|
|
 أرجو أن يضاف هذا البوست إلى مدرسة الكتابات الجندرية شاهدا على تخلف المرأة
|
أرجو أن يضاف هذا البوست إلى مدرسة الكتابات الجندرية شاهدا على تخلف المرأة
عن الاحتفال والاحتفاء بإنجازت المرأة
Quote: توصلت عالمة سودانية تعمل في اوروبا الى وصفة علاجية وإكتشاف اساليب جديدة تساعد مرضي المخدرت والخمور على تجاوز الإدمان والعودة الى دورات الحياة بشكل طبيعي دون تناول الكحول والمخدرات.
حيث أطلقت على العلاج أسم (g.h.b ) ولقد خصصت المجلات والصحف الدورية العلمية في هولندا مساحات واسعة لمحاورة الطبيبة السودانية اختصاص علاج الإدمان راما كمال وتسابقت القنوات الأدبية لمقابلة الطبيبة واستطلاع الحالات التى جرت معالجتها وتشافت تماماً من الادمان .
واعربت وزارة الصحة الهولندية في خطاب شكر وتقدير للدكتورة راما محمد كمال وأسرة جامعة نايمنخن التى اشرفت على البحث الذى توصل الى العلاج.
|
اكتشاف دواء للادمان بواسطة عالمه سودانيه
أليست ملاحظة جديرة بالتساؤل
ولا مداخلة نسوية واحدة
بالمناسبة هذه ليست المرة الأولى
فقد سبق أن وقع مثل هذا الغياب في بوست خبر العالمة الكيميائية السودانية
التي استحقت جائزة رفيعة تقديرا لإنجازاتها البحثية
|
|
 
|
|
|
|
|
|
|
 Re: أرجو أن يضاف هذا البوست إلى مدرسة الكتابات الجندرية شاهدا على تخلف المرأة (Re: عزاز شامي)
|
الأخ محمد إي سليمان
لك التحية
ملاحظة قوية جداً يا محمد
الأخت عزاز شامي
لك تحية اختي
لم يحالفك الحظ في مداخلتك الأولى المكرره تلك
لا اتفق معك في رأييك (ولك حرية الرأي طبعاًكما هي بالطبع)
لأنو المفروض الجندريات السودانيات تحديداً يكونن اول متداخلات
في موضوع زي دا خاصة وإنو هو بيرفع من شأنهن هن (السودانيات)
لأنو لما الازاعات تتناول الخبر تقول (توصلت الدكتورة السودانية فلانة..إلخ)
وهذا ما أراه مع التقدير.
الصادق
| |
|
|
|
|
|
|
|
|
|
Re: أرجو أن يضاف هذا البوست إلى مدرسة الكتابات الجندرية شاهدا على تخلف المرأة (Re: عزاز شامي)
|
اوافقكى تماما عزاز واذا انصعنا لوجهة نظر هذا البوست اذا نحن نكرس لتمييزنا على اساس نوعى انا ابدع انت , انا نحتفى لهذا الابداع البشرى انت تبدع انا , انت نحتفى بهذا الابداع البشرى والقضيه ماقضية نسوان ضد رجال القضيه قضية محاربه للفهم الذكورى . بالمناسبه البوست ده بدعم فى نظرة التميز للمراه على اساس نوعى
وابداع امراه اضافه للحركه النسويه وليس حكرا لنون النسوه
| |
|
|
|
|
|
|
|
|
|
Re: أرجو أن يضاف هذا البوست إلى مدرسة الكتابات الجندرية شاهدا على تخلف المرأة (Re: مناهل ابراهيم)
|
Quote: الاخ محمد سليمان ...
كل سنة و انت طيب ...
الانجاز هنا انجاز للعلم و للبشرية بشقيها والجندريات لسن مطالبات
بقرع الطبول كلما نجحت امراة وكأن النجاح استثناء في نوعها ...
نعلم جيدا باننا قادرات على صنع التغيير متى ما أتيحت لنا فرص متكافئة
و بيئة خلق و إبداع ... لذا لا داع لتشمير ساعد الاحتفاء بتعصب للنوع
وبذا ننه عن فعل و نأت بمثله ...
كل الود، |
Quote: اوافقكى تماما عزاز واذا انصعنا لوجهة نظر هذا البوست اذا نحن نكرس لتمييزنا على اساس نوعى انا ابدع انت , انا نحتفى لهذا الابداع البشرى انت تبدع انا , انت نحتفى بهذا الابداع البشرى والقضيه ماقضية نسوان ضد رجال القضيه قضية محاربه للفهم الذكورى . بالمناسبه البوست ده بدعم فى نظرة التميز للمراه على اساس نوعى
وابداع امراه اضافه للحركه النسويه وليس حكرا لنون النسوه |
الاخ محمد سليمان لك الشكر اجزله على فتح البوست واكيد تتوفر حسن النية فية...
