|
Re: اين كيكي يوجد اهداء وشوق (Re: أمين محمد سليمان)
|
Quote: يا خليل ، كريم من ما جابوه في الجزيره تاني عينا ما وقعت عليه ! غايتو أنا كان جابوني في الجزيره ، سلام الله ما بديكم ليه ! |
امين النوتة
اوعي تقول لي كيكي جابوهو في قناة الجزيرة
والله ما شفتو واوعي تقول لي عملت معاهو اللقاء ايمان بنورة ولل فيروز
غايتو كان طلعت واحدة من ديل
انا بحترم نفسي واشوف لي صاحب من البسطاء
| |
|
|
|
|
|
|
Re: اين كيكي يوجد اهداء وشوق (Re: khaleel)
|
ياخليل ...
المرشد الاسفيرى الاعلى كيكى داخل فى دور بتاع طالب ..قال عندو امتحانات فى الشغل ..اول مرة فى حياتى اعرف انو فى مؤسسات بعد ماتشغلك بكم سنة كدا بتعمل ليك امتحانات ..شكلو الفاره الذى انتقل اليه مؤخرا اغراهو بهذه (القراية) المزعومة والله اعلم ...
| |
|
|
|
|
|
|
Re: اين كيكي يوجد اهداء وشوق (Re: طارق الكوتش)
|
Quote: He is in a remote area and has no access to the internet وفى روايه اخرى تفيد انه سئم الاسافير وعالمها بل ترك الدوحه نهائيا وهجرها للوطن حيث شوهد يعمل سائقا للورى سفرى بين المجلد والضعين...
|
بس يا أحمد ما يكون اشتغل مساعد حلة مع إسماعيل المان .
احتمال الامتحانات والرحيل شكلوا راجح نتمنى له سريع الاستقرار وعاجل العودة إلى كراكير الأسافير
التحايا لخليل صاحب كيكي
| |
|
|
|
|
|
|
Re: اين كيكي يوجد اهداء وشوق (Re: طارق الكوتش)
|
Quote: فى اتصال هاتفى مع الود كيكى افاد انو بخير بس مشغول بامتحانات ( قراية الكبر يا خليل ) + رحل و الرحول انت ادرى به من غيرك
خليل ياخ مشتاقين > راجع المسينجر |
كتاشة مكنة الامتحان دي ما ماشة فيني
| |
|
|
|
|
|
|
Re: اين كيكي يوجد اهداء وشوق (Re: احمد الامين احمد)
|
Quote: وفى روايه اخرى تفيد انه سئم الاسافير وعالمها بل ترك الدوحه نهائيا وهجرها للوطن حيث شوهد يعمل سائقا للورى سفرى بين المجلد والضعين... اأخرون ذكروا انه تنسك واعتزل الحياه بصخبها ليقضى بقيه حياته فى "خلوه" مستغلا جذع شجره تبلدى ضخمه كمسكن طعامه الجراد كيوحنا المعمدان وشرابه ماء زمزم كابى ذر ا لغفارى بمنطقه نائيه قرب ابى زبد بكردفان |
احمد الامين
كل سنة وانت طيب
يا خوي كيكي ما دام عرف درب الماسنقر والفيس بوك والسكاي بي
ما ظنيتو تاني يمشي ابو زبد دي
| |
|
|
|
|
|
|
Re: اين كيكي يوجد اهداء وشوق (Re: محمد عبدالرحمن)
|
Quote: على كيكى داخل فى دور بتاع طالب ..قال عندو امتحانات فى الشغل ..اول مرة فى حياتى اعرف انو فى مؤسسات بعد ماتشغلك بكم سنة كدا بتعمل ليك امتحانات ..شكلو الفاره الذى انتقل اليه مؤخرا اغراهو بهذه (القراية) المزعومة والله اعلم ... |
محمد عبد الرحمن
الحنك دا بيش وما بمشي فيني
الزول دا عمل شنو خلاهو يدس
| |
|
|
|
|
|
|
Re: اين كيكي يوجد اهداء وشوق (Re: khaleel)
|
هلا يا خلي وتحياتي وتقديري للجميع وشكرا علي السؤال... وخالك بخير وعافية يا خلي لولا الاسباب التي ذكرها الكوتش ومحمد عبدالرحمن وبعض الاستحقاقات التي تتطلب (اللبتن) لانجازها... ........ وساعود ده لو ما فكرت جليا في التكهنات القالها احمد وامن عليها جعفر محي الدين فهي ملهمة ومغرية ويسيل لها اللعاب...
