|
|
 يا اخوانا المظاهرات أجزت خلاص ونزلت عطلة ؟
|
ما سمعنا بحاجة في الاتنين الجاي ؟؟
طيب خلونا نتكلم بصراحة وبدون تشنج ما دام المظاهرات راقت وهدات , معظم كتاب المنتدي دا ناس كبار اتجاوزوا مرحلة انهم تلاميذ وطلبة , يعني ناس عرفوا الدنيا كويس جدا وبقت عندهم خبرة مناسبة لمواجهة الحياة , منطقي جدا انه اشوف طالب جامعي او ثانوي منفعل جدا بقضية المظاهرات والمكاسب المجنية منها فكلنا مررنا بهذه المرحلة ونعرف جميعا انفعالها وحماسها وغضاضة عقولنا وقلة خبرتنا , ولكن ان يأتي هذا الحماس والانفعال والاشواق والامال من ناس كبار زيكم كدا فهو امر (غير برئ) في نظري لسببين الاول انكم تعرفون جيدا انه المظاهرات (براها) ما بتغير ليها ناظر محطة قطار خليك من تغير ليها حكومة بي صولجانها وامنها , والحاجة التانية انكم كلكم (تقريبا) برة البلد , يعني مافي واحد فيكم وجد في نفسه الحماس والانفعال الكافي انه يقطع ليهو تذكرة طيارة ويلحق مولد المظاهرات دا خاصة وانه كان في اسبوع بين الاتنين والاتنين , خلونا ناخذ شوية امثلة كعينات بس للناس الكانوا منفعلين بالمظاهرات دي اشد الانفعال في المنبر دا : عادل عبد العاطي في (بولندا) ابو ساندرا (في قطر) تراجي (كندا) حيدر بدوي صادق (امريكا) هشام هباني (في التاكسي (اوبس) تكساس) ديل مثال لي ناس كانت اصواتها عالية جدا في المظاهرات وغيرهم الكثير بل تقريبا الكل كانوا بتظاهروا وهم في بلدانهم (الجديدة) من اجل خروج الطلبة بل كانوا بيدفعوا دفع لخروج الطلاب الغريين (للتظاهر امام الحكومة الوعدت بالبطش داخل السودان) يبقي في سببين لانفعال الناس دي الاول انهم دايرين ضحايا من مواجهة الطلبة الاغرار وعسس الحكومة للمتاجرة بهم والابتزاز وتقديمهم للعالم , والتاني انهم كانوا مهياين انفسهم لقطف ثمار تلك المظاهرات المسنودة من قبلهم (كيبورديا) وقطع تذاكر العودة فيما بعد لاستلام جثث الضحايا الاغرار واستلام الحقائب الوزارية في التشكيل الجديد لحكومة ما بعد الانقاذ , لانه مافي سبب منطقي يخلي زول كبير ووحلقومه اكبر (يجعر ويكورك ) في بورد بينما مكان (النضال الجدجد) علي بعد تذكرة سفر هذا واذا علمنا انهم جميعهم لا يعوزهم ثمن تلك التذكرة ولا تستعصي عليهم ليس الخمسة المذكورين في المثال وانما جميع (الهتيفة البورديين) .
الان اتسائل جديا لماذا توقفت المظاهرات الناقمة علي الحكومة والواعدة بازالتها ؟ هل تحسن الحال فجاءة هكذا واصبحت الحكومة ديموقراطية ؟ هل استخلصتم مكتسباتكم جميعها ومستحقاتكم الديموقراطية من الحكومة ؟
(عدل بواسطة اساسي on 12-17-2009, 07:40 AM)
|
|
 
|
|
|
|
|
|
|
 Re: يا اخوانا المظاهرات أجزت خلاص ونزلت عطلة ؟ (Re: اساسي)
|
Quote: يعني مافي واحد فيكم وجد في نفسه الحماس والانفعال الكافي انه يقطع
ليهو تذكرة طيارة ويلحق مولد المظاهرات دا خاصة وانه كان في اسبوع بين
الاتنين والاتنين |
ياخي الواحد تلقاهو ليهو طاشر سنة بره ؛
يجي البلد مايعرف هو نازل في مطار الخرطوم
ولا مطار كاب الجداد (دي حلتنا)
وبعدين العقل الباطن والذاكرة بتقول ليهم
هناك في بيوت اشباح وبيوت نمل .
