|
|
 يا للفاجعة مقتل سودانيان بالقاهرة في مشاجرا ت مؤسفة
|
هناك روايتان الاولي
تقول ان هناك احتفال في ليلة الكريسماس بالحي العاشر بمدينة نصر دارت مشاجرة راح ضحيها سوداني بيد سوداني
ويوم السبت قامت مشاجرة اخري يبدوا انها من تبعيات المشاجرة الاولي راح ضحيها سوداني بيد سوداني بشارع جسر السويس
والرواية الثانية تؤكد نفس نتائج الرواية الاولي فقط تختلف في مكان حدوث الجريمة والشرطة المصرية تتابع من اشترك في تلك المشاجرات
لتقدمه للعدالة
وتؤكد الرواية انتماء هؤلاء الشباب لولاية بحر الغزال الكبري
مؤسف جدا هذا الخبر ولانملك الا نرجوا من السلطات المختصة بشئون السودانيين وهي السفارة السودانية ومكتب الحركة الشعبية ومكتب حكومة جنوب السودان وسلاطين جنوب السودان محاصرة هذا الامر بعدم جعله يستمر او يتطور ليشمل اخرين والتفاكر جيدا لمنع حدوث مثل هذا مستقبلا
والله المستعان
وما ان توفرت لي معلومات اخري ساوافيكم بها وعلمت ان مكتب الحركة الشعبية يبذل جهود ومساعي مقدرة لاحتواء الموقف
لاهمية الموضوع نقلناه بعد الارشفة
وانتابت مشاعر الحزن والاسي مجتمع السودانيين بالقاهرة
مصاب جلل وخسارة فادحة
كم هو حزين ان يموت سوداني بيد سوداني ولاسباب غير مقنعة وغير مبررة وغير انسانية وغير كريمة
وواهية فليسلم اهلنا من ابناء بحر الغزال الميامين
فلنساهم معا وعلي نحو سريع بترتيب مصالحات بين اهلنا الجنوبيون وبطيب خاطر ودر المخاطر وتجنيب اهلنا من ويلات الخصومة الفاجرة
وتثبيط همم دعاة الخصومة والاقتتال واحلال مفاهيم الاخوة والحوار والتخاطب بالتي هي احسن وبالحوار السلمي للوصول للاتفاق او الاختلاف بود وسلام وود لايخلف للود قضية ولتدم الالفة السودانية والود والاحترام بيننا وببساطه نختلف ونتحاور ولا بيننا تحاور بساطور او سكين او سنجه نتحاور بالكلمة الطيبة والنقاش الحميم والاحترام المتبادل وبهدوء بنصل لنقاط التقاء او اختلاف بس بدون اراقة دماء يا اخوتي وابناء وطني
مادايرين دشمان سئ زي ده دايرن نقعد ونتكلم ونتفق او نختلف بهدوء واحترام ولكم محبتي ومودتي وشكري
علمت بمجهودات جبارة لاخوتنا في مكتب الحركة الشعبية تتري
ياأهل الخير رجاءا ابناءنا من اهلنا الجنوبيين نرجو لهم جرعات هامة تقول ان دماء الجنوبيون غالية
ومهمة ويجب الحفاظ عليها فيا اصدقائي في الحركة الشعبية نرجو ان يفهم ابناءنا الميامين ان اية مشكلة بين
جنوبي وجنوبي ساهلة بنحلها بالحوار والتفاهم والكلام وبمؤسساتنا وبالتي هي احسن مادايرين حل بساطور وسكين
بالكلام ومكتب الحركة الشعبية بالقاهرة به اناس عقلاء وحكماء ولا ينحازون بينكم الا بالحق امثال كوشيب وتانقونق سبت وجلال كنجول فاسمعوهم
|
|
  
|
|
|
|
|
|
|
 Re: يا للفاجعة مقتل سودانيان بالقاهرة في مشاجرا ت مؤسفة (Re: مطر قادم)
|
مناشدة لاهلنا في بحر الغزال الكبري
ومن ابناء بحر الغزال نطلب رؤية اخوتنا هناك امثال نيال دينق واخونا ملونق وسلفاكير واختنا اتونق وابناء عمنا رينق الوال وحتي ابناء ابيي سلالة عمنا دينق مجوك نحنا في محنة فرجاءا اقتراحاتكم لكي لا يشتبك ابناءانا مرة اخري لاجل سلامة بلادنا وابناءها
ولكم كلكم تقديرنا لنستانس بحكمتكم ورأيكم في مواجهة الاحداث ولكم تقديري وشكري وعارفكم ما بتقصروا يله يا اخوانا شوفوا لينا حلل وكتر خيركم
| |
|
|
|
|
|
|
|
|
 Re: يا للفاجعة مقتل سودانيان بالقاهرة في مشاجرا ت مؤسفة (Re: مطر قادم)
|
إدارة خلافاتنا نفشل فيها دائماً كسودانيين! ما عارف المشكلة وين؟
الناس إتطورت ووصلوا لحتات بعيدة والسودانيين لسع الواحد كان شافوهو ساى يقول مالك بتحمر لى يا زول؟
غايتو إحتمال كبير يكون فى مشكلة فى الجينات بتاعنا لانو الحاصل ده ما معقول بالمرة.