رغم يا جعفر حكاية مساعد حلة مع المان دي صعبة وشغلة اكيد ح اطلع منها مفلع بيد ليبر لانو المان زول قاسي وارهابي كبير
كل الود وكونو بالف خير وتحياتي للجميع
| |
|
|
|
|
|
|
Re: اين كيكي يوجد اهداء وشوق (Re: عامر تيتاوى)
|
Quote: بس مشغول بامتحانات ( قراية الكبر يا خليل )
|
المكنة دى مابتقسم معاى انا كمان لكن من فترة قلبى ماكلنى وباسال نفسى شنو احسن من البورد وقع فى يد كيكى ؟ بالتأكيد ما الامتحانات (عوده فيها عود مره)
ابوالقوق زى الانت فى السودان الايام دى خالد ما وصل سن المدارس ولا شنو لانه دى ما ايام اجازات سلم لى على الجميعابى واولاد زهير لو بتشوفهم (قالوا بتعمل مجنون لما تمشى السودان ومابتلاقى زول)
| |
|
|
|
|
|
|
Re: اين كيكي يوجد اهداء وشوق (Re: احمد التجانى احمد)
|
Quote: ابوالقوق زى الانت فى السودان الايام دى خالد ما وصل سن المدارس ولا شنو لانه دى ما ايام اجازات سلم لى على الجميعابى واولاد زهير لو بتشوفهم (قالوا بتعمل مجنون لما تمشى السودان ومابتلاقى زول) |
احمد التجاني
سلام قابلت عيال زهير والجميعابي وسيد الرايحة
شنو ليك
| |
|
|
|
|
|
|
Re: اين كيكي يوجد اهداء وشوق (Re: عبدالكريم الامين احمد)
|
ويا خليل عشان نبلش في البوست من البداية من الضرورة القليل من النقة في الاهداء الموشح بزيدان ابراهيم ابو الزيود او زوزو كما كان ينطقه احد الذين مسهم الجن من ابناء احدي المدن الكردفانية البعيدة... هذا الرجل ياتي الي الاسواق ويجوب كراكيرها وصادف ان احد الكافتريات كانت تضع شريط لزيدان ابراهيم وفجاة هب هذا الرجل المجنون وهو يردد ده زوزو ده زوزو ثم بكي وتدردق في التراب لمدة طويلة.. ....... فزيدان ابراهيم ياخي فنان تجذر عميقا في الوجدان السوداني بكل طبقاته فالرجل غنائي ومهذب تهذيب عالي ياخي.. وبالله شفتو مهذب كيف في حضرة كابلي في تلك السهرة التي قدمها حسين خوجلي.. ..
| |
|
|
|
|
|
|
Re: اين كيكي يوجد اهداء وشوق (Re: عبدالكريم الامين احمد)
|
Quote: احي يا القرض الني
نمشي كمبو الري
كيكي احسن لي
جايب ليك اخبار من قلب المدينة
ومن قاع المدينة
لامن اجي بكرة او بعد بكرة |
حبابك يا ابو خليل وفي انتظارك وانتظار الخبورات من عمق المدينة وقاعها.. وبالله ضروري الليلة تشد سلك لكمال سالم فهناك وصية ومرسال ضروري تجيبو معاك وانت جاي.. ويا شوقنا للكمبو ابو مرايس
| |
|
|
|
|
|
|
Re: اين كيكي يوجد اهداء وشوق (Re: khaleel)
|
صبر شنو يا خليل وانت بتشتحف فينا بالطريقة دي انا شكلي كدي ح اكابسك في الاجواء القطرية فوووووووق.. بالله ارفع القدم سريعا مارش والينا بهذه الدرر..