الناس دي مبرمجة نفسها زي أحمد الجلبي ,يشنقوا
الاسد وهم يدخلوها دخول الفاتحين ؛
مالهم ومال بمبان الحكومة
_
المظاهرات توقفت لسبب بسيط ؛
انو ناتج المظاهرات ذهب للحركة الشعبية ؛
وناس قريعتي راحت طلعوا ملوص ؛
_________
تحياتي يا ابومحمد
| |
|
|
|
|
|
|
|
|
|
Re: يا اخوانا المظاهرات أجزت خلاص ونزلت عطلة ؟ (Re: بشير أحمد)
|
| Quote: يا اخوانا المظاهرات أجزت خلاص ونزلت عطلة ؟ |
موش انتو الاديتوها اجازة وخفضتوا النسبة لى 50% + 1 !
مظاهرة واحدة تانية بتودوا ليهم حق تقرير المصير فى جوبا!
عشان كدة قلنا ما نضغط عليكم!
زمان اللواء عمر الطيب فى 4 ابريل 1985 قال" سوف لن نلاوز" ناسكم الحرامية ديل حيقولوا "المال تلتوا ولا كتلتو"
جنى
| |
|
|
|
|
|
|
|
|
|
Re: يا اخوانا المظاهرات أجزت خلاص ونزلت عطلة ؟ (Re: jini)
|
شكرا يا دكتورنا بشير علي الاضافة الضافية
ــــــــــــ
يا جني انت خايف من تقرير المصير كدا مالك؟ هل بتعتقد انه الجنوبين لا يمتلكون الوعي الكافي لادارة مصالحهم بالوحدة او بالانفصال ؟
الا تري ان هذا الذي تنادي به هو اس المشكلة وهو امتداد للوصاية الشمالية علي الجنوب والتي قامت من اجلها الحرب ووصلت الي تقرير مصير؟
خلو الجنوبيين يقرروا مصيرهم بالطريقة البتناسب طموحهم والعيش بالطريقة التي يرضونها
| |
|
|
|
|
|
|
|
|
|
Re: يا اخوانا المظاهرات أجزت خلاص ونزلت عطلة ؟ (Re: اساسي)
|
يا رااااااااااجل
متوقعك كان تتحدث عن انبراشة ناس نافع واجازة القوانين الخاصة بالاستفتاء والمشورة وابيي معقول يا السماني اربعة سنين عاشوم ( الحب ) ناس نافع ما يجيزو القوانين وفي اربعة ايام بس يوقعو عليها بل ويبصمو وتجي تقول لي ما هي المنافع من المظاهرات ؟؟
بالنسبة لي انا الموضوع عادي جدا كدي نقرب ليك الفهم كان يقع ليك
حسع لو ليك سنين ما شغلت عربيتك ( ولا نقول ليك سيارتك ؟ ) وجيت عاوز تشغلا موش بتشيك اول على الموية والبطارية والزيت ووو الخ حتن بعد داك تسخنا وتدور معاك ؟
اها لو انت جاي تركب البطارية ويجي زول يلزك ويقلعا منك وتاني تركب وتاني يقلع وتكب الزيت يدفقو وتنفخ الكفر تجي تلقاهو بنشرو
شوية شوية تقوى انت وتصلح عربيتك وتسخنا وتركب الظلط
كدا فهمت ولا نمشي باب شريف ؟؟
| |
|
|
|
|
|
|
|
|
|
Re: يا اخوانا المظاهرات أجزت خلاص ونزلت عطلة ؟ (Re: محمد حسن العمدة)
|
Quote: متوقعك كان تتحدث عن انبراشة ناس نافع واجازة القوانين الخاصة بالاستفتاء
والمشورة وابيي معقول يا السماني اربعة سنين عاشوم ( الحب ) ناس نافع ما يجيزو
القوانين وفي اربعة ايام بس يوقعو عليها بل ويبصمو وتجي تقول لي ما هي المنافع من المظاهرات ؟؟ |
يالعمدة، عندي واحد قريبي نتقابل كل نهاية اسبوع. بيتعاطف مع الكيزان لدرجة الهبالة.
بعد اجازة القوانين شايفو قلب على طول. قال لى.. لما هم قادرين يجيزوها بالسرعة دي، ليه متزاوغين
4 سنوات. وقال دي فضيحة عديل كدا.
| |
|
|
|
|
|
|
|
|
|
Re: يا اخوانا المظاهرات أجزت خلاص ونزلت عطلة ؟ (Re: Zoal Wahid)
|
Quote: بعد اجازة القوانين شايفو قلب على طول. قال لى.. لما هم قادرين يجيزوها بالسرعة دي، ليه متزاوغين
4 سنوات. وقال دي فضيحة عديل كدا. |
فضيحة ساي ؟؟
بجلاجل كمان ...
