|
الخروف التاني مشى وين ياوهبة ؟! توجد ( صور) وخروف جاري البحث عنه !!
|
في رحلة الكدرو ياوهبة
موش كان في خروفين ؟!
أها قول عمك حمزة ضبح وأحد وأكلتوه ماشاء الله
لكن كان في خروف تاني ده مشى وين ؟!
الصراحة شفقانة عليهو وخايفة تكونوا نسيتوه هناك في الحديقة لوحده في البرد ياعييييني !!
ولا شلتو معاكم في البرادو ياعمك ؟ ( لووووول)
عاين
عندنا رحلة مع الريس شول وعاوزين الخروف داك فهل تعتقد بنلقاهو لو رجعنا الحديقة ذات مساء ياوهبة العزيز ؟!!
إنعام العروس قالت شافت الخروف آخر حاجة بودع في الناس وهم طالعين من الرحلة ,,هههههههههه
الصور مع الباشمهندس معتصم الطاهر برضووووو
وهبة ؟
فين الخمستاشر جنيه اللي عليك يلا ؟! لووووووول
|
|
|
|
|
|
|
|
Re: الخروف التاني مشى وين ياوهبة ؟! توجد ( صور) وخروف جاري البحث عنه !! (Re: العوض المسلمي)
|
مسلمي ؟
Quote: الخروف التاني كان ديكور بس يا نادية ,, |
ديكور كيف يعني ؟
كان للعرض فقط ؟
النصيحة لي الله كان خروف وجيه طول الرحلة بعاين ليهو
لون صوفه أبيض نضيف يميل لصفار فاقع يسر الناظرين ( لووووول)
عاين
الخروف ده محتاجينو لحفل تدشين الرئيس الجديد أها بنلقاهو قاعد في الجنينة خالف كراعو لي هسي ولا في شنطة البرادو حقتك ؟(وش أخدر مدردق)
بتعملوها كيف الوشوش دي ياخ ؟!
| |
|
|
|
|
|
|
Re: الخروف التاني مشى وين ياوهبة ؟! توجد ( صور) وخروف جاري البحث عنه !! (Re: عبدالوهاب علي الحاج)
|
وهبة
Quote: ندوية الخروف التاني عملنا ليهو Refund شفتي براك الرحلة يوم الجمعة بتكون فاشلة كيف والناس ما جوا كتار انا نفسي ما كنت جاي لو لا اصرار العوض |
والله كنت متابعة بوست الرحلة من القاهرة وشفت الحشد المعمول ليها
لكن أظن الناس لأنها كانت مساهرة في رأس السنة لأنو ناس كتار جو متأخرين !
لكن الرحلة كانت حلوة بيكم وربنا يديم لماتكم يارب
المهم هسي عاوزين الخروف لإحتفال اللجنة الجديدة ممكن تتصرف كأمين عام ومخول ليك كافة الصلاحيات؟( وش مدور)
Quote: والناس الجو جابو معاهم بيرقر لووووووووووووووول |
الصراحة جبت بيرقري معاي لأنو المكان بتاع الرحلة داك مافيهو (مخارج للطؤاري) حسب معلوماتي لوووووووول
يعني نأكل الخروف ونبقى في التخارجنا ونتجارى شمال يمين ؟ ههههههههههه
| |
|
|
|
|
|
|
Re: الخروف التاني مشى وين ياوهبة ؟! توجد ( صور) وخروف جاري البحث عنه !! (Re: شول اشوانق دينق)
|
شوووووووووول
بركة الجيت ياريس
Quote: صحيح الزهج مرات بيعمل أكتر من كده |
نزهج وإنت قاعد ؟
موش إنت الرئيس ومسئول عن رفاهية وراحة شعبك ولا نقوم نعمل إنقلاب هسة ؟ لوووول
Quote: ------------- اتارى ما براى فى موضوع الخروف |
أنا بصرحة طول الرحلة قايلة الخروف الأبيض ده حق ناس رحلة عمك رغيم !
لكن لقيت ليك ناس رغيم مع غناء الطنبورولا سائلين في تور ذاتو !
