|
|
|
 Re: حد يصحّي غازي صلاح الدين عشان يفتح المطار (Re: Yassir Tayfour)
|
| Quote: 1/ لماذا لم تعد بوستاتك هدفا لاعضاء المؤتمر الوطني المعانا هنا ؟ |
هل دا شهر عسل ؟!!
يعني ممكن نشوفك في قندهار متصور مع علاء نحل .. أو معزوم شاي مغرب مع محمد حامد جمعة - تور بقر الجواميس اب رقادن لخ - وانا غايتو ما بستغرب الايامات الجاية دي القاك رابط الشجرة في بروفايلك .
لقيتك غواصة لاكين !!!
______________________
سؤال نمرة (2) : من وين بتجيب المعلومات السرية الخطيرة دي ؟ إقصاء قوش نموذجاً
| |
  
|
|
|
|
|
|
|
|
Re: حد يصحّي غازي صلاح الدين عشان يفتح المطار (Re: Yassir Tayfour)
|
اب تفة| Quote: يا وهبه إنت البوست ده المخاطب بيهو منو؟ |
دا سؤال دا يافردة
البوست دا مقصود بيهو زميل المنبر رأفت الهجان طبعاً 
| Quote: بالمناسبة وين الشاعر صديق مهدي؟ وحشنا .. |
صديق الشاعر قال شنو يا اخوي قال
الحال هنا ما عاجبو
فتح ليو بوست شبه استقالة كدا وصرّح انو
حيرجع حتى يتبين الخيط الابيض من الخيط الاسود ولا شنو كدا
وقال المنبر بقى ماكويس لانو اتملا كيزان
بالجد وحشنا
| |
|
|
|
|
|
|
|
|
 Re: حد يصحّي غازي صلاح الدين عشان يفتح المطار (Re: عبدالوهاب علي الحاج)
|
| Quote: سؤال نمرة (2) : من وين بتجيب المعلومات السرية الخطيرة دي ؟ إقصاء قوش نموذجاً |
احتمال تكون يانديد عندك مهارات في رمي الودع ؟
ولا المعلومة دي باصاها ليك (ابوالنسب) عشان ترفع اسهمك شوية .. فما دريت يانديد انت وابوالنسب ان بقة العسل ممكن تشرِق وتكتل كمان .
وواضح انو غازي صلاح الدين عشان يفتح المطار داير ليهو جكة طويلة ويساعدها بالـ 114 سورة والصحيحين . ومن غضبهم عليه نزلوهو في دائرة لو زوّر ذاتو ما بفوز دائرة اتحادية مدفون فيها السيد علي الميرغني وساكن فيها السيد محمد عثمان وعتاة الاتحاديين . وازيدك من الشعر بيت الاتحاديين المرة دي نازلين فيها بمرشح واحد يعني لو ما جوا صوتوا ذاتو فايزين والدائرة حقتم .
يعني زولك يانديد راكب التونسية مافي ذلك شك .
انت كاتب كويس وكاتب كويس دي انا قاصد بيها الكتابة بلغة سليمة ولكن ينقصك الذكاء .. ذكاء الكتابة وعشان اقرب ليك المعنى ومن بيئة عملك الكتابة دي زي السواقة لازم تعاين للشارع كويس يمين و(يسار) وتدوس ابنص كيف وعفريتك ومفتاح عجلك في ضهريتك .
يعني المامك بأسرار الدولة العليا على مستوى إقالة مدير المخابرات والكان مفاجئ حتى للمقربين من ضباطو وحاشيتو ختاك في حتة ضيقة شديد . من أين لك بالمعلومة الا اذا كنت ... او ... وباختصار كدا يافردة اطلاقك للخبر دا ما عاينت للشارع لا بي جاي ولا بي هناك 
| |
|
|
|
|
|
|
|
|
|
Re: حد يصحّي غازي صلاح الدين عشان يفتح المطار (Re: Balla Musa)
|
الشقيق وهبة يا عمك
سلام وشوق
Quote: ولا المعلومة دي باصاها ليك (ابوالنسب) عشان ترفع اسهمك شوية .. فما دريت يانديد انت وابوالنسب ان بقة العسل ممكن تشرِق وتكتل كمان .
وواضح انو غازي صلاح الدين عشان يفتح المطار داير ليهو جكة طويلة ويساعدها بالـ 114 سورة والصحيحين . ومن غضبهم عليه نزلوهو في دائرة لو زوّر ذاتو ما بفوز دائرة اتحادية مدفون فيها السيد علي الميرغني وساكن فيها السيد محمد عثمان وعتاة الاتحاديين . وازيدك من الشعر بيت الاتحاديين المرة دي نازلين فيها بمرشح واحد يعني لو ما جوا صوتوا ذاتو فايزين والدائرة حقتم .
|
علي منوال قصة تاني ماترفع عينك في عيني عشان أمك شافوها في الانداية فستعجب الذي وجه اليه الحديث فطلب الدليل فقال الذي ابتدر الكلام مفخما صوته شافتها أمي !!!!!!!!!!!