اثبتت انو فعلا الناس دي ما بنفع معاها الا الشلوت
حسع بنسخن ومتابعين مدني وعطبرة وكوستي والابيض ولسع المفاجات جاية بس اساسي دا يلوك الصبر ساي ..
بكرة بتلقى مع مولانا اصبر شوف ..
| |
|
|
|
|
|
|
|
|
|
|
Re: يا اخوانا المظاهرات أجزت خلاص ونزلت عطلة ؟ (Re: Balla Musa)
|
Quote:
متوقعك كان تتحدث عن انبراشة ناس نافع واجازة القوانين الخاصة بالاستفتاء والمشورة وابيي معقول يا السماني اربعة سنين عاشوم ( الحب ) ناس نافع ما يجيزو القوانين وفي اربعة ايام بس يوقعو عليها بل ويبصمو وتجي تقول لي ما هي المنافع من المظاهرات ؟؟ |
ود العمدة بصراحة أنا حاصلة لي حالة لخبطة ....وبقيت ماعارف هي مسيرة ولا مظاهرة ؟؟؟
ده واحد والتاني غرضها شنو ؟؟؟ هل كان غرضها القوانين ؟؟؟ طيب خلاص القوانين أجازوها
تاني في شنو ؟؟؟ ... أنا سؤالي ده لأني سمعت الترابي قال لا المظاهرات دي لحدود إزالة الإنقاذ !!!!
وبعدين ياحني عشان ما يحصل خلط نسبة الـ50%+1 أصلاً كان متفق عليها الماكن متفق عليه هو نسبة المفروض يصوتوا
والإتفاق الأخير إتخيل لي عملها 60% وكان المؤتمر مصر على 75% ونزل لي 65% وسلفاكير قال ما بنرضى بأكتر من 55%
اها الإتفاق الاخير 60% الكسبان منو ؟؟؟؟ وبعدين الحركة قالت قانون الأمن ده مافيه إعتقال بحسب الدستور وكلامها صاح
هسع الليلة محمد الحسن الامين قال الحركة قبلت الإعتقال للجهاز وللشعب ... بس الخلاف في مدته !!!!
| |
|
|
|
|
|
|
|
|
|
Re: يا اخوانا المظاهرات أجزت خلاص ونزلت عطلة ؟ (Re: Ahmed musa)
|
ود العمدة يا أخوي
بعد مداخلة أخونا أحمد موسى حقو تعرف إنك ما كنت عارف:
المسيرة كان هدفها شنو
والخلاف كان في شنو
والاتفاق تم علي شنو
هسع كدي قول لينا في مظاهرات ولا خلاص؟
أساسي
منذ إتفاق أسمرا والحركة الشعبية تسخر المعارضة الشمالية لتحقيق أغراضها
والعالم دي لا بتتعظ ولا بتتعلم
جات نيفاشا
وأُبعدت من المفاوضات تماماً
وتم التقسيم
وطلعت من المولد بدون حمص
والحركة هي الطلعت المسيرة عشان تضغط على الحكومة ،أيضاً لتحقيق أغراضها الخاصة
وباقان ساق الشيوخ حقننا قدامو زي الغنم
وح تحقق الحركة أغراضها وترميهم زي الشيء الكعب
وتاني
وتالت
تحياتي
| |
|
|
|
|
|
|
|
|
|
Re: يا اخوانا المظاهرات أجزت خلاص ونزلت عطلة ؟ (Re: ادريس خليفة علم الهدي)
|
ادريس
ما تطمم بطن اساسي بالاخبار دي، امس كمال عمر اكد لقناة العربية قيام مسيرة سلمية الاسبوع القادم وان المسيرات لن تتوقف حتى الغاء هذا القانون.
يعني يا اساسي نرجع لكلام عمر البشير بتاع شيلوا سلاحكم وتعالوا؟ مسيرات لا، مظاهرات لا، قوانين تجاز بدون اتفاق وكان ما عجبكم ما تمرقوا.
حسب ظني ان الحركة الشعبية لن تشارك في المسيرة القادمة لان مناضليها مشغولين بتلصيق الجنيهات .
| |
|
|
|
|
|
|
|
| |
اساسي
بشير أحمد
jini
Balla Musa
Ahmed musa
الشفيع وراق عبد الرحمن
ادريس خليفة علم الهدي
محمد عمر الفكي
فيس بوك
تويتر
انستقرام
يوتيوب
بنتيريست