|
ألمرأة بعد تلد الجنى ما بتدى الهنا..
|
عادة ما اتابع برامج قناة النيل ألأزرق الجميلة..وتجذبنى تلك البرامج التى تصب فى توعية شعبنا الجميل البسيط..ويعجبنى إكتمال عتاصر نجاح البرنامج التى تتمثل فى:
مقدم جيد ذو حضور..وقبل ذلك تحدثت عن مذيعة ممتازة المذيعة إسراء عادل..و موضوع جيد يشد المشاهد..
وضيف انيق مثل حالتى التى اكتب عنها اليوم..السيدة/خلود كبيده..وزجها الصحفى..إلسيد/إيراهيم..
|
|
|
|
|
|
|
|
Re: ألمرأة بعد تلد الجنى ما بتدى الهنا.. (Re: ismeil abbas)
|
كم تمنيت أن تعاد هذه الحلقة مرات ومرات..لجمال حديث هذه الزوجة المتميزة..السيدة/خلود كبيده..ووعيها الأجتماعى وأسلوب حياتها الأسرى الجميل بينها وبين زوجها..ما شاء الله ربنا يحفظهم..
الحلقة كانت تتحدث عن جفاف المفردة العاطفية فى ألأسرة..وكان مقدم الحلقة..الدكتور/عبداللطيف البونى..وألأستاذة..منى ابوزيد..
وجهة نظرى..لم تعجبنى طريقة تقديم. د/البونى لأسباب سأسردها لآحقآ..والضيف..الممثل...الريح عبدالقادر...فى كلمته المحبطة..التى إخترتها عنوانآ لبوستى..هذا..
دعوة للنقاش لمن حضر الحلقة..ودعوة للجميع من وحى هذا الملخص البسيط..
وسأواصل....بأذن الله...تقديرى للجميع...
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: سيف بخيت موسي)
|
الحبيب..سيف..
Quote: لكن حبينا تابعك انت يا حبيب
لكن النجيضة : جفاف المفردة السودانية غلب ام غلاب
|
انت نبع للمفردات الراقية الجميلة...
ليتنا ننشر الكلمة الجميلة الطيبة بيننا..ولمن حولنا....لينشأ اولادنا وهم مترعين بحلو الحديث وطيبه...
تسلم ياراقى لمرورك الجميل دائمآ......تقديرى وأحترامى...
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: Muna Khugali)
|
سمعة سلام و تحية
موضوع كبير جدا
أما بعد :
عنوان البوست و الذي نقلته أنت من البرنامج هو مثل مجحف جدا بحق النساء ( الأمهات ) قاطبة ...
في إعتقادي الشخصي ... بأن المرأة بعد الجنى .. ياداب بيبدا الهنا ) .. لأسباب منطقية و عقلانية جدا : أي رجل عاقل يجب أن يسأل نفسه قبل الزواج من هذه الإنسانة : لماذا يريد الزواج أصلاً ؟ لو كانت إجابته تكوين أسرة مع زوجته و محاط بأطفال فإذن هذا المثل يجب أن يكون حجة قوية تدحض قناعات من يؤمنون به في الزواج. أما إن كانت إجابته أنه يريد زوجة فقط للمتعة يستبدلها وقتما شاء أو عندما تشيخ أو يمل منها .. فهذا غير جدير بأن يضع أي أب يده في يده ليعقد قرانه على إبنته ..
متعة الأسرة الحقيقية و ( الهنا ) بيبدأ مع إطلالة أول طفل .. و تنتهي مفاجآت ( في طفل جاي في الطريق ) بعد ( الطفل الحِتِل ) .. ثم تبدأ هذه الرحلة الطويلة الجميلة من التربية و التوجيه ليكبروا أمام ناظِرَيْ الوالدين ... و المتعة و الهنا يكمنان في هذا الإعتلاج المستمر بين الزوجين في أساليب التربية .. و مشادات التدليل .. و فرحات النجاح .. و جلسات المفاكرة في مستقبل هذا و تلك .. الفرحة في عين أم تحتضن جناها يوم ولادته .. فرحة لا يقدر عليها أي رجل مهما إتسعتْ حدقتا عينيه فرحاً و مهما كان الخبر مفرحا و مدهشاً .. أما إن كان المقصود بال ( هنا ) هو تفرغ الأم للزوج تماما كما الأيام التي سبقتْ ولادة الجنا فهذا أمر لا مفر منه ... فحتى المقتدرين الذين يستخدمون ( دادة أو مربية لأطفالهم ) تجد الأم لا تفتر همتها في متابعة أطفالها. هذا المثل لا ينطلق إلا من رجل تمازج روحه شوائب من الأنانية و هو رجل يضع متعته و حاجاته من زوجته في أولوية تتفوق على أولويات الأمومة. الهنا في بيت الزوجية يبدأ بالجنا .. و ينتهي بالأحفاد ..
و لنا عودة
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: ismeil abbas)
|
B]كان حديث الزوجة الراقية..خلود كبيده..
ان حديث زوجها الجميل..له بالغ ألأثر فى حياتها العملية..وهو زوج راقى فى تعامله معها..
وطيلة فترة حياتهم الزوجية وإلى ألأن يخاطبها بياحبيبتى..وياروحى وياعيونى وحتى هذه اللحظة..
ما شاء الله وربنا يحفظهم ويديم بينهم هذا الود..كلام حلو وجميل...
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: ismeil abbas)
|
أختى العزيزة منى..السمحة...
نعم نحن نحنتاج للكثير من مثل هذه الحلقات..وشايف ماشاء الله الناس بدأت تتناول فى أجهزة ألأعلام جزء من المسكوت عليه..
أتمنى من له هذه الحلقة وسجلها ان يستجيب لنداء أخت الكل منى....لتسهم معنا فى نشر مثل هذا الجمال..
