تابعت صدفة لقاء مع شابة اسمع لها لاول مرة وهي نهي عجاج وبدءت واثقة متواضعة هادئة وادت غناء جميلا لها ولغيرها باقتدار ...عرفت من اللقاء انها تحصر نشاطها الفني في اصدار البومات ولقاءات محدودة ... المهم ان لها في وجهة نظري صوت وامكانات جيدة ولقد غنت الحانا من عمل والدها الموسيقي الراحل بدرالدين عجاج ولشعراء اغاني معروفيين...هي بالتاكيد شقيقة لنانسي عجاج والتي سبقتها شهرة وانتشارا ولكن لكل واحدة منهن امكانات ولون خاص كما يبدو الا ان "الجينات" باقية في تشابه في نبرات الصوت ....تمنياتي لها بتوفيق يليق باجتهادها وعطاؤها .....اعجبت بالقصاص الذي رافقها علي الة الاورغ وهو موزع اغانيها وكثير التهذيب والتواضع وعارف بدوره ....
مسافر ليه
01-10-2010, 01:04 AM
Elmosley Elmosley
تاريخ التسجيل: 03-14-2002
مجموع المشاركات: 34683
صدقت والله يا ابوبكر بتنا نهي فنانة مافي كلام سمعت ليها ست اغنيات في موقع سودانيس سونقس دوت نيت ياسلام اعمال من والدها الراحب قمة في الروعة وتوزيعات من عمر القصاص جميله جدا خصوصا الاغنيتين لوحت وبهاجر ليك غايتو مزجة جميله جدا صوتها بين الاصالة والمعاصرة تاييد تام لك يا ابا بكر
تحياتى أستاذنا أبوبكر ، والله بالفعل هذه الفنانة واعدة وأداؤها مقنع وتملك صوت ملائكيا ينساب عذوبة والقا، وأستفادت كثيرا من والدها الموسيقار الراحل بدرالدين عجاج فى صقل الموهبة ونضجها، وأعجبنى جدا أدائه لأغنية ( حليلك ياأسمر) .
01-10-2010, 03:40 PM
abubakr abubakr
تاريخ التسجيل: 04-22-2002
مجموع المشاركات: 16044
Quote: غايتو مزجة جميله جدا صوتها بين الاصالة والمعاصرة تاييد تام لك يا ابا بكر
يا قريبي اكييد هي حتكون سعيدة وفخورة برائك كفنان وموسيقي محترف ...في زمن كثرت فيه اصوات كثيرة تشتهر بغناء الاخريين وتخشي ان تاتي باعمالها الخاصة فهذه الشابة اتت بست اغاني معا سمعت منها ثلاث ومطالع الثلاث الاخريات وكلها لها موقع في الوجدان ومتما ما وجدت الاغتية اوالصوت موقعا في وجدان الانسان فهي تبقي هناك متحكرة ..
انا شاهدت اللقاء معها في النيل الازرق وسجلت هذه "لوحت" التي اعجبتك كما ذكرت
01-10-2010, 03:52 PM
شمائل النور شمائل النور
تاريخ التسجيل: 04-30-2009
مجموع المشاركات: 787
تعرف انا رايي غير رأيك تماما وكثيرا ما أسال نفسي لماذا تصر نهى على الغناء ، صوتها اكثر من عادي ولو انها فيها امكانيات نجمة حقيقية لكن قد تكون في مجال آخر ، ولا تشابه في نبرات الصوت ،،،
هذا رايي
01-10-2010, 04:37 PM
abubakr abubakr
تاريخ التسجيل: 04-22-2002
مجموع المشاركات: 16044
تعرف ياقريبي وسط العجاجه القايمه في الفن السوداني هنالك اثتان سوف تسيطران علي الساحة قريبا ياسمين محجوب ونهي عجاج لانهما لاتستمرآن الطريق الاسهل الا وهو الاجترار كلاهما شجاعة وكلاهما مقدامة وكلاهما تعشق الجديد والتجديد ولا يهمهما ان صفق الجمهور ام لا لانهما تعلمان بان من يصفق لها بضم الصاد اخيرا يكون لها الخلود اسمع كلامي ده وارقد قفا وما اسهل وارخص الاجترار مودتي
01-12-2010, 05:25 AM
فاروق أبوحوه فاروق أبوحوه
تاريخ التسجيل: 07-26-2008
مجموع المشاركات: 2242
كغيري أعجبني صوت نهي عجاج جداً ،، وقد تابعت حلقه كامله لها بثها تلفزيون الخرطوم خلال أيام العيد،، والغريب حتي الإعاده حضرتها ، وقد كانت أجمل من البث الأول.
