|
إنخفاض كبير في اسعار الذهب محلياً
|
شهدت اسعار الذهب في السوق المحلية انخفاضا كبيرا عقب قرارات بنك السودان التي اصدرها مؤخرا والتي اوقفت تصدير الذهب الخام بطريقة الدفع الاجل لعائدات الصادر التي كانت متبعة خلال الشهور الماضية واعادت القرارات العمل بنظام الدفع المقدم مما انعكس على اسعار الذهب محليا ليصبح الفرق بين السعر العالمي والمحلي اكثر من ثلاث جنيهات للجرام الواحد .
|
|
|
|
|
|
|
|
Re: إنخفاض كبير في اسعار الذهب محلياً (Re: nazar hussien)
|
Quote: يعني الجرام بي كم يا معتصم...؟؟ نحن لا عارفين سعر العالمي ولا المحلي؟
وعايزين نشتري شبكة...نشتريها من محلنا والله من محلكم؟؟؟ |
سعر اليوم 78 جنيه للبيع و 88 الى 90 للشراء
اذا كنت خارج السودان يا نزار فافضل تشتري من هناك
| |
|
|
|
|
|
|
Re: إنخفاض كبير في اسعار الذهب محلياً (Re: معتصم محمد صالح)
|
Quote: سعر اليوم 78 جنيه للبيع و 88 الى 90 للشراء
اذا كنت خارج السودان يا نزار فافضل تشتري من هناك |
انا فعلا خارج السودان... لكن انت مش قلت السعر في السودان أرخص من برة بي تلاتة جنيه؟؟؟
بي سعرك القلتو دا ارخص برة...فعندنا الجرام بي 12 (جنيهنا) اللهي بتعادل 72 جنيهكم....وهو سعر ظل ثابت من بداية 2009
| |
|
|
|
|
|
|
Re: إنخفاض كبير في اسعار الذهب محلياً (Re: nazar hussien)
|
Quote: بي سعرك القلتو دا ارخص برة...فعندنا الجرام بي 12 (جنيهنا) اللهي بتعادل 72 جنيهكم....وهو سعر ظل ثابت من بداية 2009 |
اها بدينا في المغالطـة نصدق كلام التجار ديل لمن نخسر ..
يا معتصم يآخ الحكاية اساساً ما مستحملة فرق 18 جنيه في كل غرام دي
| |
|
|
|
|
|
|
Re: إنخفاض كبير في اسعار الذهب محلياً (Re: طارق جبريل)
|
Quote: بي سعرك القلتو دا ارخص برة...فعندنا الجرام بي 12 (جنيهنا) اللهي بتعادل 72 جنيهكم....وهو سعر ظل ثابت من بداية 2009 |
انتو وين يا عمك ؟؟ وده جنيه وين البعادل 6 من حقنا ده ؟؟ قطعا ما استرليني !!
وبعدين سنة 2009 دي بالتحديد شهدت ارتفاع غير مسبوق في اسعار الذهب لذلك لا يمكن ان يظل السعر كما هو منذ بداية السنة .. لان الزيادة لا تاتي على تكلفة التصنيع ( ثابتة تقريبا ) ولكن لابد ان تاتي على اسعار الخام الذي زادت اسعاره اكثر من 300 دولار على الاونصة ( الاوقية ) خلال هذه السنة فقط كما هو واضح ادناه
| |
|
|
|
|
|
|
Re: إنخفاض كبير في اسعار الذهب محلياً (Re: معتصم محمد صالح)
|
Quote: انتو وين يا عمك ؟؟ وده جنيه وين البعادل 6 من حقنا ده ؟؟ قطعا ما استرليني !! |
الجنيه الكويتي...وحالتي دي نقصتو ليك...
ومع الرسم البياني الجبتو دا...اسعار الذهب لم تتأرجح بتأرجح الرسم البياني... ظلت ما بين 10 و12 جنيه...يعني فرق تلاتة جنيه دي ما مرت علينا
| |
|
|
|
|
|
|
Re: إنخفاض كبير في اسعار الذهب محلياً (Re: nazar hussien)
|
غايتو آخر علمي بيه كان دينار .. لكن جايز ..ناس الخليج ديل بعملوا اي حاجة ..
نرجع لموضوعنا بقول ليك اشتري من هناك لان الجرام عندنا الحكومة بتخت عليهو اكثر من 5 جنيه ضرائب ومواصفات وجمارك وزكاة ووووووعيييك ..يعني ندفعا ليكم من جيبنا ؟
| |
|
|
|
|
|
|
Re: إنخفاض كبير في اسعار الذهب محلياً (Re: معتصم محمد صالح)
|
Quote: نرجع لموضوعنا بقول ليك اشتري من هناك لان الجرام عندنا الحكومة بتخت عليهو اكثر من 5 جنيه ضرائب ومواصفات وجمارك وزكاة ووووووعيييك ..يعني ندفعا ليكم من جيبنا ؟ |
هلا هلا آ ناس زكاة الذهب وعروض التجارة...
والله كدي وقعت لينا الموضوع...تشكر يا حبيب...
| |
|
|
|
|
|
|
Re: إنخفاض كبير في اسعار الذهب محلياً (Re: nazar hussien)
|
معتصم اخوي.....سلام عاد دا كلام الدهب غالي في العالم كله الا في السودان؟؟؟؟ كان كدي ناس السودان بختهم
امس القريبة دي وما قالوا لي شوف عين وسمع اضان سعر الدهب في محلات العرب والهنود في مدينة نيويورك يتراوح بين 38_40 دولار للجرام لعيار 21( بالمصنعية) ويصل حتي 47 دولار لعيار 22 غايتو ناس السودان بختهم مرة تانية
| |
|
|
|
|
|
|
|