|
Re: أمين عام جهاز المغتربين يزور الرياض خلسة ليه كده يا ود الباوقة !! .. صور (Re: ادم الهلباوى)
|
Quote:
د. كرار التهامى أمين عام جهاز العاملين بالخارج .. ليه كده بس كده بس ؟!
|
آدم الهلباوي كيف حالك يابا ما زمان سعادة الدكتور جا وبعلمك وكنت معاه زي موبايلو ... طالع نازل وقديتنا هنا بالفارهة،، والمرسيدس السوداء ،،، وما عارف مشينا غبيرا وجينا من العود ومرينا على منفوحة... وشنو قابلنا كلتوم بت مريود وودينا قولة خير لي ناس بت مسيمس وأشترينا شيلة ود بت عمت الدكتور من البطحا أم سلالم،، وفلان عزمنا عشاء في فروج الأفندي!!!!!
ما خلاص أخدت سحبتك أدي ناس ودالباوقة فرصة معاك وما تحتكر الراجل وتقنب تقول لينا مهمش؟؟؟ وبعدين ياخ ما يمكن الراجل جاي يجدد الإقامة ولا التأشيرة وما عنده وقت ولا الكفيل رايح وبفتش عليه؟؟؟
ولا يمكن مشغول في حملة دعم البشير أصلها اليومين ديل شايفا مسخنة وإجتماعاتها مولعة.
غايتو كان لاقيتو قول له الشايقي بسلم عليك،،، وحات سيدي سلام ساي لي الله والرسول... الشايقي http://www.youtube.com/watch?v=WjNosdjuv7s
[email protected] http://alkatwah.com
.
| |
|
|
|
|
|
|
Re: أمين عام جهاز المغتربين يزور الرياض خلسة ليه كده يا ود الباوقة !! .. صور (Re: ود الباوقة)
|
Quote: أمين عام جهاز المغتربين يزور الرياض خلسة ليه كده يا ود الباوقة !! .. صور |
المرة الفاتت كانت ليهو فيك مآرب أخرى.. المرة دي ممكن مآربو مع ناس ود الباوقة..
إحتمال سعادة الدكتور كرار التهامي (مع التحية) جاي يقسم عائدات شركة المغترب.. وزولك ود الباوقة عامل زوغبير في المرمي (حليلك صلاح غريبة).. غايتو أمس في مراسي الشوق على تليفزيون جمهورية السودان لمحت ليك مجلس المؤسسين قاعدين يبرروا بكلام كبار كبار كيفن يتم تكوين مجلس أمناء الجامعة .. الشركة الحملت اسم المغتربين وغالبية المغتربين آخر من يعلم.. وفي سبق إعلامي قالوا حققت إنجاز غير مسبوق..
إنت رأيك شنو في الحكاية دي؟..
وبعدين تعال إنت مسؤول من الخير..
تسفاي مالو كمان ضابي شنطتو يا الهلباوي..
| |
|
|
|
|
|
|
Re: أمين عام جهاز المغتربين يزور الرياض خلسة ليه كده يا ود الباوقة !! .. صور (Re: ادم الهلباوى)
|
* شايف البوست لم كل الحبايب أخشى أن يكون هذا الهجوم المكثف نتيجة إسقاطات لنقاشات في بوستات أخرى سابقة دارت أحداثها في هذا البورد المشرف بدافع انصر أخاك ظالم أو مظلوما لكن مهما يكن لا يهم كثيرا بقدر ما سوف يكون الرد واجب وشافى !!
* اعتقد أن كل هؤلاء المتحاملين أعضاء فى شركات إستثمار يرأسها المذكور حال عليها الحول ولا بد من تقسيم فوائد الأسهم وونسمع تحت تحت كده من ضمنهاشركة مخصة للبورداب نشاطها فى الصين آتت أكلها وحان قطافها !!