لك التقدير اختى ولجميل مرورك البهى...
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: ismeil abbas)
|
اسماعيل ..
نحن شعب نتميز بالاسلوب الجاف ونادرا ما تجد زوج يخاطب
زوجته بـ يا عيوني .. يا روحي .. يا قطعة من قلبي ..
وفي بعض الاحيان بنشوفا عيب . رغم انها من ( المقبلات ) التي تدفع بالحياة الى الامام باريحية وحب مستدام ...
تشكرات سمعة ...
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: ود الباوقة)
|
أخى ودالباوقة..لك التحية..
Quote: نحن شعب نتميز بالاسلوب الجاف ونادرا ما تجد زوج يخاطب
زوجته بـ يا عيوني .. يا روحي .. يا قطعة من قلبي ..
|
أخى هذه ليست ميزة...ويمكن ان نكتسب مثل هذه ألأساليب التى تقودنا للحديث العاطفى ..للزوجة ولجميع افراد ألأسرة
وبعدين با اخى دى ماقطعة من قلبى دى قلبى ذاتو.....
فى كلام محبط لدرجة الكأبة...لماذا لانتبادل هذا الكلام الحلو....تسلم ياعزيزى..
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: yasir Abdelgadir)
|
Quote: زوجته بـ يا عيوني .. يا روحي .. يا قطعة من قلبي .. |
ود الباوقة يا خال السادة يا صديقي... ردي دا بلسان مصطفى محمود؟؟؟
إنتُو يا الكيزان قاعدين تعرفوا الكلام الحِلُو دا؟؟؟
تعرف يا سُُمعة يا حبيب... سمعت قبل كدة قالُو في راجل جايي من لا برة فااااااااايِق ورايق نازل في زوجتو من خشم الباب سلام يا حبيبتي... الليلة طابخة لينا شنو يا حياتي...
همست الزوجة لي بتها الكبيرة... وحات الله الليلة أبوكي دا مُو طيبي!!!
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: أبو الحسين)
|
صديقنا الجميل..ياسر عبدالقادر...
تسلم على جمال المرور..
خلاصة الموضوع..يا عزيزى..
جفاف المفردة العاطفية بين ألأزواج..وليه نحن السودانيين ما بنقول العبارات العاطفية بصراحة..وأين الخلل هل من الرجل ام من المرأة.؟...
العبارة عنوان البوست كانت من ألأستاذ الممثل الريح عبدالقادر..وألأستاذة..خلود كبيده..قالت كلام جميل وأنهم منذ تزوجوا هى وزوجها السيد إبراهيم..30سنة لم تجف العبارات العاطفية بينهم..
وهذا ملخص للحلقة واتمنى أن تعاد عشان خاطرك يا دكتور......لك تقديرى..
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: ismeil abbas)
|
الرائع أبوالحسين..
ليك قواسيب مودتك ومودتى..
Quote: تعرف يا سُُمعة يا حبيب... سمعت قبل كدة قالُو في راجل جايي من لا برة فااااااااايِق ورايق نازل في زوجتو من خشم الباب سلام يا حبيبتي... الليلة طابخة لينا شنو يا حياتي...
همست الزوجة لي بتها الكبيرة... وحات الله الليلة أبوكي دا مُو طيبي!!! |
أضحكتنى والله...هى لكن ما متعوده على جنس ده...لكن كان متعودة كان بكون ألأمر عادى..
ذكرتنى برضو واحد حضر ليهو كلام زى كلامنا السمح ده وقال عايز يطبقو..مشى على بتاع الزهور إشترى ليهو زهور وجا شايلهم البيت..
قابلتو المرأة..أداها الهدية وقال ليها بحبك يا حياتى..
قالت ليهو ما بتبطل العوارة دى...
أها فى إحباط اكثر من كده..ههههه..
تسلم ياجميل.ومعاك أم الحسين..
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: ismeil abbas)
|
سلام المتابع لسلوك المرأة والرجل يلاحظ تطورا مهولا فى الفترة الماضية. المشكلة انه نحن دايرين نحاكي ناس مصر والشام وديل ليهم قرون فى الوضع السائد عندهم الان. يجب ان ننظر للنصف المليان وليس الفارغ. ما تحقق من تطور يجب ان نشكر عليه حواء وادم ونتعشم بالمزيد
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: المعتمد)
|
اخي عباس تحياتي
ودخلت طبعا لبوستك للعنوان المستفز الحمد لله وجدتك لا تعنيه او لا تتفق معه.
الاخت خلود كبيده من اسره بورتسودانيه رائعه تمثل بورتسودان الحقيقه تمازج الثقافات و الاعراق.
واخوها (عادل كبيده) الرسام يخيل لي رحبنا به عضوا بهذا المنبر من قبل ولكنه لم يكتب كثيرا.
اختها الجميله صديقه كبيده زوجة الاستاذ علي مهدي الممثل المعروف.
ولهم اخوة كثر آخرين وآخريات
من اجمل بنات بورتسودان واكثر الاسر تطورا وانفتاحا. وكانوا يلعبون التنس معنا.
مهتمين بالثقافه و الفنون كثيرا ولخلود اهتمامت بالديكور.
اخواتي الكبار صديقات لجيل ناس خالده وصديقه كبيده التي تآتي في الترتيب بعد خلود وانا من جيل ابنتهم توتا وهي الاصغر من خالده وصديقه. وزاملت خالده بالاسكندريه ومتزوجه من زميل لنا اتمناهو بصحه جيده الآن.
الكلمه الحلوه فعلا مشكله في الثقافه السودانيه بالذات بين الازواج و الاكثر اشكالا اللمسه. تجد الرجل يخجل من معانقة زوجته مودعا بالذات لو اهله حضور!! ويخجل من معانقتها مستقبلا اذا عاد من سفر!!
