|
سودانير المسكينة نحن وربنا بنحبك
|
الخطوط الجوية السودانية بدأت في التحليق في سماءنا الصافية مبكرا وكانت تتبع وبكل فخر للسكة حديد وعندئذ كانا الناقل الوطني لشعب السودان. في الاونة الاخيرة وكما معلوم ماوصلت اليه حالة سودانير وهي اعلم بما ياخذه الناس عليها من المواعيد وعدم احترام الركاب وجهجهة معلومة ودي مافيها غلاط.انا سافرت للقاهرة عبر سودانير فنصحني احبتي وقالوا ياحليلك وكان بدري عليك ياخي ماتموت لينا بايدك ده كلام فارغ ما اشتغلت بيهو وعقلتها وتوكلت ووصلت بالسلامة. امر سودانير امر مهم فنحن يجب ان لانبخل عليها بالاسبيرات والصيانة وملاحقة التطور وهي نرجو ان لاتبخل علينا بالمواعيد والاهتمام والرعاية الجيدة في حدها الادني مايتوفر لاي راكب في خطوط اخري. فهي تبقي في النهاية احدي ممتلكات بلادنا العزيزة ولو خصخصوها ده طرفي منها والليلة نركب البابور لحلفاوبالقطر الصارقيل الوطني يدشدش لعطبرة والورش بانت لكن ياسودانير شهادة لك في طاقم الرحلة 102 تاريخ 9 يوليو وكنت في متنك طائرا للقاهر فاجأنا الكابتن ونحن علي ارتفاعات فوق سطح البحر ان في معيتنا مدير عام الخطوط الجوية السودانية مين كده بدر علي ما اذكر فهل كان اكرامكم لنا الباذخ ومخاطبة الكابتن لنا عن اننا فوق مدينة كذا السودانية او كذا المصرية ولطافتكم معنا مردها وجود مديركم ام هي عادتكم في كل رحلاتكم. ختاما لو سودانير احكمت مواعيدها وكرمها وقبل ذلك مهنيتها وسلامة طائراتها وتوفير قطع الغيار لها وصيانتها بنركبها حتي لو خصخصت وبغير ذلك فهذا فراق بيننا وبينك والله المستعان
|
|
|
|
|
|
|
|
Re: سودانير المسكينة نحن وربنا بنحبك (Re: مطر قادم)
|
والله يا مطر وما طالبني حليفة انا بحب اسافر بي سودانير .. ودائما بقول اخير لي الناقل الوطني ..
والمبالغة انو ما حصل يوم اتجهجهت فيها .. السفر حتى لو تم تأجيله بكون ضربت المطار وبسأل من مواعيد الطيارة بالضبط ولحدي من امرق من البيت بكون بضرب ليهم لما يتأكد لي انها مسافر بطلع المطار .
في العودة برضو بعمل كدة .. وما حصلت اتلومت معاي وانا قاعدة اقول الكلام دا كتير ..
وفي كل مرة بمشي بحصل على تخفيص 50 % ولي علم الناس ان التخفيض مفتوح للمواطنين السودانيين اي زول يجي للمدير بحصل على 50 % وكم مرة عملتها ..
سودانير الناقل الوطني يجب المحافظة عليه ..
عشان نحافظ على سودانا ..
شكرا مطر لهذا البوست
| |
|
|
|
|
|
|
Re: سودانير المسكينة نحن وربنا بنحبك (Re: انعام حيمورة)
|
Quote: وفي كل مرة بمشي بحصل على تخفيص 50 % ولي علم الناس ان التخفيض مفتوح للمواطنين السودانيين اي زول يجي للمدير بحصل على 50 % وكم مرة عملتها .. |
الأخت / إنعام حيمورة تحية طيبة يبدو أن هذا التخفيض لمواطني الداخل ولا يشمل شريحة المغتربين ؟ كثير من السودانيين خاصة بمنطقة الخليج إمتدت أسرهم وتعاقبت عليهم السنين وهم لا يستطيعون السفر خلال الإجازات أو المناسبات الطارئة من أفراح وأتراح ، ليت سودانير بادرت ومنحت مثل هذه الحالات تخفيض 50% ولمرة واحدة كل عام ، وبذلك تكون سودانير قد ساهمت في تواصل أبناء المغتربين وأسرهم بوطنهم وأهلهم . ودمتم بخير ودامت لنا سودانير ناقلا وطنيا
صلاح حمد
| |
|
|
|
|
|
|
Re: سودانير المسكينة نحن وربنا بنحبك (Re: مطر قادم)
|
Quote: ختاما لو سودانير احكمت مواعيدها وكرمها وقبل ذلك مهنيتها وسلامة طائراتها وتوفير قطع الغيار لها وصيانتها بنركبها حتي لو خصخصت وبغير ذلك فهذا فراق بيننا وبينك والله المستعان |
مطر قادم تحية طيبة سودانير هي خيارنا الأفضل ولكن تظل المنافسة قوية بينها وبين خطوط طيران أخرى تمتلك أسطول حديث وتحترم وقت ركابها ولا تغامر بأرواحهم ، ونتمنى لسودانير ناقلنا الوطني كل تقدم وإزدهار ولكم ودي صلاح حمد .
| |
|
|
|
|
|
|
Re: سودانير المسكينة نحن وربنا بنحبك (Re: صلاح حمد)
|
اشكر اخوتي البورداب الذين مروا من هنا واي سوداني بيسافر كتير فله غبينة في عنق سودانير يجي يفشها هنا ولنتصافي معها في نقد بناءا ينفعها من باب اسمع كلام الببكيك وبعدها سودانير تراجع وتتطور لتحلق بركابها بين الامم انا افش غبينتي اولا غبينتي تتعلق باسعار التذاكر التي اشارت اليها الاخت انعام فلتكن فئات التذاكر للكل ودون تخفيض لمن يذهب للمدير فالمدير يذهب للراكب وليس العكس مثلا تذكرة اشتريتها من مكتب سودانير من نيالا للخرطوم بمبلغ 400 جنيه ونيف وهي مسافة تقريبا 1000كيلو وساعة طيران طيب التذكرة من الخرطوم للقاهرة بمبلغ 450 جنيه وهي 2000 كيلو متر وساعتين وربع طيران مفروض تذكرة نيالا الخرطوم تكون نصف قيمة تذكرة القاهرة لان المسافة اقل بالنصف وزمن الطيران اقل بالنصف دي لو فهمتونا ليها بنقول شكرا بس بمنطق المسافة والزمن لا اكثر
| |
|
|
|
|
|
|
|