|
فلنسأل جميعا .. أين ذاك القامة رأفت ميلاد ..
|
أين أنت أيها القامة ؟؟ أفتقدناك كثيرا ونحن فى أشد الحوجة لبوستاتك الغاليه والتى يندر وجود مثلها فى هذا المنبر .. أرجوك لاتغيب كثيرا فالجميع فى إنتظارك ( سمح ) يارأفت ميلاد ....
تاج السر
|
|
|
|
|
|
|
|
Re: فلنسأل جميعا .. أين ذاك القامة رأفت ميلاد .. (Re: جمال الباقر)
|
Quote: أين أنت أيها القامة ؟؟ أفتقدناك كثيرا ونحن فى أشد الحوجة لبوستاتك الغاليه والتى يندر وجود مثلها فى هذا المنبر .. أرجوك لاتغيب كثيرا فالجميع فى إنتظارك ( سمح ) يارأفت ميلاد ....
تاج السر |
أخى الأصغر تاج السر شوق كبير .. وبالمناسبة ده ما كلام منتديات وما تشوفوا (القامة) دى .. تاج السر أخوى الصغير عديل .. ما مقابلة (أون لاين) عشرة عمر .. لامن أخدت جنسية بربر بالتجنس .. تحياتى ليك ولعلوية وللوليدات (الماعارفم بقوا كم) الله يخليهم ويحفظم .. ولأخرى لأبو الزهور وكل الأهل .. والباقى بالدرب ..
| |
|
|
|
|
|
|
Re: فلنسأل جميعا .. أين ذاك القامة رأفت ميلاد .. (Re: رأفت ميلاد)
|
يا شادول وطلعت ديامى من عندينا وكايس ليك عنبلوق
Quote: لك الشكر يا استاذ تاج علي هذه اللفتة الكريمة وهذه بحق هي صفات السوداني الاصيل لك الود و للاخ ميلاد و لكل التداخلين علي هذه الاريحية الطيبة و دمتم و دام الود ( و الراجل اذا لسة هناك خلي يجيب عنبلوقيين ) |
ياخى تشرفنى معرفتك وشكراً ليك
| |
|
|
|
|
|
|
Re: فلنسأل جميعا .. أين ذاك القامة رأفت ميلاد .. (Re: رأفت ميلاد)
|
Quote: رأفت ميلاد نفتقده بشده له قدره على الكتابه والتحليل
فهو حقا قامة و من الاساسيين فى سودانيس اولاين
اخ وصديق عذيذ فنحن جميعا فى انتظارك
اينه انته ايها الصديق طمنا عليك |
يا سونا أنتى أسكتى وشهادتك مجروحة .. أنتى بنتى وأختى وحبى وآخر أخبارى وماضى أيامى .. مشتاق ومقصر .. تحياتى للوليدات
| |
|
|
|
|
|
|
Re: فلنسأل جميعا .. أين ذاك القامة رأفت ميلاد .. (Re: رأفت ميلاد)
|
سلام تاج السر وضيوفه الكرام . يا اخوان الايامات دى عندنا برد شديد , ورأفت ده جنو وجن البرد الزول ده بكتب ليكم من تحت البطانية , مدخل معاهو اللاب توب واللمبة داخل البطانية , عشان كده بالله الزول ده لو عاوزنو , فتشوه بعد الشتاء ما ينتهى يعنى فى أواخر شهر تلاته , رأفت كان راجل أمشى أخد ليك حمام .