الله يهدى النفوس ويخلينا نعمل الحاجات البتنفع الناس ... يعنى الدنيا كريسماس وراس سنة المشاكل لازمتها شنو؟
مطر قادم يا عزيز واصل فى الجهود مع بقية العقلاء السودانيين الفضلوا ... على فكرة العقلاء السودانيين إنحصروا بصورة كبير فى الآونة الأخيرة.
ربك رب خير
| |
|
|
|
|
|
|
|
|
 Re: يا للفاجعة مقتل سودانيان بالقاهرة في مشاجرا ت مؤسفة (Re: شول اشوانق دينق)
|
العزيز شول اشوانق
تحياتي
| Quote: الله يهدى النفوس ويخلينا نعمل الحاجات البتنفع الناس ... يعنى الدنيا كريسماس وراس سنة المشاكل لازمتها شنو؟ |
تعرف الحادث الاول حدث في يوم الجمعة والثاني يوم السبت هذا الشباب كان يجب ان توجه طاقاته نحو المعرفة والعلم والعالم كله يتقدم نحن نرجع للساطور والسكاكين والله محنة دي!!!| Quote: غايتو إحتمال كبير يكون فى مشكلة فى الجينات بتاعنا لانو الحاصل ده ما معقول بالمرة. |
هو مامعقول لكن صدقني ده مافي الجينات نفتش ونشوف السبب والخلل وين اكيد حنعرف
Quote: مطر قادم يا عزيز واصل فى الجهود مع بقية العقلاء السودانيين الفضلوا ... على فكرة العقلاء السودانيين إنحصروا بصورة كبير فى الآونة الأخيرة.
ربك رب خير |
وهم ياشول الاغلبية بس ممكن يكونوا انزوا وتواروا وربك رب الخير يعزهم ويكرمهم
| |
|
|
|
|
|
|
|
|
|
Re: يا للفاجعة مقتل سودانيان بالقاهرة في مشاجرا ت مؤسفة (Re: ismeil abbas)
|
الاخ مطر من الضروري جدا ان لا يمر هذا الحدث
كفاجئة خبر يتداول عبر النت وحكاوي مجالس
قبال سنتين او عامين اذا تم التحديد كنت ماشي عين شمس لزيارة احد الاصدقاء
قتم املاء كل شروط التحذير بمعيار انو انا زول ضيف
من وجود عصابات سودانية اوووت لو وعصابة البويز وروايات اتقول هنا في تكساس
المهم في الامر فعلا لاقيت شباب سودانين جنوبين لبسهم وحركاتهم
فعلا زي حركات عصابات الزنوج البنشوفه في الام بي سي تو لانو ماعندي شو تايم
ونظراتهم غريبة يتحركون في مجموعات لغة حوار خاصة بيهم
لي شنو ده كلو ما ياهو السوداني سوداني
وطول عمرنا محتكين مع الاخوان في الجنوب لدرجة التصاهر ماشفنا لينا مونج بعمل فيها
جاكات
على كل ده دور الشباب المثقف الواعي في القاهرة بالتحديد
دور شعبي طليعي اكثر من الدور الرسمي
نواصل..
