|
|
 لو الزمن بقى دورين!!!
|
الحمدالله رجعت امس من السودان وكلى حنين ليهو تانى..الزمن ما أسعفنى أقضى أشياء كثيرة رغم حرصى الشديد على تنظيم وقتى قبل ما أسافر...وحتى فى نهاية اليوم بخطط لليوم الثانى.لكن كل شىء بأمر الله ماشى..
|
|
 
|
|
|
|
|
|
|
|
Re: لو الزمن بقى دورين!!! (Re: ismeil abbas)
|
| Quote: الحمدالله رجعت امس من السودان وكلى حنين ليهو تانى..الزمن ما أسعفنى أقضى أشياء كثيرة رغم حرصى الشديد على تنظيم وقتى قبل ما أسافر...وحتى فى نهاية اليوم بخطط لليوم الثانى.لكن كل شىء بأمر الله ماشى.. |
الحمد لله على السلامه ياسمعه لوبايدى كنت طوعت الليالى الجايات اكتر من الرايحات
| |
|
|
|
|
|
|
|
|
|
Re: لو الزمن بقى دورين!!! (Re: ismeil abbas)
|
سمعة ازيك
كل عام وانت بخير
سبحان الله
اليوم مشيت ليك في المكتب
قالوا لي لسة ما جاء
وانت يا فردة نايم
خلصت الكوتة بتاعة السنة دي والسنة والجاية ( بسب تموين خروف العيد ومستلزماته)
لك حبي الذي تعرف
| |
|
|
|
|
|
|
|
|
|
Re: لو الزمن بقى دورين!!! (Re: ismeil abbas)
|
أخ/خالد المحرب..كيف حالك وأولادك..وخاصة أم احمد..وكل سنة وانتم طيبين يارب...
| Quote: الحمد لله على السلامه ياسمعه لوبايدى كنت طوعت الليالى الجايات اكتر من الرايحات |
تسلم على الشعور الجميل والمرور ألأنيق...نعم الجايات أكثر من الرايحات لو الله مد فى العمر ومتعنا بالصحة....
| |
|
|
|
|
|
|
|
|
|
Re: لو الزمن بقى دورين!!! (Re: ismeil abbas)
|
أول سبب الجوالات..لو عايز تناقش موضوع مع زول أول شىء أقفلوا جوالاتكم........والله الشغلة بقت صعبة خلاص....الجوال يرن جنبك تهبش جيبك..وبعدين الناس بقت ما بتشيل جوال واحد إثنين وما فوق...
يرن عند الزول العندك معاهو موضوع..ينتهى يرن عندك..لحدى ما الزمن يقوت ما تكونوا ناقشتوا العناوين البارزة...
أخوى جا مودينى المطار فتحت معاهو الموضوع فى اول السبيل امبده..رن التلفون خلص جنب السلاح الطبى..قلت ليهو اقفل جوالك عايزك فى أمور مهمة ونحن برانا...رن تلفونى خلص معاى فى شارع الغابة..وكمان إختصرتو الحالة دى...
| |
|
|
|
|
|
|
|
|
|
Re: لو الزمن بقى دورين!!! (Re: ismeil abbas)
|
ثانيآ الوعود .....
جاين بكره..إن شاء الله..ماتعرف جاينك الساعة كم....تقوم من صباحات الله بخير الجماعة ديل ماقلوا جايين..وتنتظر وتعطل اشغالك..وتصحى ألأولاد يا اولاد الناس ديل ماقلو جايين..نصة نهار يجوك لاتعرفو غدا لاتعرفو عشاء..تفتكرهم جايين 4 يجوك سبعة
إنت ذاتك تحتار لحدى ما تتكيف...ديل يعملوا ليهم شنو ياربى فطور وللا موية لحدى الغدا....تسأل زوجتك تقول ليك طبعآ فطور..يا مراة فطور الساعة واحدة..المهم المراة تقوم تحاول ترص فى الصينية..واحد ينط ليك والله فاطرين..ياجماعة كيف الكلام ده.....خلاص يعنى الموضوع بقى غدآ...
