|
إلى ضابط الشرطة الذي صفع المواطن لأجل عيون الوالي: خسـئت يا منافق..سيتبرّأ منك الوالي نفسه!!
|
. أحزنني الخبر قرأته مرتين سألت الناس بكل أسف الخبر صحيح حـتــّـــة ملازم لا راح و لا جاء لا يزال عليه أن يتعلم أبجديات العمل الشرطي بدأ حياته المهنية بصفع سائق ركــشــة!! جريمة المكفوت أنه ركن ركشته بالقرب من سيارة الوالي!! أولآ يا زميل: (.........) فيك و في الوالي بتاعك ثانيآ لا يشرفنا دخول جهلول مثلك للبوليس في غفلة من الزمان ثالثآ، و دة المهم، لمن كنا بنسمع عن ضرب رجال الشرطة للمواطنين كنا بنستميت في إثبات أن الأمر يتم في بعض المكاتب المغلقة و بالدس لأنو خطأ و لا يمكن أن نؤكد حدوثه..و يستميت أكثرنا في تبرئة الضباط باعتبارهم أكثر تأهيلآ و أفضل تعليمآ.. أنت الآن أيقظتنا من وهم و خدر لذيذ ألا لعنة الله عليك و بئس الزميل أنت و و الله أنا مبسوط إني (الآن) في المعاش و إلا كيف يمكنني أن أرتدي شعارآ يتقاسمه معي أحمق بائس مثلك
خســـئــت يا ملازم الســجم
.
|
|
|
|
|
|
|
|
Re: إلى ضابط الشرطة الذي صفع المواطن لأجل عيون الوالي: خسـئت يا منافق..سيتبرّأ منك الوالي نفسه! (Re: الطيب بشير)
|
. سائق ركـتشــة ممكن يكون ضابط شرطة بالمعاش!!
أو أستاذ جامعي ظلمه أصدقاء الوالي بتاعك يا أبله
ممكن يكون شاب لم يدخل كلية الشرطة و مجموعه أحسن منك..بس إنت واسطتك أقوى
في أقل حالاته هو (عامل) بضراعو لكسب العيش
وقف لأداء الصلاة في مسجد
يعني بالعربي كدة مواطن مثالي
بيشتغل و بيصلي في أمان الله..تقوم إنت ترااااح تديهو كف؟؟
لو إنو ضرب الوالي نفســو ما مفروض يكون رد فعلك هذا الكف!!
مفروض تاخدو المحكمة يا غبي..ع شان يحاسبوهو بالقانون موش بي يدك
قرف يقرفك..إنت ما سمعت بالدكتور العادل العاجب؟
و لا عارف سيرتو الذاتية؟؟
هسع إنت يشكوك لي منو؟؟
و تبرر عنفك الأخرق دة بي شــنو؟؟
لا...و نحن نودّي وشــنا وين؟؟
نعصر علي قبيلة الإعلاميين و نخلي ليكم تاريخ بوليسنا و مهنة الآباء و الأجداد؟
بس لأنو إنت عندك عقدة نفسية أو تدريبك ناقص؟؟
أووووف
.
| |
|
|
|
|
|
|
Re: إلى ضابط الشرطة الذي صفع المواطن لأجل عيون الوالي: خسـئت يا منافق..سيتبرّأ منك الوالي نفسه! (Re: الطيب بشير)
|
.
كبكبة منك ع شان كشف التنقلات؟؟...خايف يرموك في منطقة بعيدة؟؟
لعلمك، ليس لجهلك، الكبكبة آخر ما يطلبه كبار المسؤولين
و بعدين لو طبقت القانون ممكن يكون أكثر فاعلية..
يعني مثلآ تشوف وكيل عريف، ليس أعلى أبدآ لأن الموضوع ما بيستاهل، و تكلفو بفتح بلاغ مرور عادي
لكن إنت عاوز تعمل عنتر هاا؟
و بتتصور إنو الوالي ح يقول دة زول تمام..
و ممكن تكون بتتسابق مع حرس الوالي بإنك (عـفـِــن داير دفـِـن)
و الضحية بتاع ركشــة!!
