|
Re: (أحلى حاجه تسويها المرأه انها تكون ست بيت) .. تتذكروا البوست دا ..؟؟؟ (Re: soma)
|
سوما الجميله صاحبتي ... والله ما عارفه اقول شنو بعد الكلام اللي بينقط شهد اخضر دا .. لوووول دايما بتخجلينا باحترامك لذاتك ولي كلمتك وللناس الحواليكي.. ربنا يديكي العافيه ويخلكي لابو العيال . ويديم المحبه بيناتكم .. بالمناسبه انتي اجمل مثال على ست البيت .. الشغاله ,, لكن ست بيت من الطراز الاول عارفاكي يا صاحبتي .. طباااااااااااااااخه , وبيتك ما شالله جيه الدنيا يا يمه .. لوووووووول ربنا يدكي العافيه وتحياتي لابو العيال .. الراجل (الفنان) ..
| |
|
|
|
|
|
|
Re: (أحلى حاجه تسويها المرأه انها تكون ست بيت) .. تتذكروا البوست دا ..؟؟؟ (Re: JAD)
|
Quote: وأتذكر ردي كان فيه تقريباً ..
(بالله إنت لسع ما متزوجة .. يا حسرة على الرجال) ..
|
انت عارف يا جاد .. الوقت داك كنت بوردابيه جديده لنج (وما زلت) لوول,, لكن والله ابدا ظني ما خاب فيك .. البوست كان حقيقه مليان .. ولو ما كنت خوافه شويه الوقت داك .. كان ممكن يمشي اكتر من كده .. الله يجازي اللي كان السبب بالمناسبه .. ود عمي اللي في امريكابيسللللللم عليك ..
| |
|
|
|
|
|
|
Re: (أحلى حاجه تسويها المرأه انها تكون ست بيت) .. تتذكروا البوست دا ..؟؟؟ (Re: داليا الكباشى)
|
مبروك للمرة التالتة والرابعة عليك الرجل الرائع تمبس احسن حاجة للمرأة انها تكون ست بيت بل انا اعتقد جازماً ان الله سبحانه وتعالى خلقكن للبيت لتكن ملكات وأميرات بداخله قال سامر العمرابي مراسل قناة الجزيرة الرياضية في لقاء على قناة النيل الأزرق وكانت معه زوجته قال ما احلى ان تكون المراة ملكة في بيتها تأمر فيه وتنهي بطريقتها وما أسوأ ان تكون المراة مضطهدة في بيتها ولا تأمر فيه ولاتنهي. اعجبني كلام هذا الرجل.
ومبروك تاني عليك تامبا
| |
|
|
|
|
|
|
Re: (أحلى حاجه تسويها المرأه انها تكون ست بيت) .. تتذكروا البوست دا ..؟؟؟ (Re: الصادق صديق سلمان)
|
الاخت داليا مبروك الزواج وربنا يسعدك خلى بالك كتير من ان تكوني ست بيت جميلة في كل شيئ حتى لو كنت امرأة عاملة فمسئوليتك كبيرة جدا. تخيلي العمل بيخلى الواحدة اكثر نظاما من الواحدة القاعدة في البيت, لانو بيخليك اكثر مرونة ومعرفة بامور الحياة, وتذكري انو زوجك جنتك ونارك(دي توصيات كدا على البوردابي تمبس) والله فهم الزواج عندنا نحن العرب عمومافيه غلط كبير الواحدة بتتزين للناس وناسية زوجها. حاجات كتيرة جميلة بس محتاجة المرأة الفاهمة المتعلمة امور الحياة. وما تنسي انو المرأة هي البتصنع السعادة في البيت. وربنا يسعدك ويديك بنات واولاد كتار12 ولو عايزين زياده كلميني ادعي ليك تاني.
