|
|
 يا جماعه أنا زول بحب السودان جدا جدا..........ممكن تتونسو معاى براحه براحه ؟؟؟
|
يا جماعه نحن متشاكلين لينا أكتر من كم وخمسين سنه كده وإحتمال نتشاكل لينا تانى كم وخمسين سنه كده
وقدر ما حكيت راسى ما لقيت لى طريقة مخارجه من المشكله دى غير إنو ندخل جوه الأوضه من الحر
والقلايه البره دى ونقعد فى الواطه دى ونشرب لينا كوز مويه باااااااارد ونقول :
طيب !!
باقيلكم يا جماعه الإنقاذ دى بعد السوتو فينا دا كلو تانى منها فايده ؟ شين فايدتا ؟
إلا بس كان عاجبكم المثل البقول :
الكلب بدور خناقو
أها كان راجين سيدى الإمام بقول ليكم من هسه, الزول دا موضوعو طويل وشائك وملولو
بمناسبة شائك وملولو دى :
فالو فى واحد أخونا من ناس أبروف ديك كان ماشى جمب طرف البحر زهجان وقرفان ويشكى
لى ألله وفجأه عترت ليه جره . قام رفعها وشحد ربو يكون فيها شيئ منو فايده
بس , أول مافتح الجره جاهو ليك جان كبير مارق من الجره
صاحبنا أعصابو باظت وقعد يرجف وينطط
قام الجان حن عليه وقال ليهو : يا زول قول بسم الله ,أنا ما داير أسوى ليك حاجه .أنا بس كنته مقفول
فى الجره دى لى ميات السنين ومشتهى لى صحن فول كارب , كان جبتو لى بديك فرصه تطلب
طلب واحد وبنفذو ليك طوالى
صاحبنا قام جرى سوق أبروف وظبط ليه فول تمام جبنه وطعميه وزيت سمسم , ما خله حاجه
اها بعد ما الجان ضرب الفول بى مزاج , قام قال لى صاحبنا :
يلا طلبك شنو ؟
قام صاحبنا قال ليهو :
والله أنا بحب نيويورك جدا جدا وأمنيتى أشوفا لكين بخاف من الطياره والبحر ودايرك تبنى لى شارع ظلت
من أبروف دى لحدى نيويورك وتكون كده ما قصرته معاى
قام الجان قال ليه :
يا زول دا موضوع طويل جدا وملولو وكمان فيه الصحراء الكبرى والمحيط الأطلسى وبلاوى كتيره
عشان كده حأديك فرصه تسأل سؤال تانى
قام صاحبنا قال ليه :
طيب يا الجان
نحنا هنا فى السودان عندنا واحد إسمو (سيدى الامام ) . الزول دا يالجان حيرنا عديييييييييييييل كده وأصلو
ما عرفنا ليه طريقه نقول دايرين شريعه يقول لا لازم الديمقراطيه والحريه وشنو كده ما عارف . نقول كويس
دايرين ديمقراطيه يقوم يمشى يجيت لينا عساكر ومشكلتو الكبيره جدا يا الجان إنو :
الزول دا أصلو ما داير يبقى وزير ولا حاجه كده يعنى من الصغار ديك ودايما مصر إنو يبقى رئيس وزره
فعليك ألله يا الجان شوف لينا طريقه خارجنا بيها من الزول دا
قام الجان عاين ليه شديد فى عينو وقال ليه :
أسمع :
إنته الطريق القبيل قلته دايرو لى نيويورك داك
دايرو إتجاه واحد ولا إتجاهين
أها وكان راجين سيدى المكحل المسبسب الحسيب النسيب
يا ها وطاتكم الاصبحت
وكان راجين أبوهم الذى علمهم السحر شيخ الافك والضلال أبدقينه
فحدث ولا حرج
أها نجى لفارس افريقيا , كاوبوى السودان صاحب القبعه المشهوره
الزول دا يا جماعه ما جايب خبر ولا هاميه الحاصل شنو . هسه بكره دى كان قالو ليه نحنا راجعين
بقوم بخت برنيطه فى راسو وبقيف على حيله وينفض جيعيباتو ويتطلب ألله
الناس ديل كلهم يا جماعه والله والله ما منهم فايده
وضايعين فيها نحن المساكين ديل
لكين بصراحه كده يا جماعه
نحنا ما مساكين .
نحنا مصابون بالذهول من شدة ما حل بنا من دمار
نحنا بلد كبييييييييييييييييييييييييييره لكين قرعوبه ساكت ما منها أى فايده
الحاجه البتتحله فى يومين , نحنا تاخد معانا قرنين
ودا كلو عشان نحنا ما عارفين ولا دايرين نعرف نحنا دايرين شنو
حسى لو سألتكم :
أنحنا متشاكلين كده ليه ودايرين شنو , حتقولوا شنو ؟
بس براحه براحه
عسى ولعل نلقى لينا مخرج نتفق عليه
والباقى هين
نواصل
(عدل بواسطة isam elzein on 12-19-2009, 08:45 PM)
|
|
 
|
|
|
|
isam elzein
فيس بوك
تويتر
انستقرام
يوتيوب
بنتيريست