|
|
|
 Re: معتوقه ، معتّقـه ومُنـعـتِقه (Re: محمد طه الحبر)
|
معتوقة ومعتقة ومنعتقة
نوافير إنتشاء وحشمة
وحَـمار العين ..
تضحك كلما وقعت مصيبة
تمشى على العجين وتلخبطو
وترطن إذا جاها الحنين
************
يا بت بيوت الهجعة كيف ؟
غبار شوارعك ماشى وين
زقاق يفتش فى زقاق
كتمة وضلمة وإنعتاق
أنا فيك لامونى المساجين
سكاتك منازل حلال الحرام
سكاتك على حين أهش الحمام
سكاتك عليك لما تصحى المسام
سكاتك عليهم سكوت و السلام
***************
صوتك وكت قطع البحر
قبال مراكب العمدة
ضهر النيل عرق ..
والشمس فوق حبل الغيوم
شرت جلاليب النعاس
ناشف غرب مبلول شرق
والمطرة زى شفع العيد
تدخل غرف كل البيوت
حكمة الجوع الشرح للأرضة
كيف تقرأ المرق قبال يقع
فوقـك سقف
إتنحنح الجالوص
أمرق على مهلك ..
مروق الحنة من ضفر العروس
واصعد على مهلك ..
صعود البذرة والروح والشموس
وساعود لكم لمواصله باقي النص
| |
 
|
|
|
|
|
|
|
|
Re: معتوقه ، معتّقـه ومُنـعـتِقه (Re: محمد طه الحبر)
|
Quote:
أمرق على مهلك ..
مروق الحنة من ضفر العروس
واصعد على مهلك ..
صعود البذرة والروح والشموس
|
ود الحبر
ونحن على اعتاب الذكرى الخامسة عشر لرحيل مصطفانا
التحية للصديق العزيز الشاعر المطبوع عاطف خيرى
ولعاطف نص اخر له حكاية مع مصطفي سوف احكيها لك
لاحقا
| |
|
|
|
|
|
|
|
|
Re: معتوقه ، معتّقـه ومُنـعـتِقه (Re: بدر الدين الأمير)
|
| Quote: ونحن على اعتاب الذكرى الخامسة عشر لرحيل مصطفانا |
لنتعاون معا في اخراج كري عطره مثل الزكري الثانيه عشر
| Quote: التحية للصديق العزيز الشاعر المطبوع عاطف خيرى |
ولك ايضا ايها البدر المنير
Quote: ولعاطف نص اخر له حكاية مع مصطفي سوف احكيها لك
لاحقا |
منتظرك وماتنساها
| |
|
|
|
|
|
|
|
|
|
Re: معتوقه ، معتّقـه ومُنـعـتِقه (Re: محمد طه الحبر)
|
محمد يا طه يا حبر .. إزيكـ
تعرف يا محمد في غُنا بنضف الزول ..
بنضف أضانو وبنضف مفاهيمو وبنضف تعاملو بدون ما يشعر ..
غُنا ( نتمطَق ) * تفاصيلوا حبه حبه ..
غُنا
كل كلمه فيهو غُنا ..
كل مقطع فيهو غُنا ..
غنا يخليكـ ترطن إذا جاكـ الحنين ..
وغٌنانا يا محمد كلو حنين
إلا مصطفى غير ..
والكلام البغنيهو غير .. Quote: والمطرة زى شفع العيد
تدخل غرف كل البيوت |
__________________
*( نتمطَق ) دي إلا تستعين بي صديق أربعيني .. 
| |
|
|
|
|
|
|
|
|
|
Re: معتوقه ، معتّقـه ومُنـعـتِقه (Re: محمد طه الحبر)
|
Quote: اسأل نفسك هل الاغاني التي غناها ولحنها الاستاذ مصطفي سيد احمد
اذا لم يغنيها ولم يلحنها تكون اشعار او كلمات تصلح للغناء؟؟
لا اظن ذلك |
بل أظن يا محمد أنَ ما رسخ في أذهاننا هو الشعر الغنائي ..
سهولة تلحينه أسمته الغنائي ..
ولكن الفنان ( الملحِن) يفعل ما يريد في الكلام البيعجبو ..
ومصطفى جمع كل الفن في اسمو
____________________________________
فن مصطفى يشمل حتى أخلاقه و نضارته وسيرته مع الآخرين
| |
|
|
|
|
|
|
|
|
|
Re: معتوقه ، معتّقـه ومُنـعـتِقه (Re: ASHRAF TAHA)
|
باقي النص لاغنيه جالوص
**********
مبنية مدن الخوف
من طينة آخر الليل
وانا فى سقالة الشوق
قدح البصيرة تقيل
فاتح زريبة الجوف
تمرق تخش الخيل
على كيفة كيف معلوف
ضهر المظنة يشيل
وانا ظنى ظنيـتـو ..
