|
|
 نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر
|
احباب الجمال
اليكم السلام واحلي التحايا
انتم علي موعد مع الالق البهيج
شلالات من الضياء نراها امامنا كلمات والحان
اغنيات تنبض بالحياة تهز المشاعر
موسيقي تدخل المسام فتمنحنا الدفء
نيويورك من جديد
لؤلوة العالم
حيث سحر الفنان الكبير عمر احساس مع انغام الموسيقار الاستاذ ماهر تاج السر
لنعيد ذلك المشهد الانيق امسية من دنيا الخيال
أهلا بكم في مساء الجمعة الخامس من فبراير 2010
|
|
 
|
|
|
|
|
|
|
|
Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر (Re: إحسان عبدالمتعال أحمد)
|
اعزائي
قدم الينا المطرب الاستاذ عمر احساس بعد رحلة فنية ناجحة من كندا الباردة والتي انعم الله عليها بدفء الحانه واغنياته
جاءنا كطيف حميم ننتظر مقدمه فانعش الروح في كلورادو محطته الاولي في الاراضي الامريكية ومن ثم انهالت عليه العروض لنحظي نحن في
نيويورك بوعد اقتطعناه رغم ضيق وقته لانشغاله ببرنامج معد مسبقا هنا ولآرتباطات فنية اخري بالسودان
شكرا مطربنا عمر احساس وانت تؤكد لجماهيرك الكبيرة بأنك تبادلهم الحب بالحب
لك التحايا وانت تعلن ان الذي سيتقاسم معك رحلة الابداع في نيويورك هو الموسيقار الخلوق استاذي ماهر السر
اهلا بكما مبدعين عزيزين علينا
| |
|
|
|
|
|
|
|
|
|
Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر (Re: إحسان عبدالمتعال أحمد)
|
قدم بن دارفور عمر احساس للساحة الفنية بعدد لا يستهان به من اعماله الخاصة حيث تمتلئ بالثراء
كلمات والحان وهي حاله فنية يمكن ادراجها كشئ نادر مما هله لأحتلال مكان معتبر بين
المبدعين الذين يحسبون علي اصابع اليد والذين لم يعتمدوا علي اغنيات الغير متسلحا بموهبة فذة
ومشحونا بتراث وثقافة بيئة ثرية فنهل و تشرب منها حتي ارتوي وهذا ما نلحظه في كل اعماله الفنية والتي
يحملها معه في حله وترحاله
اهم ما يميز الفنان عمر احساس هو افتخاره اللامحدود بأنتمائه لدارفور بلدنا وتاكيده بأنه فنان كل السودان
| |
|
|
|
|
|
|
|
|
|
Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر (Re: إحسان عبدالمتعال أحمد)
|
نتوقع حضور مشرف من الاخوة الاعزاء ابناء دارفور الحبيبة
وفي انتظاركم يا ناس معتصم وجمعه ويحيا وبقية العقد الفريد
كوستاوي وشاعرنا عثمان موسي من بدري تكونوا معانا
ناس شريف الجمعة معانا بهنا وعزيزنا عمر حبيب وصل الدعوات لكل الاصدقاء بفلادلفيا ( طالبنكم حفلتين)
المبدعون بفرجينيا بلا اشتثناء ننتظر حضوركم البهيج لنا برفقة الاستاذ ماهر ومدام عالية
حفل سيكون حدث لن يتكرر لذا نتوقع اكبر عدد من الحاضرين من نيويورك وما جاورها من مدن وولايات
يا ناس ربا بت سيف كلمي ماما وبابا ما ينسوا او يفوتوا فرصة الاستماع للفنان عمر احساس وننتظر مشاركة مقدرة من البني
اهلا بكم وحبابكم الف والدار داركم و تسعنا جميعا
| |
|
|
|
|
|
|
|
|
|
Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر (Re: إحسان عبدالمتعال أحمد)
|
شكرا صديقتى العزيزة اللحوحه احسان
