|
|
|
 Re: اريزونا ترقص و تبتهج على اصوات الفنان طارق ابوعبيدة(صور) (Re: اساسي)
|
بوست رائع واروع ما في البوست الاداء الاسطوري للفنان طارق (خدر) لاغنية البوست
انا من هواك انا من هواك من كلام عينيك و سحرك من بهاك من مزايا الرق عندك من نداك من ربيع الدنيا .
....انا ياعذابي
يا بختكم
الصور خير دليل على حسن وجميل حظكم يا من احتفلتم بالسنة الجديدة على انغام المبدع خدر
ولان الكرم الخدري فياض و دفاق واصل هنا في اقصي جنوب فيتنام مع اكلة الفئران و الثعابين
جعلت هذه الاغنية رفيقي .
الاغنية شغالة "ري بلاي" من امس و قبلها كانت معي في سنغافورة
الشكر لبكري من قبل للاخ خدر
يا بختكم يا اريزونا
يا رب كتر من الافراح
| |
  
|
|
|
|
|
|
|
|
Re: اريزونا ترقص و تبتهج على اصوات الفنان طارق ابوعبيدة(صور) (Re: النذير حجازي)
|
يا سلام يا النذير .. ذكرتني بالأيام الجميلة و الأنس والشعر و الأدب
والأحاديث السياسبة (و بابا ملامح) وهكذا كان يناديني بناتي العزيزات في البال توك .. و كنت أمررها بإنشراح .. لكن الأولاد الذين كانوا ينادوني بعمو ملامح كنت برد عليهم (عمى كباسا) ... فتنفجر الغرفة بالضحك .. بالله يالنذير أنت كنت سيد مرارة (سيد وجعة) و الناس كانوا بفتكروها المرارة البياكلوها..
علق أحدهم يومها (والله يا جماعة أنا جايكم في البال ده و أنا سكران.لكن حأأفكها بى مرارة ده .. ).. ولك تحياتي العطرة مع تمنياتي لك بعام سعيد.
| |
|
|
|
|
|
|
|
|
|
Re: اريزونا ترقص و تبتهج على اصوات الفنان طارق ابوعبيدة(صور) (Re: اساسي)
|
Quote: بعدين بشاشا دا فرحان وبـ ( نطط) كدا ان شاء الله دافع الشيرنق بتاعو
 |
دا علوبة بتاع أريزونا ، من سنة 65 ما خلى ليهو حفلة ما كتلا ، يطشم بالليل ، ويجينا الصباح يفرغ البلاعة بتاعتو هنا ، وييييييين أنهار الدم ، وجبال الدموع ، وتلال الظلم ، وأشجار الصنوبر والصفصاف، أيها الأفاك الدجال ؟ كان تقوم تمسك المكرفون وتذكر الناس بيوم الاستغلال وكيف الجلابة بيمتصوا في دماء الأقليات ، وتسل سيفك ترجى الدواس أيها الأمير الكوشي ، ولا دا بس في (البلي استيشن) بتاع بكري دا ؟
| |
|
|
|
|
|
|
|
|
|
Re: اريزونا ترقص و تبتهج على اصوات الفنان طارق ابوعبيدة(صور) (Re: Hala Hassan)
|
| Quote: اريزونا ترقص و تبتهج على اصوات الفنان طارق ابوعبيدة(صور) |
أصوات!!! أصلوا طارق ده جوقة زرازير؟؟؟
دقستة يا ريس وكمان في العنوان!
والله ياريس دى غلبني أفوتها. يا زول
إن شاء الله ترفتني باكر زاتو.
لكن يا خدر، ما شاء الله، عيني باردة.
وحات ربي يا قول أهلنا ناس العبيدية
ختري عدددديل كدي...