أمانتن في ذمتك لو كان القافل الوالي دة واجد من الجبهجية الغلاد كنت كفــتــّــو؟؟
و الله طـمـّــمــت بطني يا كفوة
.
| |
|
|
|
|
|
|
Re: إلى ضابط الشرطة الذي صفع المواطن لأجل عيون الوالي: خسـئت يا منافق..سيتبرّأ منك الوالي نفسه! (Re: الطيب بشير)
|
أقدر غضبتك يا سعادتو أنا العبد الفقير لربه ( الملكي ) دا زعلت زعل رفع معدلات الضغط والسكري والكوليسترول وهيج على بلاوي كتيرة لأنو ببساطة يمكن الكف دا يكون في صدعي أنا ويكون بجواري ولدي الإنتا شايف صورتو دا يمكن الكف دا يكون في صدع أخوي ولا ود أخوي ولا ود اختي ولا عمي ولا خالي ولا يمكن يكون في صدع أى واحد من أمة محمد الحايمين ديل ، حوامة يعوسون بها على عيش أطفالهم وعندما يدركهم وقت الفريضة يوقفون ( دابتهم ) على أقرب مكان لأدائها لأن ما وقر في إعتقادهم و( اعتقادنا ) كمان أن المسجد هو بيت الله الذي تتلاشى فيه الفروق بين الأمير والوزير وبين الكبير والصغير وبالضرورة بين الوالي وسائق الركشة
المهم يا سعادتك جاء في الخبر أن سعادة الوالي قد وجه المواطن المعتدي عليه أن يفتح بلاغ ليأخذ القانون مجراه لن تجد عاقلاً يذم موقف سعادة الوالي هذا لكن هل هذا يكفي ؟؟؟ مثلما غضب سعادة الضابط ( بالمعاش ) الطيب بشير غيرةً على مهنته ألا يتوجب على إدارة الشرطة وهى على رأس عملها أن ( تغير ) على سمعتها وأن تبادر بإيقاف هذا الضابط ( الجهلول ) عن العمل فوراً وتفتح تحقيقاً تتخذ بناء عليه الإجراء ( الداخلي ) المناسب بحقه ؟؟ هل نترك هذا الحدث رهينة بقيام المعتدي عليه بتنفيذ توجيهات الوالي أن يفتح بلاغ ونحن ندري أن ( آلاف الأجاويد ) سوف يتوافدون على دار المعتدي عليه يثنونه ترغيباً وترهيباً عن عدم ( خراب بيت ) الراجل ؟؟
الخلاصة التي أرى إن أرادت إدارة الشرطة أن تقنعنا أنها ( في خدمة الشعب ) وأنها ( حارس القانون ) وحيث أن القضية قد أصبحت قضية رأى عام عليها أن تبادر بإيقاف هذا الضابط عن العمل فوراً وتفتح تحقيق وفقاً لإجراءاتها وتوقع بالضابط الجزاء المناسب وتعلنه على الملأ . حتى يكون ذلك درساً لكل قوات الشرطة وتطميناً لكل المواطنين
| |
|
|
|
|
|
|
Re: إلى ضابط الشرطة الذي صفع المواطن لأجل عيون الوالي: خسـئت يا منافق..سيتبرّأ منك الوالي نفسه! (Re: عاطف عمر)
|
Quote: سائق ركـتشــة ممكن يكون ضابط شرطة بالمعاش!! أو أستاذ جامعي ظلمه أصدقاء الوالي بتاعك يا أبله ممكن يكون شاب لم يدخل كلية الشرطة و مجموعه أحسن منك..بس إنت واسطتك أقوى في أقل حالاته هو (عامل) بضراعو لكسب العيش وقف لأداء الصلاة في مسجد يعني بالعربي كدة مواطن مثالي بيشتغل و بيصلي في أمان الله..تقوم إنت ترااااح تديهو كف؟؟ لو إنو ضرب الوالي نفســو ما مفروض يكون رد فعلك هذا الكف!! مفروض تاخدو المحكمة يا غبي..ع شان يحاسبوهو بالقانون موش بي يدك قرف يقرفك..إنت ما سمعت بالدكتور العادل العاجب؟ و لا عارف سيرتو الذاتية؟؟ هسع إنت يشكوك لي منو؟؟ و تبرر عنفك الأخرق دة بي شــنو؟؟ لا...و نحن نودّي وشــنا وين؟؟ نعصر علي قبيلة الإعلاميين و نخلي ليكم تاريخ بوليسنا و مهنة الآباء و الأجداد؟ بس لأنو إنت عندك عقدة نفسية أو تدريبك ناقص؟؟ أووووف |
| |
|
|
|
|
|
|
Re: إلى ضابط الشرطة الذي صفع المواطن لأجل عيون الوالي: خسـئت يا منافق..سيتبرّأ منك الوالي نفسه! (Re: Nasr)
|
Quote: جاء في الخبر أن سعادة الوالي قد وجه المواطن المعتدي عليه أن يفتح بلاغ ليأخذ القانون مجراه لن تجد عاقلاً يذم موقف سعادة الوالي هذا لكن هل هذا يكفي ؟؟؟ |
!!!!! و يمكن كمان مدير الشرطة يوجه المواطن بفتح بلاغ ضد الملازم و يمكن كمان النيابة توجه المواطن بفتح بلاغ و ممكن رئيس القضاء و نقيب المحامين يوجههو بفتح بلاغ !! و إيه الغريب طالما انوا "الوالى"وجه المواطن بفتح بلاغ .. و يا والى .. موش المواطن ده من الرعية و انت المسئول من الرعية طيب يا اخى و بالعربى البسيط ما تاخد ليهو حقو .. و بالقانون العندك و العدلتوهو و اجزتوهو ..