وانا اتفق مع زميلاتى عزاز ومناهل فى المداخلتيين فوق
| |
|
|
|
|
|
|
|
|
Re: أرجو أن يضاف هذا البوست إلى مدرسة الكتابات الجندرية شاهدا على تخلف المرأة (Re: PLAYER)
|
¨
كتبت الاخت هاجر التهامي ياسين
Quote: الاخ محمد زكريا
الكلام دا ما حلوا
نحن بنفتخر باننا سودانين اولا وبنفتخر باي انجاز سوداني
وبالعكس شرف لينا كسودانيات بان تتميز اي واحدة سودانية
ونشعر بالفرح والغبطة تدخل الى داخلنا
وارجو من الاخوة ان لا يثيروا مثل هذه النعرات
ومبروك للدكتورة راما
ومبروك للوطن بناته
وكتر خيركم انكم جبتو الخبر |
انتي اكيد قاصده صاحب البوست محمدي سليمان في حته التخلف وما ادراك..مش كده؟
هو انا قلت حاجه غلط؟
انا فقط كتبت ياها.........محمود تاور زاتها.......تسجيل مرور... مش تسجيل اذاعي
واللاعب الخطيرPLAYER تماها...ياها..... تلاته مرات
| |
|
|
|
|
|
|
|
|
|
Re: أرجو أن يضاف هذا البوست إلى مدرسة الكتابات الجندرية شاهدا على تخلف المرأة (Re: محمد زكريا)
|
| Quote: شاهدا على تخلف المرأة |
(مطلقا كدة) في العنوان
و
Quote: شاهدا على تخلف المرأة
عن الاحتفال والاحتفاء بإنجازت المرأة |
(داخل البوست)
!!!!!
ــــــــ
مع الاحتفاظ لصاحبة الانجاز المعنية بفضلها ودعواتي بان تثقّل به موازينها..
لكن
انا شخصيا ما اذكر اني في يوم حرصت على الاحتفاء بـ/ حسدت/ تجاهلت انسانة عشان هي (امراة)
والتحيز المفرط والتطبيل الزائد لجنس النساء -الـ هنا في المنبر دة- الذيْن لا ارى لهما مبررا في غالب الاحيان
بالنسبة لي بيحدوا من حماسها وسعيها وتطلعها للافضل
بنظر للرجل والمراة هنا ع انهم وااااحد وبيعجبني ما اجده يستحق بغض النظر عن (جنس) فاعله
وقد اعبّر عن اعجابي دة صراحةً او اصمت ،، وقد ما اسمع بالموضوع اساسا!!!
| |
|
|
|
|
|
|
|
|
|
Re: أرجو أن يضاف هذا البوست إلى مدرسة الكتابات الجندرية شاهدا على تخلف المرأة (Re: Hussein Mallasi)
|
Quote: الليله ارجن الراجيكن ... الحبشى جايييييكن ..
ردفوا او ردفن وذلك اضعف الايمان .. |
يا دينا نحن نصلح لي روحنا بالنهار وانتي تجي بالليل تخربي
مبسوطة كدة؟ اسة شمّتتي فينا ملاسي
بعدين الشي المطمئن انه محمد إي سليمان دوامه هنا نهاري
يعني لمن يجي للجلد ما بيلقانا، وللمساء الله كريم!!
ـــــــ
غايتو كان في شي جاب الجلد بيكون انصرافيتنا دي
لكن ما فرقت الدنيا برد ومردفين طبيعي
(وش بيرجف من البرد والجلد)!
| |
|
|
|
|
|
|
|
|
|
Re: أرجو أن يضاف هذا البوست إلى مدرسة الكتابات الجندرية شاهدا على تخلف المرأة (Re: Shayma)
|
العزيزات كلكن سلام وكدى روقو
محمد سليمان كيفنك
فى هذا المنبر تحديدا النساء داعملت لبعضهن
حتى وإن إختلفن
زى ما سالت القبلى هل المقصود عدم الاهتمام بالأخبار العلمية
ولا المقصود غيرة النساء
الاتنين صابات فى خور واحد تقريبا
غيرة النساء ليست سبة وعدم اهتمامهن بالاخبار العلمية
ايضا ليست سبة إذ لا ذنب لهن فى هذا والنساء يحاولن جهدهن تحطيم
السياج الذى وضعن فيه بقوة
هذا نتاج مناهج تربويةهدفها ما لحظتة تحديدا فالمناهج الدراسية
والتربوية سواء فى البيت ام المدرسة تضع اطار للمراة وتغرس فيها
احساس بتحقير الذات (ذات الانثى )اذ هى فى كل شىء منذ الصغر
اقل من الرجل ودورها بالمنهج التعليمى محصور فى الكنس والطبخ
راجع منهج اللغة الانجليزية والامثلة مثل احمد يلعب الكرة
فاطمة تخيط الملابس
محمد يشاهد التلفزيون عائشة تنفض الغبار وقس على ذلك
احتقار الذات والذى يغرس فينا عمدا (والكثيرات ومنهن المتواجدات فى المنبر كسرنة)