كل عام والجميع بخير...
| |
|
|
|
|
|
|
|
|
|
Re: اريزونا ترقص و تبتهج على اصوات الفنان طارق ابوعبيدة(صور) (Re: Hala Hassan)
|
ربنا يديم البهجة والسرور والأفراح الكبيرة
سنة تبدا بهذه الروعة
قطع شك سنة مفرهدة
طارق أطربنا ..حرك ايقاعاتنا
البطيئة مع كساد الواقع
الأرزوني ..في بداية الحفل
قربت أقول هنيئا لك ياكوستاوي
فقد كسبت الجولة ..
لكنهم السودانيون في
كل مكان ..يتاخرون عن
الفرح ثم يطالبون المزيد
بعد الأوان ..
تسيطر عليهم الكوابح
ينتظرون من يدخل النهر أولا
ثم يغوصون فيه حتى العمق
ثم ابدا لا يندمون على
المياه التي مرّت..
الحفلة كانت غاية البهجة
مطرزة بالجمال ..سعدنا
بوجود الموصلي وبإبنته أريج
وبكمنجتها التي حركت قوسها
كجسر للأغنيات الكبيرة ..
التي تصلنا بالوطن ..
بابكر الفرجوني
بموهبتة ومهارتة..كان رائعا
ومحترفا في أدائه ..
من المظاهر السالبة والمستفزه
طربيزة "الوست "..
في حفل سوداني عام
مشهد يحسس بالحرج ..
خاصة حينما تكون هذه الظاهرة
نابعة من أعمدة المدينة
وقياداتها ..
ـــــــــــ
شكرا ياياسر طيفور وعامك سعيد
فعلا طارق كان جميل ومن مجاميعه
بس ماأدانا اي فرصة فيهو
كان وقته محاصرا وضيقا ..
| |
|
|
|
|
|
|
|
|
|
Re: اريزونا ترقص و تبتهج على اصوات الفنان طارق ابوعبيدة(صور) (Re: HAMZA SULIMAN)
|
أحمد العربي أو أحمد انقليزي
ــــــــــــــــــ
العزيز كوستاوي
كل سنة والجميع
بخير ..
وشكرا جميلا على تفاعلك
معنا وإثراء
البوست الاصلي
وقد فهمنا
إحساسك الطيب
ومساهمتك لانجاح
الحفل ..وهو كذلك
ناجحا بمقاييس
حالة الاحباط والاستقطابات
الحادة ..وتقسيم
الخلايا في منطقة
تحتاج الي التقارب والتعاضد
الي مدخل حقيقي والمرور
بدون شروخات ..
وربما ستكون هذه الحفلة
بداية تصاعدية من لزوجة
الواقع ..على الأقل
عندنا ..في "حوش
البقر" ههههه..
لك التحية
| |
|
|
|
|
|
|
|
|
|
Re: اريزونا ترقص و تبتهج على اصوات الفنان طارق ابوعبيدة(صور) (Re: عبد المنعم ابراهيم الحاج)
|
الله يجعل ايامكم دايما افراح وسعادة وجمال \ والله العظيم اكتر شي باسطني فرحتكم ولمتكم دي وشمتكم لي ريحة دعاش السودان من خلال ما يقدمه الاستاذ طارق من فن راقي يلامس الوجدان والحواس \ اها الصورة هنا عندنا في السودان ناقصاكم وبرضو بنشم فيكم ريحتنا خصوصا وان اغلب جيلنا متواجد خارج الوطن ومن اصدق الامثلة الاخ والصديف بكري ابوبكر الذي ارجعني اكثر من عشرين سنة للوراء ايام الجامعة وضهر التور ومنتدي الفلاسفةحفلات ابوعركي \ زيدان \ وردي \ كابلي وابو الامين \ بنشات اداب كافتريا اقتصاد والعلوم \ الحلفايا وما ادراك ما الحلفاية \ والله يا بكري ادفع كل عمري لاسترجع لحظة منها واخيرا يا بكري يا دفعة هل عندك اخبار من معاوية ميرغني وكمان عمر اومو وعثمان الفنان ودكتور ميرغني واوباما ذاتو ود الخالة دا
| |
|
|
|
|
|
|
|
|
 Re: اريزونا ترقص و تبتهج على اصوات الفنان طارق ابوعبيدة(صور) (Re: عاطف ابراهيم)
|
طارق ابوعبيدة (الخضر)....يزرع الفرحة...كغيمة.....تظللنا..اينما حلت... واينما ذهبت...
