سوو الوطن .. وطنين

Quote: وهل من الممكن أن يكون الوطن وطنين!؟ لا لا أظن سيبقى الوطن هو ذاته الوطن وأن تقاسمته الأيادي... هكذا سيبقى حتى ........* بله ما تحلنا ياخ وانت صاحب المقوله المشهوره او على الاقل غرد وكلم قمارينا !! ... * حدث خطأ تقنى لذا جاء المُقتبس والتعليق .. سوا سوا فعزرا حبيبى

Quote: سوو الوطن .. وطنين أمشو انتو سوو الوطن وطنين امشو وتعالو تلقونا قاعدين جوه فى المُركَب سوى مِجداف شمال .. مِجداف يمين

Quote: والله العظيم .. ده اجمل ما قِيل في الامر حتي الان عظيم كما عهدناكـ يا خطاب شكرا يا شيخنا

(عدل بواسطة khatab on 11-07-2009, 04:45 AM)

Quote: خطاب.. وطارق ؟؟ تسلمو... أنا كان عارف كدي ...اكان غشيتكم من زمااان.. سجلت ليكم أسسي دي ... بجيكم.

Quote: أفق البلاد هو البوصله .. مركبنا لو طشت سنين .. وعكنن الشوق الحنين ليهو السواحل نوصلها وانت عارف المجاديف والشواديف الدنيا قبل المكننه .. تلقانا, يانا كما كنا زمان زُراعا ً.. رعاة .. صفيها بس من دمنا

Quote: أمشو انتو سوو الوطن وطنين امشو وتعالو تلقونا قاعدين جوه فى المُركَب سوى مِجداف شمال .. مِجداف يمين

Quote: ختر الشراع في وش أعاصير السنين.. والدفة من زمنا مضي مربوطة بي حبلا متين..

Quote: تعالا نقيف ونطول الطله حال البلد بين بين يلاك ننم يلاا

Quote: ونمينا في مركب على الله أم هلا هلا نقز متلة على الجروف نحرس طيور تتلمة في بلد العشم تتلمة ما شان تنقسم..

Quote: مين البقسمنا !! لو للبحر شاقين حافره الطوارى الطين والفاس مقامو الراس والفكره طامره الساس والشتله منتظره جية الهبوب بره !!

Quote: قسمتنا خير خيرين رزق البلد والناس هين تمرة المشرق باباينا والأنناس.. سنامكة الجبلين.. كراسنا ياهو النيل .. والمدرسة الوحدة

Quote: لا لا لا لا بتقسم لا بتفقش ده بلد جميل ما بتهبش ده بلد عريض ما بنكمش انا ظنى فى هادا البلد هو بلد مصالح نفسو جد ده بلد بشوف لى جرحو حد لا بتفصل لا بتفتل لا بتكتل وبعيش كدى سالم جميل مليان سماح ما عندو عد . ما بتقسم .

Quote: إحساسي بالكوارث نادرا مايخذلني.. وان شاء الله يتخذل في ها المرة.. ويصدق باقي العمر..

Quote: ختر الشراع في وش أعاصير السنين.. والدفة من زمنا مضي مربوطة بي حبلا متين.. يامركبك صاعد جنوب والنيل يخالي الضفتين.. شقيش تمش تعصر شمال الشيمة والشلال تخين.. تعصر يمين.. كل الشباك مفرودة للصيد الثمين.. يامركبك شايلنا وين؟

Quote: لكن ... تفتكر! إنو الدنيا ممكن تنكر تاريخها, و تستجيب! "نحتاج عاطفة الاّن للخروج من هذا المأزق ..." عاطفة ... و بس!

Quote: ومهما تجور بينا السنين كل العذاب والبهدلة لا بد في يوما عزيز نكنس بقايا المهزلة

Quote: لاكين الله فى ونحن حيين والشعب حي نفسو طالع ولما يطلع نفس الشعب ضُمه يا حيشيل للمواجع والله فى

Quote: نيل طاهر وحبيب راوينا شمال وجنوب

Quote: النفس طالع و في .. وفي العيون .. عشم باكر .. عشم .. يتبدد .. ويرجع .. والصبر .. صبر الصبر .. والله في .. والوجع .. ووجع .. الوجع .. الله في ..