وشكرا على الكلمات الرائعة فى حقى
وشكرا على الالحاح واقناعى بتعديل
جدول مغادرتى الولايات لمشاركة
اهل نيويورك لنبنى سويا ناطحة سحاب
سودانية من الطرب السودانى تناطح
اشهر بنايات نيويورك
شكرا وانتى تستقطعين من زمنك وزمن
الاسرة لاضفاء بعض الالق وامسيات
الفرح عبر اتصالك بكل مبدع سودانى
تطأ اقدامه الولايات المتحدة
ارجو ان تسمحى لى بتقديم الدعوة
للاخوة والاصدقاء بفلادلفيا لحضور
الحفل ,واشكرهم على تقديم الدعوة
للمشاركة بفلى ولكنى اعتذرت لظروف
انتهاء زمن الفيزا فى التاسع
من فبراير لذا لهم العتبى
ولهم الدعوة ولاخوتنا برابطة دارفور
بنيويورك
| |
|
|
|
|
|
|
|
|
|
Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر (Re: Kostawi)
|
اخونا العزيز عمدة البلاد السمحة ديك كوستاوي
في الليلة ديك الي هي يوم الجمعة خمسة فبراير ح يكتمل عندنا القمر وبلدكم السمحة فتشولا لي
ضوء شموع لآنه نيويورك النور كله حقها وخاصة في ايام الجمع
يا اخوي ما تكابر وتحرض الناس ساي اركب الدرب وتعال بدري ما تقعد تكابس في النت وتفتش ة في اخبار بلدنا دانة الدنيا
شكرا للمداخلات واظنها ح تتواصل
اها يا عزيز ما تقصر معانا
علي فكرة استاذ عمر احساس جاييكم بهناك لكن اظنو ح يكون متخبي ( آآآآآآآآآي ) لأنه عايز يختم برنامجه الناجح معانا هنا
في نيويورك الجميلة
ومنتظرنكم
| |
|
|
|
|
|
|
|
|
|
Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر (Re: Abdelrahim Mansour)
|
ثلاثة من ركائز الابداع في بلدي
اصغرهم سنا ساحر الكمان الموسيقي الشاب عثمان محي الدين وكان لنا معه لقاء موسيقي ناجح في نيويورك
ظل صداه داخل نفوسنا الي الآن
القدير الموسيقار ماهر تاج السر ظلال وريفة من مختلف الفنون تمتد وتزداد كل يوم
مطربنا المبدع عمر احساس الذي قدم وما زال يقدم كل الوان الغناء السوداني
غير حبنا لهذا الثلاثي الا ان هناك صفة اخري جمعتهم وهي مدينة كوستي العريقة التي قدمت كثير من الشخصيات
في مختلف دروب العطاء من بينهم الاستاذين ماهر وعثمان
اذن عمر احساس وليد دارفور عبر كوستي نرسل التحية لزوجتك العزيزة ابنة كوستي والتي وثقت ارتباطك بكوستي
| |
|
|
|
|
|
|
|
|
|
Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر (Re: إحسان عبدالمتعال أحمد)
|
سلامات احسان يا عزيزة
ومرحب بعمر احساس علي ارض تفاحة العالم..نيويورك المدينة المحبة للفن والطرب
وتعرفي يا حسان عندما يشتد بي الحنين للسودان لدي سي دي لعمر احساس هو انيسي انا وربا وابوها وهااااك يا بهجة حتي ( تفتر حمرة مننا) ونغني جميعا
(زولي الاخدر
كان شفتو بخدر)...
وما زال في قلبي حسرة لعدم تمكننا من حضور حفلة خدر
فابي ربا مزنوق ما بين زنقة عمل المكتب التي لا ترحم وزنقة قراية ال PHD وآلام غضروف لعين في الظهر تتناوشه هذه الايام
دعواتكم اختي احسان ربنا يتم عافية ابو ربا ويمنحه الصحة فقد اشتقنا كثيرا للمدينة الجميلين اهلها
ولنا شوق كثيرا للقاء الاصدقاء
وفوق كل هذا وذاك الاستماع والتمتع بفن عمر احساس لا يقدر بشئ....