نهي عجاج ما شاء الله ، قدره فائقه علي التطريب بمعية صوت قوي وجميل يطربك حد التوهان. ولم أنس أن أدس الـ CD الأخير لها بين ما غادر الوطن معي..
شكراً أبو بكر علي هذه الكوه الجميله والموصلي معه ألف حق في ما ذهب إليه.
كل الود
01-12-2010, 06:45 AM
abubakr abubakr
تاريخ التسجيل: 04-22-2002
مجموع المشاركات: 16044
صدقت .. الاجترار والنقل والنسخ والمحاكاة كلها اسهل حيث تفتقد صفة الخلق والابداع الاولي والاصيلة ....
اكرر ان اعجابي بالشابة نهي بالاضافة الي ان صوتها قد وصل وجداني من اول مرة هو اصرارها علي ان تاتي "بحقها" خالصا كما فعل من بقيت اعمالهم واصواتهم في وجداننا عقودا وما زالت
01-12-2010, 07:13 AM
saif massad ali saif massad ali
تاريخ التسجيل: 08-10-2004
مجموع المشاركات: 19127
Quote: صدقت والله يا ابوبكر بتنا نهي فنانة مافي كلام سمعت ليها ست اغنيات في موقع سودانيس سونقس دوت نيت ياسلام اعمال من والدها الراحب قمة في الروعة وتوزيعات من عمر القصاص جميله جدا خصوصا الاغنيتين لوحت وبهاجر ليك غايتو مزجة جميله جدا صوتها بين الاصالة والمعاصرة تاييد تام لك يا ابا بكر
ياهندسة طال ما انت والاستاذ الموصلي اتفقتوا على شيء معناها انا ارجع واشوف الماعجبني فيها شنو .. ياربي عشان يوم هذا اللقاء كانت مكتره من الاخدر ... تخيل في يوم سمعت واحدة من بنات عجاج بتغني رائعة الراحل المقيم (صديق الكحلاوي ) ( قالو قالوا على شقي ومجنون ) والله العظم جرت دموعي ياخي الاغنية حنينة ولي معها ذكريات وبصوتها زادتها حلاوة وكما ن كدى ننتظر صاحبك طارق ميرغني (ابو الفن ) رايو شنو . و ياهندسة البت دي في شيء فيها ناقص وعايز بحث لمعالجته
استاذ الموصلي ( سعد + القصاص + عبد العال ) ياخي انا بقول ديل امتداد لجيلكم
--------------- الف تحية ليك ولكل الزوار
01-12-2010, 10:16 AM
abubakr abubakr
تاريخ التسجيل: 04-22-2002
مجموع المشاركات: 16044
بغض النظر عن شكل المقارنة بينها وبين الصاعدات من المغنيات الشابات نهى افضلهن في الساحة حقيقي يكفيها شهادة ابوها الله يرحموا ياموصلي ساعدوها بقدر مابتقدروا نهى رائعة
01-12-2010, 10:41 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
الأخ ابوبكر والاخوان المشاركين : كلام شمايل النور ده ما تمشوا فيهو ساي .. وما تتعاملوا معاهو كوجهة نظر ورأي وبس.. حا اوافقكم واختلف معاكم .. حا اوافق كلام الموصلي جداً في الحتة بتاعت انها ممكن تنجح لأنها فعلاً أختارت الطريق الوعر وقررت تقدم نفسها بي اعمالها الخاصة واللي وفقت كتييير جداً في اختيارها فهي من نوعية الاعمال القريبة لي قلب وسمع السودانيين وبتهبشهم سريع ساعدها في ده استخدامها