أها الخروف ده الشالوا منو ياشول ؟
عمك العوض قال ديكور قال هههههههههه
ياخ إستخدم صلاحياتك وأعمل تحرياتك وشوف الخروف ده مشى ويييين ياشول سمح؟
| |
|
|
|
|
|
|
Re: الخروف التاني مشى وين ياوهبة ؟! توجد ( صور) وخروف جاري البحث عنه !! (Re: نادية عثمان)
|
كانت رحلة جميلة سادتها روح المحبة والإخاء كعادة رحلات بورداب الخرطوم بزعامة العوض المسلمي
الرجل الذي إجتمع الناس على محبته لحسن معشره وطيب معدنه ونبل وأصالة أخلاقه ,
وسعدنا بتكليف الأخ الجميل شول أشوانق للرئاسة (خير خلف لخير سلف)
وهو الشاب من جنوب بلادنا والذي جعل خيار الوحدة جاذباً في عيون كل من عرفوه عن قرب
وعرفوا طيبة قلبه وجمال روحه ونبل أخلاقه !
شكراً جميلاً للعزيز وهبة الذي ما أن حط رحاله في مكان ما وإلا جعله مسرحاً للكوميديا والضحك المتواصل من القلب
فذلك هو ابن الشعبية الحبيبة وقد حمل منها عزتها وشموخها وطيبة أهلها وحتى ملامح غضبهم النبيل!!
يتبع ,,
| |
|
|
|
|
|
|
Re: الخروف التاني مشى وين ياوهبة ؟! توجد ( صور) وخروف جاري البحث عنه !! (Re: بكري الخير)
|
بكري الخير
حبابك
Quote: لا تسألوا عن أشياء ان تبدو لكم تسوئكم سمح؟ |
لا ياخ نحنا تهمنا مصلحة الخروف وخسارة يكون إتنسى هناك ولا شنو ؟
وبعدين وين الشفافية موش لازم نطمن على المصلحة العليا للخروف ؟ هههههههههه
Quote: (وش مقبل علي وهبة عشان يسألو) |
وهبة شامي الرحلة كلها كان موش الخروف بس لأنو كان عاوزها في يوم غير الجمعة !
لو ضمنا عودة الخروف نعمل وأحدة يوم السبت الجاي كيف معاك ؟!
| |
|
|
|
|
|
|
Re: الخروف التاني مشى وين ياوهبة ؟! توجد ( صور) وخروف جاري البحث عنه !! (Re: ياسر بيناوي)
|
Quote: Quote: بصفتي مسئول الامن والدفاع في اللجنة الجديد قمت بواجبي تماما وعملت التحريات اللازمة في القضية التي شغلت الراي المنبري العام عليه :
خروف المنبر العام ماركة الدعول ابيض اللون اتجه ناحية شمبات وبموافقة وعلم الامين العام علي ان يعاود البث في اقرب لمة بورداب انتهي
|
|
والمسؤول عن الخسارة دي منو يا بيناوي (البنزين والزيت للدعول لحدي اللمة الجاية)؟ علي قول واحد بيحضر في فيلم اكشن فيهو كسير شديد قال لا حول لله عسع الخسارة دي علي منو؟؟ أنا شايف تطلقو سراحو لانو ما عندو ذنب أقوليكم حاجة؟ اضبحوهو وقسموهو كيمان كيمان سمح؟ ولا يبسوهو ودقوهو شرموط أهو ممكن نعمل بيهو تقلية المرة الجاية بدل ما يخسرنا قش والذي منو
هههههه
| |
|
|
|
|
|
|
Re: الخروف التاني مشى وين ياوهبة ؟! توجد ( صور) وخروف جاري البحث عنه !! (Re: داليا الكباشى)
|
دلوش العروس السمحة لون القمحة
Quote: عليك الله يا ناديه , تاني كل بوست تنزليهو , نزلي لينا معاهو الكتالوج بتاعو عشان نفهم فك الشفرات دي (وش غامز) |
والله يادلوشتي أنا أبسط من بوستاتي مافي في المنبر ده ياخ !
وإنتي لو كنتي فاضية من مضايرة ( شبط) تمبس راجلك كنتي شفتي الخروف الأبيض راااقد جنب عمك حمزة الطباخ والله !
