|
|
 عاوز تموت بشنو؟
|
عاوز تموت بشنو؟
> لو عاوز تموت من الحسره؟
> - ياتتفرج على اعضاء المجلس الوطني وهم يمارسون (فضيلة الصمت) تجاه مشاكل المواطنين
> - يا تتفرج عليهم وهم يمارسون (حق) الكلام عن (زيادة مخصصاتهم)
> لو عاوز تموت مفرووووس ؟
> - يا تقرأ لـ(عبدالرحمن الزومة) الذى يكتب عمودا يوميا (بين قوسين) يعدد فيه حسنات وإنجازات (النظام)
> - يا تبحث عن (مردود) ما يسمى بعائدات النفط .
> لو عاوز تموت شهيد ؟
> - يا تسافر عن طريق أحد شوارع (الموت) التى لا تصلح حتى كشوارع (داخلية)
> - يا تخرج فى مظاهرة (سلمية)
> لو عاوز تموت بالسرطان ؟
> - يا تتناول الخبز المحسن (بالبرومايد) الذى يباع (عينى عينك) أمام نظر السلطات
> - يا تتناول (المواد الغذائية) منتهية الصلاحية المفروشه (عينى عينك برضو) على الأرض فى الأسواق .
> لو عاوز تموت من الغيظ ؟
> - يا تسمع تبريرات (الحكومة) حول قوات (الهجين)
> - يا تسمع تبريرات (الداخلية) حول إطلاق النار على المواطنين فى (كجبار).
> لو عاوز تموت من الجوع؟
> - ياتنتظر (الدوله) توفر ليك (شغل) تسد به رمقك
> - يا تحرى ليك (قريشات) من (بيت مال المسلمين)
> لو عاوز تموت من الهبل ؟
> - يا تستمع لما تبثه (الإذاعه والتلفزيون) من إعلانات (ساذجه)
> - يا تستمع لإحدى مذيعات النيل الازرق في برنامج مشوار المساء
> لو عاوز تموت مرعووووب ؟
> - يا تقرأ عن عدد ونوع الأسلحة والعتاد الذى تمتلكه (المليشيات) داخل العاصمة
> والتى تجاوز عددها 47 حسب شهاده مسئول كبير
> - يا تضع عينة من مياه الشرب تحت مكبر (مايكروسكوب) وتنظر لما تحتويه من (كائنات) غريبة الشكل !!
> لو عاوز تموت من الضحك؟
> - ياتقوم تتذكر إنو نحنا (دوله بتروليه)
> - يا تقوم تتذكر أيام قبل ما يتم (إنقاذنا)
> لو عاوز تموت مليونير؟
> - يا تكون مسئول وعندك (بيزنس)
> - يا تكون عندك (بيزنيس) وأخوك (مسئول)
> لو عاوز تموت من الإندهاش ؟
> - يا تسأل روحك (مرتبك ده مكفيك إنت والأولاد كيف؟)
> - يا تسأل روحك (المسئول ده عمل العمارات دى) من مرتبو كيف؟
> لو عاوز تموت من الحزن ؟
> - يا تعود إلى البلاد من أى سفرية (خارجية) وتقارن بيننا وبين الناس البره
> - يا تقيف أمام إحدى المستشفيات (الحكومية) وتشاهد المواطنين الذين يتسولون قيمة الدواء
> لو عاوز تموت على الحديده ؟
> - يا تعمل ليك مشروع تجارى و(يجوك ناس الجبايات التركية)
> - يا تدخل ليك مرابحة مع (بنك إسلامى)
> لو عاوز تموت قبل يومك ؟
> - يا تقوم بإجراء عملية جراحية (دقيقه) فى أحدى (المستوصفات الخاصة)
> - يا تقوم بإجراء عملية جراحية (غير دقيقه) بأحدى المستشفيات (الحكومية).
