|
|
 أمكي الملكني هواها في صور طبعا
|
( أمكي ) قريتنا التي تبعد حوالي خمسين كلم جنوب مدينة أبوحمد في منطقة الرباطاب
قرية جميلة خالص ح احكي ليكم عنها وعن زكريات الطفولة بقدر ماتسعفني زاكرتي الخربة
فترقبوا
|
|
 
|
|
|
|
|
|
|
|
Re: أمكي الملكني هواها في صور طبعا (Re: Yassir Bainwi)
|
وبمجرد ما وصلنا للضفة الغربية قصادنا طوالي سوق أمكي
وهو سوق شهير ويوم الخميس هو يوم السوق الكبير
والذي يأتيه الناس من القري المجاورة
عتمور .. العبيداب ... كرقس من الجهه الشمالية
الجريف من الجهه الجنوبية
ام غدي وبسوي من الضفة الشرقية
| |
|
|
|
|
|
|
|
|
|
Re: أمكي الملكني هواها في صور طبعا (Re: Yassir Bainwi)
|
ويعمل غالبية السكان بالزراعة ( محاصيل .. جناين ) وتربية المواشي والاغنام
والمحصول النقدي الاول هو البلح
وهنالك عدة محاصيل ( قمح ... فول مصري .. ذرة .. حمص .. كمون ... الخ )
ودي طبعا ( الحاحاية ) وتنصب دائما داخل حواشة الذرة ليستطيع الذي يجلس عليها رؤية جميع الحواشة
وهنالك حبال مربوطة بها الي كل انحاء الحواشة تسمي ( العارات ) لطرد الطير
نواصل
| |
|
|
|
|
|
|
|
|
|
Re: أمكي الملكني هواها في صور طبعا (Re: Yassir Bainwi)
|
وطبعا ناس امكي او ( الاماكة كما يحلو لاهلنا في القري المجاورة ان ينادوننا ) لهم قصص وحكاوي كثيرة
وهم مثلهم ومثل بقية الرباطاب سريعي البديهه ولكن لهم لغتهم الخاصة والتي تعتمد علي التورية
مثلا امحمد ود الفطيرة ( ودا طبعا الزول الفاطر رمضان )
وجماعة شل ( وديل الناس البخافوا من نسوانم )
وعموما الحكاوي كثيرة ساتعرض للبعض منها لاحقا
خالص الود
| |
|
|
|
|
|
|
|
|
|
Re: أمكي الملكني هواها في صور طبعا (Re: Yassir Bainwi)
|
الأخ ياسر
تحية لك وأنت تسوقنا في رحلة لديار الرباطاب، وزيارة منازل ولاد باجوري في العبيداب وناس الرفاعي في كرقس. واصل ...على الرغم من أنني لم أزر تلك المناطق إلا أن علاقتي ببعض أبناء المنطقة ومزاملتي لهم بالدراسة جعلتني أعرف الكثير عنها وبالطبع هي شبيهة ببيئتنا في ديار الشايقية
اليك قصيدة (قشيش نومي) للشاعر الرباطابي عبد الحفيظ محمد أحمد وهي من عيون الشعر القومي. يا ريتك تبحث عن شعر هذا الرجل وتنشره:
يا قشيش نومي أب سحيباتا بكن لو
البلا رد النعام مال ما ب يطلو
يا مرسالي قوم لي زولي قولو
كفاية الشفتو زي ما تقول لو قولو
قولو تعبان ديمي والفكر اشتغلو
قولو يابس ريقو مو قادر يبلو
اديتو المي قال لي شن أكلو
قولو اكسير البلد قلعوهو كلو
نبت عود الخراب قام في محلو
البوم والغراب قيل في ضلو
إن يقى غادي للسهني أوصلو
إن بقى في سرير النوم أدخلو
جيبو معاك حتما لا تخلو
قدر ما يتعذر لك ما تقبلو
إن بقيت ما جبتو ما تجي كلو كلو
يا قشيش نومي أب سحيباتا يكرن
طول الليل براريقك يورن
المدلوق سيلو بالوديان مقرن
التاويلو اتقرن ومعزاهو درن
جنس غيرك على حلواتو مرن
في خشيمك حترب السكر مدرن
البلد مشتاقلو والخاتر مو طايب
عليهو بنبكي وأما البكا مو جايب
علي فرقتنا أبكن يا الحبايب
الجدي المرعاه في الوادي أب دبايب
علي تاه دربو في وديان حلايب
البعيد ماب يقلبو الكلب أب سبايب
| |
|
|
|
|
|
|
|
|
|
Re: أمكي الملكني هواها في صور طبعا (Re: Yassir Bainwi)