وشكرا لكل ناس نيويورك..المدينة التي تزرع الفرح في دواخلنا
وشكرا لك اختي العزيزة احسان ..والشكر لاحسان الفنانة صاحب الصوت الرخيم
تحياتي للدكتور وليد ( الفنان الذي ضل طريقه للصيدلة) ولاطفالك الحلوين
| |
|
|
|
|
|
|
|
|
|
Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر (Re: امل كرار ابراهيم فرح)
|
امل العزيزة
كيفك يا ام ربا والله في شوق شديد لرؤياكم الغالية - لك و لربا الاميرة ووالدها دكتورنا العزيز سيف السلام والتحايا
الف لا بأس عليك يا سيف وان شاء الله تنورونا بطلتكم البهيه التي نحب
افتقدناكم يا امل في حفل خدر والله فاتتكم اجمل ليلة لكن الوعد بأن يقدم الفنان عمر احساس اروع حفلاته هنا في نيويورك الملهمة
وحمره جمره ح تكون طلب خاص لربا - عمر موافق بس قال ناس ربا واهلها ما يخذلونا بعدم الطلة
تحيات غوالي لكم من وليد واولاده وسلام خاص من علي محمد الحسن لكل الاسره وقال ليك علي يا سيف المره دي الحضور لأزم يكون مبكر
الي الملتقي في امان الله
| |
|
|
|
|
|
|
|
|
|
Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر (Re: إحسان عبدالمتعال أحمد)
|
المبدعة الأخت احسان
سلامات
عودتينا على نقل الأخبار الجميلة
ورغم الأحزان التى كانت تخيم على سماء نيويورك فقد استطاع الفنان خدر
من وضع بصماته بالفرح والأمل فى نفوسنا
وهاهو فنان الشباب الملئ بالحيوية والطرب عمر احساس يطل علينا ليدخل المزيد من الفرح فى نفوسنا
الف مرحباً بالفنان عمر احساس فى نيويورك وخاصة هى تحتضن أكبر عدد من ابناء دارفور الحبيبة
توقعاتنا ان تكون ليلة يمتزج فيها الطرب بالحب والتواصل وتتقارب فيها القلوب
عمر احساس فى تغنيه لدارفور يلملم كل اطراف الوطن ويرسم لوحة تفيض بالحياة والتمازج والقبول
والاعتزاز ، فهو بحق رسول سلام ومحبة
بعدين ناس كوستاوى ديل خليهم يموتوا بالغيرة والحرقة عشان نيويورك دى مسببه ليهم مقص بالنجاحات
والافراح الممتالية
بعدين يا كوستاوى يا خوى عمر احساس مجرب وعارف نيويورك ويشهد ليهو الحضور الكثيف لسكان
نيويورك فى السنترل بارك حيث رقص البيض والسود على انغام دارفور بلدنا ويا ريت يالمنصور تفتش لينا
شوية صور من حفلة السنترل بارك فى منهاتن عشان كوستاوى دا يقتنع عديل كده
ولنا عودة
| |
|
|
|
|
|
|
|
|
|
Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر (Re: صلاح شعيب)
|
الاستاذ الاعلامي القدير الاخ شعيب
كيف احوالكم مع مهنة الصعاب والغربة الاصعب
لم يتح لنا الزمان اي لقاء في هذه البلاد التي تفرق ظروف الحياة القاسية فيها الاهل والاحباب
اتمني ان يكون كل شئ كما تتمني
ليتكم تهنئون معنا بعمر احساس وستكون من امنياتي الغالية فهلا فعلتها وشددت عزمك الي نيويورك ؟
بالنسبة لأتحاد الصحفيين لم يحدثني احد منكم عنه ولم يقابلني اي موقع الكتروني حتي الم بالمعلومات
انا في انتظار معرفة كل شئ عن الاتحاد عبر بريدي الالكتروني او المسنجر
لك تقديري
| |
|
|
|
|
|
|
|
|
|
Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر (Re: إحسان عبدالمتعال أحمد)
|
شكرا احبائى على كل الكلمات