والله الناس سمحة وعايزة اللمة لكن لما تعطل ألأشغال وتكتل اليوم ببقى شىء صعب..وإنت جاى وعليك إلتزامات إجتماعية وواجبات من عزاءات وزيارات ومعاودة مرضى..وأفراح...
| |
|
|
|
|
|
|
|
|
|
Re: لو الزمن بقى دورين!!! (Re: ismeil abbas)
|
سماعين مشتاقين
كل عام وانت والأسرة بألف خير
وحمد ألف على سلامة الأسفار
نتمنى ان تكون استمتعت مع الأسرة والأهل والأصحاب
بس شكلوا من عنونك دا القصة في شوية كوجان ، دا السودان ياسمعة نسيج وحده في كل شي
ودي المقيم
| |
|
|
|
|
|
|
|
|
|
Re: لو الزمن بقى دورين!!! (Re: سيف بخيت موسي)
|
أخى العزيز سيف....الزول المهل...عليك السلام وعلى أسرتك ..
قضيت إجازة والحمدالله ممتعة ياسيف..بشكل خيالى..كنت عايز أزيد هذا الجمال لكن زى ماقلت فى حبة كوجان من الناس الحولنا....فعلآ باهو ده السودان الجميل....
لا تستطيع ان تحقق كل حاجاتك بيسر...فى مجتمعنا الجميل الذى يجامل اكثر من ما يجب.....
لك تقديرى ومشتاقين..يا زول شديد....شديد...
| |
|
|
|
|
|
|
|
|
|
Re: لو الزمن بقى دورين!!! (Re: احمد العمار)
|
أخى الجميل احمد العمار..لك التحية ولأسرتك...
Quote: و الله فاقدنك
أحمد العمار |
والله ليكم وحشة شديدة رغم وجودى بين ألأهل وألأحباب وانتم على البال والخاطر دائمآ...
واشكرك على هذا الشعور الجميل وشعور كثير من ألأخوان الكانوا متواصلين معانا.........
| |
|
|
|
|
|
|
|
|
|
Re: لو الزمن بقى دورين!!! (Re: ismeil abbas)
|
Quote: إنت ذاتك تحتار لحدى ما تتكيف...ديل يعملوا ليهم شنو ياربى فطور وللا موية لحدى الغدا....تسأل زوجتك تقول ليك طبعآ فطور..يا مراة فطور الساعة واحدة..المهم المراة تقوم تحاول ترص فى الصينية..واحد ينط ليك والله فاطرين..ياجماعة كيف الكلام ده.....خلاص يعنى الموضوع بقى غدآ...
|
العزيز أبو أحمد
تحيات كميات
حمد لله على السلامة
وان شاء الله تكون لقيت وخليت الاهل بخير
تعرف يا خال
الواحد لما يمشي السودان بفقد بوصلة التوقيت , وبالذات في مسألة الوجبات دي , لأنو قالوا الفطور بين
12 - 2 ظهرا والغداء من 5 - 7 مساء وشكلهم بعملوا باص للعشاء , حتى مسألة الزيارات بقت مشكلة ,
يعني ممكن تمشي تزور ناس المغرب تلاقاهم بتغدوا .
لكن مسألة زول يواعدك ويجيك في موعيدو دي انساها خالص ( ويمكن زاتو انت ما تكون منتظروا في نفس
المواعيد ).
| |
|
|
|
|
|
|
|
|
|
Re: لو الزمن بقى دورين!!! (Re: ismeil abbas)
|
العزيز اسماعيييييييييييييييل
حمدا لله على سلامتك يا ملكQuote: والله صدقت..صليت المغرب....وماشى لبيت ناس ابوى..لقيت ليك أصحاب عباس بتغدوا..قالو لى اتفضل..قلت ليهم ورونى ده إسمو شنو؟؟؟؟؟قالو غدآ قلت ليهم خلاص خلونى ادخل معاكم بنية العشاء....