فى النيل غريق فى النيل
و الليل ولافى بالو ليل
ساكت يغنوا على القمر
واجعنى فى البحر السكات
سكتنى فى الوجع البحر
يا بت صباح الطير
وين البلد ركت ؟
ما عاد هواك يفتح فى الكتمة
شباك النزيف
وين تكيتك فى الغيمة شطيف النجوم
ريف الجسد صدرك سبلوقة اللبن الحريف
داسينى فيكى نضر
والأنبياء فاتوا
والأنبياء بين بين
قاعدين فى ضل النار
داسينى فيك نضر
فى غفلة جو الكفار
وطارت حمامة الغار
لاقونى ناشف ومر
ما ذنب جلد الطار
لو غنو بيهو شتر
ما تخافى الله معاك
وكل الملائكة سمر
انظر الي جمال الفطره في هذه الاغنيه
| |
|
|
|
|
|
|
|
|
 Re: معتوقه ، معتّقـه ومُنـعـتِقه (Re: محمد طه الحبر)
|
Quote: امنجيه مابنفعو معاي في البوست دا
يلا اديني غبشه كورعيك |
يلا يا اخوانا
وهبه
حيدر
جنابو
حميضه
شتتو من هنا الاستاذ قال عاوز جو هادي عشان ينداح ويشرح القصيده
فبالله عليكم اقيفو لينا ورا المسرح ..
يلا يا كابتن محمد اتوكل وقول بسم الله وابدا لينا من البيت الاول ..
خلينا نستفيد من علمك ومعرفتك فما يخرج منك احق ان يدون ويحفظ للاجيال القادمة ,جزاك الله عنا كل خير
| |
|
|
|
|
|
|
|
|
|
Re: معتوقه ، معتّقـه ومُنـعـتِقه (Re: سيف بخيت موسي)
|
Quote: اسأل نفسك هل الاغاني التي غناها ولحنها الاستاذ مصطفي سيد احمد
اذا لم يغنيها ولم يلحنها تكون اشعار او كلمات تصلح للغناء؟؟ |
هو (الإيمان) يامحمد الإيمان بالشئ وتوظيف وتسخير كل الطاقة لتحقيقه
فأستاذنا مصطفى سيداحمد ـ فيض نور من الله يغشاه ـ كان من المؤمنين
بالكلمة مُطلقَةَ فكان يوظف مقدرته الغنائية ليعّبر به عن إيماناته ..
شأنه شأن العظماء ..
فـ BOB MARLEY تجاوز مرحلة الشعر لتلحين خِطاب هيلاسلاسي في أفتتاحية دورة الأمم المتحدة ..
رائعته الشهيرة War
{ فمصطفانا} تغنى الكلمة بمعناها ..
ودمت ..
| |
|
|
|
|
|
|
|
|
|
Re: معتوقه ، معتّقـه ومُنـعـتِقه (Re: محمد طه الحبر)
|
Quote: وانا فى سقالة الشوق
قدح البصيرة تقيل
فاتح زريبة الجوف
تمرق تخش الخيل
على كيفة كيف معلوف
ضهر المظنة يشيل
وانا ظنى ظنيـتـو ..
فى النيل غريق فى النيل
و الليل ولافى بالو ليل
|
تحياتي
محمد طه الحبر.
كامات تسمر الواحد امامها تماما
| |
|
|
|
|
|
|
|
|
|
Re: معتوقه ، معتّقـه ومُنـعـتِقه (Re: باسط المكي)
|
عاطف خير شاعر متفرد
كلماتو صعبه التلحين
ولكن مع مصطفي كل شئ له مذاق خاص
مصطفي قال لما يتوقف عليه التلحين
يخرج لي المناطق العامه
وبعاين للناس لما يحمله وجههم من معاني
وعندما يعود يجد الألحان تتدفق
مصطفي رحمك الله
الله معاك والملائكه سمر
| |
|
|
|
|
|
|
|
|
|
Re: معتوقه ، معتّقـه ومُنـعـتِقه (Re: عصام علي أحمد)
|
أحزنتني يامصطفي يامستطاب يامشتهي
عندما كنت تحكي في قصه أغنيه طال الليل للمساهر
ودخلت تحكي مقطع من أغنيه نورا
وهذا هو المقطع بعدما شفت هذه القصه الحقيقيه
أنت ياحضن الصحاري
شفع العرب الفتاري
البفنو الشيلا إيدم
ويجرو كايسين القطاري
قال مصطفي في بورتسودان
الشفع لما يجي القطر بجرو وراهو ويجدعوه بالحجار
عشان يجدعو ليهم كيس فيهو عيش أو قطعه جبنه
وأحيانا الواحد يختفها من يد مصطفي
رحمك الله
| |
|
|
|
|
|
|
| |
بدر الدين الأمير
عمران حسن صالح
ASHRAF TAHA
Faisal Elrasheed
هواري نمر
سيف بخيت موسي
محمد الجزولي
باسط المكي
rani
عصام علي أحمد
فيس بوك
تويتر
انستقرام
يوتيوب
بنتيريست