تواضع... وادب...وفن "مكبوت"....لابد.....فهو انسان..... تحمله...نسمات الخريف....فينشرها...حب وإلفة... وابداع...
عندما زار الدوحة...لقصير الوقت...احبه الجميع....ألقاً... وابداع.....
ابداع فى ابداع الى الامام....يا صديق الكل.....و كل الامنيات الطيبات....بالفرح الذى زرعته فينا ...تواضعاً ...و ابداع....
يا مبدع.....
صديق القاعد بعيد
| |
|
|
|
|
|
|
|
|
|
Re: اريزونا ترقص و تبتهج على اصوات الفنان طارق ابوعبيدة(صور) (Re: Siddig A. Omer)
|
| Quote: نعم لعودة أخونا الحبيب الباشمهندس صديق مهدي |
صديق مهدي رجعتو هينة ..بس البحلو من شلة الإنس شنو؟
تصدق ياعادل أول يوم اعرف صديق دا كان عندو عضوية
هنا ...وبعدين مالو..الحاصل شنو؟
لكن طالما اتوكحوه ناس وهبة ومن لف لفهم
يبقى أكيد شات ضفاري
ولا قام بنمرة أربعة ..
أصلو الناس دي متعهدين سنة أولى بورد
غايتو ياصديق ضفرك دا كما اتكسر
الناس ديل مابيختوك ..
وما بترتاح منهم ..
لكن أنسب وكت تنزل فيهو كما قال عادل نجيلة
هو هذه الايام لانو في بوستات
كتيرة معروضة للبيع
وفي غياب كتير ..
والسنة الجديدة ذاتها
عندها خصوصيتها ..
نطالب بعودة صديق يابكري خلينا نرحب بهيو وبعدين اتصرف
زي ما عايز.
ـــــــــــــ
أبوبكر سلامات وكل سنة وانت طيب
ومرحبا بك في سودانيز
لك التحية وكل الود
| |
|
|
|
|
|
|
|
|
|
Re: اريزونا ترقص و تبتهج على اصوات الفنان طارق ابوعبيدة(صور) (Re: Deng)
|
مجهود مقدر يابكري ومعك زملائك في التنظيم
وحاول طارق جهد المقل رغم تعب السفر والارهاق والنزلة
كان الجمهور رائعا
كان بابكر الفرجوني عازف الاورغ الموهوب على قدر المسؤولية
برغم ان ظروف طارق لم تمنحه اكثر من نصف ساعة بروفة لمعرفة سلالم وسرعة ايقاعات الاغنيات
بما فيها الاغنية الجديدة
=================
احتجاج هديل
قالت ابنتي هديل يابابا لماذا لم تنزل لي صورة
تري هل بكري عندو راي (انني شينه) فلت لها لا والله ربما حدث شيئ للصور
تحياتي
| |
|
|
|
|
|
|
|
|
|
Re: اريزونا ترقص و تبتهج على اصوات الفنان طارق ابوعبيدة(صور) (Re: Elmosley)
|
اسه اشكر منو و اخلي منو ؟ 
شكرا بكري ابوبكر حين جعلت هذا اللقاء ممكنا
تنسيق علي مستوي عالي من الدقة .. إنضباط في المواعيد
إخراج جميل خالص للحفل .. انا لو منكـ سيبك من سودانيزاولاين دي
و اشتغل تنظيم و إنتاج حفلات والله تكسبك دهب.