| |
|
|
|
|
|
|
Re: إلى ضابط الشرطة الذي صفع المواطن لأجل عيون الوالي: خسـئت يا منافق..سيتبرّأ منك الوالي نفسه! (Re: Nasr)
|
Quote: وحيث أن القضية قد أصبحت قضية رأى عام عليها أن تبادر بإيقاف هذا الضابط عن العمل فوراً وتفتح تحقيق وفقاً لإجراءاتها وتوقع بالضابط الجزاء المناسب وتعلنه على الملأ .حتى يكون ذلك درساً لكل قوات الشرطة وتطميناً لكل المواطنين |
الرأى العام...إيقاف هذا الضابط...تفتح تحقيق....توقع بالضابط الجزاء المناسب....تعلنه على الملأ....حتى يكون درساً لكل قوات الشرطة....وتطميناً لكل المواطنين....
كل جزء من مشاركتك الكريمه يحتاج لمجلد من التعاريف والشرح فى قواميس سودان اليوم ...عند مراجعتى لاحد دواوين الحكومة فى الاعوام الماضيه لاحظت أحد ضباط الجيش يقف فى طابور وسط المواطنين وتعجبت للأمر وسألته على الفور منذ متى صار يقف الضباط فى طوابير المدنيين فرد على (مما زادوه مويه) فحمدت الله أنه (لا تزال حواء والده) وما رئيس وردية جمارك المطار الذى أمر بالسماح لكل ركاب طائرة سوريا بالمرور دون تفتيش أسوة بزوجة مدير عام ....ببعيد...
تصرف هذا الملازم يحتاج لدراسة ومراجعة لكل مناهج كلية وقوانين الشرطة إن لم تك كل القيم التى عرفناها ...
والسؤال اين كنا وأين نحن الآن ؟؟ سؤال لابد لنا أن نقف بكل تجرد ونكران ذات لنسأل أنفسنا عنه ونجد له الاجابة ...على أقل تقدير من أجل المستقبل!!
| |
|
|
|
|
|
|
Re: إلى ضابط الشرطة الذي صفع المواطن لأجل عيون الوالي: خسـئت يا منافق..سيتبرّأ منك الوالي نفسه! (Re: Luay Elhashimi)
|
الحمد لله انه لم اكن عسكريا من قبل فى الشرطة او الجيش ليس عدم تقدير لهم وهى وظيفة مشرفة اذا اعطيت حقها لكن فى السودان ال حاجة عادية للأسف فى العهود العسكرية وحتى الديمقراطية وقد رايت ذلك كثيرا بام عينى عشان كدا قلت عادى وهناك الكثيرون الغاضبون ضرب وبس؟ طيب خد دى: نقيب تلاتة نجمات وليس ملازم مبتدى فى صف كافتيريا كان امه شاب وعندما جاء الشاب (طالب جامعى) ليطلب وبدون ادب وبدون قفز امام الشاب, احتج ذلك الشاب بادب وقال للنقيب, انا قبللك لو سمحت, وهنا اتلادح النقيب وضرب الشاب, وعينك متشوف الا النور, فما كان من الشاب الا ان رفع الضابط فوق وخبط بالضابط الارض وهاك يا ضرب على الضابط وتخيل معاه شرطى تدخل والناس اتدخلوا ومرقوا الضابط المهان من براثن الشاب اليافع القلبو حار. والامر تطور وانتهى لاحقا على خير بعد الواسطات طبعا. عادى وفى مرة كنت فى بص سفرى خلاص على وشك القيام جاء عميد اركان حرب يود تسفير قريبة له ولم يجد لها الا كرسى صغير جانبى بعد ان اشترى لها تذكرة متأخرة, واحتج ان تجلس فى كرسيها الجانبى وقال للسائق الذى لم يكن بيده حل لن يتحرك هذا البص من مكانه اذا لم تجلسها فى كرسى عادى. وتعطل البص وتوقفت السفرية. الى ان تدخل احد الركاب وضحى بكرسيه وجلس فى كرسى النص لحل المشكلة وبعد لك اطلق صراح البص.