|
سوف نحكي عن الصافي علي واحمد ود العمدة وعمي ابولكيلك وعمي الحسن وشرف الدين عمر وعبد الخالق عباس
والسكان واستذ عبد الباسط وحبوب شكاك وابراهيم الطيب ومصطفي الشيخ والطيب ود الشيخ وحبوب شكاك وعبدالله يوسف وعمي الخليفة وتشكرونة نور الهادي ود الصافي والسنجك واحمد ود الحاج ولوري رحمة وست القرية وعمنا عبدالله واخرين
فتابعوا
خالص الود
| |
|
|
|
|
|
|
|
|
|
Re: أمكي الملكني هواها في صور طبعا (Re: Yassir Bainwi)
|
مدرسة امكي الابتدائية بنين
تاسست في العام 1956
وتخرج منها الكثير من ابناء القرية والقري المجاورة
ومنهم الدكاترة والبروفات
منهم الاطباء والصيادلة والمهندسين
والسفراء والوزراء وغيرهم
عند التحاقي بها كان الزي المدرسي هو الجلابية
والشال أو العمة في ايام الشتاء
وكنا نحمل الفطور ( في البستلة )
وعادة مايكون عبارة عن ( كسرة بي شاي) أو( كسرة بي لبن )
وبعد مرات بيكون قراصة ودمعة
الا فطور محمد تاج السر كان دائما شعيرية او عيش وطحنية
وكنا نضع ( البستلات جميعها ) في الركن الشمالي الشرقي للمدرسة
وعادة ما نتسلل ان وعبد الماجد قسم السيد ( مجودة ) بين الحصة الاولي الثانية
ونمشي ناكل
فطور محمد تاج السر وفي فسحة الفطور يمشي يشتكينا لي ست عيشة
نواصل
| |
|
|
|
|
|
|
|
|
|
Re: أمكي الملكني هواها في صور طبعا (Re: Yassir Bainwi)
|
اها طبعا ست عيشه دي الله يطراها بالخير كانت زولة صعبة خالص والمشكلة الحقيقية انها ما بتضحك كلو كلو
مع انو في معلمين كتار صعبين وجلدم حاااااااااااار لكن ما مشكلة لانهم ممكن يضحكوا
المهم نخنا يوميا ناكل فطور محمد تاج السر وهو يمشي يشتكينا لي ست عيشة ناكل جلدتنا زي العجب
اها برضو في استاذ عيدالروس ابوالقاسم ودا العلمني جداول الضرب لي يوم الليلة ما بنساها
كان بيكت رقم في السبورة ويجينا بالدور مثلا كتب سبعة يجي للواحد ويقول ليهو تمانية لو قلته ب56 بتاخد جلدة
ويقول لي انا ما داير بي بس تقول الرقم طوالي
بالطريقة دي انا من الخوف هسه حافظ لغاية جدول 24
واستاذ بدر علي حسين ودا بضرضو كان صعب شديد
وطبعا الناظر كان عمنا احمد محمد بيناوي
ودا طبعا براهو
مع انو عمنا وطوالي معانا لكن اول يوم في سنة اولي لقيت زول مختلف
اول حاجة جانا صاري وشو
وقال : انا الهاويه في اللحظة دي انا من الخوف قربت اقوم جاري )
وانا طبعا كنت شيطان شديد وطالي في البحر
اها طوالي عاين لي وقال : قوم يا ود بيناوي البحر طالع وللا نازل
قلته لهو طالع ز مسكني جلدني جلد شديد
اها من اليوم داك انا بقيت امشي للجبابيد بالدس
نواصل
| |
|
|
|
|
|
|
|
|
|
Re: أمكي الملكني هواها في صور طبعا (Re: Yassir Bainwi)
|
الأخ ياسر
تحية
من الملح الرباطابية التي سمعتها من صديقي الطيب حسن باجوري عن واحد من جماعتكم كان مغرم بملاح (البربور)... بعدين أظن كتر فيهو والملاح نفخو... الراجل قال: (علي الحرام أنا تاني ما آكل ملاح البربور).. لكن أظن طوالي فكر في الموضوع وعرف إنو ماب يقدر يمشي حليفتو، فقال: (وإن أكلتو ما أكتر فيهو، وإن كترت فيهو أشرب لي جردقة)
مامان
| |
|
|
|
|
|
|
|
|
|
Re: أمكي الملكني هواها في صور طبعا (Re: maman)
|
