|
|
 على المريخ ان يقيم معسكره الاعدادي بالجزائر
|
نعم افضل مكان يقام فيه معسكر للمريخ الان هو الجزائر ...
بل هو افضل مكان تقام فيه كل معسكرات الفرق الرياضاية والثقافية ..
اولا : لترسيخ العلاقة بين الشعبين التي احيتها مباراة الفاصلة وتثبيت المودة القائمة الان حتى لا تصبح حالة عرضية
ثانيا : سيستفيد المريخ كيثرا من حالة الود والاحساس بالجميل من الشعب الجزائري وسيكون ذلك في شكل القابلة السمحة التي سيجدها المريخ ، والضيافة الكريمة ، وستتبارى معه كل الفرق التي يريد التباري معها ، وستتعامل معه الفنادق وبيوت الشباب باسعار مخفضة ، وستقام المباريات الحبية في جو ودي وبدون عنف او حساسية بحيث لن يؤدي ذلك الى اصابات في الفريق كما حدث في الاعداد السابق
يا جماعة ما تنتهزوا الفرص واتستفيدوا من سبتكم الذي قدمتوه باقتناص الاحد
|
|
 
|
|
|
|
|
|
|
|
Re: على المريخ ان يقيم معسكره الاعدادي بالجزائر (Re: وليد محمد المبارك)
|
وليد ازيك ومشتاقين ياخ
اولا مصر هى التى اختارت السودان وليس الجزائر
ثانيا اغلب الاعلام المريخى كتب قبل المباراة
بقيادة مزمل بانحيازهم للمنتخب المصرى
ثالثا هل نسيتوا الاعلام الجزائرى عندما
اتهمكم بالرشوه وكتب ذلك فى اكثر من
صحيفة ابان مشاركة المريخ فى الكونفدرالية
فى الموسم قبل السابق
رابعا وده المهم بتعسكروا عشان تعملوا شنو
الوصفنة والطيشنه متحمداكم متحمداكم
| |
|
|
|
|
|
|
|
|
|
Re: على المريخ ان يقيم معسكره الاعدادي بالجزائر (Re: طارق الكوتش)
|
يا كوتش حبابك
اولا عارفين مصر هي الاختارت السودان
لكن المحصلة كانت انو مصر اساءت للسودان والجزائر امبارح القريبة دي عملت جايزة رمزية للبشير في تكريم لاعبيها وقرينا مقدار التقدير منهم للسودانين بعد المباراة
ثانيا : انا زاتي كنت مشجع مصر قبل المبارة او الصحيح مشجع المنتخب المصري
شنو يعني ؟
ثالثا ما نسينا : ما انحن متهمنكم بالتزوير هسع دي حا بتطلوا تلعبو معانا ؟
ما مشكلة نكون وصفا طالما بنحشر ليكم في اي مباراة تحكيمها في حبة نزاهة
اخر مرة غلبتونا في الممتاز بتين ؟
| |
|
|
|
|
|
|
|
|
|
Re: على المريخ ان يقيم معسكره الاعدادي بالجزائر (Re: وليد محمد المبارك)
|
فكرة ممتازة...خاصة انو بقي في ود متبادل تجاه الشعب السوداني من الجزائريين وانهم بتكلموا امس مع البشير عن فعاليات ثقافية وغيرها عايزين ينقلوها الايام الجاية متزامنة مع الاستقلال وأبدوا رغبة في دعم البني التحتية للرياضة في السودان وده شعور طيب ويحب تقديره.. في الوكت النبذونا فيه المصريين
لكن بالتابعته ايام مباراة الجزائر ومصر جمال الوالي ما ظنيته زول جزائر
تحياتي يا وليد
| |
|
|
|
|
|
|
|
|
|
Re: على المريخ ان يقيم معسكره الاعدادي بالجزائر (Re: وليد محمد المبارك)
|
| Quote: ما مشكلة نكون وصفا طالما بنحشر ليكم في اي مباراة تحكيمها في حبة نزاهة |
ياها فرفرة المزبوح اولا المباراة الاخيره
- كليتشى ضارب بدون كرة قبل بنية علاء الدين ( ضد سوء السلوك و العنتريات بس توضيح )
- هدف سادومبا الملغى صحيح
- ضربة الجزاء من نسج خيال الحكم
اما كورة التلاته اظنك حتقول لى ضردت الباشا ما صحيحه > كااااااااك
الموسم المنصرم اتلاقينا 4 مرات
2 للهلال ( افريقيا + كاس السودان )
1 للمريخ ( ممتاز )
2 تعادل ( ممتاز + افريقيا )
| Quote: لكن المحصلة كانت انو مصر اساءت للسودان والجزائر امبارح القريبة دي عملت جايزة رمزية للبشير في تكريم لاعبيها وقرينا مقدار التقدير منهم للسودانين بعد المباراة |
