|
|
 فتاة النيل الازرق تثير الهلع والجزع وسط عوائل المغتربين فى جدة والرياض والدمام والمدينة
|
كنت فى مامورية عمل فى كل من الرياض والدمام والمدينة تجهيزا للجرد وختام العام المالى وكده .
اها فى زياراتى لاصدقائى ومعارفى واقاربى وديل عندهم اسرهم مقيمة فى تلك المدن طبعا كان اول سؤال يطرح على للتعليق عليه هو .
شفت البت الطالبة المغتربة الفى النيل الازرق حكت مشكلتها ؟؟؟
وتكون الاجابة منى بكل حسرة شفتهاشفتها .
وانظر فى عيون الاباء والامهات والفتيات الهلع والزلع من ما اصاب الناس من ضعف فى الاخلاق ومن ابتلاء اصاب الجميع والمحزن فى الامر ان البنت طبعا مغتربة واوفدها اهلها الى الدراسة والكل عنده تقريبا نفس الكيس وعنده بنت او ولد بيدرس فى السودان وخاصة الناس الذين تقدموا فى العمر والاغتراب .
الجميع يفاجئونك بالسؤال المر .
اها نعمل شنو يعنى ما نرسلهم للسودان للدراسة ولا نمشى معاهم ولاكييف ؟
فى زول عنده اجابة ... يلحقنا بيها سريع
|
|
 
|
|
|
|
|
|
|
|
Re: فتاة النيل الازرق تثير الهلع والجزع وسط عوائل المغتربين فى جدة والرياض والدمام والمدينة (Re: عادل عبدالعزيز عبد الرحيم)
|
سلامات
مشكلة الاهل ديل حافظين اولادم وبناتهم في شقق
ينمون بمرور الزمن لا يغرسون فيهم اي قيم ولا ينموا فيهم الرقابة الذاتية
تخرج البنت والولد وهم عقليات طفولية جدا جيث تجاربهم ضئيلة جدا
يقضون نهاراتم بلي ستيشن واتاري ..
والاولاد يكبرو والبنات يكبرن...
يمشوا بعيدعن اهلهم..
يفقدون نبع قوتهم ومحبتهم يفتكرو اي رجل عمو واي امرأة خالتو
وكل من يضحك معم يحبهم
يجو في الغابة دي بالعقلية دي
فيستغلهم الناس المرضى لعدم تجربتهم ونضجهم العاطفي.
ويكونو سهلين القيادة يتاثرون بالصحبة اذا كانوا محظوظين وقعو في ناس كويسين
ولو وقعو في ناس كعبين ببقو ذيهم..
يقى الحل من اولادكم صغار تنمو فيهم الرقابة الذاتية ويرعوهم رعاية
غير مقيدة وغير حرة علموهم يقولو لا لما المفروض يقولو لا ويقولو نعم لماالمروض يقوول نعم
ويكون عندهم مبادائ اخلاقية
ما تقولي ولدي بصلي صلواته في الجامع دي حاجات مظهرية ساي
شوف هل الصلوات دي بتعلمو قيمةاخلاقية عالية ..
القرابة الذاتية منعدمة بين غالبية اطفال المغتربين
بس يبعد من عين الاهل يعمل السبعة وذمتها...
ادوهم مساحات حرية باشرافكم.
لما يطلعو منكم يكونو عارفين المفروض يعملو شنو ومايعملو شنو
وعلى الاباء ان يلعبوا دور اكبر من جيب القروش خاصة مع الاولاد
انا ام لاربعة عدد منهم دخل الجامعة
ولكن انا معهم هنا
دائما بفكر هل بناتي ديل تابعات ولا متبوعات
وهل الزول لو رسلهم بعيد بيقدرو يحافظو على قيمهم
ولا ينسلخوا طوالي..
بالجد محك كبير لينا كأمهات واباء..
ولكن يجب الاعتراف بان هناك خطا في تربيتنا لهم
------------
قصة بت النيل الازرق قصة ما ممكن تكون صحيحة لانه البت في السودان
وعشان تحمل وتلد عايزة 9 شهور هل معقول في التسعة شهور دي
ما شافاها زول من اهلها.. بعدين كيف تكون حامل لما تولد مافي زميلة ولا ناس الجامعة
يعرفوها بتكون الفت القصة دي ساي ودي حركة سودانية 100%
تأليف القصص الغير صحيحة واطلاقها..
| |
|
|
|
|
|
|
|
|
|
Re: فتاة النيل الازرق تثير الهلع والجزع وسط عوائل المغتربين فى جدة والرياض والدمام والمدينة (Re: سناء عبد السيد)
|
Quote:
سلامات
مشكلة الاهل ديل حافظين اولادم وبناتهم في شقق
ينمون بمرور الزمن لا يغرسون فيهم اي قيم ولا ينموا فيهم الرقابة الذاتية
تخرج البنت والولد وهم عقليات طفولية جدا جيث تجاربهم ضئيلة جدا
يقضون نهاراتم بلي ستيشن واتاري ..
والاولاد يكبرو والبنات يكبرن...
يمشوا بعيدعن اهلهم..
يفقدون نبع قوتهم ومحبتهم يفتكرو اي رجل عمو واي امرأة خالتو
وكل من يضحك معم يحبهم
يجو في الغابة دي بالعقلية دي
فيستغلهم الناس المرضى لعدم تجربتهم ونضجهم العاطفي.