> لو عاوز تموت من الإستغراب؟
> - يا تشوف مواطن عاوز يعمل ليهو عملية تتوقف عليها حياتو (بشهاده الأطباء) وديوان (الزكاه) يديهو (ملاليم)
> - يا تشوف عدد حالات (إلى ذوى القلوب الرحيمة) التى تنشرها الصحف فى دولة (المشروع الحضارى)
> لو عاوز تموت من الزهج ؟
> - يا تنتظر الكهرباء المقطوعه (من الصباح) تجى راجعه
> - يا تنتظر دورك الـ 96 فى عيادة الأخصائى الكبير !
> لو عاوز تموت مخنوق؟
> - يا تقيف فى صف العربات الطويل المتوقفه فى إنتظار العبور للخرطوم من (أم درمان) بكبرى النيل الأبيض (الما معروف يتصلح متين)
> - يا تكون واقف فى (صف دفع الجمرة الخبيثه) يوم نهاية (الدعم)
> لو عاوز تموت مزهووووووول؟
> اسمع قاضي المحكمة العيا بتكلم عن لون قميص لبني في حيثيات قضية البنطلون
> لو عاوز تموت مليونير؟
> - يا تمارس (تنزيل)
> - يا تكون قريب (وزير)
> لو عاوز تموت وفى نفسك سؤال ما لاقى ليهو إجابه؟
> - يا تسأل عن (خلوها مستورة دى لمتين ح تكون مستوره)
> - يا تسأل روحك (طيب ليه ما يخلونا فى الصورة) ؟
> لو عاوز تموت مبسوط في الواقع الحالي دا؟
> (صدقنى) يا بتحلم
> - يا …….. بتحلم
بقلم زهجان
|
|
 
|
|
|
|
|
|
|
|
Re: عاوز تموت بشنو؟ (Re: بكري عباس علي)
|
Quote: قال شهود عيان لـ(أجراس الحرية) إن أفراداً ينتمون لشرطة المرور احتجزوا عربة هايس تقل جنازة في ضواحي الخرطوم لأكثر من ساعة، واصرّوا على عدم السماح بتحركها ما لم تدفع تسوية مالية (إيصال).
واستنكر المتحدثون السلوك و وصفوه بغير الإنساني والدخيل على قيم المجتمع والدين، و رووا
للصحيفة أنّ دورية لشرطة المرور أوقفت عربة هايس أمس الأول بالقرب من مصنع (صافولا) جنوب شرقي الخرطوم، واقتادوا العربة إلى نقطة تفتيش سوبا، وطالبوا بدفع تسوية مالية جراء مخالفة المادة (22) من قانون المرور والمتعلقة بالتفلت وحمل ركاب بدون ترخيص، وفشلت كل رجاءات الركاب والحاضرين لساعة في اقناع (ضابط الصف) الذي حرر المخالفة في السماح للعربة التي تقل جنازة لامرأة بالمغادرة قبل دفع الغرامة.
اجراس الحرية |
| |
|
|
|
|
|
|
|
|
|
Re: عاوز تموت بشنو؟ (Re: بكري عباس علي)
|
لك التحية أخي بكري عباس
هسع حسب كلامك ده . رأيك شنو ما نسمي
السودان ( جمهورية الموت ) ؟!! بعدين
إنت نسيت أهم سبب للموت في السودان
وللأسف ( موت وهم ) الكورة ...
بوست موفق جداً
| |
|
|
|
|
|
|
|
|
|
Re: عاوز تموت بشنو؟ (Re: د.يوسف محمد طاهر)
|
عامر
جماعتنا ديل الله يديهم العافية في حتة القروش دي ابدا ما بقصروا والله يقلعوك اللابسو
دكتور يوسف
Quote: هسع حسب كلامك ده . رأيك شنو ما نسمي
السودان ( جمهورية الموت ) ؟!! بعدين
إنت نسيت أهم سبب للموت في السودان
وللأسف ( موت وهم ) الكورة ...
بوست موفق جداً |
الكورة دي كمان فلم تاني
الله يديكم العافية
| |
|
|
|
|
|
|
| |
بكري عباس علي
عامر باضاوي
د.يوسف محمد طاهر
محمد عمر جبريل
فيس بوك
تويتر
انستقرام
يوتيوب
بنتيريست