| |
|
|
|
|
|
|
|
|
|
Re: يا للفاجعة مقتل سودانيان بالقاهرة في مشاجرا ت مؤسفة (Re: حافظ كنجال)
|
Quote: الاخ مطر من الضروري جدا ان لا يمر هذا الحدث
كفاجئة خبر يتداول عبر النت وحكاوي مجالس
قبال سنتين او عامين اذا تم التحديد كنت ماشي عين شمس لزيارة احد الاصدقاء
قتم املاء كل شروط التحذير بمعيار انو انا زول ضيف
من وجود عصابات سودانية اوووت لو وعصابة البويز وروايات اتقول هنا في تكساس
المهم في الامر فعلا لاقيت شباب سودانين جنوبين لبسهم وحركاتهم
فعلا زي حركات عصابات الزنوج البنشوفه في الام بي سي تو لانو ماعندي شو تايم
ونظراتهم غريبة يتحركون في مجموعات لغة حوار خاصة بيهم
لي شنو ده كلو ما ياهو السوداني سوداني
وطول عمرنا محتكين مع الاخوان في الجنوب لدرجة التصاهر ماشفنا لينا مونج بعمل فيها
جاكات
على كل ده دور الشباب المثقف الواعي في القاهرة بالتحديد
دور شعبي طليعي اكثر من الدور الرسمي
نواصل.. |
تعرف ياحافظ كنجال
اول ماسمعت بالخبر اتصلت باخي وصاحبك عبد العظيم حمدنالله للاطمئنان عليه لانه دائم التردد بشكل يومي علي اصدقائه بالحي العاشر فوجدته حي يرزق وقال لي تعال لي فقلت له انا مابحب السفر لانه يسكن علي بعد 50 كيلومتر من وسط البلد في الضواحي وطرف المدائن وشكرا علي مرورك ومداخلتك الظريفه وتحياتي
| |
|
|
|
|
|
|
|
|
|
Re: يا للفاجعة مقتل سودانيان بالقاهرة في مشاجرا ت مؤسفة (Re: مطر قادم)
|
Quote: من وجود عصابات سودانية اوووت لو وعصابة البويز وروايات اتقول هنا في تكساس
المهم في الامر فعلا لاقيت شباب سودانين جنوبين لبسهم وحركاتهم
فعلا زي حركات عصابات الزنوج البنشوفه في الام بي سي تو لانو ماعندي شو تايم
ونظراتهم غريبة يتحركون في مجموعات لغة حوار خاصة بيهم
لي شنو ده كلو ما ياهو السوداني سوداني |
شكرا مطر قادم
ويا اسفي علي شباب بلادي
والله يجازي الذي شتتنا
في كل وادي
| |
|
|
|
|
|
|
|
|
|
Re: يا للفاجعة مقتل سودانيان بالقاهرة في مشاجرا ت مؤسفة (Re: مطر قادم)
|
إتخيل يا مطر يوم 24 القبل كم يوم وفى قداس ليلة الكريسماس بكاتدرائية القديس متى بشارع النيل (الخرطوم) إتنين من الشباب ديل جو خاشين الكنيسة مخمورين وعايزين يخشوا الكنيسة ... المهم برراحة طلعوهم برا لانو منظرهم كان غريب شديد ... الجماعة طلعوا برا وبقو يطقعوا المصلين فى الكنيسة بالحجار تتخيل المستوى المزرى الشباب ديل وصلوا ليهو.
إلا جابو الجيش الشعبى من سوبا بعدداك إحتواهم (بالعنف طبعاً) ... طيب لمتين الشفع ديل حيدقوهم بالطريقة ده؟ وهل العنف معاهم حيعالج المشكلة الحاصلة؟ وليه كل الناس ساكتة على الكلام ده والشباب قاعدين يضيعوا؟ أسئلة كتيرة فى راس الواحد ما لاقى ليهم أجوبة شافية!
دور قادة المجتمع المدنى هنا شنو؟ ووين الروابط خاصة بتاع الشباب والطلاب ودورهم فى إيجاد حلول للإشكال ده؟ وليه بس الروابط دى كل إهتماماتها حفلات التخريج والكلام الفاضى القاعدين يعملوا فيه ده؟
جاى راجع تانى يا مطر
| |
|
|
|
|
|
|
|
|
|
Re: يا للفاجعة مقتل سودانيان بالقاهرة في مشاجرا ت مؤسفة (Re: شول اشوانق دينق)
|
التحية للجميع هنا
وتحايا خاصة لك الاخ مطر قادم
العزيز شول تحايا وود انت تلمس العصب الحي الشباب في السودان
يمر بمنعطف خطير الشارع يتحدث عن ظاهرة انتشار تناول البنقو بين
الشباب والمراهقين دون التفكير في الاسباب والمعالجات فقط الكل يضرب
كف بكف ويقول والله شباب اليومين ديل ... فعلا يا شول الموضوع محتاج لمؤسسات
مجتمع مدني ودولة تراعي حق هذا الجيل في التعليم والعمل ...
ومن جانب تاني نجد ان الظروف الاقتصادية دفعت كل افراد الاسرة للعمل لتلبية
احتياجاتهم بذلك ضعف الدور التربوي للاب والام ... وضيف الى ذلك النزوح والفقر .