ويكونو سهلين القيادة يتاثرون بالصحبة اذا كانوا محظوظين وقعو في ناس كويسين
ولو وقعو في ناس كعبين ببقو ذيهم..
يقى الحل من اولادكم صغار تنمو فيهم الرقابة الذاتية ويرعوهم رعاية
غير مقيدة وغير حرة علموهم يقولو لا لما المفروض يقولو لا ويقولو نعم لماالمروض يقوول نعم
ويكون عندهم مبادائ اخلاقية
ما تقولي ولدي بصلي صلواته في الجامع دي حاجات مظهرية ساي
شوف هل الصلوات دي بتعلمو قيمةاخلاقية عالية ..
القرابة الذاتية منعدمة بين غالبية اطفال المغتربين
بس يبعد من عين الاهل يعمل السبعة وذمتها...
ادوهم مساحات حرية باشرافكم.
لما يطلعو منكم يكونو عارفين المفروض يعملو شنو ومايعملو شنو
وعلى الاباء ان يلعبوا دور اكبر من جيب القروش خاصة مع الاولاد
انا ام لاربعة عدد منهم دخل الجامعة
ولكن انا معهم هنا
دائما بفكر هل بناتي ديل تابعات ولا متبوعات
وهل الزول لو رسلهم بعيد بيقدرو يحافظو على قيمهم
ولا ينسلخوا طوالي..
بالجد محك كبير لينا كأمهات واباء..
ولكن يجب الاعتراف بان هناك خطا في تربيتنا لهم
------------
|
كلام 100% يادكتورة لكن كمان من ناحية خذلتينى انا هسة كنت بجهز نفسى قلت البت دى بعد ماخلصت الجامعة فى ماليزيا دى دايرة ليها على الاقل سنة عشان تاخد نفس من القراية وبعدين امشى اتقدم لى اهلها تطلعى عندك اربعة..
| |
|
|
|
|
|
|
|
|
|
Re: فتاة النيل الازرق تثير الهلع والجزع وسط عوائل المغتربين فى جدة والرياض والدمام والمدينة (Re: عابدون محمد عابدون)
|
| Quote: يفقدون نبع قوتهم ومحبتهم يفتكرو اي رجل عمو واي امرأة خالتو |
والله كلامك صحيح يا د.نجاة... فعلا الأولاد محتاج يتعلموا كيف ما يكونوا تابعين.. ودي بتبدا بحاجات صغيرة.. من هم صغار.. لحدي ما يكبروا.. المسؤولية بتنطبق على كل حاجه... حياة الشقق المقفّلة دي بتخلي البت او الولد دايما تابع... المشكلة اكبر بالنسبة للبنات، باعتبار انه القفله بتبدا من بدري وتستمر...
برضه نقطة تانية اعتقد انها مهمة وما اتذكرت، هي تعليم الاولاد والبنات الصراحة التامة مع الاهل، سواءا مع الام او الاب... يعني تطبيق النظرية البتقول إن كبر إبنك، خاويه.... البت مفروض تكون قادره تتكلم مع امها في اي حاجه.. عشان ترشدها وتقودها وتنصحها.. الاب بنفس الطريقة يخلي باله لإبنه... في السعودية بشكل اساسي، الاب غائب بصورة كبيرة.. إما في الشغل، او نايم، او بلعب كوشتينه... ما بقضّي وقت كافي مع الابناء، وما بعرفهم ولا بعرف مشاكل..
انا مثلاً، حصل كان عندي علاقة مهما كانت صغيرة او في بدايتها من غير ما والدتي عرفت عنها... واعتقد انها على الرغم من خوفها علي، كانت مطمئنة إنها عارفه الحاصل معاي شنو.. وكانت بتنصحني... وتقوّمني.. وتوريني الصاح والغلط... امي كانت ولازالت اعز صديقاتي، والوضع ده موجود برضه مع اخواني التلاته... والدي هو قاضي الاخلاق عندنا... كان مهتم بنقطة أساسية فينا كلنا، هي الصدق، العريض، واللامشروط.. وبالنسبة ليه الكذب ده آفة أي حاجه تانية... ابسط شي، الصدق مع النفس بحمي الانسان من حاجات كتيره... انا متأكده انه في اي وقت انا او اخواني طلعنا من البيت، كان بخاف علينا من عوامل خارجة عن إرادتنا، لأنهم ربّونا على قوة الشخصية... وادونا بوصلة أخلاقية نادراً ما تخطيء..... واتمنى اقدر اكون ام بنفس هذه المواصفات لمحمود، واخوانه لو الله مد في الآجال...
_________________________
على صعيد آخر، معليش يا دكتوره ما قدرته ما اضحك على العبارة دي....