قعدة ولزيدان وتسجيل نادر للراحل عثمان حسين.. والله بيني وبينك يا ابو خليل شكلك كده غايب وجايب والله
| |
|
|
|
|
|
|
Re: اين كيكي يوجد اهداء وشوق (Re: عبدالكريم الامين احمد)
|
الحبيب كيكى حمد لله على السلامة وحشت البورد وامتحانات شنو دى يا اخوى الفى الزمن الضائع والشغل دة زمان ما عندك فيه باعا كدة لما يقولوا عليه
التاريخى ود البدوى مستقر فى ابوظبى ويقريك السلام ارسلت له تلفونك وكان بيسأل منك بشدة
Quote: وعند حضورهم الي المدينة يحرصون تماما علي اقتناء شرايط لعثمان حسين وابراهيم عوض ووردي |
تطير عيشتها المدينة تشيل منو ومنو؟ لو على الشرايط ممكن تجيهم لعندهم
| |
|
|
|
|
|
|
Re: اين كيكي يوجد اهداء وشوق (Re: احمد التجانى احمد)
|
Quote: Quote: وعند حضورهم الي المدينة يحرصون تماما علي اقتناء شرايط لعثمان حسين وابراهيم عوض ووردي
تطير عيشتها المدينة تشيل منو ومنو؟ لو على الشرايط ممكن تجيهم لعندهم |
كيكي ... ود التجاني ده ... كلامه وراهو كلام ... الزول ده لسه ما إعترف بإنتمائك الجديد لــمدني .. Quote: التاريخى ود البدوى مستقر فى ابوظبى |
ود البدوي .... ياسلااااااااام ... وييييين الزول ده يأخوانا .. ___
خليل ... منور البلد ... ___
أبو مهند ... شفت الوقفة بتغيير اليوزر أي دي .. وكمان تبقيك واحد لنج في البورد ... بعد خدمة3 سنوات ... الله كريم ..
..
| |
|
|
|
|
|
|
Re: اين كيكي يوجد اهداء وشوق (Re: حاتم يوسف العبيد)
|
Quote: كيكي ... ود التجاني ده ... كلامه وراهو كلام ... الزول ده لسه ما إعترف بإنتمائك الجديد لــمدني |
اوووووووه العريس الذي نفض الكيس.. وشايف في تعريب واستلاب طال حتي اليوزرنيم واصبح عربيا قريشيا (وين بشاشا ده ياجماعة هوووي) وبالعدم هاتو لنا تراجي لوووووول... احمد تجاني قصتو قصة.. وداير يستحوذ براااهو علي خيرات المدن وهو الاتي من عمق الريف المناقلي .. واحنا ياحاتم حالفين عينة ناس الضهاري ديل المدن الكبري الا نعمل ليهم الدخول فيها كل عشرة سنوات مرة.. زي احمد ده في الولاية الوسطي عندو مدني والمناقل فقط وباقي المدن حيشمها كشنة..