| Quote: من الملح الرباطابية التي سمعتها من صديقي الطيب حسن باجوري عن واحد من جماعتكم كان مغرم بملاح (البربور)... بعدين أظن كتر فيهو والملاح نفخو... الراجل قال: (علي الحرام أنا تاني ما آكل ملاح البربور).. لكن أظن طوالي فكر في الموضوع وعرف إنو ماب يقدر يمشي حليفتو، فقال: (وإن أكلتو ما أكتر فيهو، وإن كترت فيهو أشرب لي جردقة) |
ياسلااااااااااااااام يا مامان التحية ليك ياخي وللعزيز الطيب باجوري اهلنا ناس العبيداب
الناس الشهيرين بالصلح بين الناس
وحتي الواحد فينا لما يكون زعلان شديد وبعد شوية يرضي تجي حبوبة الله يرحمها وتقول ليهو خلاس ناس العبيداب
جو .... ؟؟
ياخي تسلم تاني
خالص الود
ونواصل
| |
|
|
|
|
|
|
|
|
|
Re: أمكي الملكني هواها في صور طبعا (Re: Yassir Bainwi)
|
ياسر ازيك وازي ناس امكي معاك كلهم
طبعا انا استلفت الباسورد بتاع استاذنا مدني العرضي
عشان اسلم عليك اولا واقول ليك ان مدرسة امكي الابتدائية
تأسست في العام 1948 ارجو التصحيح
اخوك فرح الامين بخيت - عتمور
| |
|
|
|
|
|
|
|
|
|
Re: أمكي الملكني هواها في صور طبعا (Re: Yassir Bainwi)
|
الأخ الغالي
ياسر بيناوي
اليوم شاهدنا أمكي عبر شاشة التلفاز ورأينا أهلها
القوم لايزالوا علي سجيتهم كرماء والبساطة سمة جميلة من سماتهم
الطبيعة هناك في أبهى حالاتها والخضرة على مدى البصر
المكان يتسم بالروعة والحسن ويغلب عليه طابع السحر
أمكي في كل يوم تذداد حسنا وتأنقا
على ذكر العبيداب وأهلها الكرماء
هؤلاء قوم أينما حلوا طاب المكان لهم ولمن شاركهم
نعم هم أجواد وأهل خير يسعون دوما لرأب الصدع وجمع الشمل
من بينهم رجل طواه الثرى وقد أحببناه كثيرا المرحوم سراج سيد أحمد
التحية عبرك للرائع ختم مختار
| |
|
|
|
|
|
|
|
|
|
Re: أمكي الملكني هواها في صور طبعا (Re: نزار باشري ابراهيم)
|
نزار باشري
سلامات ياخي
Quote: اليوم شاهدنا أمكي عبر شاشة التلفاز ورأينا أهلها
القوم لايزالوا علي سجيتهم كرماء والبساطة سمة جميلة من سماتهم
الطبيعة هناك في أبهى حالاتها والخضرة على مدى البصر
المكان يتسم بالروعة والحسن ويغلب عليه طابع السحر
أمكي في كل يوم تذداد حسنا وتأنقا |
تسلم يا سليم الزوق
خالص الود
| |
|
|
|
|
|
|
|
|
|
Re: أمكي الملكني هواها في صور طبعا (Re: Adil Ali)
|
Adil Ali
سلامات
Quote: ياسر يا أخوي اسمك المكتوب بالإنجليزي دا عليك الله اكتبو بالعربي....حاولت تعريبه واسترجعت كل الأسماء في أمكى ومقرات وأرتُل والشريك وشري وأبو ديس وأبو حمد وما وصلت لي حاجة.
تحياتي |
اها انااسمي ياسر بيناوي ( ناس العمدة ود بيناوي عمدة امكي وعتمور )
وابوي بيناوي باشمفتش السكة حديد الكان في ابو حمد
وتشكر علي المرور
اها انت من وين
خالص الود
| |
|
|
|
|
|
|
|
|
|
Re: أمكي الملكني هواها في صور طبعا (Re: Yassir Bainwi)
|
Quote: اها انااسمي ياسر بيناوي ( ناس العمدة ود بيناوي عمدة امكي وعتمور )
وابوي بيناوي باشمفتش السكة حديد الكان في ابو حمد
وتشكر علي المرور
اها انت من وين |
علم على رأسه نار يا رجل، لكن بالانجليزي غلبني.
أنا من أبو هشيم .... جيران!
| |
|
|
|
|
|
|
|
|
|
Re: أمكي الملكني هواها في صور طبعا (Re: Yassir Bainwi)
|
ياسر بيناوي...