| Quote: كلام 100% يادكتورة لكن كمان من ناحية خذلتينى انا هسة كنت بجهز نفسى قلت البت دى بعد ماخلصت الجامعة فى ماليزيا دى دايرة ليها على الاقل سنة عشان تاخد نفس من القراية وبعدين امشى اتقدم لى اهلها تطلعى عندك اربعة |
التحية للأخ عابدون
| |
|
|
|
|
|
|
|
|
Re: فتاة النيل الازرق تثير الهلع والجزع وسط عوائل المغتربين فى جدة والرياض والدمام والمدينة (Re: عابدون محمد عابدون)
|
زمان كان الطلأب يدخلون الجامعات وهم تخطو التاسعة عشر من العمر حيث كانت بداية الدخول للمدارس فى سن السابعة للدراسة لمدة 12 عام
معظم طلأب اليوم يدخلون الجامعات وهم لم يتعدو السابعة عشر وهم فى سن المراهقة
الدراسة فى السودان بالنسبة لأبناء المغتربين خيار جيد فقط فى حالة ارتباط الأبن بالسودان وعدم انقطاعه عنه فى كل الأجازات السنوية مع وجود من هم فى مثل سنة من الأهل هنالك
على الأباء الأنتباه والمتابعة الدقيفة لابنائهم فى حالة الدراسة فى الخارج والحرص على الحصول على الرقم الجامعى وكلمة المرور السرية فى موقع الجامعة لمتابعة درجات ابنائهم وتحصيلهم وحضورهم لقاعات الدراسة
| |
|
|
|
|
|
|
|
|
|
Re: فتاة النيل الازرق تثير الهلع والجزع وسط عوائل المغتربين فى جدة والرياض والدمام والمدينة (Re: عادل عبدالعزيز عبد الرحيم)
|
Quote: سلامات
مشكلة الاهل ديل حافظين اولادم وبناتهم في شقق
ينمون بمرور الزمن لا يغرسون فيهم اي قيم ولا ينموا فيهم الرقابة الذاتية
تخرج البنت والولد وهم عقليات طفولية جدا جيث تجاربهم ضئيلة جدا
يقضون نهاراتم بلي ستيشن واتاري ..
والاولاد يكبرو والبنات يكبرن...
يمشوا بعيدعن اهلهم..
يفقدون نبع قوتهم ومحبتهم يفتكرو اي رجل عمو واي امرأة خالتو
وكل من يضحك معم يحبهم
يجو في الغابة دي بالعقلية دي
فيستغلهم الناس المرضى لعدم تجربتهم ونضجهم العاطفي.
ويكونو سهلين القيادة يتاثرون بالصحبة اذا كانوا محظوظين وقعو في ناس كويسين
ولو وقعو في ناس كعبين ببقو ذيهم..
يقى الحل من اولادكم صغار تنمو فيهم الرقابة الذاتية ويرعوهم رعاية
غير مقيدة وغير حرة علموهم يقولو لا لما المفروض يقولو لا ويقولو نعم لماالمروض يقوول نعم
ويكون عندهم مبادائ اخلاقية
ما تقولي ولدي بصلي صلواته في الجامع دي حاجات مظهرية ساي
شوف هل الصلوات دي بتعلمو قيمةاخلاقية عالية ..
القرابة الذاتية منعدمة بين غالبية اطفال المغتربين
بس يبعد من عين الاهل يعمل السبعة وذمتها...
ادوهم مساحات حرية باشرافكم.
لما يطلعو منكم يكونو عارفين المفروض يعملو شنو ومايعملو شنو
وعلى الاباء ان يلعبوا دور اكبر من جيب القروش خاصة مع الاولاد
انا ام لاربعة عدد منهم دخل الجامعة
ولكن انا معهم هنا
دائما بفكر هل بناتي ديل تابعات ولا متبوعات
وهل الزول لو رسلهم بعيد بيقدرو يحافظو على قيمهم
ولا ينسلخوا طوالي..
بالجد محك كبير لينا كأمهات واباء..
ولكن يجب الاعتراف بان هناك خطا في تربيتنا لهم
------------
قصة بت النيل الازرق قصة ما ممكن تكون صحيحة لانه البت في السودان
وعشان تحمل وتلد عايزة 9 شهور هل معقول في التسعة شهور دي
ما شافاها زول من اهلها.. بعدين كيف تكون حامل لما تولد مافي زميلة ولا ناس الجامعة
يعرفوها بتكون الفت القصة دي ساي ودي حركة سودانية 100%
تأليف القصص الغير صحيحة واطلاقها..
|
عفارم عليك يا بت اعمي عفارم عليك والله
جبتيها من آخرها -
أبوفتحية
| |
|
|
|
|
|
|
|
|
|
Re: فتاة النيل الازرق تثير الهلع والجزع وسط عوائل المغتربين فى جدة والرياض والدمام والمدينة (Re: عادل عبدالعزيز عبد الرحيم)
|
Quote:
تخرج البنت والولد وهم عقليات طفولية جدا جيث تجاربهم ضئيلة جدا
يقضون نهاراتم بلي ستيشن واتاري ..
والاولاد يكبرو والبنات يكبرن...
يمشوا بعيدعن اهلهم..
يفقدون نبع قوتهم ومحبتهم يفتكرو اي رجل عمو واي امرأة خالتو
وكل من يضحك معم يحبهم
يجو في الغابة دي بالعقلية دي
فيستغلهم الناس المرضى لعدم تجربتهم ونضجهم العاطفي |
اتفق معاك يا دكتورة فى معظم ما تقولين فى هذا المقطع ويمكن ان اضيف اليه ان العمليه تكامليه زى ما هم خبرتهم وتجربتهم بسيطة فى الحياة هنالك على الطرف الاخر من الرصيف يجلس الزئب مكشرا عن انيابه فى انتظار الفريسة القادمة من الخليج فلماذا يقع كل اللوم على المغتربين واولادهم ولايتم توجيه اللوم للقاطنين بالداخل ان يكون تعاملهم مع جميع اخواتهم سواء من الداخل او من الخليج باحترام وتهذيب وادب زى ما كنا نحن بنعتامل مع زميلاتنا زمان اذن المسالة هى طريقة تفكير جيل جديد اختلفت فى كل شئ جيل صار يستسهل الدخول فى تحديات اخلاقية كبيرة انا اقسم ان اكثرنا فحشا فى جيلنا لايقدر على 10% منها . نحن كنا فى زمن يصعب فيه ان تسلم او ترمى الخطاب المكتوب للحبيبة بكل تهذيب والذى امضيت فى كتابته اقل شئ 3 ايام وقمت بتعطيره وتلوين صفحاته وغيره دعك من ان تقوم بزواجها عرفيا وتوصيلها الى نقطة الموت اهون عليها من الحياة .
