
|
قرقرقرقرقرقرقرقرقرقرقرقر
يا شقيق
ياخ كيفتنى جنس كيف فى تامبا دا
بعدين بالجمبه كدا ياشقيق
انتا الزول دا تم الشهر والا لسه
لانو لا شوفة تبل الشوق ولا ردا يطمن وانشاء الله يبقى هو طيب
الظاهر والعهده على الراوى انو دلوش شدت السرج كويس
قرقرقرقرقرقرقرقرقرقرقرقر
قلت لى الفوره حقته بقت اسرع من صفرجت
| |
|
|
|
|
|
|
|
|
|
Re: شِفت الليل أب كراعاً برّه (Re: على محمد على بشير)
|
أبو علوة يا شقيق،
Quote: انتا الزول دا تم الشهر والا لسه
لانو لا شوفة تبل الشوق ولا ردا يطمن وانشاء الله يبقى هو طيب |
إنت في هو تمّ الشهر ولّ هو ذاتو وين؟ في الخرطوم؟ في الرياض؟ في السِكة؟
لكن أكيد طيِّب، شايف عمران جايِّب ليهو فيديو بالأقمار الصناعيَّة..
___
يا شقيق تمبس فارقنا فراق الطريفي لجملو..
| |
|
|
|
|
|
|
|
|
|
Re: شِفت الليل أب كراعاً برّه (Re: داليا حافظ)
|
| Quote: دايرك تعمل لي خلو رجل من علي مهدي، وبعوِضك في أي حته تانيَّة.. |
حليل خالك
يمين هسه شهادة البحث بتاعتو ماعارفا عند منو
انت قايل الشفوت ديل بخلوا لي حاجة
ايييييه منو العوض وعليهو العوض
بقينا فارات وحقنا بقى يقلعوا ضحى
_______
خش في الموضوع حرّقت روحنا 
| |
|
|
|
|
|
|
|
|
|
Re: شِفت الليل أب كراعاً برّه (Re: عبدالوهاب علي الحاج)
|
| Quote: خش في الموضوع حرّقت روحنا |
وهبه يا طيش الفصل ..
الزول قال داير يقزقز ويتمدد ..
يعني ده بوست بتاع فلزات ..قابل للسحب والتمدد والطرق والعجن..
كان قام حرق الفلم يتم باقي الليل وين ؟؟
ما تضغط عليه.......
اتمدد يا اب تفه اتمدد يا بني
ـــــــــــــــــــــــــ
بالمناسبة شهادة البحث طلعت مضروبه
| |
|
|
|
|
|
|
|
|
|
Re: شِفت الليل أب كراعاً برّه (Re: Faisal Elrasheed)
|
ابو اليسر
كل شفتة وانت طيب... ياخي البوست دا انضربت فيهو كمية
من البراءة ما طبيعية- واخد بال حضرتك- فعشان كدا يا تخش
في الموضوع وتجيب النجيضة يا كمان سيبو لينا عشان نشرح
لي هاجر دي ( رندوكم) الفوووووووووق دا 
_______________________________________________________
بوست تبيع
| |
|
|
|
|
|
|
|
|
|
Re: شِفت الليل أب كراعاً برّه (Re: Faisal Elrasheed)
|
ود طيفور .. الله يهون عليك يا اخوي ..
والله انت اللي فيهم على قول اخوانا البقو اعداءنا..
تعرف دوام الصباح .. المؤذن يحتار فينا ..
ياخ نقعد ننتظره للصلاة زي الطالبنه حاجه ..
ونرجع .. ننتظره للعشاء بنفس شعور الصباح ..
غايتو حاله حاله ..
غايتو دوام الصباح .... الدوام لله بس ..
اها تم الباقي منتظرنك ..
| |
|
|
|
|
|
|
|
|
|
Re: شِفت الليل أب كراعاً برّه (Re: د.نجاة محمود)
|
اها ابتفة (زي ما بقولوا ليك ناس المنبر دا)
نحن راجينك تفت لينا الناس ديل وبنعمل ليك كل الدعم الانت محتاجه
| Quote: طوالي تجي بوست خالاتك نشوف ليك عروس من بنات البورد |
وطوالي تعمل بنصيحة خالتك نجاة وطوالي قدم طلب عندهاوهي ما بتقصر
والله خالاتك ديل ناس كدا
مع مودتي
هاجر
| |
|
|
|
|
|
|
| |
Yassir Tayfour
محمد عبد الماجد الصايم
عبدالوهاب علي الحاج
omer osman
SHIBKA
داليا حافظ
على محمد على بشير
HAIDER ALZAIN
Faisal Elrasheed
الخير محمد عوض
عفاف الصادق بابكر
khaleel
محمد فرح
Hassan Makkawi
Rihab Khalifa
فيس بوك
تويتر
انستقرام
يوتيوب
بنتيريست