| |
|
|
|
|
|
|
Re: فلنسأل جميعا .. أين ذاك القامة رأفت ميلاد .. (Re: Abdel Aati)
|
لرأفت ميلاد في نفسي مكانة خاصة جدا .. فهو قد ارتبط عندي بأم درمان .. و رغم أني لم أعرفه إلا عبر كتابته هنا في البورد و صورته بشعره الأبيض كأنه يحمل على رأسه قمرا مكتملا ببهاء لونه الفضي و سمعت صوته عبر الهاتف إلا أني اتخيل أني عرفته يوما ما في شوراع المسالمة ام درمانيا قبطيا أنيقا يخرج صباحا الى موقف الطرحة في المحطة الوسطى و قد أحسن ادخال قمصيه الوردي اللون في بنطاله الرمادي و هو يحمل صحيفة تحت ابطه و على يده اليسرى ساعة سيكو رقمية و يبدو من تحتها صليب موشوم على معصمه. ثم أراه عصرا بعراقي ناصع البياض يتهادى في شوارع حي العرب بسفنجة خضراء قاصدا مجلسا لصحاب على كراسي البلاستيك يتجمعون أمام أحد البيوت جوار الخور الذي يفصلهم عن الشارع. ترى هل كان يمتلك سيارة بولمان في يوم من الأيام على عادة الأقباط ؟ أم كان يتحرك مع صاحب له في سيارة فلوكسواجن ضفدعة ؟ فقد كان من لوازم ام درمان أن يمتلك الأقباط بولمان او ضفدعة و يقتني الهنود فيسبا زرقاء او خضراء. هل كان يخرج صباح كل عيد مع رفقة من الاقباط ليطوف بيوت جيرانه المسلمين ليهنئهم بالعيد ؟ و يحرص أن يهاديهم في عيد رمضان بالكعك القبطي كثير السمن تأكله فيوشط الكلسترول أن يتمدد في شرايينك و يسيل خارجا من اذنيك ؟
يا رأفت أم درمان .. لك التحايا.. فانت عندي مدينة بكامل جلالها و ذكرى بتمام عظمتها. دم بخير.
| |
|
|
|
|
|
|
Re: فلنسأل جميعا .. أين ذاك القامة رأفت ميلاد .. (Re: SHIBKA)
|
Quote: سلام تاج السر وضيوفه الكرام . يا اخوان الايامات دى عندنا برد شديد , ورأفت ده جنو وجن البرد الزول ده بكتب ليكم من تحت البطانية , مدخل معاهو اللاب توب واللمبة داخل البطانية , عشان كده بالله الزول ده لو عاوزنو , فتشوه بعد الشتاء ما ينتهى يعنى فى أواخر شهر تلاته , رأفت كان راجل أمشى أخد ليك حمام . |
يا جنابو أنتو أقعدوا للشماتة .. البرد بنتهى بنتهى .. وبنشوف آخرتا معاكم .. وبعدين حمام شنو البتهدد بيه .. نحن قربنا ننبرى .. غير الموية السخنة شنو البطلعوا من العضم
| |
|
|
|
|
|
|
Re: فلنسأل جميعا .. أين ذاك القامة رأفت ميلاد .. (Re: رأفت ميلاد)
|
Quote: المحترم رأفت ميلاد
لك عاطر التحايا
لقد شعدت جدا برؤيتك في القاهرة وان كان لبرهة قصيرة.
أتمنى أن نلتقي مجددا في وقت أرحب.
خالص المني. |
أميمة إذيك يا حليله من أيام أعادت الذاكرة ودفقت الدم فى العروق .. غايتو أنتى ما لمينا فيك سمح .. اللمة كانت كبيرة وتفرح القلب .. تحياتى للجميع .. ولنا عودة أرحب
تحياتى
| |
|
|
|
|
|
|
Re: فلنسأل جميعا .. أين ذاك القامة رأفت ميلاد .. (Re: رأفت ميلاد)
|