شكرا اهل اريزونا او كما يحلو لعثمان موسي (الاريزوناب)
شكرا لاحتفائكم و كرمكم و حسن معشركم و ضيافتكم,
و اعتذاري الشديد تاني علي زمني الضيق و والله
ياريت لو كان بإيدي كان سكنت معاكم عدييل
شكرا استاذنا يوسف الموصلي علي الحضور و المشاركة الهامة
مع انك ما غنيت لينا يا غتيت
شكرا اريج الموصلي علي الحضور والشغل الحلو
يا هديل .. انت سماحة البنيات لي حدهن ..
في زول بشبه سكينة بكون شين ؟
____
اواصل
| |
|
|
|
|
|
|
|
|
|
Re: اريزونا ترقص و تبتهج على اصوات الفنان طارق ابوعبيدة(صور) (Re: خدر)
|
ياخدوري ياخ حب الناس مذاهب البتشوفو انت سمح
ناس تانين بشوفوه شين
ولولا اختلاف الاذواق لبارت السلع
--------
كنت عايز اشارك والله لكن شفقت على بابكر الفرجوني
انو الاتنين نزنقو في وقت يكاد يكون مافي
لان الناس ماحتعرف الظروف والملابسات
الود ده فناااااان بس ماعايزين نظلمو
كل الود وبالتوفيق
| |
|
|
|
|
|
|
|
|
|
Re: اريزونا ترقص و تبتهج على اصوات الفنان طارق ابوعبيدة(صور) (Re: بكرى ابوبكر)
|
شكـرا يا بكري على النقل الجميل ده...
Quote: ياخدوري ياخ حب الناس مذاهب البتشوفو انت سمح
ناس تانين بشوفوه شين
ولولا اختلاف الاذواق لبارت السلع |
والله يا أستاذنا (أبوهديل) بااااالغت في كلامك الفوق ده!
هديل دي قول ليها عمك محمد فرحان بيك شديد...
إنتي زولة فيك علم (عالي بالحيل) وخلقة وأخلاق
موش قالوا البت لعمها...!
ماشاء الله... ربنا يخليكم لينا ويحفظكم من كل شـر...
| |
|
|
|
|
|
|
|
|
|
Re: اريزونا ترقص و تبتهج على اصوات الفنان طارق ابوعبيدة(صور) (Re: Elmosley)
|
بكور و موصلي و الاصدقاء الاريزوناب
رجعت امستردام اول امس و لحدي الان عندنا فلاوقات نوم تقيلة جدا (فرق التوقيت)
جبيت اقول شكرا علي شي يا بكري .. و دي حفاوة و كرم ما غريب عليك يا صاحب
شكرا استاذنا يوسف الموصلي علي المشاركة و الحفاوة و التلاقي الجميل
شكرا اصدقائي في اريزونا و بركة بالشوفة بعد زمن طويل
شكرا اهل و سودانيي فينكس علي حفاوة الاستقبال
حا ارجع فردا فردا بعد ما استعدل فرق التوقيت و الزمن
| |
|
|
|
|
|
|
| |
بكرى ابوبكر
طارق عبد اللطيف نقد
محمد زكريا
Yassir Tayfour
الخير محمد عوض
معتصم مصطفي الجبلابي
دبس
اساسي
محمد الجزولي
naeem ali
علاء الدين صلاح محمد
عبدالوهاب علي الحاج
mayada kamal
النذير حجازي
Hadeer Alzain
محمد عبد الماجد الصايم
الحاج حمد الحاج
ود شاموق
سجيمان
معاوية المدير
إحسان عبدالمتعال أحمد
غادة عبدالعزيز خالد
عفاف أبو حريرة
Mohammed Haroun
Kostawi
HAMZA SULIMAN
Osman Musa
Siddig A. Omer
Deng
Elmosley
خدر
Mohamed Yassin Khalifa
فيس بوك
تويتر
انستقرام
يوتيوب
بنتيريست