السودانين رغم مقدراتهم العمقيه على الحب ولكن المشكله في اظهار الحب!! ويجب ان نكسر هذه الحواجز لانها اسؤ تربيه ممكن نلقنها لابناءنا.
كن بخير.
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: ismeil abbas)
|
ألأخت/تراجى.أم حازم.السلام عليكم..
تعمدت كتابة هذ العنوان بهذه الطريقة للجذب..وقد اتى بأكله .بطلتك البهية..
إستفزتنى العبارة فى الحلقة بقدر ما إستفزتك هنا فى المنبر..
وأستغربت كيف تأتى مثل هذه العبارات من شخصية جميلة مثل ألأستاذ..الممثل الريح عبدالقادر..رجل عركته الحياة..وفى مجال يشكل نبع الثقافة وألأبداع..وهو التمثيل...
Quote: تجد الرجل يخجل من معانقة زوجته مودعا بالذات لو اهله حضور!! ويخجل من معانقتها مستقبلا اذا عاد من سفر!!
السودانين رغم مقدراتهم العمقيه على الحب ولكن المشكله في اظهار الحب!! ويجب ان نكسر هذه الحواجز لانها اسؤ تربيه ممكن نلقنها لابناءنا.
كن بخير. |
توافقت كلماتك..ما ناقشته مع بعض ألأهل يوم الجمعة..نفس الكلام المكتوب كان مصدر نقاشنا..
تسلمى على المرور الجميل..والمعلومات الثره عن هذه ألأسرة الكريمة..وعن المشاركة فى هذا البوست..يعنى إلا نجيبك بعناوين مستفزة حسب رأيك..
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: ismeil abbas)
|
سمعة الحبيب ..
حضرت جزء من الحلقة ولم أكمله لظروف العمل .. كنت أتمنى من الأستاذة منى أبوزيد المقدمة بالبرنامج أن تتطرق للموضوع بشكل أكبر .. لأنها بدأت تتحدث عن بعض شكاوى النساء في المسكوت عنه وحديثهن مع بعض .. في واحد من كلامها قالت أن المرأة بتتزين عشان تسمع الإطراء من صاحباتها في المناسبات .. الكلام السمح بولدّ الإلفة والمحبة بين الناس .. وحلو الكلام بين الأزواج أو أفراد الأسرة بخلق نوع من الحميمية الجميلة وبقلل من المشاكل .. يا ريت كل أسرة تتبني على الحب .. ويا ريت نشوف مشاكلنا والمسكوت عنه لنعالجه بصورة كبيرة ..
عن دكتور البوني مرات كده يا إسماعيل بحس بيهو عايز ينهي الحلقة والسلام .. بالرغم من إنو قاعدين يتطرقوا لاشياء تهم الأسرة والمواطن السوداني ..
لك المحبة ..
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: معتصم دفع الله)
|
معتصم الحبيب..أبوعمر..
زينت البوست بالحكم والدرر..
Quote: الكلام السمح بولدّ الإلفة والمحبة بين الناس .. وحلو الكلام بين الأزواج أو أفراد الأسرة بخلق نوع من الحميمية الجميلة وبقلل من المشاكل .. يا ريت كل أسرة تتبني على الحب .. ويا ريت نشوف مشاكلنا والمسكوت عنه لنعالجه بصورة كبيرة ..
|
الكلمة الطيبة صدقة...بين الناس..مابال زوجة معاك عشرة عمر فى طريق ماواضح الملامح....
هن رياحين خلقن لنا فمن منا لايحب شم الرياحين....
تسلم على المرور البفرح....ولك كل المحبة وزيادة...
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: معتصم دفع الله)
|
الاخ الكريم اسماعيل
السلام عليكم
ثقافة تبادل الكلمات الحميمة والداقئة هى سلوك تربوى بحت يبدا من البيت ومن ثم الاطفال والى المجتمع
وعن تجربة لم اتصل او اتحدث مع امى واو ابى او اخوتى الا بكلمة يا حبيبى وايضا اخوتى وابى وامى وزوجى .
دى دعوة لكل اخ وام وزوج ان يبدأ من البيت دع طفلك يسمع منك ان تقول لزوجتك يا حبيبتى وان وتنادى ابنك او ابنتك بكلمة يا حبيبى
وشوف النتيجة . سلام داخلى ودقئ مشاعر وبالتاكيد ينعكس على سلوكك مع الاخريين
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: ابو جهينة)
|
ألأخت.الكريمة إنتصار...السلام عليكم...
Quote: وعن تجربة لم اتصل او اتحدث مع امى واو ابى او اخوتى الا بكلمة يا حبيبى وايضا اخوتى وابى وامى وزوجى .
|
الله ينصرك وينصر دينك...ده الكلام....ليت تعم هذه الثقافة بيننا....
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: ismeil abbas)
|
ألأخت/ناهد على لك التحية..
Quote: الاخ /اسماعيل كانت تلك الحلقة من أجمل البرامج التي تابعتها بإهتمام اتصلت علي أكثر من شخص من أهلي للمتابعة. الكلمة الحبيبة سلوك نتمي أن يتداول فيما بيننا الاخ أبوجهينة كلامك عجبني جنس عجب كان عندي عندك غرض لكين مالميت في تلفونك. |
نعم كانت حلقة مميزة جدآ..وأيضأ من جانبى بلغت كم شخص..لتعم الفائدة..
والعزيز أبوجهينة دائمآ كلامو سمح..لآنو هو زول سمح...
تقديرى للجميع..........
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: ابوعسل السيد احمد)
|
أبوعسل السيد احمد..الزول العسل...
لك التحية والتقدير على المرور الجميل...
Quote: هأنتذا تأتينا بما ينفع الناس و يمكث في أرض التواصل .. شكرا جزيلا على مشاركتنا رؤاك و مشاهدتك للبرنامج.. كأننا كنا حضورا للحلقة..