Quote: فرح الاحبا يتم في الأُمسيات حيث اللقاء يذهب ماكان وفات يالفي الجنوب حي الشمال يالفِي الشروق ليك شوقنا طال طال يالفِي الغروب هاك لحنِي قال قال......

Quote: نحتاج عاطفة الاّن للخروج من هذا المأزق

Quote: باكر يعرفوا تمام حال العواطف كيف.. ساقوا البلد للقيف ساقوها في عز صيف.. الا البلد صامد.. وقفت على حاله صدت دواعي الزيف.. ما الوحدة في باله

(عدل بواسطة جعفر محي الدين on 11-08-2009, 05:25 PM)

Quote: طولت جدا ما سمعت النبره دى الاستعملتيها انتى فى المخاطبه والحديث

Quote: خطاب يا رهيف ، قوم يالا حييى على الوطن قول للجميع عربى ورطن واطاتنا سافاها الهبوب والنيل ضحل والحزن والسهر الطويل خلا النفوس تضمر تكش وعيونا دمعها صار دموم والنوم من الأحزان طفش لموا العقاب نرجع نعرس للوطن ونجرتقوا وبيهو نحتفل _____ ست البنات.

Quote: جابو المباضع شان يقسموك حته هنا وحتتين هنوك بس ناسك يا وطن في القلب سكنوك لو اتكالبت كل الجبابرة ما بيهبشوك لا أستطيع مجرد تخيل أن جوبا عاصمة لدولة مجاورة قسما يا خطاب الكمبيوتر حلف يخليها في صف واحد شكلوا وحدوي ياخ

Quote: يا خطاب . بفوت الليل وباكر ضو . بنتوحد بنتوحد وحاتك أنتى يا رمبيك وحات عينيك وداك الجو . جنوب وشمال بنتوحد اواقفين للعواصف كو . يقسمو شنو ؟ وحاتك ديل كلامهم تو دقون ساكت وديكورات جمال الطين حديثهم بو يقسمو بلد جميل زى ده ؟ جنو عديل والمجنون بهوهو هو . ولا يهمك باكر خير وباكر ضو .

Quote: يابا خطاب قول ونم .. الوطن محتاج نمك نم .. خلي النمه تطرد خوفا يعتري القلوب الخوف من بكره تقوم بين بيوتنا حواجز وتأشيرات .. كفاية بقينا مقسمين فوق بلود الناس كمان بلدنا ........ لا لا لا لا للانقسام لا للانفصال

Quote: ابوساندرا يازميل ياجميل بركات يا صديق الوطن المُضام ويا اخو الناس التعابه والنجابه والحبابا .. فى كل حين بركات ويا عارف مشاكل اليوم وشكل الصراع بكره والواقفه يا صاحب دايره من الجميع دفره .. حال البلد ياصديق خاشيلو ضيق فى ضيق بحرا ضهيب وغريق شيتًا فُراق وشيتاً مجاعه ! ! ماهكذا السودان ما هكذا ياخى . .

Quote: ( شيتآ فراق ... شيتآ مجاعة ما كان كده السودان يا جماعة ماكان لصوص وفساد وبشاعة ماكان انسانو في السوق بضاعة يعني يا خطاب لو اديتونا فرقة برضو ح نكتب شعر لكن أبدآ ما بجزالتك نظمك للقصيد

Quote: الاستاذ خطاب نتابع معك هذا النبض الحى. ... ومن هنالك من هنا.. من المطر المجمل بالسحاب. فأهلا بالملاقاة الصعاب. فى غضون الساعة..نبدأه العقاب. .. فلنغنى لهذا الوطن فهو يحتاجنا اكثر من اى وقت مضى. كامل التقدير