عادى
عادة سودانية سيئة
للاسف
| |
|
|
|
|
|
|
Re: إلى ضابط الشرطة الذي صفع المواطن لأجل عيون الوالي: خسـئت يا منافق..سيتبرّأ منك الوالي نفسه! (Re: فتحي البحيري)
|
.
أهلين حبيبنا الباذخ الروعــة فتحي البحيري
أنا مشتاق ليك و مقصـّـر فيك
قول لي..إنت ما ناوي تردّ لي الزيارة اليتيمة؟؟
أنا مبسوط من كتابتك الإبداعي لمنطوق دارجتنا المحببة، و إن بدت لي غريبة الوجه و الرسم و اللسان، لكن مزيد من التعاطي معها يجعلها مألوفة و لن يذهب روعة دهشتها حال كونها مألوفة، لأننا نزعم أن الدارج يملك مقومات البوح أكثر و أدق من هذا الذي لا يكاد يبين...
أما البوليص..فيا عزيزي لك مودّتي و أنت تضعني في مصاف نبلاء الخدمة القصيرة الممتازة..أعياني إنتمائي للشرطة..هو حب من طرف واحد..تعلم كم هو مرهق..لم نجد وسطهم غير الظلم المهني و السخف الرتبوي..لكن رجالآ مشرقين من دفعتنا و قادتنا و بعض من تعلمنا منهم و نحن نقودهم من صف الضباط، هؤلاء النفر بيادة الكريم هم من يمكنه تعويض مآسي البوليص..و هم بكل الحق إضافة حلوة الطعم لحياتنا..
دعك من هذا وتأمل معي حال جهاز الشرطة بكامله "مع احترامنا لكل افراده الجميلين مثلك والشينين مثلي" وهو ينصب نفسه هذه الأيام حاميا مجردا للمفسدين ضد الذين لا يريدون سوى الهتاف المحض و الله يا فتحي موقف الشرطة من فض الشغب كان بائسآ و غير مهنيآ بالذات فلقة البنت..أنا لسع مزعلاني لكن (العزاء) أن فضاض الشغب في كل العالم وهم و لديهم شحن متكرر بأنهم كذا و كذا و نكرر بأنهم أفراد..أي أقل وعيآ، نظريآ، من الضابط كان زمان الفهم إنو لمن يظلمك العسكري بتمشي للضابط لكن هسع بتاع الركشة دة يمشي وين؟؟
.
| |
|
|
|
|
|
|
Re: إلى ضابط الشرطة الذي صفع المواطن لأجل عيون الوالي: خسـئت يا منافق..سيتبرّأ منك الوالي نفسه! (Re: عاطف عمر)
|
.
أهلين يا عاطف عمر يا اخوي
مرحبا بي طلتك البهية
و شكرآ لتقدير غضبتي على زميل الغفلة
ببساطة يمكن الكف دا يكون في صدعي أنا ويكون بجواري ولدي الإنتا شايف صورتو دا
سلامة خـدّك يا سليل الملوك
و نتمنى أن يراك ولدك هذا دائمآ في أحيـــن حال
لكن، بعد كل ما تقدم، كلامك صاح!!
قاهر الرجال هذا، الذي تعوّذ منه الرسول صلى الله عليه و سلم، ممكن يضرب شريف نبيل مثلك أمام عائلته الكريمة..و نحن ننتظر فعلآ من رئاسة الشرطة أن تتبرأ منه و تعلن على الملأ أنه أحيل لقسم السجلات أو التعاون مثلآ ع شان يمسب هناك يحيي طول اليوم!! يقدر يكفت ليهو عقيد و لا لواء!!
لا نملك يا عاطف إلا أن نتمنى فدخولنا لرئاسة الشرطة ذاتها صار ممنوعآ!!
ما بنقدر نقول مقترحاتنا دي إلا لدفعتنا في بيوت المناسبات أو هنا في حوش بكري
تقديري يا أمير
.