انت جبت من وين انه غازي العتباني قاعد يستعمل نسيبه كمخلب كديسه او خيال مأته
مش برضك دي بتكون معلومات غاية في السرية و تحت نطاق الحيطه و الحزر
و برجعلك لموضوع دائرة الميرغنيةو خازوق نافع المهدي لغازي
| |
|
|
|
|
|
|
|
|
|
Re: حد يصحّي غازي صلاح الدين عشان يفتح المطار (Re: osman righeem)
|
يا وهبه سلام
و الله طلعت إنت الداقس
Quote: / بالنسبة لبوستك دا عاجل جدا .. العباس شقيق السفاح وجمال الوالى يجلبان ( اللحاسة)!! جبت المعلومة الخطيرة دي من وين ؟
|
معلومة شنو يا خي الزول دا ما عندو شغلة و لا نضال و لا بطيخ دا زي الشُفع اليوم كلو في اليوتيوب
بلقى ليهو مقطع زي بتاع البوست دا بقوم إعجبو المقطع إقوم يألف ليه قصة علشان تلفق مع الفيديو
و بعدين الوهم البصدقو موجود
أما المعلومات السرية اللي بجيبها هنا بتتقدم ليه كدعم من ناس الإنقاذ قرايبو و نسابتو علشان إديهو شئ من المصداقية
دا طبعاً لم يقل عدد المشاهدين لي بوستاتو ( يعني الزول متيس ساكت)
| |
|
|
|
|
|
|
|
|
|
Re: حد يصحّي غازي صلاح الدين عشان يفتح المطار (Re: osman righeem)
|
مرحب بالاحباب
أشرف مختار
شكرا للحضور والمتابعة
د.بلة موسى| Quote: بالجد ناس الإنقاذ حايزعلو منك!! |
يازول ناس الحكومة البزعلهم شنو
هسي لو قلنا لنافع امشي ياكوز
أو لنقد ياشيوعي بزعلوا ؟
أكيد لا
كمان الغواصة لمن يقولوا ليهو ياغواصة
ترا يتحمل
الشقيق عثمان رغيم
مشتاقين ياراجل اين انت ؟ Quote: انت جبت من وين انه غازي العتباني قاعد يستعمل نسيبه كمخلب كديسه او خيال مأته
مش برضك دي بتكون معلومات غاية في السرية و تحت نطاق الحيطه و الحزر |
مسألة النسب دي مثبتة وموثقة بالمأذون
أما باقي الكلام استنتاجات من بوستات الزبون
وشوية معلومات جا شايلها الهوا .
أما عدم رضا الجماعة الفوق عن ابوالنسب
عبروا عنو بترشيحو في دائرة صعب انو يفوز فيها مهما عمل
واستندوا بانو الدائرة دي كانت دائرتين في 86 والاتنين فازوا بيهم زمان
ولكن ماوروهو انو الاتحاديين كانوا نازلين باكتر من مرشح
ومجموع اصوات الاتحاديين يفوق عدد اصوات الاتنين بتاعين الجبهة الفازوا في الدائرتين بـ 5 أضعاف
فركب ابوالنسب التونسية والغواصة حتما سيركب الطرورة 
أبو حسين ياعمك
البوست دا مهم خليك قريب
| |
|
|
|
|
|
|
|
|
|
Re: حد يصحّي غازي صلاح الدين عشان يفتح المطار (Re: عبدالوهاب علي الحاج)
|
معليش يانديد خليني اجُكّ بيك لارشيف الربع الرابع بتاع 2009
مرة وانا راجع من مشوار في السوق العربي لقيت عربية زميل المنبر معتصم محمد صالح واقفة وعلى غير العادة جنبها باركنق فاضي وقفت وخشيت زرتو وشربت لي معاو ككباية شاي ودردشنا المهم لمن جيت طالع قدمني لحدي الشارع ... ولما طلعنا لقينا العوة والدنيا والعالمين ..في شنو ياجماعة ؟
قالوا في عربية شرطة ضربت احدى بائعات القورو اللواتي يعج بهن المكان - جوار المسجد الكبير - كيف الكلام دا حصل ؟
قالوا : السواق بتاع الشرطة ومعاهو فرد شرطة آخر وقف العربية ونزل يتناول حاجة وخلى العربية مدورة ... والعربية كانت واقفة بطريقة لا تسمح بمرور السيارات الاخرى .. المهم رأى فرد الشرطة ان يحرك العربية لورا شوية ليفسح الطريق للآخرين .. المهم خبرتو بالسواقة ضعيفة او معدومة رجع بسرعة ولم يستطيع السيطرة على السيارة واصطدم بالمرأة الجالسة خلف السيارة . ونزل الشرطي مذعورا وترك السيارة وهرب .