تعيش يا زول يا أصيل |
أجمل ما ما أسعدنى وإستفدت منه فى فتح هذا البوست تواصل الغائبين منذ فترة وطرح افكارهم برؤى واضحة وجميلة..
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: ismeil abbas)
|
Quote: أجمل ما أسعدنى وإستفدت منه فى فتح هذا البوست تواصل الغائبين منذ فترة وطرح افكارهم برؤى واضحة وجميلة.. |
سمعه الحبيب كان من المفترض أن اكون اول المشاركين في هذا البوست ولكن لظروف الحياة الصعبة حرمتني متعة الحوار معك ومع الزملاء والزميلات المتداخلين . كنت من الذين حضروا البرنامج أياه , واتفق معك تماماً أن مقدم البرنامج الأستاذ البوني لم يكن موفقاً فيه , إنتابني إحساس بأن هذا البرنامج فٌرض عليه فرضاً لذلك كان حديثه باهتاً والأدهى والأمر أن يكون عنوان البوست جاء على لسان ممثل سوداني مشهور تمت إستضافته وقد تحدث بلهجة اجدادنا الزمان والغير متعلمين منهم .
المرأة هي الحياة وكفى ......
لي عودة اكيدة يا سمعة
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: العوض المسلمي)
|
هاشم يا أخى العزيز....
Quote: كنت من الذين حضروا البرنامج أياه , واتفق معك تماماً أن مقدم البرنامج الأستاذ البوني لم يكن موفقاً فيه , إنتابني إحساس بأن هذا البرنامج فٌرض عليه فرضاً لذلك كان حديثه باهتاً والأدهى والأمر أن يكون عنوان البوست جاء على لسان ممثل سوداني مشهور تمت إستضافته وقد تحدث بلهجة اجدادنا الزمان والغير متعلمين منهم .
|
إنت وإن كنت غائب حضور...
جميل ان نناقش مثل هذه المواضيع مع بعض...لنثبت مفاهيم جميلة...إمتدادآ للحلقة..تسلم على المرور..يا راقى..
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: ismeil abbas)
|
صباح الخير يا اسماعيل..
"المرأة بعد تلد الجني ما بتدي الهنا"
المثل القديم ده بيعكس تفكير كان سائد او مازال سائد وسط مجموعات بشرية.. وهو يعكس نظرة للمرأة تتمحور في نقطتين في رأيي.. قدرتها علي الانجاب.. صغر سنها.."وجمال جسدها" ظاهره الانتهازية والانانيةالسخيفة التي تعبر عن عدم عمق فكرة الزواج ولا التقدير الكامل للشراكة والتي طرفها المرأة كما الرجل....بينما من ناحية أخري يعكس وجهة النظر في الحياه بالنسبة للرجل وربما المرأة..عمق او هامش!
فالزواج بالنسبة للمرأة يعني الزوج والأطفال لتكتمل الاسرة ودورها..وهي صورة ووضع ينشده الدين والمجتمع كله وتتلقاه المرأه كوضع عادي وجميل وتهيء نفسها لبدايته بفرح.. وغالبا ان لم تنجب حتي ولو السبب الرجل..فانها تستمر في حياتها الزوجية..فحياتها الزوجيه هي حاضر ومستقبل كما تشاء لها التربيه وقد تفرح بوضعها ان تزوج عليها الرجل أخري أو اخريات..وفي كل تلك المراحل لا تتطلب الطلاق بسبب بتدهور شكل الرجل او كرشه المهول او سفته التي قد يبصقهالها في أي مكان..فهو الانسان الذي تزوجته لتعيش معه..
بينما يري الرجل امتداده عن طريق الانجاب هو الأصل والأساس سواء استمر الزواج ام لم يستمر.. وان شئنا نظرنا لطريقة البحت عن الانجاب للولد حتي ولو من زوجة أخري..وبالطبع الانجاب يتطلب عامة صغر عمر الزوجة.. ده غير مقاييسه لجمال الجسد عند زوجته..وجمال اجساد اللاتي لم يتزوجهن.. ................. .................
علي كل حال..مازالت بين أهلنا الكبار اللغة السمحة سائدة بين كثير منهم..وبين الذين تسود بينهم الموده.. اللغة تبقي لغة فعل..تظهر في التعامل أكثر من الكلمات المسموعة بلغة الحب المباشر حروفها.. فعلي سبيل المثال..أم فلان وأبو وليداتي تكون بينهم مثل حبيبتي وحبيبي..كلمات تعني الكثير لهم ويشعرها بمودتها الصادقة من حولهم.. ........... ...........
اذكر ان احد اصدقائي وزملائي بالدراسة..كان في غاية التهذيب في حديثه وافعاله..رقيق دون افتعال.. وكان ذلك يغيظ باقي اصدقائي وزملائي..فيرون في وقوفه وجذبه للمقعد حتي تجلس الآنسه فعلا غريباومياعة.. وفي فتحه لباب السياره لها والوقوغ حتي تستقر في جلستها ثم اقفال الباب بعد ذلك.. ثم الذهاب لمقعد القيادة امرا اسخف من السخف.. تري لو سمعوا الرجل ينادي زوجته بحبيبتي مع تمسكه الكامل بكل آداب الاتيكيت والذوق..فماذا يقولون؟؟ ........... ...........
لكني واثقة من كثير من التغيرات بين اجيالنا والاجيال التي أتت بعدنا.. لأن الحياة تغيرت ومفاهيمها تغيرت..زفي كثير من الاحايين يسود بينهم تفاهم عقلاني وعاطفي.. فبين العقلاء منهم اللغه والمخاطبة بها ليست معقدة..لأنهم يعلمون تماما مايريدون ويفهمون طبيعة قولهم ويتقبلونه..سواء كانت هناك كلمات حب ام لا.. ........... ...........