|
دي شرقتني من الضحك فيك لحمة رباطاب ات ؟
كنت في السودان في اجازة قصيرة مرقت من الصباح جيت المغرب وقعت زي السوسيو
وبعدهاقفلت القزاز ( يعني قفلت باب الحوش ببرميل ) وقلت للجماعة لو جاء اي زول وزوعوه
جاء عمك كبير وتوش زح البرميل وانا والمدام ( الله يرحمها ) اتغطينا بالبطانية وعاملين فيها نائمين
سلام عليكم سلام عليكم وارد له السلام في السر بس وزولك ماش والسلام شغال
لحدي ما هبشنا وقال هي ديل راسين .... كااااااااااااااااااااك
رجع زي الماحصل حاجة
ديل اهلي
البهبشوا الراسين الجمعوهن ديل اهلي
وكان ما جينا من ديل الرماد كال خشمنا
| |
|
|
|
|
|
|
|
|
|
Re: لو الزمن بقى دورين!!! (Re: عبدالله ود البوش)
|
الزول السمح ,,حبيبنا اسماعيل عباس
الف حمدا لله علي السلامة,,, وان شاء الله الاهل جميعا بخير.
اشهد الله فقدناك ودايما في بالنا يا اسماعيل, وعودا حميدا.
سعدنا بي وصولك وطلتك البهية,,, معزتيييييييييييييييي
| |
|
|
|
|
|
|
|
|
|
Re: لو الزمن بقى دورين!!! (Re: عبدالله ود البوش)
|
أخى عبدالله ودالبوش....السلام عليكم...وكل عام وانتم بخير...وانزل الله على حرمك ألف رحمة..
Quote: البهبشوا الراسين الجمعوهن ديل اهلي
وكان ما جينا من ديل الرماد كال خشمنا |
نعم يا عبدالله..يصفقوا لحدى ما يقيفوا فوق راسك ويتبنوا..يمكن تكون ميت!!!!نعم ديل اهلنا وعزنا وفخرنا....
لكن يا عبدالله يا اخوى ما شايف الزمن تغير؟؟؟؟ويجب علينا ان نتغير حياله....
شكرآ لمرورك الجميل دائمآ...
| |
|
|
|
|
|
|
|
|
 Re: لو الزمن بقى دورين!!! (Re: ismeil abbas)
|
| Quote: الحمدالله رجعت امس من السودان وكلى حنين ليهو تانى..الزمن ما أسعفنى أقضى أشياء كثيرة رغم حرصى الشديد على تنظيم وقتى قبل ما أسافر...وحتى فى نهاية اليوم بخطط لليوم الثانى.لكن كل شىء بأمر الله ماشى.. |
الف الف حمداً لله على سلامة الوصول يا ملك
لكن تخيل عنوانك ده جهجهني ليك جهجهة شديدة خلاص
إتخيل قريت العنوان كالتالي أدناه :-
لو البيت بقي دورين !!
وبما إنك كنت في السودان وفكرة البناء في راسك وراسي كمان
اها جات كده .
| |
|
|
|
|
|
|
|
|
|
Re: لو الزمن بقى دورين!!! (Re: هاشم أحمد خلف الله)
|
هاشم يافردة....تسلم على المرور....
Quote: لو البيت بقي دورين !!
وبما إنك كنت في السودان وفكرة البناء في راسك وراسي كمان
اها جات كده . |
إسماعيل حسن مش قال........الجعان بتخيل القمرة فى المصران رغيف.....
إنت حلمان بالبناء الله يحلك ويحلنا يارب........
| |
|
|
|
|
|
|
|
|
|
Re: لو الزمن بقى دورين!!! (Re: ismeil abbas)
|
| Quote: ثانيآ الوعود ..... |
توعدنا وتبخل بالجية 
إزيك يا زول يا زين ..
وحمدالله على السلامة ..
ياخي بلدنا ديك عجيبة شديد ..
تصحى الصباح تشرب كباية الشاي تلقى اليوم إنتهى ..
ما تقدر تعمل فيهو أي حاجة ..
غايتو أحلى حاجة أنا كنت بصحى من النوم بدري وبجهجه ليك ناس البيت ..
الحاجة الله يديها العافية بتصحى بدري بقوم طوالي أمشي أتونس ليك معاها ..