لوووووووووول يابتاعة شبط راجلي لوووووول
| |
|
|
|
|
|
|
Re: الخروف التاني مشى وين ياوهبة ؟! توجد ( صور) وخروف جاري البحث عنه !! (Re: عبدالله كع)
|
نادية
شول
وهبة
إنعام
محمد حيدر المشرف
العوض المسلمى
معاوية ( كبسور )
بكرى الخير
كمال سالم
نادر
أمانى الأمين
أسمهان هاشم
عثمان محي الدين
إبراهيم عبد الحليم
الشاعر الكبير مدنى النخلي
نادر الخليفة
حاتم شناب
بدر الدين إسحاق
عثمان رغيم
رغيم عثمان
منى خوجلى
اسيا ربيع
مصطفى السنى
إنعام عبد الحفي
زهير الزناتي
السيد المسلمي
حديفة الكباشي
ياسر بيناوي
تمبس
داليا الكباشي
تشرفت بملاقاتكم ومعرفتكم
* حرف الدال الفيها نقطة ماشغال عندي يا نادر الخليفة ( وش متأسف )
** أتمن أن لا أكون قد نسيت أحد الحضورش
| |
|
|
|
|
|
|
Re: الخروف التاني مشى وين ياوهبة ؟! توجد ( صور) وخروف جاري البحث عنه !! (Re: Hisham Amin)
|
هشام آمين ؟
ياخ شنو ياخ ؟
والله جوعتنا بمناظر الضلع واللحمة المنظمة دي ههههههههه
Quote: الاخوان مرة اخرى ارجو ان تطالبوا حال عودة الاخوان من كوريا بالسلامة انشاء الله بخروف مماثل .
ارجو ان اكون قد حللت لغز اختفاء خروف الرحلة |
لا لا ولا حللت لغز ولا شئ بس حللت أعصابنا بشكل الضلع اللذيذ ده هههههههه
وناس كوريا خليهم الخروف ده نسأل منو شول موش هو الرئيس الجديد ؟( وش لاييوق)
| |
|
|
|
|
|
|
Re: الخروف التاني مشى وين ياوهبة ؟! توجد ( صور) وخروف جاري البحث عنه !! (Re: ياسر بيناوي)
|
بيناوي ؟
Quote: بصفتي مسئول الامن والدفاع في اللجنة الجديد قمت بواجبي تماما وعملت التحريات اللازمة في القضية التي شغلت الراي المنبري العام عليه :
خروف المنبر العام ماركة الدعول ابيض اللون اتجه ناحية شمبات وبموافقة وعلم الامين العام علي ان يعاود البث في اقرب لمة بورداب انتهي |
عاين
يازول الأمين العام بيتهم في الشعبية حقتنا دي صاح ؟
طيب ليه الخروف مايتجه معاه الشعبية ومشى يسوي شنو في شمبات براه ؟!
ويعاود البث متين كدا ؟ لووووول
لقيتك بتاع شئون دفاع ختري يابيناوي لكن !
هههههههه
| |
|
|
|
|
|
|
Re: الخروف التاني مشى وين ياوهبة ؟! توجد ( صور) وخروف جاري البحث عنه !! (Re: محمد حيدر المشرف)
|
محمد حيدر المشرف
حبابك والله
Quote: يادوب عينوه أمين عام وحركات الخم بدت .. وين الخروف يا وهبه؟.. تعرفى يا ناديه اول ما أعلن بيناوي اسماء اللجنه جاتنى رغبه اتكلم عن الشفافيه بس كمال سالم ما أدانا فرصه .. وأهو ضاع خروف من خرفان المنبر العام |
ههههههههههه
عليك الله ماشفتو بعينك خروف سمين ومكين والله ده كان يغدينا ويعشينا هسي !
وهبة ممكن يجيبو لينا هو عارف مكانو ومكان عم حمزة الضباح
بما إنو العوض والسيد سافروا كوريا لأجل غير مسمى ولا شنو ؟
| |
|
|
|
|
|
|
Re: الخروف التاني مشى وين ياوهبة ؟! توجد ( صور) وخروف جاري البحث عنه !! (Re: نادية عثمان)
|
انتي يا نادية انا ما قلت قصة الخروف دا شنو ؟
القصة يا ستي الامانتي ليك ..