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: Muna Khugali)
|
أختى العزيزة..منى...
تسلمى على الأضافة الثرة...دى حصة بالمجان..
Quote: علي كل حال..مازالت بين أهلنا الكبار اللغة السمحة سائدة بين كثير منهم..وبين الذين تسود بينهم الموده.. اللغة تبقي لغة فعل..تظهر في التعامل أكثر من الكلمات المسموعة بلغة الحب المباشر حروفها.. فعلي سبيل المثال..أم فلان وأبو وليداتي تكون بينهم مثل حبيبتي وحبيبي..كلمات تعني الكثير لهم ويشعرها بمودتها الصادقة من حولهم..
|
نعم وكثير من امهاتنا سابقآ لا تنادى زوجها بأسمه..إحترامآ وحياء.وليس جفوة أو تعنت...
لقد اصبتى وأفدتى..لك التقدير.....ياراقية...
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: ismeil abbas)
|
سمعة الحبيب ..
كنت حضرت حوار الأستاذة الحاجة خليفة وتحدثت ببساطة جميلة عن العلاقة الزوجية .. ولم يخلو حديثها من مرارة لأن زوجها تزوج عليها .. وذكرت بأن بناتها قد يسمعن كلام إطراء لم يسمعنه هن أمهاتهن ..
في إعتقادي أن الحياة البسيطة في ظل الظروف الإقتصادية الصعبة التي يعشيها المواطن السوداني وجريه وراء لقمة العيش من زمن بعيد لها دور كبير في إنعدام الكلمات العاطفية في شكلها الذي نطلبه .. الحب عندنا حسي في معايشتنا لبعض ولكنه غير مصرح به في العلن يمكن دا ناتج أيضاً من التربية ذاتها وطريقة الزواج نفسها التي تتم عن طريق العادات والطرق التقليدية وليس عن تجربة حب بين طرفين إلا ما ندر .. ليس من الضرورة تقليد الآخرين في طريقة التعبير ولكن الأسرة فعلاً تحتاج للكلام الجميل فهو ملطف لأجوائها ويسهّل الحوار بين أفرادها مما يؤدي لمعائشة سليمة ..
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: معتصم دفع الله)
|
معتصم الجميل...
Quote: ليس من الضرورة تقليد الآخرين في طريقة التعبير ولكن الأسرة فعلاً تحتاج للكلام الجميل فهو ملطف لأجوائها ويسهّل الحوار بين أفرادها مما يؤدي لمعائشة سليمة .. |
يامعتصم لو بنقلد حاجة جميلة ذات جدوى افتكر دى مافيها عيب..نعتبرها ثقافة مكتسبة جميلة....وفعلآ البيئة لها اثر كبير علينا..
لى احد من قرايبى حكى لى قصة طريفة...قال:
قال كان جالس فى الحديقة هو وزوجته..وعلى قرب منهم رجل وزوجته من أهل الشام...ومتكأيين على قرب شديد فى النجيلة..
قريبى قال لزوجته هسى يكون بكضب ليها جنس كضب....
قالت ليهو يا اخى إنتو مالكم ماتكضبوا علينا برضو....شوف مدى الحوجة لمثل هذا الحديث حتى لو كذب على زوجاتنا..
معتصم الحبيب وجودك مفيد فى هذا البوست ..يا شفيف...
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: ismeil abbas)
|
الأخ إسماعيل عباس - السلام عليكم لك التحية على الموضوع الاجتماعي الدسم , والجميل في نفس الوقت. لقد كنت موفقاً في اختيار العنوان المثير , وإلا كنت أول العابرين لبوستك مرور الكرام .أما متابعة الموضوع من خلال التلفزيون فهذا مستحيل لأنه علاقتي بالسيد التلفزيون ضعيفة جداً وبتضايق حتى من صوته . دخلت البوست ونيتي أن أوجه لك سهاماً نقدية لاذعة جداً , ولكن لما دخلت وجدت توافق كبير بيني وبينك. وبصراحة أنحنا في حاجة لطرح مثل هذه الأشياء المسكوت عنها - حسب تعبيرك - لأننا طفشنا من السياسة وقساوتها , والكورة وخذلانها لينا . عندي طرفة في موضوع التنادي بالصفات الجميلة . فمرة إتقفنا في البيت على التنادي والتخاطب بياعيني وحبييتي وحبة عيني وروحي والحاجات السمحة دي. فبدأنا في تعالي يا حبيتي وأمشي وما عارف أيه .قمت قلت لأمهم إسمعي يا حبيبتي قاموا بناتي كلهم صرخوا في وجهي :عيب يا بابا . قلت ليهم ليش عيب ؟ ما نحنا متفقين على كدة .قالوا صح لكن للأم لا . مع العلم بأنهن مولودات بره السودان كلهم وما زاروه إلا مرة واحدة بس . أظن الحكاية ليه علاقة بالجينات ولا شنو - طبعاً أنا أدبي ما بعرف الحاجات دي
* ومهما يكن عند امرئ من خليقة وإن خالها تخفى على الناس تعلم
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: ismeil abbas)
|
سمعة دخلت البوست كنت عايزة اديك بونية تقع ماتقوم عارف انا شفت البرنامج متأخر يعنى جيت فى اخرو لكن احسست ان موضوعو معبر وحقيقى كلنا نعانى من انعدام الكلمة الحلوة الغريبة ممكن نقولها لناس اغراب لكن لمن تجئ تقولها لاقرب الناس تخجل (عالم غلط زى مابقول عزالدين هلالى)
وتسلم
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: نجاة محمد بابكر)
|
د/يوسف......السلام عليكم..