تحياتي يا حاتم وكل الود
| |
|
|
|
|
|
|
Re: اين كيكي يوجد اهداء وشوق (Re: عبدالكريم الامين احمد)
|
Quote: زي احمد ده في الولاية الوسطي عندو مدني والمناقل فقط
|
والله يا كيكى اكرمتنى كرم شديد غاية الامانى حاليا ان يقدر لى الاقامة بمدنى مرة تانية وخميس فى المناقل وخميس فى الحاج عبدالله ونادى الجزيرة وستاد مدنى والملجة وجامعة الجزيرة وكوبرى حنتوب وامبارونا وبركات وما ادراك مابركات والتجارب وياحليل طارق عجبنا وحسام بخيت والنشيشيبة واولاد جلى وبانت والجرارة وميدان المولد يا اخى عكرت صباحنا يا كيكى
حاتم يوسف حمد لله على السلامة لكن شكلك كدة بعد دة البورد ح تدخل ليه من 2 باسوورد واحد حق بكرى والتانى من المدام (بالسعودى المعذبة) وبالسودانى حق الضهارى المراه
| |
|
|
|
|
|
|
Re: اين كيكي يوجد اهداء وشوق (Re: احمد التجانى احمد)
|
Quote: خميس اتلميتو فيه انت والكاهن بكون صبحت عليكم يوم السبت |
ههههه
والله يا مسخوت كانت ليله من الليالي الجميله
إتذكرنا البركس و ليمون الbusiness
وال main Rd وكافتريا إقتصاد وكل الذكريات الحلوه على انغام محمد ميرغني و ابوداؤود
| |
|
|
|
|
|
|
Re: اين كيكي يوجد اهداء وشوق (Re: emad altaib)
|
Quote: سلامات خليل يا هندسة كيكي زول جميل وبيحب وطنه بصدق له التحايا أينما كان |
تحية وتقدير يا عماد ونشهد يا عماد بانك من الذين يجعلون للوطن وقضاياه معاني سامية وراقية في هذا المكان ودمت
| |
|
|
|
|
|
|
Re: اين كيكي يوجد اهداء وشوق (Re: Nader Abu Kadouk)
|
Quote: كان مخمس معاي الخميس الفات
جنس قطايع فات المشاطات لي هناك |
هلا هلا يا ابوكدوك ومشتاقين ياخي.. وخميس تحسدو عليه فاكيد بكون ما خليتو ملف قديم او جديد ما اتفتح.. والكاهن ده ياخي زول صحبي شديد ومن ما فتحت عيوني في الجامعة دي لقيتو قدامي وجيه وزينة يعلم الله وقشراتو مميزة وحنكو سنين.. ولكن المرة الجاية بالله اسالو عن قصتي معاها في الزيرو ترينغ لمن كنا قاعدين في الجامعة وهي مؤجزة فهي قصة تصلح لكي تكون نموذجا لاستكراد المركز للهامش (المركز يمثله ود البدوي والهامش طبعا هو اخوك المسكين)... كنا في الجامعة لتدريب اسمو زيرو..وبعدين صادف واحد من اهلي قدم لي مكرمة بتاعة قريشات كده ما بطالة الايامات ديك... اها باريت ليك ود البدوي ده.. يا كيكي ارح قاعة الصداقة فيها مسرحية اسمها شنو كده ماعارف.. اخوك يقوم يتجوعل ويدفع كاش كل مستلزمات الامر من تذاكر وجابت ليها تكاسي ...!! يا كيكي ارح المسرح القومي الليلة في منو كده ماعارف عندو حفلة... قوم يا كيكي مول المشية ياكيكي ارح فندق وين كده ماعارف ...وياكيكي ارح حديقة وين كده ماعارف..!!! واخوك لقي ليك كهارب ومسارح المدن دي ودايس علي ابنص الصرف البذخي المهم في خميس خمسين القريشات دي اتشطفت ولحقت غنم زهرة ..وقعدنا نتتلفت حق الرجعة لسنار بعد التدريب بقي في تلتلة