يولد شخص ثرثار سطحى غيوروعديم الثقة بنفسة (لو قعدت احسب بتعب ممكن ترجع googel)
بعد دا كلو بتلقى النساء قادرات على الكثير ومقاومات للظواهر السالبة فى دواخلهن وحولهن
بينما الرجال تربو على منهج يخلق فى دواخلهم الثقة فى النفس والعزة بها
والقوة ودا ما منع ان تتفوق كثير من النساء على كثير من الرجال
لا حرب بين الجنسين جميعنا فى امس الحوجة للمساواة
ولا مساواة دون تغيير المناهج الدراسية
| |
|
|
|
|
|
|
|
|
 Re: أرجو أن يضاف هذا البوست إلى مدرسة الكتابات الجندرية شاهدا على تخلف المرأة (Re: saadeldin abdelrahman)
|
محمد سليمان سلامات
مش ممكن يكون في سبب تاني غير التخلف-حمانا الله-
بعدين راما دي لما زوجها نزل البوست وقال نالت الماجستير دخلنا وهنينا
هنينا لانه أنور زول صديق ونزل بوست إحتفاء بزوجته ونجاحها
تانيا لانه راما دي درست معانا وزاملناها ردحا من الزمان وكانت في حاجات جميلة جمعتنا مع بعض
زي جامعة عين شمس وزي دار إتحاد الطلاب العام في المنشية وحتى مناسباتنا الخاصة في منزلنا بالقاهرة
وأنور غلطان بالحيل لانه ما قال لينا الانجاز دا ولا عرفنا إنه ماماجستير عادي
وهسة ومن هذا المنبر
مبروك عليها كتير ونتمنى لها مزيد من التقدم والانجازات المشرفة
________________
أساسي لقيتك غتيت غتاتة
متييين الكلام دا كمان؟؟
لقيت روحي متهمة حيث أننا ساكنين في البورد دا من زمان ومخضرمين زيك
| |
|
|
|
|
|
|
|
|
|
Re: أرجو أن يضاف هذا البوست إلى مدرسة الكتابات الجندرية شاهدا على تخلف المرأة (Re: Mohamed E. Seliaman)
|
زوار البوست السلام عليكم ورحمة الله
الأخ محمد زكريا
Quote: ياها....
محمود تاور زاتها..................تسجيل مرور |
كلامك دا ما فهمته
إلا مداخلة الأخت هاجر خوفتني
للتوضيح :البوست ما عنده علاقة بالنعرات ...
شكرا لك ...
_________
الأخ الكريم أساسي
الأخت الكريمة هدير الزين
Quote: ليس الامر هذا وفقط , هنا في هذا المنبر منذ سنوات خلون , عند تميز احداهن باي ضرب ابداعي تجد مقاطعة صامتة من صنواتها المنبريات ويستخدمن معها اسلوب دكتورنا في الاسافير مصطفي محمود
التجاهل
التجاهل
التجاهل |
أحترم رأيكما ، لكن
ربما أختلف معكما ...
قصدي من البوست أن إنجاز الأخت دكتورة راما محمد كمال إنجاز نوعي وغير عادي حسب المعلومات العامة الواردة عنه في الخبر . فكيف لم يلفت انتباه أخواتنا الكريمات ؟
وسبق أن وقع مثل هذا الغياب في بوست خبر العالمة الكيميائية السودانية
التي استحقت جائزة رفيعة تقديرا لإنجازاتها البحثية.
هذا بشهادة أرشيف المنبر.
مقابل ذلك ألحظ بذخا (في ) الاحتفاء والاحتفال بإبداعات* نسوية هي أقرب إلى السماجة منها
إلى الإبداع .
__________________________________________
* استخدمت كلمة " إبداعات " بعد أن رسخت الثورة ضد البيان مبدأ
الاشتراكية والمساواة في الإبداع.
| |
|
|
|
|
|
|
|
|
|
Re: أرجو أن يضاف هذا البوست إلى مدرسة الكتابات الجندرية شاهدا على تخلف المرأة (Re: Mohamed E. Seliaman)
|
محمد ود ناس سليمان .. ازيك ..
عاد اصلي ما دخلته هنا ما عارفه لييييييه .. لكن وبخته نفسي شديد..
اها يا أخوي .. نجاح راما يشهد الله مفخره وتاج في رأسنا وهي مننا وفينا ..
قصة الحسد دي غير مقبوله ومرفوضه بكل معانيها نحن نفرح لي فرح بعض
وخاصة في التمييز الزي حق راما ده .. لانها بتمثلنا كلنا ..
ويشهد الله دخلته البوست الان وفرحته من قلبي ..
وربنا يزيدها ويقدمها ويعليها كمان وكمان ..