الموضوع شائك يا دكتورة وانا فى اعتقادى لايجب ان يحمل كله فى جانب المغتربين ونترك المجتمع كله ونقعد ننهش فى جسد شريحة مصغره منه الا وهى شريحة الضحية ( المغتربين )
اذن علينا تسليط الضؤ على جميع زوايا وخفايا الموضوع حتى نصل الى بلورة بعض النقاط التى يمكن ان تمثل حلا او جزء من حل .
لى عودة
| |
|
|
|
|
|
|
|
|
|
Re: فتاة النيل الازرق تثير الهلع والجزع وسط عوائل المغتربين فى جدة والرياض والدمام والمدينة (Re: عادل عبدالعزيز عبد الرحيم)
|
من السهل التشكيك في اي قصة ما ، لن الشخص يحكم عليها من خلال ما يحمله من قيم اخلاقية ، غرست فيه وتربى عليها.
ليس من باب التشكيك في المصدر فقط ولكن لان عقله اصلا يرفض تصديق الفعل الذي قيمه بانه مشين .
اما ما تم التلميح اليه في هذه القصة من حيث المبدأ ارجح حدوثه . لماذا ؟
بنظرة بسيطة لدار المايقوما تقتنع ان هناك من يستطيع ولادة طفل خارج اطار الاسرة بكل يسر وسهوله وسحنة هؤلاء الاطفال تدلل على اي مناطق قد ينتمو.
اما قضية تربية الاطفال في دول الاغتراب وبالذات السعودية (لتجربتي الخاصة) من اهم سماتها واخطرها تربية الابناء بشكل تحيزي لابناء شعبنا فتجدنا نكرس فيهم الثقة العمياء بالسودانيين وجعلهم الكل ما بين عمو وخالتو فينمو الطفل وفي عقله وسلوكه ان اي (زول) هو اهل ثقة اما الشعوب الاخرى فهي مختلة الاخلاق .
صحيح جانب الثقة بالنفس مهم جدا ولكن طفلك وهو ذاهب للمدرسة تحيطه بمحاذير شديدة لحفظه من التعرض للمضايقات والتنمر مما يكسبه خوفا من الآخر وعدم تصالح مع الذات هذين السببين وتفاعلهم مع الواقع خارج الاسرة (المجتمع المحيط) ومحاذير الاسرة تخرج شخصية مندهشه ومهزوزة وضائعة الهوية ، معدومة الثقة بالذات ، وشعور بالدونية ، وانعزالية .
اما موضوع الدراسة داخل السودان أو خارجة في جامعة المغتربين او اي جامعة اخرى تعتمد على ما غرس سابقا ومدى معرفة الشخص بابنائه وكلي قناعة بان هذه القضية أو هذه الاشكالية قد تتعرض لها طالبة جامعية تربت داخل السودان وسط والديها واهلها . ما يحدث في بلادنا الآن ( قتل طالبة ، قتل طالب ، تحرش ، .....الخ ) يحتاج لتضافر جهود كل اهل الاختصاص في التربية لاخراج شبابنا من هذا البعبع المخيف .
| |
|
|
|
|
|
|
|
|
|
Re: فتاة النيل الازرق تثير الهلع والجزع وسط عوائل المغتربين فى جدة والرياض والدمام والمدينة (Re: ابو القاسم حسن)
|
سلاملت
نسبة لعمل وسط الطلاب لفترة طويلة
لمست عدم الخبرة الحياتية للطلاب ديل يعني ابسط حاجة لا يمكن ان ينجزها
والشهادة لله وجدتهم ا لا شرور لهم على الاطلاق في غاية البراءة والطيبة
وكرماء جدا ولذلك يقعون في مشاكل مالية بسهولة ولذلك ايضا يستقلهم البعض من التفتيحات
واحدة من الحاجات الخطيرة في شخصياتهم هي هذا الضعف تجاه محبة الاخرين وقبولهم ولذلك تجدهم دائما يتنازلون
عن حقوقهم لا يقون ان يعاديهم احد او يقولو لا..
وهذه هشاشة نفسيةناجمة عن قلة التجارب والبقاء دائما حول من يحبونهم...