الرائعات التى قيلت فى حقى
وحتى الحبيب كستاوى الذى بدا
مشاكسا شكرا على كل النصائح
والشكر للاغانى بمدلولاتها
وبقول ليك برضو(
ماك وليدا قولو خاتى
وما رمنك خيل عواتى
شكرى فى الغير مشاتر
منو احسن لى سكاتى)
انتهى
كستاوى كدى انت تعال
فى الاول والبعيد شنو
وبى جيتك حسب رأيك
ما ممكن تحول
(زرياب الفحم الى
مسارح نغم)
وشكرا للمكتب الثقافى
بالجالية اخوتنا على
محمد الحسن والصادق الزين
وخالد سنجة الذى يرقد
طريح الفراش من اثر
الحادث الذى تعرض له
اسال لك عاجل الشفاء
اخى خالد وانا لازلت
فى محاولة الاتصال بك
اما الاخ على محمد الحسن
من اكثر الناس القاعد
اقابلهم لما اجى نيويورك
ولكن عندما علمت من الاخت
احسان بموقعة فى الجالية
وضحت الاشياء وحقيقة انا
اشهد له بالنشاط وقد كان متواجدا
فى مهرجان نيويورك قبل عامين
بصفتة فى الجالية ووقتها لم
اكن اعرف هذا وقد عزيت ذلك
لحرصه على التواجد بكل
التجمعات(رغم اننى افتقدته
فى واحده يعرفها هو)
لكنى احييك دائما اخى
على محمد الحسن واحى فيك هذه الهمه
| |
|
|
|
|
|
|
|
|
|
Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر (Re: إحسان عبدالمتعال أحمد)
|
.....
الأخت الأستاذة الإعلامية المخضرمة إحسان عبد المتعال:
نشكرك وأنت دائماً ماتبشرينا بكل ماهو جميل وأنيق. المبدع عمر إحساس فنانٌ غنىٌ عن التعريف فنان بكل معنى الكلمة فى زمن قل فيه الإبداع. نحترمه ونعتز بفنه ونعتبره سفيراً فوق العادة للأغنية السودانية إذ دائما ما يمثل السودان كل السودان فى المهرجانات و يعكس صورة مليئة بالألق والإبداع لموسيقانا السودانية...
مرحباً بالفنان الأستاذ عمر إحساس بين أهله فى نيو يورك مع التمنيات بقضاء ليلة طربية فريدة.
والشكر أجزله لكِ سيدتى أنت وأخونا العزيز جداً الأستاذ على محمد الحسن الرجل الهمام شيخ العرب لإتاحتكم الفرصة لنا ولكل شعب نيويورك والمدن المجاورة للتمتع بإبداعات الفنان عمر إحساس والموسيقار الماهر جداَ الأستاذ ماهر تاج السر. وربنا مايجيب يوم شكركم...
فا ئق إحترامى
والكلام كمل!!
أشرف الباقر
....
| |
|
|
|
|
|
|
|
|
|
Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر (Re: عمر احساس)
|
شكرا حبيبنا المطرب الكبير عمر احساس
وعبرك نقدم دعوة رقيقة للجنة الاستشارية ولكل اعضاء اللجنة التنفيذية للرابطة السودانية الامريكية بنيويورك
لحضور الحفل الساهر ودائما نجد منهم كل الدعم ومعنا خطوة بخطوة ونشكر رعايتهم لكل فكرة نبيلة الي ان تصيح حقيقة
ومعا من اجل نيويورك وجاليتنا السودانية
كما ادعو كل الاخوة ابناء دارفور للمشاركة معنا في هذه الامسية ليكتمل بهاؤها وجمالها
يا ناس عبد الله الشريف ( وبقية القروب الساحر ) ما تنسوا الموعد - السيد بكري عبد المعطي (البقاء لله ) ونتعشم في حضورك وتقديم
الدعوة لفريق كرة القدم
ونجدد الدعوات لكل الاحبة بنيويورك دون تخصيص وللولايات والمدن المجاورة
موعدنا الجمعة الخامس من فبراير
| |
|
|
|
|
|
|
|
|
|
Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر (Re: Magdi Ahmed Elsheikh)
|
هسع فهمونا!!