شيل الفكره دي من رأسك سمح ... نحن عالم جميل ...
| |
|
|
|
|
|
|
|
|
|
Re: أرجو أن يضاف هذا البوست إلى مدرسة الكتابات الجندرية شاهدا على تخلف المرأة (Re: عفاف الصادق بابكر)
|
الأخت الكريمة عفاف الصادق بابكر
وعليكم السلام ورحمة الله
Quote: قصة الحسد دي غير مقبوله ومرفوضه بكل معانيها نحن نفرح لي فرح بعض
وخاصة في التمييز الزي حق راما ده .. لانها بتمثلنا كلنا ..
ويشهد الله دخلته البوست الان وفرحته من قلبي ..
وربنا يزيدها ويقدمها ويعليها كمان وكمان ..
شيل الفكره دي من رأسك سمح ... نحن عالم جميل ... |
أجهدني البحث -أختي الكريمة -عن علاقة بين مداخلتك الكريمة وبين موضوع هذا البوست ..
ليتك تشرحين !
عموما مداخلتك هذه تناسب خيط البروف المعز بخيت وربما ضلت الطريق
إلى هنا!
سأقوم بنقلها إلى هناك لاحقا.أرجو أن توافقي .
شكرا لك
| |
|
|
|
|
|
|
|
|
|
Re: أرجو أن يضاف هذا البوست إلى مدرسة الكتابات الجندرية شاهدا على تخلف المرأة (Re: Mohamed E. Seliaman)
|
... سلام
Quote: أجهدني البحث -أختي الكريمة -عن علاقة بين مداخلتك الكريمة وبين موضوع هذا البوست ..
ليتك تشرحين ! |
لا لا لا تجتهد لييييه مداخلتي ليها علاقة بالموضوع ..
وحسب فهمي انت بتسأل ليه نحن ما ذكرنا تفوق راما ..
وكتابتك للعنوان وجزء منه (شاهدا على تخلف المرأة)..
وانا قصدته انه نحن ما بنحسد بعض ولا ما بنحب الخير لي بعض ..
وتفوقها عجبنا وسرانا..
Quote: عموما مداخلتك هذه تناسب خيط البروف المعز بخيت وربما ضلت الطريق
إلى هنا! |
ده من وجهة نظرك . لكن مداخلتي بعني بيها موضوعك هنا.. حسب فهمي ..
وانا لما اتداخل في موضوع بكون فاهمه حتى المستتر منه ..
امسك في كلمة المستتر دي قوي .. سمح ..
ونهائي كلامي ما بضل الطريق لاني متحسسه دربي واعرف اتجاهاتي ..
ودخولي في المواضيع ما من باب اني دخلته فقط .. بل ارمى الى ماهو اهم ..
Quote: سأقوم بنقلها إلى هناك لاحقا.أرجو أن توافقي .
|
ويمكن مسحها البوست بوستيك وانت حر فيهو ..
ولما اكون عايز ارد في بوست البروف ردي شكله تاني وبخص موضوعه ..
وانا عاجزه عن شكرك ..
| |
|
|
|
|
|
|
|
|
|
Re: أرجو أن يضاف هذا البوست إلى مدرسة الكتابات الجندرية شاهدا على تخلف المرأة (Re: عفاف الصادق بابكر)
|
الأخت الكريمة عفاف الصادق بابكر
السلام عليكم وشكرا على الرد
بس يبدو أن تعقيبي لم يرضك!
يا أخت أنت خاطبتني بعبارتك :
| Quote: شيل الفكره دي من رأسك سمح ... نحن عالم جميل ... |
بعد أن تحدثت أنت -متبرعة- عن الحسد وهو لم يرد في موضوع البوست !
| Quote: قصة الحسد دي غير مقبوله ومرفوضه بكل معانيها نحن نفرح لي فرح بعض |
وين أنا تحدثت عن الحسد في البوست دا.
الذي تحدث عن الحسد هو البروف المعز بخيت .
مشيت راجعت خيط البروف المعز بخيت فوجدت لك ثلاث مداخلات -تقريبا-أنقلها لك حسب تسلسلها:
المداخلة الأولى :
Quote: د. معز .. كيفنك ..
تعرف فعلا في حاجات عجيبة ودخيله علينا نحن المجتمع السوداني الطيب ..
والحاجات دي كلها بتفرزها الحالة الحاصلة الان من مفارقات في الطبقات ..
اتلخبطت الامور وبقى عزيز القوم مزلول والعكس .. ودي الحاجات البتفرز الحاصل ..
برجع ليك .. مزنوقة في الدوام الدوام لله .. |
المداخلة الثانية :
Quote:
رجعنا .. للموضوع ..
تعرف يا بروف زمااان زمن اهلنا الطيبين كان الماعون بتاعهم واحد ..
كانو بياكلوا في قصعة واحده والثوب في البيت يلبسوا ثلاثة اخوات ..
كان الحسد والحقد لا يعرف طريقه للناس .. ولكن للآسف القلم ما بزيل بلم ..
كل ما الناس تتعلم وتعرف .. كلما زاد الحسد .. يعني التنافس في العلم ..