بائعة القورو اسلمت الروح بالمستشفى .
دا الحصل بكل صراحة وكما حدث بالضبط دون زيادة او نقصان .. واظن ان الاخ معتصم كان قد افترح خيطا بتلك الحادثة وتقريبا قال نفس الكلام القلتو انا هنا .
أهااا نجي نشوف نديدنا الغواصة كتب شنو بخصوص الحادثة عشان تعرفوا انو الزول دا ياكذاب وملفق وياكمان عندو مصلحة في تشويه وجه المعارضة .
| Quote: تقول اخبارالخرطوم ان المستورد الاول والمحتكر الاول لحبة الفياغرا في السودان( اللواء طبيب عبد الله حسن البشير) عبر وكلائه من بعض الصيادلة المحسوبين عليه ولا اشك ان هذه المرحومة عليها الرحمة قد قتلت عن عمد لانها تنافسهم في ارزاقهم وهذا خط احمر دونه الموت! |
هنــا Re: مافيا الفياغرا تدهس بائعة ( قورو) في قلب الخرطوم! رأيكم شنو ياجماعة ؟
| |
|
|
|
|
|
|
|
|
|
Re: حد يصحّي غازي صلاح الدين عشان يفتح المطار (Re: عبدالوهاب علي الحاج)
|
اما هذا البوست والذي وصفته أنت بالهام لا يمكن تصنيفو الا في احد احتمالين :
1/ إنك كذاب وملفق وخيالك واسع
2/ إنك أحد أعوان جهة انقاذية ما.
انا شخصيا لا اريد ان اؤثر على القارئ العزيز وأعلن ميلي للاحتمال الثاني | Quote: 2/ إنك أحد أعوان جهة انقاذية ما. |
طالما انت جبت وذكرت اسماء وتاجر لبناني ووو .
والخلاني اميل للاحتمال دا انو (ابوالنسب) ختّوهو في دائرة سيعاني فيها كثيرا كما تفضل اخي عثمان رغيم - انا ايضا من ابناء الدائرة - فهو ايضا من مصلحته التشكيك في عملية التصويت .
الكلام الوارد في بوستك المادة دي محض وهم وكذب صراح وانا زي ما قلت ليك فوق بينقصك ذكاء الكاتب رغم لغتك السليمة ... فهذه المادة مافي زول محتاج ليها غيرك يمكن تغسلك وتبقى بني آدم ليهو قيمة ..
الناخب ياعزيزي يدخل للتصويت بأوراقه الثبوتية دا واحد
2/ ببطاقة مسجل بها رقم متسلسل يخص الناخب وحده دون سواه
3/ كل مرشح عندو مندوب موجود بصفة دائمة داخل غرفة التصويت .. ويجوز له الاعتراض على اي ناخب متى ما شكّ في ذلك .
يلا تعال ورينا يا الشفت كيف يمكن لاي شخص ان يصوت مرتين ؟ اللهم الا اذا كان يلبس طاقية الاخفاء بتاعة كتاب الساحر والاطفال تتذكرها .
وأصلا ناس المؤتمر الوطني ديل لو عايزين يزوروا ليه يضعوا انفسهم موضع شك ؟ مش افضل يطبعوا ورق تصويت اضافي ويزودوا بيهو كوادرهم لمن الواحد فيهم يجي يصوت يطلع الفي جيبو ويكبو في الصندوق اصلو ورا الستارة مافي زول بيكون معاك .
يانديد ارحم نفسك واحترم عقلك واحترم عقول الناس انت بقيت مضحكة .
فقدت المتداخلين والقراء وبقيت تحنن عديل كدا . واصبحت تستجدى كليكات القراء بالعناوين الرخيصة والمثيرة.
البوست بتاعك لو عنوانو لا يحتوي على كلمة عاجل او عاجل جدا
او فضيحة او عناوين على شاكلة كلاب يمارسون الفاحشة داخل المسجد الكبير او او
البوست يتم 15 يوم بيكون الشاهدوا 70 وفيهو 40 مشاهدة ليك انت ..
اي زول بيحترم نفسو وعقلو بقى يبخل عليك حتى بالكليك
والناس المبارنك ليوم الليلة هم طلاب الفضائح والباحثين عن الاثارة والمتوفرة بكثرة في بوستاتك زيك وزي جريدة الدار او اي تابلويد حقيرة .