Quote: لرأفت ميلاد في نفسي مكانة خاصة جدا .. فهو قد ارتبط عندي بأم درمان .. و رغم أني لم أعرفه إلا عبر كتابته هنا في البورد و صورته بشعره الأبيض كأنه يحمل على رأسه قمرا مكتملا ببهاء لونه الفضي و سمعت صوته عبر الهاتف إلا أني اتخيل أني عرفته يوما ما في شوراع المسالمة ام درمانيا قبطيا أنيقا يخرج صباحا الى موقف الطرحة في المحطة الوسطى و قد أحسن ادخال قمصيه الوردي اللون في بنطاله الرمادي و هو يحمل صحيفة تحت ابطه و على يده اليسرى ساعة سيكو رقمية و يبدو من تحتها صليب موشوم على معصمه. ثم أراه عصرا بعراقي ناصع البياض يتهادى في شوارع حي العرب بسفنجة خضراء قاصدا مجلسا لصحاب على كراسي البلاستيك يتجمعون أمام أحد البيوت جوار الخور الذي يفصلهم عن الشارع. ترى هل كان يمتلك سيارة بولمان في يوم من الأيام على عادة الأقباط ؟ أم كان يتحرك مع صاحب له في سيارة فلوكسواجن ضفدعة ؟ فقد كان من لوازم ام درمان أن يمتلك الأقباط بولمان او ضفدعة و يقتني الهنود فيسبا زرقاء او خضراء. هل كان يخرج صباح كل عيد مع رفقة من الاقباط ليطوف بيوت جيرانه المسلمين ليهنئهم بالعيد ؟ و يحرص أن يهاديهم في عيد رمضان بالكعك القبطي كثير السمن تأكله فيوشط الكلسترول أن يتمدد في شرايينك و يسيل خارجا من اذنيك ؟
يا رأفت أم درمان .. لك التحايا.. فانت عندي مدينة بكامل جلالها و ذكرى بتمام عظمتها. دم بخير. |
حمور إذيك غايتوا عملتنى قبطى أحماااار .. الزول الوصفتو ده أنا ذاتى بعرفه زيك كده .. كان عايش فى أمانة الله بسفنجته الخدراء .. ويكورك من أول الشارع يشاغل فى عوض فرطوق وداك ما بتوصى .. تلقى هسة كتلو البرد فى كندا .. ولا مرمى خرقة بالية فى بار فى سدنى .. حليل قميصه الوردى داك .. هبشتنى صاح فى قعدة الخور متفن مع جحا السمح .. جحا ده ولد ناسى القاضى .. بتاع الجداد .. الساعة حداشر ببيع جدادو ويرجع الحلة .. ياخد نومتو وأجى من المدرسة وبالمساء نمشى السينما .. وناكل باسطة من عم بيّن .. دخلت معاه توماس بكت وزوربا اليونانى .. ده بتاع الجداد .. علمنى أقرا الشعر ..
نرجع للخور .. تقطعه فى اليوم تلتمية مرة .. ماشى المدرسة .. شاقى ود نباوى للحفر .. حاقص لبنات التقدم .. ماشى تلعب كورة .. ولا قلق ماشى المقابر .. وآخرالليل قطعة صغيرة فول من دكان برعى ..
مشيت قريت الشواهد فى المقابر يا حمور ؟ ياخ كنت بحوم ساعات أقرا تواريخ وأسماء .. كترة رجال ونسوان وأطفال ماتو لا حولااا .. وفى خواجات كتااار قبورم مبنية من ناحيتنا .. ياربى ناس الإنقاذ ما بكونوا نقلوهم من قبور المسلمين ؟!!
ياخ ناس أمدرمان ديل ما كان عندهم دين ياخ
مشتاقين يا حمور والله جد جد
| |
|
|
|
|
|
|
Re: فلنسأل جميعا .. أين ذاك القامة رأفت ميلاد .. (Re: رأفت ميلاد)
|
أيها العصفور المغرد .. سلام .. سلام .. وألف سلام .. لقد أزدان المنبر رونقا بظهورك البهى وبكلماتك التى لامثيل لها .. فنحن سعداء .. سعداء بوجودك بيننا وأنت تتنقل بيننا بتلك الخفة وتلك الروح السمحه والتى أفتقدناه فعلا ..
رأفت الحبيب .. رأفت الأخ والصديق لك منا ومن هم فى كنفى ولاأفراد أسرتك الكريمة التحيات والاشواق التى لاحدود لها متمنين أن نجتمع مرة أخرى لسنترجع تلك الايام الخوالى ..
ولكل الاخوة والاخوات المتداخلين أسمى آيات الحب والتقدير والاحترام .. ودمتم جميعا إخوة أجلاء تربطكم أواصل المحبة والاخاء .. ودمتم ..
تاج السر
| |
|
|
|
|
|
|
|