عنما ياتون من اسرهم وهم في هذه السن بحسون بخوف وعدم آمان
اعتادت الكلية عند استلام اي طالب في المطار الاتصال بي للتحدث معه لشرح الخطوة التانية
احس في صوتهم هذا الفرح عندما اخبره بالخطوات يخاطبني بخالتو
وعندما التقيهم في الكلية ايضا تحس بالفرح في وجوههم ان هناك شخص كبير
يلجأ له عكس الطلاب الذين ياتون من السودان "الشفاتة" مقرمين جدا
ولا يريدون اي خالتو في حياتهم بعضهم يغير رقمه فورا حتى يقطع الصلة بيني وبينه
ولذلك طالب في هذه السن بهذه النفسية يسهل خداعه والضحك عليه
وكذلك الطالبات في تلهفهن الى الانتماء وايجاد مصدر للحب يملي الطرف الاخر شروطه
ولذلك تحدث الاخطاء من زواج عرفي وعلاقات محرمة
كل المسالة حاجة للحب في سن صغيرة غضة يجب ان تبقى مع الاسرة لسنوات اكثر
يبدا الاهل من الان التفكير جديا في سن ادخال المدرسة
حتى يذهب الطفل بعيدا وهو في سن راشدة اذ ان لدينا طلاب من 15 سنة
يجدون نفسهم وحدهم في عالم غربب بدون محبة الاهل ورعايتهم..
نجي للنبات ومشكلة البنات في بلد مثل السعودية
تستقي البنت كل معلوماتها من روتانا والفيدو كلبات التي تتعرض
لحياة مبهرجة زائفة..فهي تضع نموذج لها التجارب التي تراها في التلفزيون
وتختزنها. عندما تخرج من الاسرة تكون منجزبة للمثل الكونتها من
التلفزيون عادي جا يكون عندها حبيب وعادي جدا تخرج معه
ولذلك حين يطلب منها الزواج عرفيا لتريح مسألة الضمير
تقبل ذلك وتنجم هذه الكوارث
وهناك مخاوف كيبرة عند كل الاهل حين ذهاب اولادهم وبناتهم بعيدا
انا بناتي يدرسن في نفس المدينة لدي بنت تعيش في داخلية
اذكر حين ذهبت ابنتي المتوسطة الى الكليةالاعدادية كنت على رعب ان يحدث لها شئ
او يستدرجها احد..
احسب هذا يكون رعب كل الاهل ولكن ماذا نفعل حيال هذا الخوف
يجب التحدث مع البنات والابناء بصراحة ووضوح في امور خاصة
يراها الاهل عيب... ياتي الابن معدا مسلحابالوعي والمعرفة
مثلا درب المخدرات لا رجعة منه وكذلك الزنا يجب ان نبين لهم عواقبه
الاخلاقية وكذلك الامراض وتناقلها عن طريق الجنس.. وتنمية الرقابة الذاتية
في معرفة متى يغادر المكان اذا حدث فيه ما يتنافى مع دينه واخلاقه.
الاخيرة هذه مشكلة كبيرة لانه يخشي الرفض من الاخرين وفقد مودتهم
وللك يبقى وهكذا ينحرف الاولاد بالبقاء في الاماكن الخطأ
التي يجب الا يكونوا فيها.ز
يتبع
| |
|
|
|
|
|
|
|
|
|
Re: فتاة النيل الازرق تثير الهلع والجزع وسط عوائل المغتربين فى جدة والرياض والدمام والمدينة (Re: د.نجاة محمود)
|
عزيزنا عادل
مساء الخير
وحقيقية ما جاء في حلقة برنامج " مافي مشكلة" بقناة النيل كان كارثة
لعدد كبير من الأسر في الإغتراب وحتى اسر داخل السودان لتخوفهم من ما وصلت إليه الحال
حيث يصعب على الشخص أن يعزل نفسه أو أولاده من محيط التعامل لوجود مثل هذه حوادث ، عليه وفي
إعتقادي هنالك عدة نقاط نجملها في
1. حسن التربية ما يتماثل مع الدين والعرف .
2. التدريب على تحمل المسئولية وإتخاذ القرار من وقت
مبكر حتى ولو كان قرار أكل وشرب ولبس
3. المتابعة الغير مزعجة ومخلة للأبناء وعدم الغفلة عنهم عند بلوغهم سنة معينة بتقدير أنهم قدر المسئولية.
4. الدعاء والعمل على حفظهم بحفظ أنفسنا عن كل ما لا نقبله لهم.
مع تحياتي
Quote:
قصة بت النيل الازرق قصة ما ممكن تكون صحيحة لانه البت في السودان
وعشان تحمل وتلد عايزة 9 شهور هل معقول في التسعة شهور دي
ما شافاها زول من اهلها.. بعدين كيف تكون حامل لما تولد مافي زميلة ولا ناس الجامعة
يعرفوها بتكون الفت القصة دي ساي ودي حركة سودانية 100%
تأليف القصص الغير صحيحة واطلاقها..
|
للاسف يا دكتورة نجاة القصة صحيحة والقائمين على البرنامج بذلوا جهد مقدر في المعالجة
وتمت المعالجات الاساسية ، ولكن تعرفي مثل هذه الأمور مثل صحن الصيني لم ينكسر ، نسال الله
الستر والسلامة للجميع
دمتي
| |
|
|
|
|
|
|
|
|
|
Re: فتاة النيل الازرق تثير الهلع والجزع وسط عوائل المغتربين فى جدة والرياض والدمام والمدينة (Re: احمد محمد احمد عتيق)
|
أخى عادل السلام عليكم..وشكرآ جزيلآ لطرح هذا الموضوع الذى نأمل أن يتسفيد منه الكثير..
Quote: القرابة الذاتية منعدمة بين غالبية اطفال المغتربين
بس يبعد من عين الاهل يعمل السبعة وذمتها...
ادوهم مساحات حرية باشرافكم.