___________
طول بالك التقيل جاي ورا
| |
|
|
|
|
|
|
|
|
|
Re: حد يصحّي غازي صلاح الدين عشان يفتح المطار (Re: عبدالوهاب علي الحاج)
|
و في سياق اخر العتباني لمن استلم ملف دارفور زي عمل سقف توقعات عالي
يتقاطع مع ثوابت نافع و من هنالك بدا الغمز واللمز بين الشركاء وامتد الامر
واستفحل عندما صرح العتباني عن تقديم الانقاذ لتنازلات جوهرية ومن ذلك الوقت
دخل العتباني دماغ نافع و استقر في الحيز الذي كان يشغله قوش ضحية مثل هذه
الترددات و لا تشبه مفهوم القوي الامين في برتوكولات حكماء الانقاذ
ومن اجل ذلك ورط قوش في مروي و العتباني في الضرايح
قوش صار يقول مولانا اداني الفاتحه و بارك لي يطلع تاني يوم كضاب امام اهله
ولي هسع لافي صينيةلانه لا توجد اصوات للبيع و لا رجال للمجاملة
عتباني عرف النتيجة مسبقا و بدأ في الانتقام
| |
|
|
|
|
|
|
|
|
|
Re: حد يصحّي غازي صلاح الدين عشان يفتح المطار (Re: osman righeem)
|
كتب نديدي الشفت| Quote: وهنالك عرض ب(100) دولار لكل من يرسل لنا خمسة اسطوانات من هذه المعنية لغرض وطني يتعلق بمساعينا الحثيثة لتهيئة هذه الانتخابات في ظروف عادلة ترضي الجميع بغير ما هو كائن وهو واقع لن ينتج غير اعادة انتاج مجيء الظلمة والمفسدين في رداء شرعية زائفة غنموها بالباطل. |
هنـــا هل حقيقـــــــــــــــة قــد...................................
من أين لك بالمال ؟
ومصاريف سفر من والى أيوا .. الخ
بس ماتقول لي بتقطعها من مصاريف العيال وخدمة يمين وعرق جبين .. لأنو بالطريقة دي انا ممكن اصدق وأتأثر جداً واحتمال أبكي .. وانا لو بكيت تاني سكاتي صعب حتى لو جا بكري ظااااطو وعملني رئيس وردية !!..
____
فيا عزيزي هل أنت غواصة ؟
| |
|
|
|
|
|
|
|
|
|
Re: حد يصحّي غازي صلاح الدين عشان يفتح المطار (Re: عبدالوهاب علي الحاج)
|
كنت زيي وزي باقي الخلق مخموم فيك
وما دلّني عليك يانديد إلا احتفاءك
بفتحي البحيري وعبدالمنعم سليمان (بيجو)
بالنسبة للاول راجع مكتبة عادل عبدالعاطي وانت تعرف
أما الثاني شوف ليه اترفت من اجراس الحرية ؟
وقال شنو ؟ قال : الشهيد الحي ...
سلامات ياشهداء يا احياء
إذا كنت بتقول عنهم كدا وانت ماعارف دا معناها انك كاذب ومضلل
اما اذا كنت عارف _ ودا الراجح - ربنا يحمينا منكم
___________
اللهم عليك باصدقائنا اما اعدائنا فنحن كفيلون بهم
| |
|
|
|
|
|
|
|
|
|
Re: حد يصحّي غازي صلاح الدين عشان يفتح المطار (Re: Moneim Malik)
|
تحياتي
يامنعم مالك Quote: إن ابطال التاريخ هم رجال ضحو من اجل قضايا
ولكن اى قضايا ما عارف ايه كدا تلفيق تلتيق
الفصل الثانى من الكتاب الأخضر |
التلتيق والتلفيق حدهم قريب
وقد تستطيع أن تخدع بعض الناس لبعض الوقت
ولكن - حتماً - لن تستطيع أن تخدع كل الناس كل الوقت
_____________________________
 الكتاب الاخـدر - الجزو كم كدا ماعارف
| |
|
|
|
|
|
|
|
|
|
Re: حد يصحّي غازي صلاح الدين عشان يفتح المطار (Re: عمران حسن صالح)
|
كما لأعضاء المؤتمر الوطني بالمنبر الصريحين والمعلومين للجميع دورهم الواضح
في مناصرة الحكومة بالبوستات والصور والفيديوهات
أيضا للغواصات أمثالك دور داعم للحكومة وهو التشويه المتعمد
لوجه المعارضة الذي تقوم به هنا والذي لا يخفى على اصحاب العقول والبصائر
ان لم يكن هذا موقفهم ورأيهم فأين هم من بوستاتك ؟.
______
ياناس ايـوا انتبهوا قبل الطوفان واحذروا الغواصات
| |
|
|
|
|
|
|
| |
عبدالوهاب علي الحاج
Yassir Tayfour
ashraf mukhtar
Balla Musa
osman righeem
ABUHUSSEIN
شكرى سليمان ماطوس
عمران حسن صالح
فيس بوك
تويتر
انستقرام
يوتيوب
بنتيريست