عمر إحساس و ماهر, يلبسا بدلتان سمحتان مكويتان و معلقتان فيهما ربطتا عنقان برتقاليتان -----ودا كلو لمقابلة أصحاب زرائب الفحم و الحطب!!!
This does'nt make any sence
عرفنا ناس حوش البقر
كمان تطبقا بناس الفحم?
لا دي كتيرة!!
لو داير تجينا لازم يحفظوك في كرينتينة فلادلفيا 2 weeks
نحن ما عندنا فنان من خلقوا الدنيا دي بجينا من الولايات المتخلفة
الفنان لازم يجينا Transite من الخرطوم لواشنطون
و بعد داك على كيفنا ممكن نسمح ليه يمشي Copenhagen
لكن أبدا لا نسمح له بالتواصل مع ناس الفحم و الماعز
هو أوباما هرب من أهلو وجانا هنا و حلف كتاب الله ما يرجع للزرائب
عشان كدا سمحنا ليه يقعد معانا مؤقتا و بعد داك يلزم أهله
فخلوا الحقارة لأصحابها
النحنا أهلها
كان عجبكم
| |
|
|
|
|
|
|
|
|
Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر (Re: Kostawi)
|
Quote: نحن ما عندنا فنان من خلقوا الدنيا دي بجينا من الولايات المتخلفة
الفنان لازم يجينا Transite من الخرطوم لواشنطون
و بعد داك على كيفنا ممكن نسمح ليه يمشي Copenhagen
لكن أبدا لا نسمح له بالتواصل مع ناس الفحم و الماعز
هو أوباما هرب من أهلو وجانا هنا و حلف كتاب الله ما يرجع للزرائب
عشان كدا سمحنا ليه يقعد معانا مؤقتا و بعد داك يلزم أهله
فخلوا الحقارة لأصحابها
النحنا أهلها
كان عجبكم |
ده كلام صاح.
اها وين صور الحفله دي؟
| |
|
|
|
|
|
|
|
|
|
Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر (Re: Kostawi)
|
كوستاوي
سلام ياعمدة البلاد السمحة الاسمها ( كوستانطون )
طبعا لفت نظرك الوسامة والبدل الابهه والكرفتات الما خمج (عيني باردة علي عمر وماهر )
دا كلو يعني عايز تشوفو وين غير نيويورك ما تقول لي كنت بتحلم بالاناقة دي تستصحب المطربين والفرقة الموسيقية
لمل ينووا عمل حفلات عندكم ( والله دا في الخيال ما تلم فيه )
دي نظرية لآزم كل انسان ينسجم مع المكان واهلو قدر المستطاع
وانا عندي ليك حل وقبل كدا قلتو ليك اركب الدرب متوجها لمدينة الجمال نيويورك ونعمل اية لا نملك الا ان نرحب بك
ما تنسي سلم علي اوباما
وزيد من الحقارة شوية وكتر الافراح علّيّ~
نشوفك ما تنسي ولا تضيع الفرصة
| |
|
|
|
|
|
|
|
|
|
Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر (Re: إحسان عبدالمتعال أحمد)
|
| Quote: اذن عمر احساس وليد دارفور عبر كوستي نرسل التحية لزوجتك العزيزة ابنة كوستي والتي وثقت ارتباطك بكوستي |
الاعلامية القديرة
بتنا احسان عبد المتعال
ياخي الواحد يشوفك يتذكر ايام الجامعة والروابط
وتعالي احكي ليك بمناسبة كوستي
والله ذكرتيني زواج الفنان عمر احساس
المهم في عام85م او 86م تقريبا كنا معسكرين مع نادي الاتحاد البحراوي
وكنا معسكرين في فندق (تبيدي ) حاجة بالشكل ده
ويازولة سمعنا ليك في المعسكر اليوم زواج الفنان عمر احساس
انتظرنا الليل وعملنا انسحاب تكتيكي من المعسكر انا ومعي بعض اللاعبين