| |
|
|
|
|
|
|
Re: اين كيكي يوجد اهداء وشوق (Re: احمد التجانى احمد)
|
Quote: والله يا كيكى اكرمتنى كرم شديد غاية الامانى حاليا ان يقدر لى الاقامة بمدنى مرة تانية وخميس فى المناقل وخميس فى الحاج عبدالله ونادى الجزيرة وستاد مدنى والملجة وجامعة الجزيرة وكوبرى حنتوب وامبارونا وبركات وما ادراك مابركات والتجارب وياحليل طارق عجبنا وحسام بخيت والنشيشيبة واولاد جلى وبانت والجرارة وميدان المولد يا اخى عكرت صباحنا يا كيكى |
يا سسسلام يا ود التجاني ياخي.. والصباحات يا احمد ديمة معكرة في هذه الغربة فالشريط بجر وبجر وبجوب بيك فيافي بعيدة وتفصلنا عنها ملايين الامتار...ولكن نسوي شنو ياخي مع ابوزيق وفواتير البلد الراجينا ديك.. والبوست ده شكلو كده غاب وجاب والله مادام جات فيهو سيرة طارق عجبنا وبقية الشباب الرائعين ديل ياخي.. وياخي تتخيل قريبكم (معتصم) لايزال حاضر في الذاكرة فالراجل كان طيب المعشر ونكتتو جاهزة وحاضرة واجتماعي من الطراز الاول ..وتحياتي ليهو بكان ما هو قاعد العربي ده.. ورغم وليعك لجمر الاشواق بتاعتي الا ان مدني ليك تاني مافي بعدما جوها ناس ابو الكيك ديل
| |
|
|
|
|
|
|
Re: اين كيكي يوجد اهداء وشوق (Re: عبدالكريم الامين احمد)
|
Quote: وشايف في تعريب واستلاب طال حتي اليوزرنيم واصبح عربيا قريشيا (وين بشاشا ده ياجماعة هوووي) وبالعدم هاتو لنا تراجي لوووووول... |
لوووووول ..وحياتك إتهكرت .. وبعديها صاحبكم سيد الحوش ..حلف يرجعني بالعربي وبإسمي الكامل ... يعني حتى فرصة الواحد يعمل فيها رايح وينكر الكلام .. بإعتبار الإسم ثنائي فقط ويحتمل أن يكون شخص آخر .. إتعدمت تماماً ..
Quote: احمد تجاني قصتو قصة.. |
يازول صاحبك ده في إجازته الأخيرة للسودان ... برادو ع الزيرو ... قاليك .. مافي شي وقف قدامه ...مطر ...ترعة ... طين ... حام ليك البلد بكراع كلب ... لغاية التومات وصلها ... الزول ده هو ومحمد جميل في سرجوااااحد... ماظنيته تاني برجع المناقل دي ...
..
| |
|
|
|
|
|
|
Re: اين كيكي يوجد اهداء وشوق (Re: حاتم يوسف العبيد)
|
سلام يا أحمد الأمين و مشتاقين والله ! Quote: He is in a remote area and has no access to the internet |
تعرف قريت كلامك ده و ضحكت لمن دمعت ، اتذكرت أم المعارك و ما تبعها من غزوات إسفيريه....
-------------
Quote: دا انت يا خال ....!!!!
------- مشتاقين يا خال .. (تاااااني) |
داليا مرة تمبس ياخي نحن بالاكتر والله ، بعدين يا داليا ، إنتي ما شفتي كريم عمل شنو ؟ طلع من ستوديوهات الجزيره ، ركب عربيتو و رفع القزاز لحدي هسي ما نزلو !
-------------
Quote: وخليك قريب فاخوك قريبات دي حينط في الشاشة البلورية لانو الحكاية دي واررررررررره..
|
ياخي نط بسرعه و لو لقيت ليك طريقه تحتل هناك ، ما تمرق ذاتو : دايرين لينا زول بنعرفو يبقي مشهور عشان نقشر بيه !