Quote: دخلت وجدت توافق كبير بيني وبينك.
|
أسعدنى مرورك..وسعدت بالتوافق الكبير بينى وبينك...
شكرآ على ألأطراء...وفعلآ أختيار العنوان كان مستفزأ ومقصودآ.وجر لى ناس جميلين مثلك.....لك التحية وشكرآ على ألأضافة الجميلة..
تقديرى وأحترامى....
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: ismeil abbas)
|
أختى/نجاة......السلام عليكم..
Quote: سمعة دخلت البوست كنت عايزة اديك بونية تقع ماتقوم
|
بونية بالنية منك مقبوله...
سعيد بمشاركتك....قصة الخجل من التعبير دى هى الخالقه لينا تعقيدات وتراكمات نفسية متعبانه شديد..ياريت نبوح بالكلام السمح المسموح لينا به لبعض بأدب ومن غير جهد ..
لك التحية والتقدير..الشديد..وإتلقى ما كنت عايزة تدينى بونيه بس دى شكلهامعاها أم دلدوم.أتمنى ان تكونى بتعرفيها..
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: ismeil abbas)
|
ismeil abbas كيفنك انت .. واختيارك لموضوع الحلقه دي بالذات جميل .. تعرف مثل عند المصريين الله يطراهم بالخير في كل الاحوال .. مثلهم بقول :- الملافظ الحلوه تسعد صاحبها .. يعنى القائل والسامع الاتنين بكونو فرحانين ..Quote: ألمرأة بعد تلد الجنى ما بتدى الهنا.. |
والكلام ده ما اظن صحيح بعد الجنى الحياة تذدهر اكتر واكتر من جميع الجوانب .. او إذا كان القصد من حيث الفتور دي حقيقه غايتو انا ما مقتنعه بيها .. لانه الاتنين إذا كانت بدايه حياتهم عطاء بتستمر على كده .. وامى كانت بتقول رحمة الله عليها :- الراجل بالكلمة الطيبة والحلوه بتلبسي عقد في رقبتك .. اها بعد ده تاني في شنو ..؟ والكلام الجميل مع الفعل ما بغلب .. ولا ما كده ..
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: عفاف الصادق بابكر)
|
أختى /عفاف الصادق....
السلام عليك......
Quote: والكلام ده ما اظن صحيح بعد الجنى الحياة تذدهر اكتر واكتر من جميع الجوانب .. او إذا كان القصد من حيث الفتور دي حقيقه غايتو انا ما مقتنعه بيها .. لانه الاتنين إذا كانت بدايه حياتهم عطاء بتستمر على كده .. وامى كانت بتقول رحمة الله عليها :- الراجل بالكلمة الطيبة والحلوه بتلبسي عقد في رقبتك .. اها بعد ده تاني في شنو ..؟ والكلام الجميل مع الفعل ما بغلب .. ولا ما كده .. |
كده ونص..واحسن من كده مافى...ده الكلام...
البنون زينة الحياة وبهم تزدهر وتشرق وتسعد..والكلمة الجميلة لاتأتى إلا بالجميل...لك التحية على مرورك الرائع....
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: ismeil abbas)
|
Quote: المثل القديم ده بيعكس تفكير كان سائد او مازال سائد وسط مجموعات بشرية.. وهو يعكس نظرة للمرأة تتمحور في نقطتين في رأيي.. قدرتها علي الانجاب.. صغر سنها.."وجمال جسدها" ظاهره الانتهازية والانانيةالسخيفة التي تعبر عن عدم عمق فكرة الزواج ولا التقدير الكامل للشراكة والتي طرفها المرأة كما الرجل....بينما من ناحية أخري يعكس وجهة النظر في الحياه بالنسبة للرجل وربما المرأة..عمق او هامش!
فالزواج بالنسبة للمرأة يعني الزوج والأطفال لتكتمل الاسرة ودورها..وهي صورة ووضع ينشده الدين والمجتمع كله وتتلقاه المرأه كوضع عادي وجميل وتهيء نفسها لبدايته بفرح.. وغالبا ان لم تنجب حتي ولو السبب الرجل..فانها تستمر في حياتها الزوجية..فحياتها الزوجيه هي حاضر ومستقبل كما تشاء لها التربيه وقد تفرح بوضعها ان تزوج عليها الرجل أخري أو اخريات..وفي كل تلك المراحل لا تتطلب الطلاق بسبب بتدهور شكل الرجل او كرشه المهول او سفته التي قد يبصقهالها في أي مكان..فهو الانسان الذي تزوجته لتعيش معه..
بينما يري الرجل امتداده عن طريق الانجاب هو الأصل والأساس سواء استمر الزواج ام لم يستمر.. وان شئنا نظرنا لطريقة البحت عن الانجاب للولد حتي ولو من زوجة أخري..وبالطبع الانجاب يتطلب عامة صغر عمر الزوجة.. ده غير مقاييسه لجمال الجسد عند زوجته..وجمال اجساد اللاتي لم يتزوجهن.. ................. .................
علي كل حال..مازالت بين أهلنا الكبار اللغة السمحة سائدة بين كثير منهم..وبين الذين تسود بينهم الموده.. اللغة تبقي لغة فعل..تظهر في التعامل أكثر من الكلمات المسموعة بلغة الحب المباشر حروفها.. فعلي سبيل المثال..أم فلان وأبو وليداتي تكون بينهم مثل حبيبتي وحبيبي..كلمات تعني الكثير لهم ويشعرها بمودتها الصادقة من حولهم.. ........... ...........