* والمهم والأهم تم الاتفاق بين جهاز تنظيم شئون السودانيين العاملين بالخارج ومصلحة الأراضي بولاية الخرطوم على تشكيل لجنة مشتركة لتنظيم وتنسيق إجراءات منح الأراضي السكنية لشريحة المغتربين وتنظيم إجراءات التقديم. وأكد الدكتور كرار التهامي الأمين العام لجهاز المغتربين في تصريح خاص لـ(smc) أن الجهاز حريص على استقرار المغتربين وتحقيق العودة الآمنة من أجل التواصل مع الوطن مضيفاً أن السكن يأتي في مقدمة عوامل الاستقرار، مشدداً على أهمية التنسيق بين الجهات ومصلحة الأراضي لتقنين عملية توزيع ما توفره المصلحة من قطع سكنية للمغتربين بولاية الخرطوم من خلال تبسيط إجراءات الحصول على الأرض. وأبان التهامي أن اللجنة المشتركة ستعمل على وضع إستراتيجية وأسس للتوزيع لحفظ حقوق المغتربين وتحقيق الأهداف الكلية المتمثلة في تشجيع عودة الكفاءة السودانية بالخارج مؤكداً أن اللجنة سترفع تقريراً مشتركاً للجهات العليا بجهاز المغتربين ومصلحة الأراضي لاتخاذ القرار المناسب في هذا الشأن.
*وعندما وجهنا السؤال للأخ ود الباوقة الزايغ من أمس وظهر اليوم لأننا سمعنا تحت تحت كده إنو هذه القطع بإسم المغتربين ولكن سوف تخصص للاخوة فى المنبر الأعلامى المنشق من جمعية الصحفيين مكافاة لمجهود الذى قاموا به عشان كده وحسب العلاقة الطيبة مع الحبيب ود الباوقة أردنا أن نتاكد لا أكثر ولا أقل .
* أما بالنسبة لما ذكر فى حقى ( الانبطاحة ) لم اذهب لسفارة وأطلب منهم ان يشغلوا لى أخت أو زوجة أو حتى أب يا جماعة الانبطاحة دى شكلها كيف ؟!
| |
|
|
|
|
|
|
Re: أمين عام جهاز المغتربين يزور الرياض خلسة ليه كده يا ود الباوقة !! .. صور (Re: ود الباوقة)
|
Quote: وعندما وجهنا السؤال للأخ ود الباوقة الزايغ من أمس وظهر اليوم لأننا سمعنا تحت تحت كده إنو هذه القطع بإسم المغتربين ولكن سوف تخصص للاخوة فى المنبر الأعلامى المنشق من جمعية الصحفيين مكافاة لمجهود الذى قاموا به عشان كده وحسب العلاقة الطيبة مع الحبيب ود الباوقة أردنا أن نتاكد لا أكثر ولا أقل . |
طيب يا هلباوي مش كان ممكن تتصل بي بالتلفون
بدل الزيطة والزمبريطة السويتا دي في الفاضي
ولا قاعد ليك فوق رأي ...
| |
|
|
|
|
|
|
Re: أمين عام جهاز المغتربين يزور الرياض خلسة ليه كده يا ود الباوقة !! .. صور (Re: ود الباوقة)
|
Quote: وانت جاي تحت رعاية الامم المتحدة ... |
انا لست بوزير اتحادي بحكومة دولة ذات سيادة ولي حصانات وهيلمان واملك من اسرار الدولة ما املك وانت تعرف ما للكفيل هنا من سلطان فوق كل سلطان
وما يهمني اكدته انت بلقافتك ومحاولة القامي حجرا ولكن حجرك اصاب سيادة الوزير الاتحادي الذي لا زال يحتفظ باقامته وتحت رعاية كفيله وعليه ان ياتي لتقديم فروض الولاء والطاعة هنا كل فترة (تجديد اقمة وتجديد تاشيرة وخلافه)
كعادتك يا ود الباوقة مدافعا عن الباطل بالباطل فانت لا ترى ابعد من رجليك فانا متاكد من السيد الوزير الاتحادي نفسه لا يريد لهذه المعلومة ان تعرف عنه وقد احرجته بهذا
Quote: 75ـ (1) يقدم شاغلو المناصب الدستورية التنفيذية والتشريعية وقضاة المحكمة الدستورية والمحاكم العليا وقيادات الخدمة المدنية, لدى توليهم مناصبهم, إقراراً سرياً بالذمة المالية يتضمن ممتلكاتهم والتزاماتهم بما في ذلك ما يتعلق بأزواجهم وأبنائهم وفقاً للقانون.