مع مودتي هاجر
| |
|
|
|
|
|
|
Re: (أحلى حاجه تسويها المرأه انها تكون ست بيت) .. تتذكروا البوست دا ..؟؟؟ (Re: هاجر التهامي ياسين)
|
Quote: خلى بالك كتير من ان تكوني ست بيت جميلة في كل شيئ حتى لو كنت امرأة عاملة فمسئوليتك كبيرة جدا |
Quote: تخيلي العمل بيخلى الواحدة اكثر نظاما من الواحدة القاعدة في البيت, لانو بيخليك اكثر مرونة ومعرفة بامور الحياة, |
Quote: وتذكري انو زوجك جنتك ونارك |
Quote: والله فهم الزواج عندنا نحن العرب عمومافيه غلط كبير |
Quote: الواحدة بتتزين للناس وناسية زوجها |
Quote: حاجات كتيرة جميلة بس محتاجة المرأة الفاهمة المتعلمة امور الحياة |
Quote: وما تنسي انو المرأة هي البتصنع السعادة في البيت |
والله يا هاجر يا اختي , نصيحتك ما بناباها , بس ركزي شويه ياخ..
| |
|
|
|
|
|
|
Re: (أحلى حاجه تسويها المرأه انها تكون ست بيت) .. تتذكروا البوست دا ..؟؟؟ (Re: العوض المسلمي)
|
Quote: بالمناسبه .. ود عمي اللي في امريكابيسللللللم عليك .. |
قصدك مصطفى كباشي .. الله يسلمو .. ما قصر والله .. خلى أخينا يكون أسرع وتيرة وأحرص على إتمام الأمر .. والحمد لله رب العالمين
لكن ما جننت صاحبك جن ..
بعدين الجهجهو أكتر نبرة الحزن في صوتي .. والتقديم المرتب .. (والله عارف أقول شنو .. ولا عارف أبدأ من وين)
وكاني عيون تمبس نطت لي برة 5 بوصات .. (في شنو يا جاد) ..
والله خفت تحصل ليهو حاجة .. فأسرعت في كشف المقلب .. لكن بالتأكيد الخضة بتكون عدت معاهو يوم وليلة ..
تحياتي،،،
جاد
| |
|
|
|
|
|
|
Re: (أحلى حاجه تسويها المرأه انها تكون ست بيت) .. تتذكروا البوست دا ..؟؟؟ (Re: العوض المسلمي)
|
سلامات يا دكتورة..
الف مبروك العقد ويارب نحضر زفافكم,بس تورونا من بدري
بوستيك دا وقع لي في جرح..
لاني بعاني معاناة شديدة غشان احاول اكون ست بيت
(ماضروري ممتازة شديد:) )
مشكلتي انو راجلي بيتوتي جدا..مابيحب يطلع من البيت
ولا بيزور ناس الا نكون كلناطالعين سوا..يعني بيجي من الشغل
ما بيشوف الشارع الا تاني يوم..
وانا شغلي فيهو نبطشيات ومرة صباح ومرة مساء يعني يومي جايط
فهو بقا لاقي فرصتو انو يكون عارف كل صغيرة وكبيرة في البيت
ومرات بيكون احسن مني..خصوصا مع اولادنا..
عادي الشفع ممكن يفطوني ويجروا ليهو عشان يبوسوهو...
كل ما احاول اعمل سيستم للشفع ولا برنامجهم اليومي..يخربو لي بالدلع
والسبهللية معاهم..غايتو لغاية هسه ما لاقية حل معاهو
يعني مفروض يسموني ست الأكل ما ست البيت لانو لغاية هسة ماقادرة اسيطر علي حاجة غير
حلة الغداء..اتمني ليك تجربة احسن من حقتي دي ههههههههه
| |
|
|
|
|
|
|
Re: (أحلى حاجه تسويها المرأه انها تكون ست بيت) .. تتذكروا البوست دا ..؟؟؟ (Re: رشا سالم)
|
الاخت العزيزة دكتورة داليا تحياتى لك و لتمبس و للمرة الثانية الف مبروك و ربنا يسعدكم ببعض انشاء الله
عن نفسى اتذكر هذا البوست جيدا و حينها كنت من المتفرجين من منازلهم و صراحة كان بوست موفق و جميل و احييك على ارائك
و الصراحة الصراحة سنارتك .. اقصد بوستك .. كان سنين خالص و الطعم كان مملح و ما اخد كتير حتى جاب الشرك السعيد (وجه ضاحك)
و بالمناسبة فى عضوة جديدة لنج (زى حالتك و قتها) عندها سنارة اشد من سنارتك زاتها لكن المشكلة الاسماك الكبيرة حايمة و ما بتدى فرصة
للاسماك الصغيرة ( ايضا حايمة) حتى من الاقتراب و التصوير تحياتى
| |
|
|
|
|
|
|
|