الرحلة كان فيها خروفين ضبحوا واحد للفطور .. اها الناس ما كانت كتيرة بمستوى الرحلة الفاتت (وبالمناسبة تاني رحلة يوم الجمعة مافي ) هههه السبت السبت السبت .. والا ما بنجيكم .. يا اللجنة الجديدة ...
اها العوض راجل شورة والله .. أها شاورني قال لي يا انعام الخروف التاني دا نتكي ؟؟
قلت ليهو لالا ما ينضبح واحد كفاية .. لانو هسة الناس اكلت وتاني تاكل مااااظن ؟؟!! (هههههه)
بس بقى الخروف يا حرام براهو قاعد يتلفت ويعاين ..
هههه
في الرحلة علقنا عليهو انو مسكين قاعد مكرفس ..
وقررنا نفتح بوست (للخروف) ويكون هو البوست الرسمي للرحلة ..
وقد كان !!
-
ناس الشمارات ناس منال وداليا (الكلام دا ليكم) هههه
| |
|
|
|
|
|
|
Re: الخروف التاني مشى وين ياوهبة ؟! توجد ( صور) وخروف جاري البحث عنه !! (Re: انعام حيمورة)
|
Quote: دلوش العروس السمحة لون القمحة
Quote: عليك الله يا ناديه , تاني كل بوست تنزليهو , نزلي لينا معاهو الكتالوج بتاعو عشان نفهم فك الشفرات دي (وش غامز)
والله يادلوشتي أنا أبسط من بوستاتي مافي في المنبر ده ياخ !
وإنتي لو كنتي فاضية من مضايرة ( شبط) تمبس راجلك كنتي شفتي الخروف الأبيض راااقد جنب عمك حمزة الطباخ والله !
لوووووووووول يابتاعة شبط راجلي لوووووول |
أها يا دلوية شفتي موضوع الرحلة المخستك كان الخروف القاعد وشبط تمبس هههههههههههههه
| |
|
|
|
|
|
|
Re: الخروف التاني مشى وين ياوهبة ؟! توجد ( صور) وخروف جاري البحث عنه !! (Re: انعام حيمورة)
|
نعوم العروس
حباب عروس أزهري
Quote: انتي يا نادية انا ما قلت قصة الخروف دا شنو ؟ |
أول ماجينا الرحلة كان عمو حمزة ضابح الخروف الأول والتاني جنبو وقايلاه حق ناس رحلة رغيم
أتاريهو حق رحلتنا وأسألك تعملي رايحة ؟!( وش مكرفس)
Quote: القصة يا ستي الامانتي ليك ..
الرحلة كان فيها خروفين ضبحوا واحد للفطور .. اها الناس ما كانت كتيرة بمستوى الرحلة الفاتت (وبالمناسبة تاني رحلة يوم الجمعة مافي ) هههه السبت السبت السبت .. والا ما بنجيكم .. يا اللجنة الجديدة ... |
أها يعني السبت الجاي رحلة بالهروف الزايد وناس كتار ؟!
Quote: اها العوض راجل شورة والله .. أها شاورني قال لي يا انعام الخروف التاني دا نتكي ؟؟
قلت ليهو لالا ما ينضبح واحد كفاية .. لانو هسة الناس اكلت وتاني تاكل مااااظن ؟؟!! (هههههه) |
وإنتي الحسادة ليك شنو ياعروس ماتخلي الناس تأكل تاني طالما الخروف موجود ياخ لوووووول
لكن دقيقة .. العوض شاورك قال ليك ( الخروف ده نتكي) يعني شنو دي بالجد نتكي دي ؟( وش ماناقش)
Quote: بس بقى الخروف يا حرام براهو قاعد يتلفت ويعاين ..
هههه
في الرحلة علقنا عليهو انو مسكين قاعد مكرفس ..
وقررنا نفتح بوست (للخروف) ويكون هو البوست الرسمي للرحلة ..
وقد كان !! |
-
طيب وهسي مابنلقى الخروف ده لتدشين رئاسة شول يوم السبت في جنينة عبود مثلا ؟ ( وش مدور)
| |
|
|
|
|
|
|
|