والتنافس في رفع المستوي المعيشي بقى مصحوب بالحسد .. كل ما الانسان اتقدم ..
كلما زاد الحسد .. مفارقات عجيبة بتحصل .. ومن ناس واعين ومدركين للحاصل ..
واغلبية الناس البتحسد بعض هم للاسف وللاسف الشديد هم الفئة المتعلمة ..
يعني الجاهل يعمل شنو ..؟ وحسد الجاهل بكون مجهول وغير محسوس ..
لكن حسد المتعلم بكون ظاهر حتى لو كانت طريقة الحسد كلمة تكتب ..
اللهم نسألك اللطف ..
برجع كان في العمر بقية .. |
المداخلة الثالثة :
Quote: د. معز .. كيفنك ..
رجعته ليك تاني :
تعرف الحسد من الاشياء المتولده في عمق الانسان , سياسة التفرقه .. تفنيط الاشخاص .. بمعنى انه من بداية تربية الانسان وتكوينه داخل الاسرة وخاصة الاسرة السودانية .. وعند البيوت الكبيرة , أي البيعيشو في البيت الكبير الواحد .. بتتفاوت المعاملات داخل البيت الكبير .. بمعنى انه الناس عايشه في بيت واحد ولكن تختلف مستويات العيشه في نفس البيت .. فالاطفال بتربوا على كلمة نحنا عندنا وانتو ما عندكم بالدارجي كدي شوفوني .. ودي بتولد الحقد والحسد عند الاطفال .. يعني خلاصة الكلام انه تفاوت مستويات المعيشه والتساوى حتى بين افراد الاسرة الواحده بولد الحقد والحسد بين افراد الاسرة بالتالى بكون في جزء من المجتمع اتاثر بالحقد والحسد واصبح ملازم لتلك الفئه .. وبرضو في رائي لشخصي الضعيف انه الحسد والحقد مربوط بالماديات واختلاف الطبقات ..
برجع تاني .. |
_____________________________________________
يا أخت بالله رجاء ما تقوليني كلام أنا ما قلته !
| |
|
|
|
|
|
|
|
|
|
Re: أرجو أن يضاف هذا البوست إلى مدرسة الكتابات الجندرية شاهدا على تخلف المرأة (Re: Mohamed E. Seliaman)
|
الاخ محمد .. صباحك زين ..
اولا: اشكرك جدا على مجهودك وقطعك ولصقك لمداخلتي للبروف ..
وانا اصلا كنت فاهمه البروف بتكلم عن شنو .. وبوستيك هنا عن شنو ..
وما خلطته بين المواضيع .. بكرر ليك قصدي تاني ..
ثانيا: نهائي ما اتضايقته وما عندي قصة اكتب في لحظة شعور ما جميل ..
ثالثا: ده رائي وحسب فهمي لي بوستيك .. وإذا ردي الحسب فهمي ضايقك .. ممكن احذفه ..
وردي كان على | Quote: شاهدا على تخلف المرأة عن الاحتفال والاحتفاء بإنجازت المرأة |
قصدك كان شنو ..؟ وفهمك كان شنو ..؟ لمن كتبته المقتبس اعلاه .. حسب فهمي كان عندك رأي في عدم التداخل من قبل الاخوات .. وكلمة تخلف هنا شنو تعني ..؟ هل بتعني غياب .. وإذا غابت عن الرد لييييه غابت ..؟ هل هي غيره أم حسد أم تجاهل تجاهل تجاهل كما قال الغير ...
انا صنفتها حسب فهمي الضعيف بانه حسدناها .. بعدين انت مسكته في دي وخليت كلامي بي تهنئيتها وامنياتي ليها بالتقدم ليييه ..؟
والله انا المتحيره خالص .. من ربطك بي بوستيك وبوست البروف ..
وعموما .. ممكن .. نعتذر وننسحب لو الدخول هنا ضايقك وحيرك ..
ومن حقك ..
خالص الود
| |
|
|
|
|
|
|
|
|
|
Re: أرجو أن يضاف هذا البوست إلى مدرسة الكتابات الجندرية شاهدا على تخلف المرأة (Re: عفاف الصادق بابكر)
|
أختي الكريمة عفاف الصادق بابكر
السلام عليكم ورحمة الله
أولا أنا آسف إن كانت ردودي قد ضايقتك
لكن من جانب آخر أنا لم أذكر الحسد ولا حتى الغيرة في هذا البوست
راجعي ردي على الأخ أساسي والأخت هدير :
Quote: أحترم رأيكما ، لكن
ربما أختلف معكما ... |
Quote:
انا صنفتها حسب فهمي الضعيف بانه حسدناها .. بعدين انت مسكته في دي وخليت كلامي بي تهنئيتها وامنياتي ليها |
لو أعملنا هذا المنطق في تأويل الكلام المكتوب
لجاز لكل محاور أن يفسر كلام الآخر بلا قرائن متجاوزا حدود اللغة ودلالات الألفاظ على المعاني!
| Quote: الحسب فهمي ضايقك .. ممكن احذفه .. |
على العكس أرجو ألا تحذفيه
وإن كان جلب مداخلات من بوست آخر يضايقك
فسأسحبها .