تقول لي جيب عموري دي يرقد جنبي هنا دا ..
وما لينا إلا السمع والطاعة لكن يا حاجة بشغلك ساي خلينا نتونس وأهو بكون راقد جنبي ..
تصر إلا يرقد جنبها أها في الموضوع دا براهو بنقعد نتكلم فيهو نصف ساعة ..
بعد داك يأتي القوم والونسة الصباحة ..
كدا الإجازة مرّ فيها إسبوع
الإسبوع التاني أنا زاتي جهجتو ليك ..
يومين في الصالحة ويومين في شرق الخرطوم الجريف الرياض ..
عشان أقدر أزور أكبر عدد من أهلي الساكنين في الحتة دي وقد حصل ..
غايتو 15 يوم مروا سريع تقول معسكر المريخ في القاهرة
بمناسبة المريخ الوصيف الدائم ياخي ديل أخدو ليك حبتين عند اللزوم زي الما حصل حاجة ..
ودا كلو عشان كرومي الرقاص إستفزاهم يعني كان باقي اللعيبة رقصو الحكاية كانت جاطت عديل كده ..
يعني 11 قون وقيل يصل العدد للإحتياطي زاتو ..
غايتو الإجازة الجاية إلا نحجزك من هسي ..
يعني تجيب خروف الضحية وتضبحو معانا
أبقى طيب يا صاحب ..
| |
|
|
|
|
|
|
|
|
|
Re: لو الزمن بقى دورين!!! (Re: معتصم دفع الله)
|
معتصم أبوعمر الحبيب....
عليك الله يامعتصم شفت جنس الحالة دى....الحمدالله معظم الأجازة متواصلين ومالاقين نتلم مع بعض...ونفسنا وألأسرة يقابلوا ام عمر ويشوفوا عمر... لكن الجايات اكثر من الرايحات إن شاء الله.وفى الحتة دى ببقى ليك سيف الدين الدسوقى والوعد بيناتنا إنك....
Quote: غايتو أحلى حاجة أنا كنت بصحى من النوم بدري وبجهجه ليك ناس البيت ..
الحاجة الله يديها العافية بتصحى بدري بقوم طوالي أمشي أتونس ليك معاها ..
تقول لي جيب عموري دي يرقد جنبي هنا دا |
الله يحفظ ليك ست الكل يارب ومن يعز عليك وعليها...ودى اجمل حاجة فى الدنيا..
أنا بصحى من الفجر..تانى ركلسه...شاى وونسه..وأمشى ناس أبوى جنبنا واصحى ليك أولا اخوانى الصغار.. والله موضوع..غايتو إجازة مرت بخير الحمدالله لكن ما زلنا فى شوق لهذا الجمال والله....ولو الزمن بقى دورين..!!!!
وبعدين يا كابتن..مبروك للهلال هذا الفوز الجميل...وكاسين فى سنة واحده حلوين....وبعدين أكرم ده ما حارس مرمى ....
لك تحياتى الشديده...وشلالات من مودة لك...
| |
|
|
|
|
|
|
|
|
|
Re: لو الزمن بقى دورين!!! (Re: ismeil abbas)
|
سمعة كده تسافر قبال اصل؟؟
كان نفسي اشوفك زي السنه الفاتت..
الخرطوم والسودان عموما بلدا صعب تفارقه وناسه الكيبين..
مواعيدهم فشنك والحاجات علي راحتهم..
لكن برضه بنحبهم...
وملاحظتك صح..
صينية الفطور ولا الغدا زمنهم قرب يبقي عشا..
طبيعة الرجوع للبيت والحركة كلها اتلخبطت..
خاصة مع ناس الاجازات..
عليك الله يا اسماعيل رسل لي نمرة محمد عبد الجليل لو عندك..
لان نمرته القديمة في تلفون تاني..