| |
|
|
|
|
|
|
Re: اين كيكي يوجد اهداء وشوق (Re: khaleel)
|
Quote: يازول صاحبك ده في إجازته الأخيرة للسودان ... برادو ع الزيرو ... قاليك .. مافي شي وقف قدامه ...مطر ...ترعة ... طين ... حام ليك البلد بكراع كلب ... لغاية التومات وصلها ... الزول ده هو ومحمد جميل في سرجوااااحد... ماظنيته تاني برجع المناقل دي |
هلا يا حاتم وبكون الاغنية الجابها خليل بتاعة ماشة معاك بسبوسة قاطعنها في صحبي ابو صلعة ده لوووووول.. غايتو اولاد الريف ديل لمن ينبحو تاني بتكاسي ما بتلحقو وحليلك ياحلة ود الزين ولا ود الماجدي ماعارف
| |
|
|
|
|
|
|
Re: اين كيكي يوجد اهداء وشوق (Re: أمين محمد سليمان)
|
Quote: ياخي نط بسرعه و لو لقيت ليك طريقه تحتل هناك ، ما تمرق ذاتو : دايرين لينا زول بنعرفو يبقي مشهور عشان نقشر بيه |
هلا يا نوتة وعارف يا امين في حاجات في الدنيا دي انا قاعد اسميها (امتحان الفيزياء).. لانو زمان قبل ما تمتحن امتحان الفيزياء في الشهادة السودانية الناس القدامك بخلعوك منو وبتخاف عديل كده من سيرة (امتحان الفيزياء) باعتبارو صعب وقاسي واردب سمسم.. واها بتقوم انت تخاف وتكابس في الفيزياء دي بخلعة وهلع وكبكبة شديدة ولكن لمن تجي يوم الامتحان تكتشف ان الموضوع ده اشاعة ساكت والناس عاملة ليها هيلمانة وانك ممكن تباصر في الامتحان ده وتطلع ليك بحاجة كده ما بطالة.. اها الجزيرة والهيلمانات العجيبة برضو زيها وزي امتحان الفيزياء لمن تخوض فيها بتكتشف انو القصة دي ساااهلة وكيسها فاضي ساكت وانو ممكن اي زول يجي فيها لووووووول
وتحياتي
| |
|
|
|
|
|
|
Re: اين كيكي يوجد اهداء وشوق (Re: عبدالكريم الامين احمد)
|
............. فاقدنك في منتديات السياسة ومسارح الغناء وميادين الرياضة وتضاريس المساحة والجيلوجيا ياكريم أظهر وبان ياراجل!! سلام خليل صاحب التسجيلات الفشنك!! المريخ ضربكم المرة دي وياحليل أيام الطيب عبدالله لمان كان المريخ ما بيسجل غير الفتات!!
| |
|
|
|
|
|
|
Re: اين كيكي يوجد اهداء وشوق (Re: كمال عباس)
|
Quote: ............. فاقدنك في منتديات السياسة ومسارح الغناء وميادين الرياضة وتضاريس المساحة والجيلوجيا ياكريم أظهر وبان ياراجل!!
|
تحياتي يا ابوكمال والاشواق .. وانا ايضا يا كمال افتقدكم كثيرا في هذه الوقفة التي اوجبتها بعض الظروف ولكن كنت اتاوق واقراء لكم في ميادين السياسة والفكر وقضايا وطننا المجروح بسكاكين بني كوز الجلاديين الجدد.. وها قد عدنا يا كمال الي كل روابينا ومدارتنا القديمة وكل الود
| |
|
|
|
|
|
|
Re: اين كيكي يوجد اهداء وشوق (Re: khaleel)
|
Quote: هلا يا نوتة وعارف يا امين في حاجات في الدنيا دي انا قاعد اسميها (امتحان الفيزياء).. لانو زمان قبل ما تمتحن امتحان الفيزياء في الشهادة السودانية الناس القدامك بخلعوك منو وبتخاف عديل كده من سيرة (امتحان الفيزياء) باعتبارو صعب وقاسي واردب سمسم.. واها بتقوم انت تخاف وتكابس في الفيزياء دي بخلعة وهلع وكبكبة شديدة ولكن لمن تجي يوم الامتحان تكتشف ان الموضوع ده اشاعة ساكت والناس عاملة ليها هيلمانة وانك ممكن تباصر في الامتحان ده وتطلع ليك بحاجة كده ما بطالة.. اها الجزيرة والهيلمانات العجيبة برضو زيها وزي امتحان الفيزياء لمن تخوض فيها بتكتشف انو القصة دي ساااهلة وكيسها فاضي ساكت وانو ممكن اي زول يجي فيها لووووووول
|
ولد دة !!!!