Quote: انا ردي كان على سؤال شمائل قبل ما تسألك ليهو ..
كدي رد على شمائل ممكن افهم حاجه انا .. |
لم أجد السؤال .
اختلاف الآراء لا يفسد للاحترام قضية
لك شكري واحترامي
| |
|
|
|
|
|
|
|
|
|
Re: أرجو أن يضاف هذا البوست إلى مدرسة الكتابات الجندرية شاهدا على تخلف المرأة (Re: Mohamed E. Seliaman)
|
الاخ محمد ... احتراماتي ..
Quote: أولا أنا آسف إن كانت ردودي قد ضايقتك
لكن من جانب آخر أنا لم أذكر الحسد ولا حتى الغيرة في هذا البوست |
لا لا لا تتأسف لييييه ..؟ الموضوع وما فيهو اختلاف ربما اده لقناعات الاخر ..
وانا ما ذال عند رائي وفهمي الفهمته بيهو كتاباتك هنا ..
Quote: لو أعملنا هذا المنطق في تأويل الكلام المكتوب
لجاز لكل محاور أن يفسر كلام الآخر بلا قرائن متجاوزا حدود اللغة ودلالات الألفاظ على المعاني! |
نهائي ما في تاويل انا فعلا فسرته كلامي حسب فهمي ودلالاتك ...
انا فهمته تخلف المرآة بصورة معني التخلف البي فهمي انا ..
Quote: على العكس أرجو ألا تحذفيه
وإن كان جلب مداخلات من بوست آخر يضايقك
فسأسحبها . |
اشكرك بالسماح لوجود مداخلتي هنا ..
لا لا لا بالعكس انا لمن اكتب مداخله في اي بوست معناها بتخص الجميع ...
مش ده منبر عام .. حقي وحقك وحقهم .. ولا ما كده ..
بالعكس يسعدني جدا إنك ترجع لمداخلاتي .. ولكن ان تكون تلك المداخلات هي المعنية ..
اسفه ليس سؤال .. ولكن ارجع لمداخلة الاخت شمائل ..
احترامي وتقديري ليك وليهم يسبق وجودي هنا ..
| |
|
|
|
|
|
|
|
|
 Re: أرجو أن يضاف هذا البوست إلى مدرسة الكتابات الجندرية شاهدا على تخلف المرأة (Re: Mohamed E. Seliaman)
|
الأخ العزيز الحبشي.. تحياتي و طولة منك.. لعلك بخير؟
ما عارفة ليه عندي احساس انو اللوم دا موجه لي على وجه الخصوص.. يا إما أنا على راسي ريشة تقصير و تخلف (كما أثق أنك عنيتها..تأخر) في القيام بواجباتي الاجتماعية في المنبر..يا إما إحساس كاذب بالأهمية:)!
لكن ما أعتقد انو القصة عندها علاقة بالجندر.. بس اللوم بيجي بالغفلات على رأي أهلنا.. عن نفسي أول مرة أشوف الخبر دا!
بس فعلا إنجاز عظيم و مشرف و الدكتورة راما رفعت رأسنا كسودانيات و سودانيين عالياً..
لها عبر هذا البوست أجمل التهاني.. و عظيم التقدير.. وأمنيات بالمزيد من النجاح في كل المجالات
و لك خالص الود و الاحترام
| |
|
|
|
|
|
|
|
|
|
Re: أرجو أن يضاف هذا البوست إلى مدرسة الكتابات الجندرية شاهدا على تخلف المرأة (Re: Mohamed E. Seliaman)
|
الأخت الكريمة عزاز
وعليكم السلام والرحمة
Quote: الانجاز هنا انجاز للعلم و للبشرية بشقيها والجندريات لسن مطالبات
بقرع الطبول كلما نجحت امراة وكأن النجاح استثناء في نوعها ... |
ردك مقنع في حدود تمثيلك لنفسك وأتفق معك في الشق الأول منه،
فعلا هذا الإنجاز إنجاز للعلم و للبشرية بشقيها .
فقط أحب أن أبين أني لم آت على ذكر الجندريات أو أخصهن بإشارة.
كلامي كان عن غياب نسوي كامل وعام!
أعني غياب الشقائق من النساء وغياب الجندريات منهن على حد سواء.
Quote: نعلم جيدا باننا قادرات على صنع التغيير متى ما أتيحت لنا فرص متكافئة
و بيئة خلق و إبداع ... لذا لا داع لتشمير ساعد الاحتفاء بتعصب للنوع
وبذا ننه عن فعل و نأت بمثله ... |
هذه قضية نناقشها في خيطنا الآخر.
| |
|
|
|
|
|
|
|
|
|
Re: أرجو أن يضاف هذا البوست إلى مدرسة الكتابات الجندرية شاهدا على تخلف المرأة (Re: Mohamed E. Seliaman)
|
الأكرم حقاً و صدقاً محمد ( الحبشي)
أعتذر لك عن التأخر في العودة للبوست بسبب تراكم بعض المسؤوليات علي..