لما يطلعو منكم يكونو عارفين المفروض يعملو شنو ومايعملو شنو
وعلى الاباء ان يلعبوا دور اكبر من جيب القروش خاصة مع الاولاد
|
تسلمى دكتورة نجاة..لأثراء البوست بكلام قوى ومفيد....وده فعلآ الحاصل..
ما يؤزم مثل هذه القضايا عدم المتابعة اللصيقة من جانب ولى ألأمر..وأختيار ألأصدقاء للأبناء...
هذا لاينطبق على أولاد المغتربين فقط بل على جميع ألأبناء..إذا ترك له الحبل على القارب.إلا من رحم ربى..
لافائدة إذا إستكرنا حقيقة هذه القصة أو نفيها..ومن باب أولى لفائدتنا أن نتصورها حقيقة حتى لا نتكاسل فى همتنا تجاه مسئولياتنا....والله الموفق..
| |
|
|
|
|
|
|
|
|
|
Re: فتاة النيل الازرق تثير الهلع والجزع وسط عوائل المغتربين فى جدة والرياض والدمام والمدينة (Re: ismeil abbas)
|
السادة الافاضل
الاستاذ سيف بخيت
السيد احمد محمد عتيق
الفاضل اسماعيل عباس
لكم التحية ونتمنى التواصل لسبر غور هذا المشكل الكبير الذى ظللنا نغفل او نتغافل منه منذ فترة طويلة وانا فى اعتقادى كما اسلفت اعلاه المشكل لايخص المغتربين وحدهم بل هم شريحة متضررة بصورة يمكن تكون اكبر من غيرها وذلك لاسباب خاصة اوردت الدكتورة معظمها لكن تظل الحقيقة التى اوردها احد الاخوة يمكن ان تكون هنالك شريحة كبرى اخرى متضررة مثل المغتربين الا وهى شريحة اهلنا فى الاقاليم حيث ان الكثيرين يرسلون اولادهم لتلقى العلم فى الخرطوم وذلك لتركز الجامعات الجيدة فى الخرطوم وحيث انه لافكاك لهم من ذلك فلا بد من نقاش الموضوع من كل جوانبه والتعرض لكل زواياه حتى يتبين الجميع مسارب ضؤ او ضى فى اخر النفق يمثل لنا ولهم حل ابدى من هذه المشكلة الاجتماعية الاخلاقية العصيبة.
لنا عودة
| |
|
|
|
|
|
|
|
|
|
Re: فتاة النيل الازرق تثير الهلع والجزع وسط عوائل المغتربين فى جدة والرياض والدمام والمدينة (Re: عادل عبدالعزيز عبد الرحيم)
|
الأخو الأعزاء التحايا لكم جميعاً
فى إعتقادى أن المسأله غير مخصوصة على المغتربين فقط
هنالك ظروف كثيرة ومشاكل جمة تحيط بالطالبة الجامعية بصورة عامة
الطالبة حتى نهاية الثانوى تجرنتها محدودةعلاقاتها محصورة فى مجتمع المدرسة والبيت والحى
وفى الجامعة تدخل فى عالم جديد زمالة الأولاد وهى غير محصنة ضد هذه الحالة بمعنى أنها لم تعيشها
وأيضاً الفقر والعوز وحب مجاراة الآخرين من حيث المأكل والملبس مما يشوش عليها فى حياتها الجديدة ويدفعها إلى البحث للتعايش مع هذا المجتمع وكذلك الحماية الزائدة التى تحيط بيها الأسرة البنت وتفقدها حال إبتعادهاعن الأسرة و تفقد الدعم الخارجى المتمثل فى الأسرة فتتجه فتبحث عنه من مصادر أخرى فتقع فريسة لبعض ضعاف النفوس فيتم إستدراجها وتصبح ضحية .
| |
|
|
|
|
|
|
|
|
|
Re: فتاة النيل الازرق تثير الهلع والجزع وسط عوائل المغتربين فى جدة والرياض والدمام والمدينة (Re: ياسر الجعلى)
|
| Quote: فى إعتقادى أن المسأله غير مخصوصة على المغتربين فقط |
ينصر دينك يا ياسر الجعلى
جيتنى فى وترتى زاتها اتفقنا على ان الامر لايخص المغتربين فقط بل هو امر لكل المجتمع فانا متاكد من ان هنالك عشرات الحالات ان لم نبالغ ونقول مئات الحالات التى تشابه حالة البنت المغتربة هذه لكن الفرق فى التربية هو ان اؤلئك لم يجرؤ على طرح مشكلتهم على الملا فى حين ان هذه قامت بطرحها على رؤؤس الاشهاد وقامت بتعرية المجتمع من واحدة من اهم اغطيته التى كان يتغطى بها زورا وواجهتنا بالحقيقة المرة التى ظل الجميع يتهربون منها ردحا من الزمن ولكن فى اعتقادى آن اوانها الان .
فالى تحليل جزور المسالة بتروى ووصراحة ووضوح .