وشكرا
| |
|
|
|
|
|
|
|
|
|
Re: يا للفاجعة مقتل سودانيان بالقاهرة في مشاجرا ت مؤسفة (Re: معتصم مصطفي الجبلابي)
|
الاخ مطر قاسم تحياتى هى ليست المرة الاولى ولا اعتقد انها سوف تكوين الاخرين ان لم تتحرك الحركة الشعبية لتحرير السودان نحو ايجاد طريق وسبل كفيله لمحاربة تلك الظاهرة والتى فى راى انا ان من يقف ويدعم الظاهر معروف لدينا ان واجب الحركة هى اعادة هولا الشباب الى مقاعد الدراسة اما هناك فى مصر او فى جنوب السودان, من ثم ملئ فارغ هولا الثقافى الاجتماعى والسياسيى حتى يكونوا ذو فائدة عظمه فى مستقبل السودان و الجنوب
وطبعا ما يحدث افراز طبيعى من افرازات فشل المنظمات الدولية
تحياتى
| |
|
|
|
|
|
|
|
|
|
Re: يا للفاجعة مقتل سودانيان بالقاهرة في مشاجرا ت مؤسفة (Re: amir jabir)
|
شكرا لكل المتداخلون
فقد كانت مداخلاتكم مفيدة وهي مناقشة قضايا الشباب فهم شريحة تقريبا ثلاث ارباع السودانيين في مرحلة الشباب
وهذه الحادثة فتحت نقاش مهم وهو كيفية توظيف طاقة الشباب الجبارة لمنفعتهم واهلهم ووطنهم في التزود بالعلم والمعرفة في كل مظانها ومن ثم العمل لخدمة البلاد في اي ميدان من ميادينها لدفع التطور المنشود للوطن وعلي هذه الشريحة دور مقدر وهام.
ليت كل الاحزاب وهي مقبلة علي الانتخابات ان تفرد في برامجها حيز كبير لهذه الشريحة في المجتمع وتلتزم به وبتنفيذه
وهذه المسؤلية تضامنية في كل الفئات من جهات مسؤلة ورسمية واهلية وجمعيات مجتمع مدني وطرق صوفية وفنانون وائمة مساجد وقساوسة واهل الاعلام ووزارة التربية والتعليم وهلمجرا.
فاتني ان اذكر بان الحادث راح ضحيته سوداني واحد فقط ولكن كثرت الروايات في مختلف مجتمعات السودانيين بالقاهرة كانت قد ضخمته واضافة اليه من الخيال توم وشمار وكما غني حمد الريح "شالوا الكلام جابوا الكلام زادوه حبه ظاهر عليك صدقتهم"
وقالوا قديما
آفة الاخبار رواتها
شكرا للجميع
| |
|
|
|
|
|
|
|
|
|
Re: يا للفاجعة مقتل سودانيان بالقاهرة في مشاجرا ت مؤسفة (Re: مطر قادم)
|
الأخ مطر
كل عام وانت بخير
نسأل الله أن ينصلح الحال ببداية العام الجديد
ولكن هناك سؤال يحتاج لاجابة
نحن نعلم تواجد أعداد كبيرة للشباب السودانيين فى مصر لأسباب تعليمية
ولكن هل هناك أى فرص للسودانيين للعمل فى مصر؟
وكيف يعيش هؤلاء الشباب بل والكثير من الأسر الموجودة فى مصر؟
| |
|
|
|
|
|
|
|
|
|
Re: يا للفاجعة مقتل سودانيان بالقاهرة في مشاجرا ت مؤسفة (Re: حسن حماد محمد)
|
الاخ حسن حماد
تحياتي
| Quote: ولكن هل هناك أى فرص للسودانيين للعمل فى مصر؟ |
الحقيقة نعم هناك فرص ما فمثلا بعضهم يعمل في قطاع الترحيلات
واخرون باعة متجولون وبعضهم يعمل في المصانع والمزارع والحقول وهناك طلاب دراسات عليا واطباء مبعوثون واخرين يعملون في
السفارة وسودانير وفي مكتب الحركة الشعبية ومكتب المؤتمر الوطني والشريحة الاكثر عاطلة منتظرة الهجرة او اللجؤ او قد السلك(الهجرة لاسرائيل) وهي مخاطرة محفوفة بالمخاطر لانها تخالف قوانيين مصر وهي جريمة التسلل والتي يعاقب عليها القانون
| Quote: وكيف يعيش هؤلاء الشباب بل والكثير من الأسر الموجودة فى مصر؟ |
بعضهم يعيشون علي المعاش لانهم خدموا في الجيش المصري سنين عددا واخرون علي مايرزق الله به وبسواعدهم وبعضهم ياتيه تحويل منتظم من السودان او من الخارج والناس حاكماها ظروف وكل يتدبر امره حسب امكانياته واقداره والله المستعان
| |
|
|
|
|
|
|
| |
مطر قادم
ismeil abbas
شول اشوانق دينق
جعفر محي الدين
حافظ كنجال
باسط المكي
قاسم المهداوى
معتصم ود الجمام
النذير حجازي
معتصم مصطفي الجبلابي
amir jabir
حسن حماد محمد
فيس بوك
تويتر
انستقرام
يوتيوب
بنتيريست