(2) لا يجوز لرئيس الجمهورية، أو لأي من نائبيه أو مساعديه أو مستشاريه أو رئيس حكومة جنوب السودان أو الوزراء القوميين أو أي من شاغلي المناصب الدستورية والتنفيذية الأخرى، مزاولة أي مهنة خاصة أو ممارسة أي عمل تجاري أو صناعي أو مالي أثناء توليهم لمناصبهم، كما لا يجوز لهم تلقي أي تعويض مالي أو قبول عمل من أي نوع من أي جهة غير الحكومة القومية أو حكومة جنوب السودان أو حكومة ولائية كيفما يكون الحال. |
الاقتباس الفوق ده لو ما عرفته خلي سيادة الوزير الاتحادي الخاضع لقانون الكفالة هنا يوري ليك جا من وين
لا ادري لماذا تتصايحون السيادة السيادة وانتم سيادتكم ناقصة بايديكم من خضوع وزراء اتحاديين لقوانين دولة اخرى وبرضاه لا غصبا عنه
| |
|
|
|
|
|
|
Re: أمين عام جهاز المغتربين يزور الرياض خلسة ليه كده يا ود الباوقة !! .. صور (Re: ود الباوقة)
|
Quote: يعني انت صدقت الدكتور جاي يجدد الاقامة ..
ههههههههههههههه ... |
هرشوك ولا شنو
صدقني اتمنى ان تكون صادقا لاني برضو سوداني ما برضي يجيني اي واحد يقول انا في كفالتي وزيركم
انت اسي في ذمتك بترضاها يكون وزير اتحادي يمشي ويجي يجدد في اقامتو وتاشيرتو وتبقى مصالح العباد معلقة في رقبة المعقب* المشى ديرتو* وقافل جوالو
ــــــــــــــ المعقب : من يتابع اجراءات المكفولين في ادارة الجوازات السعودية ديرتو : حلتو او اهلو
عشان ما يجينا ابوالريش يزرزرنا
| |
|
|
|
|
|
|
Re: أمين عام جهاز المغتربين يزور الرياض خلسة ليه كده يا ود الباوقة !! .. صور (Re: ود الباوقة)
|
Quote: ويجيك انت باي صفة ... |
تركنا ليكم اي شي حتى سودانيتنا دي دايرين تشيلوها
بعدين انت يا جاي ناطي فيني جوز لمن كسرت سنونك انا سالتك انت انا سؤالي موجه لمن قال هذا الكلام امشى اسألوا بعدين افتكر سيادة الوزير معانا هنا في البورد وليهو قلم سنين مش زي قلمك المصدي ده يجي يدافع عن نفسو ويقول انا جاي في مهمة رسمية لحكومة السودان او في زيارة خاصة او اي شئ
يعني من البداية تبين قبل ان تاتي بشئ راجع البوست وشوف مين اللي ذكر موضوع تجديد الاقامة الحارقك ده في الاول منو (ذكره الشايقي)
وعليه سنواصل طرح سؤالنا وكاننا لم نقرأ ردك وكانك لم تقل شيئا يعني تعبك وخمة نفسك دي تروح شمار في مرقة
ولا زال سؤالي مطروحا كما قلته من قبل وبالبونط العريض
هل لا زال السيد وزير المغتربين يحتفظ باقامته وتحت رعاية كفيل ؟
| |
|
|
|
|
|
|
Re: أمين عام جهاز المغتربين يزور الرياض خلسة ليه كده يا ود الباوقة !! .. صور (Re: ود الباوقة)
|
Quote: الرجل وزير ويحمل جواز سفر دبلوماسي . |
ده لو كتبتو في الاول كان نقول ليك ابو الموضوعية ذاتها لكن لما تجي تكتب مثل ادناه لا يرد عليك بموضوعية بل يرد عليك بمثل ما اتيت به كلو عندنا وبطلع عند اللزوم
Quote: وانت جاي تحت رعاية الامم المتحدة ... |
صدقني بعد خمة نفسك هذه واثارتك غبارا كثيفا حول سؤال كان يمكن ان ترد عليه بردك اعلاه بتاع الجواز الدبلوماسي ربما ضررت الرجل من حيث اردت ان تنفعه فالرياض صغيرة جدا وليس بها اسرار
| |
|
|
|
|
|
|
Re: أمين عام جهاز المغتربين يزور الرياض خلسة ليه كده يا ود الباوقة !! .. صور (Re: خالد أحمد شطة)
|
هلا والله بالباشمهندس خالد شطة.. في رحاب ضيافة ود الناظر آدم الهلباوي..