اذكر ان احد اصدقائي وزملائي بالدراسة..كان في غاية التهذيب في حديثه وافعاله..رقيق دون افتعال.. وكان ذلك يغيظ باقي اصدقائي وزملائي..فيرون في وقوفه وجذبه للمقعد حتي تجلس الآنسه فعلا غريباومياعة.. وفي فتحه لباب السياره لها والوقوغ حتي تستقر في جلستها ثم اقفال الباب بعد ذلك.. ثم الذهاب لمقعد القيادة امرا اسخف من السخف.. تري لو سمعوا الرجل ينادي زوجته بحبيبتي مع تمسكه الكامل بكل آداب الاتيكيت والذوق..فماذا يقولون؟؟ ........... ...........
لكني واثقة من كثير من التغيرات بين اجيالنا والاجيال التي أتت بعدنا.. لأن الحياة تغيرت ومفاهيمها تغيرت..زفي كثير من الاحايين يسود بينهم تفاهم عقلاني وعاطفي.. فبين العقلاء منهم اللغه والمخاطبة بها ليست معقدة..لأنهم يعلمون تماما مايريدون ويفهمون طبيعة قولهم ويتقبلونه..سواء كانت هناك كلمات حب ام لا.. ........... ........... |
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: ismeil abbas)
|
Quote: والكلام ده ما اظن صحيح بعد الجنى الحياة تذدهر اكتر واكتر من جميع الجوانب .. او إذا كان القصد من حيث الفتور دي حقيقه غايتو انا ما مقتنعه بيها .. لانه الاتنين إذا كانت بدايه حياتهم عطاء بتستمر على كده .. وامى كانت بتقول رحمة الله عليها :- الراجل بالكلمة الطيبة والحلوه بتلبسي عقد في رقبتك .. اها بعد ده تاني في شنو ..؟ والكلام الجميل مع الفعل ما بغلب .. ولا ما كده |
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: وليد عبد اللطيف)
|
ألأخ/وليد عبداللطيف....السلام عليكم...
أول شىء أنا لا أعرفك حتى أكتب عنك كلام سمح او شين..ومتى تداخلت معك.بقبيح القول.لتقول هذا الكلام..أحمدالله لم أكتب كلام قبيح أو شين يتأذى منه أحد هنا..ولو كان عندك كلام أكتبوا لو سمحت.....
لم اجد تلفونك على البروفايل....حتى اتصل بك..واعرف منك ما كتبت من شىء قبيح تجاهك...واحمدالله على ذلك لا أ تعمد ألأساءة لآحد قط..
لك التقدير وألأحترام حتى تبان الرؤية .....
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: ismeil abbas)
|
ألأخ/وليد لك التحية مجددآ......
Quote: الاخ اسماعيل عباس ياخي متأسف جدا لان كلامي يظهر لم يعجب الناس ولم يعجبني انا اولا وصراحة ما ادهشني رغم متاباعتي لك وطريقتك في المنبر لم اتقوع منك المداخلة الخشنة منك تجاهي
لك كامل الود والاحترام |
ولك بمثل هذا الود أطنان...ولكن يا اخى أرجو أن تفرق بين المداخلة الخشنة وألأساءة...وألأساءة شى صعب شديد الله لا وصلنا مثل هذه المرحلة...
لك التحية لك ولأسرتك ..الصغيرة..مع دوام أمنياتى لكم بحياة جميلة وموفقة يارب...كدى داخل فى البوست ده من غير زعل......
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: ismeil abbas)
|
Quote: في إعتقادي الشخصي ... بأن المرأة بعد الجنى .. ياداب بيبدا الهنا ) .. لأسباب منطقية و عقلانية جدا : أي رجل عاقل يجب أن يسأل نفسه قبل الزواج من هذه الإنسانة : لماذا يريد الزواج أصلاً ؟ لو كانت إجابته تكوين أسرة مع زوجته و محاط بأطفال فإذن هذا المثل يجب أن يكون حجة قوية تدحض قناعات من يؤمنون به في الزواج. |
الحبيب ابو السباع
شوف الريس او جهينة والمختصر المفيد مافى حياة سعيدة من غير اطفال
ولا تنسى قول الله تعالى
( المال والبنون زينة الحياة الدنيا )
تحياتى ومودتى
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: Yousif A Abusinina)
|
الاخ اسماعيل
Quote: الحلقة كانت تتحدث عن جفاف المفردة العاطفية فى ألأسرة..وكان مقدم الحلقة..الدكتور/عبداللطيف البونى..وألأستاذة..منى ابوزيد.. |
يظهر قناة النيل الازرق تسرق افكار اعضاء سودانيز وكما حث قبل ذلك في برنامج فكرته نجوم من ذهب وهي فكرة عضو المنبر عماد احمد عثمان وسبق اخونا جمال السنوسي فتح بوست عن هذا الموضوع ولم يستمر كثيرا وكذلك البروف المعز عمر بخيت الموضوع جميل وشيق والكلام به لم يخلص وكلمة احب في السودان (كلمة ارهاب ) من الصغر تعاقب عليها في المدارس
بوست موفق
------------------------------------ برجع تاني للاضافة مع باقي الاعضاء
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: وليد عبد اللطيف)
|
الحبيب يوسف..السلام عليكم..وكل عام وانتك بخير.....
Quote: الحبيب ابو السباع
شوف الريس او جهينة والمختصر المفيد مافى حياة سعيدة من غير اطفال
ولا تنسى قول الله تعالى
( المال والبنون زينة الحياة الدنيا )
تحياتى ومودتى |
ونعم بالله..بعد المال والبنون..هل نحن نستطيع ان نفرد مساحة للجميل من المفردات بيننا كأزواج...
ماتزوغ يا أرباب...لك اطنان من مودة........
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: ismeil abbas)
|
ألأخ/وليد...صباحك جميل زى مرورك إن شاء الله..