شكراً لجميل الرد منك.. و ربنا يجعلني من المستحقين لحسن ظنك..
لكن حقيقة ردك أثار في نفسي شيء من قلق.. مساوٍ لما أثار من فضول..
عدت فيما تيسر لي من وقت بقليل من البحث .. و وجدت بداية للتوضيح الذي أشرت إليه في بوستك قرصنة* أحمد شكر.. و لا أخفيك أن حيرتي ازدادت و لم تقل.. و يدي على قلبي..
و قلبي على الأخت الكريمة التي أحسب أن لا ذنب لها..
أنت بالتأكيد لست مدين لي بالتوضيح.. و لا أنا في مقام محاسبة أو إطلاق أحكام على أي شخص..
و لكني لا أملك أن أحجر عليك حقك و رغبتك في توضيح مواقف أو آراء اتخذتها أنت في وقت استنكرناها عليك.. بينما ترى أن لديك من الأسباب ما يبررها
و أكرر أن هذا بالتأكيد رهن لرغبتك و كامل إرادتك..
سأقوم بنقل ذات مداخلتي هذه في البوست المعني إن شاء الله .. و شاكرة لك اهتمامك و تذكرك لوعد لم أكن لأطالبك إيفاءه ..
تحياتي و تقديري
| |
|
|
|
|
|
|
|
|
|
Re: أرجو أن يضاف هذا البوست إلى مدرسة الكتابات الجندرية شاهدا على تخلف المرأة (Re: احلام وهبي)
|
الأخت داليا تحياتي
Quote: لأنو الخيار الأول بحتمل التأويل ده ..
أما التاني فممكن يكون كلامك منطقي لو قلت تقصير ..غيرة |
أنا لم أقل شيئا ولم أحدد سبب غياب النساء عن البوست .
لو كنت أعرف السبب لما ترددت في ذكره !
حقا أنا لا أعرف السبب!
| Quote: ..لكن قطع شك ما مكن يصف بالتخلف .. |
قلت :أرجو أن يضاف هذا البوست إلى مدرسة الكتابات الجندرية شاهدا على تخلف المرأة
عن الاحتفال والاحتفاء بإنجازت المرأة
تخلف هنا كلمة صحيحة
وعشان خاطر التفاهم نعتذر ونستبدلها بمقترح الدكتورة سناء :(غياب كامل)
ما هو السبب في هذا الغياب
| |
|
|
|
|
|
|
|
|
|
Re: أرجو أن يضاف هذا البوست إلى مدرسة الكتابات الجندرية شاهدا على تخلف المرأة (Re: بشير جبريل علي)
|
الأخ بشير جبريل علي
السلام عليكم
Quote: لا بل حددته ..راجع عنوان البوست وأعدالبصر كرتين ..
(ستجد سبب الغياب حسب وجهة نظرك إنه تخلف المرأة) |
أنا لم أحدد سبب الغياب !
وين الكلام دا؟راجعت ولقيت كلامي كدا :
Quote: أرجو أن يضاف هذا البوست إلى مدرسة الكتابات الجندرية شاهدا على تخلف المرأة
عن الاحتفال والاحتفاء بإنجازت المرأة |
شكري واحترامي لك ولمرورك ولرأيك
--------------------
الأخت الكريمة سناء
| Quote: إنجازات المرأة كثيرة و كبيرة و هي تقوم بها بصورة يومية - تربية المرأة للأولاد و تنشئتهم الى ان يصيروا شحوط متميزين في شتىالمجالات - يعتبر إنجاز اكبر من اي إنجاز علمي , يعني بالمقتصر كده كل إنجاز ينجزه الرجل هو نتاج حتمي لإنجاز المرأة |
أتفق مع ما تقولينه لكن هذا لا يبرر عدم الاحتفاء بالإنجازات الكبيرة للمرأة.
___________
الزميل زكريا جوزيف
تحياتي
معلومة جديدة :
رئيس اتحاد حقوق المرأة الفرنسي اسمها سهام حبشي
| |
|
|
|
|
|
|
|
|
|
Re: أرجو أن يضاف هذا البوست إلى مدرسة الكتابات الجندرية شاهدا على تخلف المرأة (Re: Mohamed E. Seliaman)
|
الأخت الكريمة الدكتورة سناء
السلام عليكم ورحمة الله
Quote: أنت بالتأكيد لست مدين لي بالتوضيح..
و لا أنا في مقام محاسبة أو إطلاق أحكام على أي شخص.. |
ليس الأمر هكذا يا أختاه.
المسألة ليست اختيارية بالنسبة لك بل هي من صميم واجباتك وأصيل حقوقنا عليك!