قادر الله ياجماعة الكلام الفوق دة كاتبه هاشم صديق ولا سبدرات ؟ والله يا كيكى انت ذاتك بينك وبين نفسك بكون عندك بعض الرجاء انك ممكن تنال ليلة القدر بعد حالتك دى لكن مسالة يجيبوك حتى فى تلفزيون ولاية القضارف الريفى دى مابتكون خطرت على بالك ناهيك عن قناة الجزيرة
بعدين ياموهوم ود الزين دة جدى كان من القادة فى الثورة المهدية مازال سيفه الذى يعطى فقط لامراء المهدية يزين جدران منزل جدى ابو والدتى الشيخ عبد الماجد احمد الزين
| |
|
|
|
|
|
|
Re: اين كيكي يوجد اهداء وشوق (Re: احمد التجانى احمد)
|
Quote: بعدين ياموهوم ود الزين دة جدى كان من القادة فى الثورة المهدية مازال سيفه الذى يعطى فقط لامراء المهدية يزين جدران منزل جدى ابو والدتى الشيخ عبد الماجد احمد الزين |
يعني يا احمد التجاني
انتو دائرة مقفولة لحزب الامة
| |
|
|
|
|
|
|
Re: اين كيكي يوجد اهداء وشوق (Re: khaleel)
|
Quote: انتو دائرة مقفولة لحزب الامة |
تعرف يا ابو القوق عند قيام الانتفاضة كان كامل عبد الماجد متعاقدا مع احدى الشركات الامريكية كخبير فى انشاء البلديات والمجالس المحلية فتقدم باستقالته تاركا العائد الضخم من الوظيفة ليلحق الترشيح للانتخابات فى الدائرة التى كان نائبا عنها والده جدنا الشيخ عبد الماجد لدورة او اثنين فى برلمان الديمقراطية وحين ذهب لمقابلة الصادق المهدى اعتذر له بان الحزب قرر ترشيح الامين احمد الفكى لهذه الدائرة ولكن رفض اهلنا وقرروا عدم التنازل ومضوا قدما فى اجراءات الترشح وحشد الناخبين الا ان الخال قرر فى اللحظات الاخيرة التنازل للمرشح الاخر مما احدث تذمرا واحباطا لدى الاسرة وخصوصا بعضهم تالموا ان يكون التنازل لرجل ادمن التلون فهو كما يقولون شعب كل حكومة والان شيخ الامين من دهاقنة المؤتمر الوطنى ولكن من هو الذى لم ينطوى تحت جناح الانقاذ ممن تبقى من ساسة الزمن الماضى
| |
|
|
|
|
|
|
Re: اين كيكي يوجد اهداء وشوق (Re: احمد التجانى احمد)
|
Quote: قادر الله ياجماعة الكلام الفوق دة كاتبه هاشم صديق ولا سبدرات ؟ والله يا كيكى انت ذاتك بينك وبين نفسك بكون عندك بعض الرجاء انك ممكن تنال ليلة القدر بعد حالتك دى لكن مسالة يجيبوك حتى فى تلفزيون ولاية القضارف الريفى دى مابتكون خطرت على بالك ناهيك عن قناة الجزيرة
بعدين ياموهوم ود الزين دة جدى كان من القادة فى الثورة المهدية مازال سيفه الذى يعطى فقط لامراء المهدية يزين جدران منزل جدى ابو والدتى الشيخ عبد الماجد احمد الزين |
هلا يا صلعة وقلنا نركن خميس وجمعة اصلك بتكون متحاوم في اسدال الكعبة كايس الحسنات ولكن مادام جيت فممكن نسولف معاك شوية ونديك الفيها النصيب... سبدرات شنو كمان..؟؟سبدرات ده لو ختا الاغنية اغنتين الغنوها البلابل ديل حرم عبدو بطل@ يفوقه شهرة وصيت.. يا اخوي ده زمن العولمة والاعلام الحر والسهل واهو احنا وجدناه فرصة سانحة للاندياح ومكابسة الاسامي الكرتونية ودخلنا حمارنا مع حمير السادة الكتبة.. يا المجد والخلود لروح الجد ود الزين ولكل جدودنا الذين حاربو في ام دبيكرات... وطيب انت الشيوعية ليك شنو مادام جدك انصاري وراس مية كمان..لوووووووول حزب الامة ده ما راجيكم والجبهجية عاصرنو حااااار وانتو قاعدين تضربو لي في البطيخ البارد في جدة دي
| |
|
|
|
|
|
|
|