Quote: الموضوع جميل وشيق والكلام به لم يخلص وكلمة احب في السودان (كلمة ارهاب ) من الصغر تعاقب عليها في المدارس
|
أوافقك الرآى..لآن مفهوم كلمة الحب عندنا تعنى الكثير فى ذاك الزمن..لم نأخذ معنى الكلمة الصحيحة ولم نتداولها كثيرآ بيننا فى المجتمع..مما خلق شك فى مفهومها وصارت كلمة بدلآ ان تكون جميلة وجذابة صارت مزعجة ومريبة..حتى فى وضعها الطبيعى هناك تخوف والواحد يتلفت حتى يقوله...
دعوة للكلمة الطيبة والجميلة بيننا وبين أسرتنا والمجتمع........نحن فى حوجة ماسة لتنقية النفوس بها....
تقديرى وأحترامى.......مرورك مرة أخرى كما وعدت ..فى إنتظارك....
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: ismeil abbas)
|
هل ينتهى الهناء بالنسبة للحياة الزوجية بعد ألأنجاب......؟؟؟ وبعد ألأول أم الثانى ام الثالث..؟؟؟
فى إعتقادى كلما إمتدت سنين العشرة فى الحياة الزوجية..كلما توطدت العلاقة وصار ألأزواج يفهمون بعض اكثر..ويتسطيعون ان يتجاوزا المشاكل البسيطة بتراكمات تجاربهم فى الحياة..
ألأبناء هم ألأمل المشترك الذى يعملون من اجله..ويعيشون له..إنه إمتداد لهناء جديد....
تقديرى..
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: ismeil abbas)
|
Quote: والكلام ده ما اظن صحيح بعد الجنى الحياة تذدهر اكتر واكتر من جميع الجوانب .. او إذا كان القصد من حيث الفتور دي حقيقه غايتو انا ما مقتنعه بيها .. لانه الاتنين إذا كانت بدايه حياتهم عطاء بتستمر على كده .. وامى كانت بتقول رحمة الله عليها :- الراجل بالكلمة الطيبة والحلوه بتلبسي عقد في رقبتك .. اها بعد ده تاني في شنو ..؟ والكلام الجميل مع الفعل ما بغلب .. ولا ما كده |
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: عفاف أبو حريرة)
|
Quote: الأخ العزيز إسماعيل لك التحية والود صدقني يا اسماعين المرة لم تدي الجنى هي كل الهنــــــــــــــــــــــــــــــــــــــــــــا مع خالص تحياتي د. صلاح البشير |
تسلم د/صلاح بشير.....ده كلام جميل شديد..الله يديم كل الهنا لكم جميعآ...
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: عزام حسن فرح)
|
أخى عزام..لك التحية وشكرآ على المرور الجميل...
Quote: < المرا بعد تلِدْ الجنا ما بِتدي الهنا > صاح وما صاح ... كيف؟
|
خليك واضح يا جميل......صاح أم ما صاح....
ما تعمله لينا بؤرة الشعور وهامش الشعور..ألأمور دى ما بتحتاج فلسفة...أنا ضد هذا الكلام...أنا مع المرآة لم تلد الجنا بتكون أجمل هنا.مش يازول يا نيل؟.
تقديرى وأحترامى...
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: ismeil abbas)
|
Quote: لقد أضحد بوست الزميلة عفاف أبو حريرة ..هذه الفكرة العقيمة لهذه المقولة السلبية...واكد فكرتى وفكرة كثير من المتداخلين بأن الحياة تزداد جمالآ وهناء بعد ألأولاد.... |
ابو احمدسلام الجميل يستشعر الجمال انت لانك زول محب وعطوف علي عايلتك ربنا يحفظك ليهم ويخليهم ليك
اختك عفاف
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: عفاف أبو حريرة)
|
ألأخت/أم أحمد..عفاف...سليلة الناس الظراف..
Quote: ابو احمدسلام الجميل يستشعر الجمال انت لانك زول محب وعطوف علي عايلتك ربنا يحفظك ليهم ويخليهم ليك
اختك عفاف |
تسلمى على هذا الكلام الطيب...وكما عهدتكم أنتم ..تنضحون حنينآ فياض يحوى داركم مودة ورأفة...
الكلمة الحلوة تصنع المستحيل..وتفتح ابواب من الحب..وتسعد النفوس الصدأ...
دمت ودامت سعادتكم إن شاء الله..
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: ismeil abbas)
|
الاخ الحبيب سمعه سلامات : الموضوع شيق وجميل وجدير بالمناقشة لانه بتناول جزء اساسي من المجتمع او هو اساس المجتمع فان تعافت هذه العلاقة انعكست بالايجاب علي المجتمع فالزوجة هي الام والظرف المحيط بيها بتاثر علي عطاءها وانتاجها كما قيل الام مدرسة اذا اعدتها اعدت شعبا طيب الاعراق فالزوج بيلعب شكل كبير او كامل في اعداد هذه المدرسة بتوفير المناخ الصحي الذي تنشا عليه الاسره ويعيش في وسطه الزوجين.. هذا مدخل ودت ان ابدا به مشاركتى في هذا البوست الذي شدنى لما يطرحه من ماده دسمه ومثمرة يمكن ان تفيد المتزوجين او الناويين الزواج
ونواصل
| |
|
|
|
|
|
|
Re: ألمرأة بعد تلد الجنى ما بتدى الهنا.. (Re: معتصم مصطفي الجبلابي)
|
أخى الحبيب معتصم..السلام عليكم......
Quote: هذا مدخل ودت ان ابدا به مشاركتى في هذا البوست الذي شدنى لما يطرحه من ماده دسمه ومثمرة يمكن ان تفيد المتزوجين او الناويين الزواج
ونواصل |
الناويين الله يسهل عليهم...والمتزوجين الله يكفيهم شر المناكفات والتعاسة والنكد ويعيشوا حياة مليانة مودة وجمال..
فى إنتظار مواصلتك ياراقى....وأعتبر البوست بوستك............تقديرى..
| |
|
|
|
|
|
|
|