تلك المناصحة الكريمة وقولك الأول كان محل تقدير واعتبار وأعادني إلى نفسي فراجعتهاوأقررت بخطئي
واعتذرت عنه وما زلت نادما. لكني-شهد الله- لم أكن أعرف أن خلف ذلك اليوسر نيم
تلك الأخت الكريمة .وأرجو من الأخت الكريم أن تغفر لي ذلك.
يتبع
| |
|
|
|
|
|
|
|
|
|
Re: أرجو أن يضاف هذا البوست إلى مدرسة الكتابات الجندرية شاهدا على تخلف المرأة (Re: Mohamed E. Seliaman)
|
نعم أرجو من الأخت الكريم أن تغفر لي ذلك ما أصابها مني
وأن تعذر لي غفلتي وجهلي وغبائي . فمن هذه الجهة أنا مخطئ وقد كتبت للأخت الكريمة
حينها:
Quote: ما وقع مني بحقك خطأ ليس له ما يبرره
وهو غير مقبول
وليس هناك ما يزيل سوءه سوى قبولك لاعتذاري !!
أنت كاتبة مهذبة ولم يسبق لك التدخل معي !!
صدقيني سأشرح لك كل شيء يوما |
وهذا ما كتبته إليك تقريبا يا دكتورة سناءفي 27-10-2008, 12:46 :
Quote: أختنا دكتورة سناء خالد
السلام عليكم ورحمة الله
كلامك على العين والرأس
ونصيحتك غالية وعزيزة وأرجو ألا تضني
بها وبمثلها
متابعتك لما أكتب شرف لي
كل كلام صحيح
لذلك أعتذر إلى الأخت الكريمة
وإن شاءت فسأعتذر لها في خيط منفصل
إلى ذلك الحين
أرجو أن تتضح الرؤى أكثر |
_________________________
Quote: .. و وجدت بداية للتوضيح الذي أشرت إليه في بوستك قرصنة*
أحمد شكر.. و لا أخفيك أن حيرتي ازدادت و لم تقل.. و يدي على قلبي.. |
بحثت عن البوست ولم أجده يادكتورة سناء ومن قبل حذفت بوستات تتناول الموضوع نفسه .
يبدو أن هنالك من يحب التستر على جريمة الاعتداء على الناقد المغربي!
أخلاقنا هنا أخلاق الغاب يا دكتورة ! للأسف!
| |
|
|
|
|
|
|
|
|
|
Re: أرجو أن يضاف هذا البوست إلى مدرسة الكتابات الجندرية شاهدا على تخلف المرأة (Re: Mohamed E. Seliaman)
|
الأخ عمر عشاري السلام عليكم ورحمة الله
Quote: بعد هذا البوست
أتوقع ان تنهال التهاني
في أبسط الإكتشافات
حتى لو كان ذلك إكتشاف حمل في شهوره الأولى |
لا أتفق معك والواقع يدعم اختلافي معك فيما تقول.
انظر مثلا التهاني والاحتفاء في هذا البوست :
راما كمال اخصائيةعلاج الادمان مبرووك زوجتى التخصص
مع العلم بأن الموضوع عن الأخت الكريمة الدكتورة صاحبة الإنجاز الكبير نفسها
وقارنه بالبوست دا :
اكتشاف دواء للادمان بواسطة عالمه سودانيه
بالله عليك أي العنوانين أولى بجذب الانتباه ولفت النظر؟
________________________
يا أختنا الكريمة راوية
السلام عليكم ورحمة الله
Quote: بعدين راما دي لما زوجها نزل البوست وقال نالت الماجستير دخلنا وهنينا
هنينا لانه أنور زول صديق ونزل بوست إحتفاء بزوجته ونجاحها
....................
وأنور غلطان بالحيل لانه ما قال لينا الانجاز دا ولا عرفنا إنه ماماجستير عادي . |
كلامك دا زاد حيرتي واستغرابي!
في بوست الماجستير المفترض إنو عادي (11) مداخلة نسائية
وفي بوست الإنجاز العلمي الكبير ولا مداخلة نسائية واحدة
موش حاجة تدعو للتساؤل؟!
| |
|
|
|
|
|
|
| |
Mohamed E. Seliaman
محمد زكريا
اساسي
الصادق صديق سلمان
نجلاء سيد أحمد
Hadeer Alzain
داليا حافظ
PLAYER
Shayma
دينا خالد
Hussein Mallasi
زينب بدر الدين
محمد عبد الماجد الصايم
saadeldin abdelrahman
Rawia
HAIDER ALZAIN
Abdlaziz Eisa
عمر عشاري
Egbal Elmardi
ماجد حسون
عفاف الصادق بابكر
أيزابيلا
شمائل النور
rani
Zakaria Joseph
احلام وهبي
سناء عبد السيد
بشير جبريل علي
فيس بوك
تويتر
انستقرام
يوتيوب
بنتيريست