إن شاء الله تبقي مبسوط بسطا مارق من الليد...
عارف. واحد من أهلنا الرباطاب, ركب القطر, والوآطه ليل.
فكر بينو وبين نفسو لآمن يجي الكمساري يقولوا:ركب من الكربة.
زولك أخدتو نومة, والقطر إتعطل. صلحوااالقطر, القطر إتحرك
و الرباطآبي نآيم ما جايب خبر. الكمساري جاء المرور صحاهو.
يا حاج تذكرتك. قال للكمساري: أقطع لي ركب من الكربة.
الكمساري قال ليهو:يا حاج الكربة لسع ما وصلناها. الرباطابي
أتخلع خلعة شديدة جدا, وقال للكمساري:أها أعرفني ركب من وين?
يأخي التحية ليك, ولناس أم مكي, والله مشتاقين...
| |
|
|
|
|
|
|
|
|
|
Re: أمكي الملكني هواها في صور طبعا (Re: Yassir Bainwi)
|
اووووووووووووووو
صاحبي ياسر حسن
اخبار ك شنو يازول
| Quote: ضربتنى ساسويا فى الكدمبس |
قوم طوالي جيبلك شلتوت من المرقون واكدنا بيهو
اها ناس الشريك ومقرات وارتل رايك فيهم شنو
دى لحمتنا معاكم بى امنا
وتحت تحت قالوا جدنا ابوحجل بتعرفوا
كيف ياخي الناس ديل اهل ياخ
وبالذات اخوالك ناس النقر
خالص الود
| |
|
|
|
|
|
|
|
|
|
Re: أمكي الملكني هواها في صور طبعا (Re: حاتم شناب)
|
شناب
Quote: والله زكرتنا البلد يابيناوي
طبعا انا من جزر الشريك اما وابا
لو بتعرفا
ابوي من جزيرة ارتنسو
والوالدة من الجزيرة ام حجير
والجزيرتين جيران |
طيب انت ما ولدنا عديل
يللا خليك في البوست دا اصلو ماتمرق منو
خالص الود
| |
|
|
|
|
|
|
|
|
|
Re: أمكي الملكني هواها في صور طبعا (Re: Yassir Bainwi)
|
وطبعا كنا بنمشي للمدرسة بالجلاليب والشالات
ولمن نجي راجعين بنجي مشرعين
طبعا بنجي عكس الهواء والواحد بيربط طرف الشال في نصو ويمسك الطرف التاني
وبرضو بنحوم بين الاشجار بحثا عن الشقيقيلات
والواحد لمن يجي راجع البيت بيكون مالي البستلة بالشقيقيلات
وناكل سريع ونجري علي الجبابيد
| |
|
|
|
|
|
|
|
|
|
Re: أمكي الملكني هواها في صور طبعا (Re: ياسر بيناوي)
|
Quote: ]البلد مشتاقلو والخاتر مو طايب
عليهو بنبكي وأما البكا مو جايب
علي فرقتنا أبكن يا الحبايب
الجدي المرعاه في الوادي أب دبايب
علي تاه دربو في وديان حلايب
البعيد ماب يقلبو الكلب أب سبايب
|
امكي اول مرة سمعتبها
انا في الثانوي بعطبرة ...
كانو معانا شباب في قمة الروعة .
ولاد بلد تمام .للاسف لم الاقي منهم
واحد ..علي سبيل المثال محمد عوض محمد
ومسعود
مبارك مهدي ..
شنقر وو
الزمن سرقنا مناا حتي اسامي الاعزاء
واصل يابناوي
| |
|
|
|
|
|
|
|
|
|
Re: أمكي الملكني هواها في صور طبعا (Re: باسط المكي)
|
حبيبنا
Quote: امكي اول مرة سمعتبها
انا في الثانوي بعطبرة ...
كانو معانا شباب في قمة الروعة .
ولاد بلد تمام .للاسف لم الاقي منهم |
تسلم ياخي
ومعظم المزكورين موجودين ما بين الخرطوم والبلد
وحنبلغم تحاياك
خالص الود
| |
|
|
|
|
|
| |
maman
نزار باشري ابراهيم
ياسر بيناوي
مدني العرضي الحسين
طارق جبريل
Shiraz Abdelhai
هند محمد
Adil Ali
طارق شاطر
معاوية المدير
ياسر حسن المبارك
حاتم شناب
عمر صديق
emad altaib
باسط المكي
فيس بوك
تويتر
انستقرام
يوتيوب
بنتيريست