تحياتي ليك ولناس الرياض
وده رقمي 00249919933165
مشيت لعمده ولا لسه؟؟
| |
|
|
|
|
|
|
|
|
|
Re: لو الزمن بقى دورين!!! (Re: Muna Khugali)
|
اسماعيل
سلام
وقعت فيما يقع فيه 99% من المغتربين في اجازاتهم وهو الفرحة بالاجازة لمن الزمن ينتهي ومافي زمن بدل ضائع
المرة الجاية ضع خطة محكمة وصارمة مثلا
اسبوع مواجبة اهل وصلة رحم
اسبوع اجراءات خروج وزكاة والخدمة الوطنية وهلمجرا
ترفيه
زيارات للاصدقاء
حفلة وداع
اجازة طيبة العام القادم
ودي راحت عليك
وشكرا
ـــــــــــــ
ان شاء لاقيت محمد عكاشة
| |
|
|
|
|
|
|
|
|
|
Re: لو الزمن بقى دورين!!! (Re: ismeil abbas)
|
| Quote: والله الناس سمحة وعايزة اللمة لكن لما تعطل ألأشغال وتكتل اليوم ببقى شىء صعب..وإنت جاى وعليك إلتزامات إجتماعية وواجبات من عزاءات وزيارات ومعاودة مرضى..وأفراح... |
موسيقى خلفية ..
قالو الزمن دوار ويا ريت تعود أيامنــا ..
حليلكـ يا سمعه يا خوي .. انت بس زول سمح شديد وناسكـ كُتار .. وأحبابكـ أكتر
والله أنا بعرف ناس جو راجين سريع عشان ما لقوا اللمَة والونسات ..
| |
|
|
|
|
|
|
|
|
|
Re: لو الزمن بقى دورين!!! (Re: عمران حسن صالح)
|
أخى مطر قادم......لك التحية وشلال من جمال...
Quote: المرة الجاية ضع خطة محكمة وصارمة مثلا
اسبوع مواجبة اهل وصلة رحم
اسبوع اجراءات خروج وزكاة والخدمة الوطنية وهلمجرا
ترفيه
زيارات للاصدقاء
حفلة وداع
اجازة طيبة العام القادم
ودي راحت عليك
وشكرا
ـــــــــــــ
ان شاء لاقيت محمد عكاشة |
لاخطط فى السودان يمكن ان تدار.أنا بجى تقريبآ كل شهرين ونص السودان والحمدالله...فى ناس قايلنى قاعد معاهم..يلومونى لما تحصل حاجة حصلت ليهم..أقول ليهم والله سافرت يا الله يصدقوك...
مواجبة ألأهل والرحم..احمد الله..محيرهم فى حنانهم...وعندى طريقة أصل البيت وخمسة دقائق تلقانى بره.هم عرفوا هذه الطريقة وقدروها فى ظل ضيق الوقت الحاصل ده..أى زول بسوقوا معاى عشان يلف معاى تانى مرة بهرب بحجة إنو انا مشاى...
عن إجراءات الخروج..والله ماعدت معاى اكثر من 6دقائق..ماشاء الله كل شىء مر بسهولة ويسر الحمدالله...
السودان من ما ندخلوا نحن فى إحتفالات ويختلط اللقاء بالوداع...
محمد عكاشة..بالتلفون إلتقينا...ومشيت البيت الكبير متواعدين نتلاقى هناك..شكلو كان مشغول.... كلم صاحبك ده..المرة الجاية نتلاقى فى الرملة الدقاقة عايزو فى موضوع ...
أشكرك على المرور الجميل..يامطر.
| |
|
|
|
|
|
|
|
|
|
Re: لو الزمن بقى دورين!!! (Re: ismeil abbas)
|
سمعة حمدا لله على السلامة
تعرف انا اكثر حاجه بتعزبني وتكرهني الاجازة
خاصة لو كانت قصيرة زي اجزتك دي 0000الفاتحات والبكيات
انا الاجازة الفاتت وصلت الخرطوم وما مشيت البيت كان عندي شغل
اتصلت علي ناس البيت علي الحجة 00قلت ليها انا وصلت الخرطوم وبجي بكرة الصباح انشاء الله
قالت لي لا تعال اليوم عشان حجه السرة جارتنا دي اتوفت اليوم عشان تشيل معاهم الفاتحه
قالت ليها عشلن الفاتحة دي انا ما جاي الكلاكلة
قالت لي انت وين
قالت ليها انا في بحري
قالت خلاص امشي لي ناس محمد عيسي في شمبات عندو اخوه اتوفي!!!!