شكرا لرايك السديد
| |
|
|
|
|
|
|
|
|
|
Re: فتاة النيل الازرق تثير الهلع والجزع وسط عوائل المغتربين فى جدة والرياض والدمام والمدينة (Re: عادل عبدالعزيز عبد الرحيم)
|
السيد/ عادل عبد العزيز عبدالرحيم
لك من الشكر اجزله لفتحك لهذا الموضوع الشائك المؤلم ... ربنا يعدل الحال
انحنا لسه اولادنا صغار عشان كدا حنرابط هنا لغاية ما نشوف اخرتها ... الموضوع جد مخيف و انحنا لسه في اول طريق ما يسمي بعصر التطور و التقدم و الانفتاح و العالم البقي قريه و ما عارف شنو ... غايتو في رايي انه تطبيق تعاليم الاسلام الحقه في ارض الواقع هو الحل ... يعني تقاليدنا القديمه ديك الانحنا اتربينا عليها تقريبا انتهت اذا ما نهائي كانت انتهت ... يعني بنت عمك و بنت الجيران زي اخواتك دي تعاد النظر فيها مرة اخري... زمان - و يا حليل زمان - كان الناس مستوريين و العيب كان يبصدر من قله و بيكونو معروفين وسط الناس ... لكن الان و مع انتشار القنوات الشيطانيه الفضائيه بقي العيب يجيك جوه بيتك و بقي عادي تكون بتحضر في التلفزيون و يكون فيه عري و خلاعه و اولادك و بناتك قاعدين معاك ... و القنوات العربيه حدث و لا حرج ... و انا بقول الكلام دا و انا عارفه حار انه يتقال لكنو دا الحل من وجهت نظري
تطبيق تعاليم الاسلام هو الحل ... " علموهم لسبع و اضربوهم لعشر و فرقو بينهم في المضاجع " .... و الله اعلم
عثمان
| |
|
|
|
|
|
|
|
|
|
Re: فتاة النيل الازرق تثير الهلع والجزع وسط عوائل المغتربين فى جدة والرياض والدمام والمدينة (Re: OSMAN SAYED MOHAMED)
|
العزيز عثمان
اكيد واحدة من اهم واول ادوات الحل هو الرجوع للتعاليم الدينية السمحة سواء كانت فى الاسلام للمسلمين او كانت فى المسيحية وغيرها من الاديان لمعتنقى الاديان الاخرى . دا شى طبيعى ومطلوب بقوة لكن ماهى الطريقة التى نستطيع بها ان نجلس بها هولاء الشباب لتلقينهم اوتعليمهم او محاولة ربطهم مرة اخرى بهذه التعاليم السمحة .. انا ما داير احبطك لكن المسالة مشبالسهولة الانت بتتصورها او فى مقولة كلاسيكية ظللنا نرددها من زمتان ان الحل فى الرجوع للتعاليم الدينية .. ما التعاليم الدينية دى ذاتها عايزة منهجح يقودها ويخطط ليها ويطرحا بصورة عصرية عشان تخش راس الشباب ديل البقو فى زمن فيه سرعة فى لااشياء بشكل مخيف .
اذن سؤالى لك ما هو المنهج والتصور للرجوع للتعاليم الدينية ؟
تسلم يا حبيب
| |
|
|
|
|
|
|
|
|
|
Re: فتاة النيل الازرق تثير الهلع والجزع وسط عوائل المغتربين فى جدة والرياض والدمام والمدينة (Re: عادل عبدالعزيز عبد الرحيم)
|
لاكثر من شهر ونصف منذ ان سمعت بطالب متهم بقتل طفلة صغيره واغتصابها ويعيش مع امها
دون زواج لمدة سنة كاملة
افكر ما شكل اسرة هذا الوحش كيف يمكن ان تنجب اسرة مثله وعرفت ان له اسرة محترمة جدا
شاهدت صورة نشرت في صحيفة للطفلة اصبت بصدمة بشعة كيف تاتي لهذا الطالب
ان يكون وحشا.. طفلة عمرها ثلاث سنوات تركت في رعايته
وطبعا يابى عقلي ان يصدق هذه البشاعة تاتي من سوداني وبت الان في حلم الا تثبت عليه الجريمة
الوحشية هذه,,,
وصرت انظر الى ابني الوحيد بنظرة مختلفة هل يمكن ان تكون هناك بقع سوداء في ارواح ابنائنا
لا نراها الا حين تخرج في مثل هذه البشاعة.
اللهم لا تمتحنا ا في دنبتنا بابنائنا.
كيف ولد سوداني يعيش مع امرأة بدون زواج؟
بل كيف يقتل ولد سوداني طفلة سغيرة بهذه البشاعة؟
كيف نعرف ونحدد مقياس الشر في الابناء ؟
تقاعس مجتمع الطالب هنا الذي كان يعرف جنوح هذا الولد ولم يبلغ اهله او اي شخص مسؤول
الى ان انتهى به الحال متهما بجريمة قتل بشعة لا يتصورها انسان
صورة وجه الطفلة الدامي المهشم اثارت الغضب في المدينة
جسد طفلة يدل على تعذيب منظم تم عليها الى ان كانت اللحظة الاخيرة في حياتها
بتهشيم جمجمتها..ما ذنب هذه الطفلة المسكينة تنتهي هكذا؟
تخلت لحظاتها الاخيرة الالم والبكاء والمعاناة..