وعزمنا نفسنا وتعالي شوفي الهجيج
والزمن داك اخوك لاعب صغير وجديد في النادي عشان كده دخلت المعسكر 2.5 صباحا
اما قُدام اللاعبين دخلوا المعسكر 6 صباحا
ياالله يا احسان ايام جميلة والله وناس جميلين كانوا معنا وناس كوستي اكرمونا
وتحياتي للعريس الفنان (عمر احساس )
وياريت تسامحنا على التطفل يوم زواجك وعزمنا نفسنا
بالجنبة
كوستاوي ده حاقد على جيرانكم ناس حلفاية الملوك
وشغال للاخوان بكري ومجدي الشيخ بالله احكي ليهو عن ناس الحلفاية شوية
الف تحية ليك ولكوستاوي ولكل الزوار
| |
|
|
|
|
|
|
|
|
|
Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر (Re: وليد عبد اللطيف)
|
Quote: الاخت العزيزة دانيه المكي
كيفك ومرحب بيك في بوست حفل نيويورك وحبابك الف
متفقة مع كوستاوي في وصفه لنيويورك بنقول ليك كتر خيرك
صور الحفل كلها موجودة مع كوستاوي ( اصحي يا بريش )
لكن لتقديرنا ليك نعمل حفل ثاني وح تلاقي صورو هنا يوم السبن بمشيئة الله
رايك اية تجي تحضري حفل يوم خمسة فبراير معانا لو كنتي موجودة الي ألان بنيويورك
العنوان موجود في نفس البوست
لك الشكر |
أحسان انا نيويوركيه حتى النخاع, نيويورك و مانهاتان مرتع الصبا و الطفوله و الله فرجينيا و واشنطن ديل جيتهم في الجامعه و من ديك و عيك. و كل كم شهر لازم ازور نيويورك انشاء الله يوم بس اتمشى في مانهاتن. شكرا على الدعوه و يا ريت لو الواحد قدر يحضر.
كوستاوي كده زعلت مننا ناس نيويورك؟ لكن بيني و بينكم كده حاره علينا ما في فنان قبل كده جانا من الاقاليم عشان كده اعذرونا و عمر احساس عملتها فينا. :)
| |
|
|
|
|
|
|
|
|
|
Re: نيويورك ** ناطحات السحاب تحتضن لقاء القمم سفير النغم عمر احساس والموسيقار ماهر تاج السر (Re: وليد عبد اللطيف)
|
الاخ العزيز وليد عبد اللطيف
يا حليلكم وحليل ايام الجامعة ورابطة بحري وناس الشعبية ومن قبل وبعد زملائي واخواني رابطة شمبات
كيفك يا وليد بقينا كل واحد في بلد في مشارق الارض ومغاربها ربنا يرجعنا لبلدنا
مداخلتك جميلة ذكرتني اعزاء لا ينمحوا عن الذاكرة ابدا
وكمان اعدت للفنان الجميل عمر احساس ذكريات حبيبة الي نفسة زواجه والاميرة زوجته ( يقوم يدخل البوست يعملها لينا بكاء ودموع )
ناس كوستي كلهم جميلين ووجوهم منورة وابتسامتهم عذبة بالله في اروع من الاستاذين ماهر وعثمان فن وذوق وتعامل راقي
ناس كوستاوي ديل لازم يكونو موجودين عشان يكفوا العين
بالله مش كدا يا وليد
المره الجاية حاول تجي اجازة من السعودية لنيويورك
كن بعافية وسلام
| |
|
|
|
|
|
|
| |
إحسان عبدالمتعال أحمد
احمد معتصم الطيب
Abdelrahim Mansour
فضل الصادق
عمر احساس
Kostawi
Mohamed Yassin Khalifa
امل كرار ابراهيم فرح
Adam D.El-Asha
حسن حماد محمد
صلاح شعيب
عبدالعزيز الفاضلابى
Yasier Elsayed
Elwaleed M. Ahmed
أشرف محمد الباقر
محمد سنى دفع الله
Magdi Ahmed Elsheikh
Dania Elmaki
وليد عبد اللطيف
فيس بوك
تويتر
انستقرام
يوتيوب
بنتيريست