Quote: معقول هذا الوصف يليق بالأمير عبد الرازق الطالب
هوي ياودالباوقة أتورع |
يا باشمهندس ما تهتم للأيام..
ود الباوقة مأمور.. فما تأخذوهو بما يفعل السفهاء منا..
[قطر بضاعة]..
عسى ولعل تاني يلاقي ليهو كدة ملح من مال الشعب الغلبان ده..
أنسى بس.. تعريجة: زمان ود الباوقة ودوهو الفاشر بالطيارة بعد ما حضروه مؤتمر الإعلاميين وجاء راجع مكورك لآدم الهلباوي بالاسم.. الهلباوي قام إحتل البوست ومشطو بالقوات الصديقة بعد ما نضفو من المرتزقة.. وكل رفعة بوست كنا نسمع صياح ود الباوقة على آفاق المدينة.. غايتو ود الباوقة خلاها في حنانو بعد ما طلع خشمو ملح ملح تحت إعجاب صلاح غريبة بإمتصاص ود الباوقة لضربات الهلباوي القانونية.. وحاتك كانت خسارة السفرة الما جابت حقها [غير الندامة]..
آهه هسعي ود الباوقة كاتل ملف وعامل حميل.. وكان جاء راجع تاني ـ بيجيك على سنجة عشرة بجنس نبذ مواخير أطراف المدينة..
| |
|
|
|
|
|
|
Re: أمين عام جهاز المغتربين يزور الرياض خلسة ليه كده يا ود الباوقة !! .. صور (Re: قرشـــو)
|
للفائدة مرة اخرى
صيغة قسم الوزراء الاتحاديين
Quote: 71ـ يؤدى الوزير القومي عند تعيينه اليمين التالية أمام رئيس الجمهورية ليتولى مهام منصبه:ـ
" أنا ..................... وقد عُينت وزيراً قوميا، أقسم بالله العظيم أن أكون في كل الأوقات مخلصاً لجمهورية السودان، وأن التزم بالدستور واحترمه وأصونه وأن أراعى كل قوانين البلاد، وأن أدافع مخلصاً عن استقلالها، وأن أعمل لوحدتها وتوطيد نظام الحكم الديمقراطي اللامركزي الذي أقامه الدستور وأن أبذل صادقاً أقصى جهدي في خدمة الشعب والبلاد، والله على ما أقول شهيد ". |
ومرة اخرى ماذا يقول الدستور
Quote: الإقرار بالذمة المالية وحظر الأعمال الخاصة
75ـ (1) يقدم شاغلو المناصب الدستورية التنفيذية والتشريعية وقضاة المحكمة الدستورية والمحاكم العليا وقيادات الخدمة المدنية, لدى توليهم مناصبهم, إقراراً سرياً بالذمة المالية يتضمن ممتلكاتهم والتزاماتهم بما في ذلك ما يتعلق بأزواجهم وأبنائهم وفقاً للقانون.
(2) لا يجوز لرئيس الجمهورية، أو لأي من نائبيه أو مساعديه أو مستشاريه أو رئيس حكومة جنوب السودان أو الوزراء القوميين أو أي من شاغلي المناصب الدستورية والتنفيذية الأخرى، مزاولة أي مهنة خاصة أو ممارسة أي عمل تجاري أو صناعي أو مالي أثناء توليهم لمناصبهم، كما لا يجوز لهم تلقي أي تعويض مالي أو قبول عمل من أي نوع من أي جهة غير الحكومة القومية أو حكومة جنوب السودان أو حكومة ولائية كيفما يكون الحال. |
| |
|
|
|
|
|
|
Re: أمين عام جهاز المغتربين يزور الرياض خلسة ليه كده يا ود الباوقة !! .. صور (Re: ادم الهلباوى)
|
الحبيب / عبدالرازق الطالب تحياتى ليه كده يا غالى
Quote: ود الباوقة مأمور.. فما تأخذوهو بما يفعل السفهاء منا..
[قطر بضاعة]..
عسى ولعل تاني يلاقي ليهو كدة ملح من مال الشعب الغلبان ده.. |
له له خسمتك بالله والرسول يا سيف الفدا المسلول ود الباوقة ما تجرحة إعتبرها حماقة وذلة لسان
إنت يا غالى ركز لينا على اليهود وأعوانهم أفواه واراتب .. اهى حسنات تلتمس بها طريق إلى الجنة ..
| |
|
|
|
|
|
|
|