لي واحد من امهر الشباب الموسيقيين هذا المدعو عمر القصاص .. حا اختلف معاكم وكالعاااادة في قصة صوتها جميل دي .. صوتها ما فيهو جماليات ولا شي مميز والغريبة كمان انو حتى ما بيشبه صوت البنات الفنانات (مرات كده كللل النسوان لمن يغنوا عندهم صوت واااحد كده ).. ما يميزها انها جريئة وشكلها عينها قوية وما بتخاف (اللقاء الحضرتو ليها كانت قاطعة قلب مقدمة البرنامج عدييييل كده وعندها صرة تخلع والله :) ).. اتوقع والله اعلم انها بتغني وفي بالها شهرة نانسي اختها ومن بعيييد لي بعييد كده انا حاسي بودار خلاف اثرت عليها عوامل خارجية خلت نهى دي تغني بي نفس حااار ومعاكس ومخالف لي طريق نانسي مع انهم اخوات بس يبدو انو في دوافع خفية بتخلي نهى اكتر حدة وهي بتغني على عكس نانسي البتغني رااايقة وبتتكلم راااايق وبدون انفعالات (واضح من خلال المقارنة بين اللقاء اللي تم مع كل واحدة على حدى وطريقة الردود والكلام ..) نهى تملك اعمال جميلة متكاملة تعتمد على اعمالها الخاصة في تقديم نفسها لكن تفتقد للصوت .. مع تحيات عمر الشاتور..
تخريمة : شمايل انا من زمااان قلت ليك انتي مججججججرمة ما صدقتينيوعاااارفك قريتي في معهد القرش بس براااك ناكرة ..
01-12-2010, 11:12 AM
abubakr abubakr
تاريخ التسجيل: 04-22-2002
مجموع المشاركات: 16044
Quote: حا اختلف معاكم وكالعاااادة في قصة صوتها جميل دي ..
اختلف زي ما داير فانا كما ذكرت في موضوع سابق غير متخصص واهو رطاني ساي اكان عجبني غني عرريب بسمعو ما عجبني برجع لطارنا وغنانا وطمبورنا ويا دار ما دخلك شر ... انا استمعت للبنية دي صدفة وما كنت عارف هي منو لاني تابعت البرنامج في جزء بعد المقدمة بحيث لم اعرف دي مين وداك منو وكانت بتغني لحظتها فبدل ما احول لفضائية ثانية لانو عندي "ارتكاريا " من الفضائيات السودانية ما بتخليني اتاوق كتير عندها اها اكرش واستمع .. يعني عانيت لانو كنت عايز اواصل اسمع البنية .. اي ان صوتها او غناها وصل الي وجداني ... بعدين انا مزاجاتي في الاستماع ممكن اشعلق في اغنية شهر واكرهها سنيين وارجع ليها عشان كدة عندي حوالي مية غنية في التلفون الشايلو وفجاءة اقوم امسحن كلهن واجيب غيرهن وكدة فبالله خليني في الوصلة الانا فيها دي وواصل مع عمك الموصلي هو برضو من اندنا وما بتنازل كدة لله في الله ولو قال صوت جميل يعني صوت جميل ويبقي الوضع كما هو عليه وعلي المتضرر اللجوء الي اية حاجة ...شد حيلك ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
abubakr
Elmosley
هاشم محمد الحسن عبدالله
شمائل النور
فاروق أبوحوه
saif massad ali
وليد عبد اللطيف
حافظ كنجال
عمر الفاروق
فيس بوك
تويتر
انستقرام
يوتيوب
بنتيريست