اتخيل جاي اسبوع لي شغل تقضي كله سلام وفاتحات وما تقابل اي واحد صاحبك
عشان تنفذ برنامجك لازم تمشي اجازة 6شهور
لكن انا البزعلني كمان من ناس السودان
الواحد يقابلك في الاجازة تكون جيت امبارح ومشتاق للناس
يقول ليك انت لسه ما سافرته!!!
تحياتي
| |
|
|
|
|
|
|
|
|
|
Re: لو الزمن بقى دورين!!! (Re: ismeil abbas)
|
عمران ..اخى الجميل.......
ضحكتى.....لمان قريت..جملتك دى...
قلت ياربى موسى خليفة ده منو بألأول....لكن لقيتك بتاع خلفيات وشغل إعلانات خطير باللبن....
بقدر ماسعيد برسالتك الجميلة فى العيد بقدر ما حزنت عشان زى ماقلت مسخنا عليكم العيد....وبنفس القدر لو كنتوا معانا كان تمت البهجة والمسرة......أشكرك على رسالتك المعبرة التى تعكس صدق مشاعرك..وده العاجبنى فيك....
موسيقى خلفية..مع ألوان زرقاء.........وأغنية خليك واضح ياجميل ..بصوت ميرغنى جمعه ومأمون أحمد حسن ما تسألنى شارب شنو شارب شاى أخضر..ولو عايز بصوت زيدان نجيب ليك..
تقديرى الشديد.....
| |
|
|
|
|
|
|
|
|
|
Re: لو الزمن بقى دورين!!! (Re: ismeil abbas)
|
طارق الجميل.....
Quote: لكن انا البزعلني كمان من ناس السودان
الواحد يقابلك في الاجازة تكون جيت امبارح ومشتاق للناس
يقول ليك انت لسه ما سافرته!!!
تحياتي |
تتخيل ياطارق قالوها لى...شكرآ لمرورك الأنيق..
| |
|
|
|
|
|
|
|
|
|
Re: لو الزمن بقى دورين!!! (Re: haroon diyab)
|
أخى العزيز..هارون دياب......السلام عليكم..وكل عام وأنت وألأسرة بخير يارب...
Quote: وفي عيونا بنشيل الصبر
كل العمر.....
|
الله يقدرنا نشيل الصبر فى يدينا مش عيونا...تسلم على المرور..................البهى..
| |
|
|
|
|
|
|
|
|
 Re: لو الزمن بقى دورين!!! (Re: ismeil abbas)
|
اخى العزيز اسماعيل
اولا الف حمدلله على السلامة .. وبركة الرجعت بالسلامة وبركة الشفت الاهل ولقيتم بخير
احنا هنا عندنا الزمن ممحوق شديد.. بتصدق اذا كان عندك اى شغل مفروض
تقضيه وجات عليك الساعه اتناشر الضهر ... وانت ماعملتو خلاص يوم وانتهى عليك والساعات
بتجرى بسرعه غريبه جدا حتى الايام هنا جاريه بينااسرع يومين بيجونا هم السبت والاحد ...اها انت هسه بتتمنى
انو الزمن فى السودان يكون دورين واحنا هنا بنتمنى انو زمنا يكون زى حق السودان لاننا شايفينو ماهل ولا الناس
هم الماهلين ماعارفه ..
تسلم اسماعيل اخوى يارب من كل شر ..
| |
|
|
|
|
|
|
| |
ismeil abbas
خالد المحرب
د.محمد حسن
سيف بخيت موسي
البشير دفع الله
عبدالله ود البوش
سيف الدولة كامل
هاشم أحمد خلف الله
معتصم دفع الله
Muna Khugali
مطر قادم
عمران حسن صالح
طارق عبد اللطيف نقد
haroon diyab
ماجدة عوض خوجلى
فيس بوك
تويتر
انستقرام
يوتيوب
بنتيريست