| |
|
|
|
|
|
|
Re: إلى ضابط الشرطة الذي صفع المواطن لأجل عيون الوالي: خسـئت يا منافق..سيتبرّأ منك الوالي نفسه! (Re: الطيب بشير)
|
الطيب صاحبي كدي خليهو الضابط الما منضبط هاك ده وكان مكتوب مع نفس الخبر بتاع الضابط
Quote: جرت في اليومين الماضيين وبمقر تابع للمحلية دلالة بيع الكراسي المصادرة من «ستات الشاي» وغيرهن، بجانب دلالة مخلفات أخرى تملأ حوش المحلية بمنطقة أبوحمامة.. عدد الكراسي المصادرة من «ستات الشاي» نحو ألف كرسي وقد وقف مزادها على نحو 5 آلاف جنيه وطبعاً معها مبيعات أخرى ـ بنابر.. وترابيز.. وكافتيرات.. وربما «شباشب» تركتها ستات خلفهن وهن يهرعن جاريات وقت الكشة..! المدهش أن أحد المشترين قال إن ستات الشاي هن اللائي يشترين منه الكراسي ومعدات الشاي الأخرى ليعدن إلى تلقيط أرزاقهن. |
اها الناس العملو المصادرات ديل دحين ما دايريلهون ضابط؟؟؟
| |
|
|
|
|
|
|
Re: إلى ضابط الشرطة الذي صفع المواطن لأجل عيون الوالي: خسـئت يا منافق..سيتبرّأ منك الوالي نفسه! (Re: Adil Ali)
|
.
ألف أهلآ أخي العزيز عادل علي كيف حالك يا أمير و نحن نحمد الله على الكثير
Quote: حتى اليونيفورم لم تعد له تلك الهيبة.... لأن كل من هب ودب بات يرتدي اليونيفورم الآن وعلى كتفه الدبّابير وينتعل سفنجة، وفي الكثير من الأحيان ملتح! |
بلى صدقت يا عزيزي لم يعد اليونيفورم الذي كان يتزيا به إبراهيم الكافي و الطيب عبدالرحمن مختار و عثمان يوسف، عليه الرحمة، و القائمة تطول..كان ذلك ممن أدركنا من جيل العمالقة و صلينا معهم الإنضباط حاضرآ في بهاء أنيق و جمال لا يـُــعلى عليه.. ثم أتى زمن السفنجات و اللحى قيل ثم ماذا؟؟ قال: و الـلــّــغـِــف!!
Quote: هذا هو سودان المشروع الحضاري يا مان... وهؤلاء هم ضباط (الغفلة). |
صدقــت و ربّ الغـضــب نحن في زمن عجيب..بيد أنه آآآآآآآآآآآآفــِــل
.
.
| |
|
|
|
|
|
|
Re: إلى ضابط الشرطة الذي صفع المواطن لأجل عيون الوالي: خسـئت يا منافق..سيتبرّأ منك الوالي نفسه! (Re: Elmosley)
|
. مرحبتين حبيبنا الفنان الموصلي
يا صديقي في المنافي..
ليك وحشة و شوق خرافي
ليك شوقآ ما اعتيادي..
للغناوي و الحكاوي..
للأيام الخالدة تنتح في فؤادي..
(دي تحية قطع أخدر جاتك مقفاة..أها..لو كملناها بتلحنها؟)
Quote: اها الناس العملو المصادرات ديل دحين ما دايريلهون ضابط؟؟؟ |
تعرف قصة الكشات و بيع المعروضات دي عاوزة ليها بوســت كامل..لأنو المشترين هم ستات الشاي ذاااتهم..و لمن الكشة تكون بيت عرقي فالمشترين هم بتاعين العرقي ذاااتهم..أها...مرة أنا حاااااضر كشة قبل بدايتها ست الشاي قالت للعسكري..يا جنابو ما تاخد حق العدة و تفرتق..لكن هرشها و رفع العدة..يبدو لي كلامها كان منطقي..
تقديري ليك
.
.
| |
|
|
|
|
|
|
Re: إلى ضابط الشرطة الذي صفع المواطن لأجل عيون الوالي: خسـئت يا منافق..سيتبرّأ منك الوالي نفسه! (Re: مدثر محمد ادم)
|
الأخ الطيب بشير ... تحياتي:
إنت بصفتك ضابط متقاعد غضبت وثرت و(إتفشّيت) في البوست ده. تصوّر إنو في أشياء بتحصل يومياً ومن رتب مختلفة مش (حتة ملازم) زي ما قلت قدام ناس من أفراد هذا الشعب المغلوب على أمره .. بس ما عندهم طريقة يتفشّوا أو يشتكوا أو يتظلّموا، وإنت بنفسك قلت إنها ما كانت بتتم علناً و(بالبجاحة دي) ... يعني كانت بتحصل .. وصدقني لو كانت علناً أو سراً، وببجاحة أو على استحياء، المهم هنا الإهانة التي يتلقاها المصفوع.
ياخ المسألة خربانة من كُبارها ... وأظن كلنا سمعنا بحادثة الكف الأداهو أبعاج لمهندس الهيئة القومية للكهرباء.
الشغلانة (زندية)
| |
|
|
|
|
|
|
|