سياسة وكذب ونفاق على فكرة مافى فرق بين الجزائر ومصر كل يلعب لمصلحته
وصدقنى لو كانت الجزائر انهزمت كانت انقلبت الآية بعد المباراة وكانت
الجزائر ابدعت فى انواع الاتهام للسودان > مصر و الجزائر ومن لفه لفهم عملات متشابهه
| Quote: ثالثا ما نسينا : ما انحن متهمنكم بالتزوير هسع دي حا بتطلوا تلعبو معانا ؟ |
انتو منو > كااااااااااااااك .... وليد انت لذيذ خلاس
| |
|
|
|
|
|
|
|
|
|
Re: على المريخ ان يقيم معسكره الاعدادي بالجزائر (Re: طارق الكوتش)
|
Quote: الموسم المنصرم اتلاقينا 4 مرات
2 للهلال ( افريقيا + كاس السودان )
1 للمريخ ( ممتاز )
2 تعادل ( ممتاز + افريقيا ) |
خلاص جبت سيرة كلتشي وكمت تلخبت
هسع كلامك الفوق ده لافق
انت قلت اتلاقينا اربعة مرات
كدي اجمع لي
2 + 1+ 2 = كم
هو الحساب غيروه ؟؟؟؟
ده اولا
ثانيا
نسيت السد شايفك
هاهاهاهاهاهاهاهها
هاهاههاهاهاهاها
| |
|
|
|
|
|
|
|
|
 Re: على المريخ ان يقيم معسكره الاعدادي بالجزائر (Re: وليد محمد المبارك)
|
| Quote: اخر مرة غلبتونا في الممتاز بيتن ؟ |
2007
يا شفت شفت السنه ده حلوه كيف
نسبة فوز الهلال للمريخ فى الممتاز كنسبة 2 : 1
كلام ذى البنبان .............................
يعنى كلمة ممتاز ده لو كتبوها الاساتذه فى كراسات اولادك
مفروض تشطبها >>>>>>>>>>>>>>>>>>>>>>>>>>>>>>> كاااااك
| |
|
|
|
|
|
|
|
|
|
Re: على المريخ ان يقيم معسكره الاعدادي بالجزائر (Re: طارق الكوتش)
|
Quote: نسبة فوز الهلال للمريخ فى الممتاز كنسبة 2 : 1
كلام ذى البنبان .............................
يعنى كلمة ممتاز ده لو كتبوها الاساتذه فى كراسات اولادك
مفروض تشطبها >>>>>>>>>>>>>>>>>>>>>>>>>>>>>>> كاااااك |
اها يا كوتش
ونسبة فوز المريخ على الهلال في السودان كم ؟؟؟؟
قول انت بقاااااااااااااا!!!!
ده كلام زي الرصاص عديل
وده بعني
مفروض تشوفق لي اولادك جنسية تاني غير السودانية
وكاااااااااااااااااااااااااااااااااااااااك
| |
|
|
|
|
|
|
|
|
|
Re: على المريخ ان يقيم معسكره الاعدادي بالجزائر (Re: وليد محمد المبارك)
|
وليد
تحياتى وكل سنة وأنت طيب
إقتراحك ممتاز وبيستخدم الرياضة وسيلة لتوطيد الترابط
والعلاقات الطيبة بين الشعوب. خاصة بعد الحميمية بين
الجزائر والسودان بعد مباراتهم مع مصر مؤخراً
* لكن التوقيت غير مناسب من ناحية الطقس .. السقط جا!
كينيا جوها معتدل فى يناير و كنت أحبذ دولة إرتفاعها عالى عن سطح البحر
حيث أن مباراة المريخ الأفريقية الأولى فى أثيوبيا ذات الإرتفاع العالى
والمرتبط بنقص الأكسجين، والذى سيؤثر سلباً على طاقة لاعبى المريخ.
اليمن مرتفعة قد تكون حل مناسب للتدريب فى إرتفاعات عاليه
و قريبه أيضاً من أثيوبيا طيراناً .. وهنالك أيضا سلطنة عمان وتنزانيا
وكله سيحقق روابط مع شعوب ويلدان قريبة منا
* طارق الكوتش الرشاشة المحلى الإختفى بعد غلب مازمبى بالخمسة
دا مالو كمان بيتدخل فى علاقات سودان المريخ الدولية ..
كورة مصر والجزائر أقيمت فى إستاد سودان المريخ،
و العلاقات الطيبة مع الجزائر مرتبطة بالمريخ
وفريق الجزائر سيمر بسودان المريخ فى طريقه لجنوب أفريقيا
وفى يونيو القادم حيث إعتدال الجو بالجزائر سيواصل المريخ
مهامه وواجباته الدولية بتوطيد أواصر الصداقة بين الشعوب
و سيعسكر المريخ بالجزائر!
| |
|
|
|
|
|
|
| |
وليد محمد المبارك
GamarBoBa
فيس بوك
تويتر
انستقرام
يوتيوب
بنتيريست