|
حيو معاي ..هولاء لمحة من بلادنا
|
العرب الرحل الابالة سراي الليل نسوان الغزل بائعات الطباقة عمال المدن سواويق الطواحين.. دقش المزارعية .. ونهارات العربجية الطيبن ..زحمة الاسواق .. رائحة زنكي النسوان الفسيخ والطباقة وجوز الحمام كالات المواني .. مداخن بحري معلنة الحياة ببدء يوم جديد شمس المغيب علي القري في الوهاد البعيدة ..البراندات القديمة والدواوين .. واشجار النيم ...والحراز والسيال والسنط ... زحمة المواصلات ..والاسواق ..واصوات علينا جاي .. المعجون بجيه وااحد .هاااااك المعجون بجنيه واحد . سيد اللبن وسيد الفحم .وبائع الترمس .ورائحة الابري والدكاكين القديمة. ضل الضحي وبائعات الداردمة .. والتسالي ...لمة الناس ..في الفرح ..بهجة النسوان الكبار بفرحت البعيد العاد... واماني الطيبن في احلامهم ..
|
|
|
|
|
|
|
|
Re: حيو معاي ..هولاء لمحة من بلادنا (Re: خالد العبيد)
|
Quote: ]ودمعة حرَّى
تنحدر على خدٍ أسيل
تبكي عزيز غاب..... ولن يعود |
ودالمكي احيك ياخي بعد غياب تعال وتداعي هنا باي شي حتي ولو بكريات قديمة ياسمحاتنا اوووووووووووولبلب وياقمحاتنا اوووووووووولبلب في منسج الطواقي ..كانت كل حسابات نورا بالليل والنهار ..بين خيوط الحرير .. وطواقي ..العرسان ..طلبية سوق ..السبت .............. الهم شراء ازيار جديدة ..ومصاريف .للبنية في داخلية البنات .. وحساب .الطاحونة ..وسيد الحطب .. جارة رحلت من جبنا من كم سنة ناس قالو رحلت الصعيد وناس .. قالو ماتت في الحجاز
| |
|
|
|
|
|
|
Re: حيو معاي ..هولاء لمحة من بلادنا (Re: haroon diyab)
|
.. ..
باسط أخوي وين راحوا إخوان البنات؟ لا فرح يجيب لا كره يجيب لا دمعةْ امّات
وين طفشوا إخوان البنات؟ وحدين في دُشمان الحَرِب كم راحوا ناس كم يتَّمَتْ أطفال وكم بيتاً خِرِبْ
وين فاتوا إخوان البنات؟ ضربوا الصعيد؟ ولا ساروا لي بلداً بعيد؟ وحدين كمان قطعوا البَحَرْ بِجواز سفر بلد اغتِرابْ يا مِنُّو جيت شايل دهب يا مِنُّو جيت سافي التُراب
والعرجا لي مُراحهْ
| |
|
|
|
|
|
|
Re: حيو معاي ..هولاء لمحة من بلادنا (Re: محمد فضل الله المكى)
|
Quote: وين فاتوا إخوان البنات؟ ضربوا الصعيد؟ ولا ساروا لي بلداً بعيد؟ وحدين كمان قطعوا البَحَرْ بِجواز سفر بلد اغتِرابْ يا مِنُّو جيت شايل دهب يا مِنُّو جيت سافي التُراب
والعرجا لي مُراحهْ [/QUOTE ودالمكي ماذلنا نعشق خواطرجميلة في لحظات صفاء قليلة الحضور ونحن لي بلدا رحل فراق ولي ولدا رحل فراق .. كن بخير ..
| |
|
|
|
|
|
|
Re: حيو معاي ..هولاء لمحة من بلادنا (Re: باسط المكي)
|
Quote: ]وعبرك....
التحية لهم جميعا
كل الود |
الجميل هارون دياب اه ياخي لمتين سلونا في تلاقي عبر اضابير الميديا لكل ماهو عزيز علينا .. في صورتك هدوء رزين في زمن ادعمت فيه الهدوء والايقاع اسر ع ممانتخيل
| |
|
|
|
|
|
|
| |