عندما يفقد المجتمع خاصية المناصحة نتوقع ان يحدث اكثر واكثر
سالت الطلاب لماذا انتم تعرفون ما يحدث ولم تخطروااسرته؟
قالوا ان الطلاب الجانحين لا يتقبلون النصح ويتحول الامر اى عداء واستعداء
اتمنى ان ترجع المناصحة والمء مرآة اخيه الى مجتمعنا
حتى نذكر الجانحين من الابناء ونرجعهم الى جادة الطريق قبل وقوع الفاس في الراس
| |
|
|
|
|
|
|
|
|
|
Re: فتاة النيل الازرق تثير الهلع والجزع وسط عوائل المغتربين فى جدة والرياض والدمام والمدينة (Re: د.نجاة محمود)
|
Quote: انا ام لاربعة عدد منهم دخل الجامعة
ولكن انا معهم هنا
دائما بفكر هل بناتي ديل تابعات ولا متبوعات
وهل الزول لو رسلهم بعيد بيقدرو يحافظو على قيمهم
ولا ينسلخوا طوالي..
بالجد محك كبير لينا كأمهات واباء..
ولكن يجب الاعتراف بان هناك خطا في تربيتنا لهم
|
الدكتورة نجاة
سلامات يازولة يا فهم كبير
أبشري بالخير
اولادك الانا شفتهم وقيلت معهم ديل
ما بتجيهم العوجة تب
حسيت بيهم انهم بيحبوا الناس وودوديين
يتعاملون بسودانوية
والله كانهم متربين في السودان
ما شاء الله متحملين المسئولية
عاجباني بتك العملت لينا الغداء (وش فرحان بشكل تربيتك ليهم)
ربنا يخلي ليك اولادك ويخليكي لاولادك
وموفقين دائما ان شاء الله
*** بالنسبة لموضوع البوست وعنوانه
المسالة مسالة تربية ومسئولية ذاتية
انا كبنت او ولد وطالما وصلت السن البتدخلني الجامعة
معناها بعرف اميز بين الخطا والصح
ولازم تكون في عملية موازنة ورقابة ذاتية
على الاقل نتذكر تعاليم ديننا الحنيف
*** المشكلة ليست في ارسال الطالب/ة الى السودان للدراسة
هنالك المشكلة الاكبر في ارسال الطالب لبلد ثالث
يختلف عنا في التقاليد والعادات
واديكم نموذج ماليزيا
باعتبار اني ذهبت للدراسة هناك
والله ياتي طلاب الواحد يحن عليهم انو هؤلاء سودانييين
اللبس كيف كيف
والسلوك البعيد عن سلوك السودانيين
الحضور المتاخر للمحاضرة
واحيان كثيرة دك المحاضرات
والسهر في الملاهي الليلية
المهم اسمعوا كلام دكتورة نجاة دي كوييييييييس
باعتبارها خبرة في التعامل مع الطلاب
لعملها اللصيق بالطلاب الوافدين في ماليزيا
ويادكتورة منتظرينك احكي المزيييييييييد المزيييييييييد
| |
|
|
|
|
|
|
|
|
|
Re: فتاة النيل الازرق تثير الهلع والجزع وسط عوائل المغتربين فى جدة والرياض والدمام والمدينة (Re: Nader Abu Kadouk)
|
نادر يا حبيب
كيف حالك .. قبل اسبوع كنت فى الرياض وقابلت ادريس قريبك وقالى انت فى الخليج وتركت لندن
وكمان قال ابوه اتوفى الله يرحمه فى حادث سيارة
البركة فيكم ياخ
كلامك القلته ده صاح يا نادر وكانوا بيننا نعززين مكرمين
لكن الحصل شنوا ورانا واللامور جاطت كده
بينى وبينك انا بهوهو حرصا على ضنبى لانه بنتى قربت تدخل الجامعة وهى الان فى تانى متوسط كلها كم سنة كده وتكون فى الجامعة
اها دايرين نشوف حل من هسع للبلاوى البنسمع عنها دى فى السودان
ادينى جوالك فى الماسنجر لوسمحت
| |
|
|
|
|
|
|
|
|
|
Re: فتاة النيل الازرق تثير الهلع والجزع وسط عوائل المغتربين فى جدة والرياض والدمام والمدينة (Re: صديق عبد الجبار)
|
لاستاذ الفاضل صديق عبد الجبار
لك التحية وربنا يخليلك اولادك وبناتك ويحفظهم لك من شر خلقه
اعجبت جدا بطرحك الواقعى والمنطقى الذى يرتكز على نظرية التربية العصرية وليس على تجريم شريحة بعينها دون الاخريات
انا اتفق معك تماما بان الاب والام ليسوا الوحيدين الذين يربون الاولاد فى هذا العصر فقد دخلت معهم ادوات تربية اخرى مثل وسائط الاتصالات الحديثة ( الموبايل + الانترنت + القنوات الفضائية ) هذا بالاضافة الى التاثير الكبير والمتعاظم للاصدقاء والصديقات وذلك لضعف الشخصية فى الابناء التى تاثرت من ان الثقافة اصبحت ثقافة سطحية ومكتسبة عن طريق العين والاذن وليس عن طريق العقل كما كنا نتشربها من الكتب فى عهدنا .
الله يكون فى عون الجيل الجدي واولى امرهم .
شكرا لحضورك هنا
| |
|
|
|
|
|
|
| |
عادل عبدالعزيز عبد الرحيم
سناء عبد السيد
عابدون محمد عابدون
مريم بنت الحسين
Ashraf El Bagir
الصادق صديق سلمان
سيف بخيت موسي
ismeil abbas
OSMAN SAYED MOHAMED
عبدالحافظ سعد الطيب
mayada kamal
Nader Abu Kadouk
صديق عبد الجبار
فيس بوك
تويتر
انستقرام
يوتيوب
بنتيريست