|
|
 ناس قطر والامارات.. استشارة للعارفين لو سمحتو
|
عندي صديقة غالية علي جداً... درست بكالوريوس تمويل ومصارف، وعندها ماجستير في الإدارة المالية، ليها سبعة سنوات شغالة مع الامم المتحدة، ولفت معاهم الدنيا.. عندها رغبة في البحث عن عمل في قطر او الامارات.. الوظائف الاشتغلتها finance officer وbudget consultant... وحاليا شغاله في المكتب الرئيسي للمنظمة في دولة اوروبية... لكن عندها رغبة تستقر في الامارات او قطر.
البت شاطره، ومجتهدة.. عمرها 30 سنة، وعملت ده كله في حياتها... وحسي بتعمل في certificate في supply chain... يعني ما زولة كسلانه...
المطلوب
(1) شنو هي المسمّيات الوظيفية الممكن افتش ليها فيها... بالعربي طبعا...
(2) شنو الشركات الممكن تشتغل فيهم، وبعائد كويس...
انا طبعا بفتش في المواقع، بس ما قادره اعرف المسميات الممكن تناسبها، وهي كل خبرتها في الامم المتحدة، كل الtitles البتعرفها بالانجليزي... وبصراحة تخصصات ناس الاقتصاد-الادارة-الأعمال.. دي كلها ما بعرف الفرق بينها....
ادونا الراي..
وشكرا مقدماً
|
|
 
|
|
|
|
|
|
|
|
Re: ناس قطر والامارات.. استشارة للعارفين لو سمحتو (Re: هجو الأقرع)
|
بالإضافة لما ذكر أعلاه من الزميل خليل والشيخ هجو
فان جميع المصارف والبنوك بتستاهلها
وبيوت التمويل زي الأولى و.....الخ
وعدد من الشركات الكبيرة
و وزارة الإقتصاد والمالية
وفي البنك المركزي
وسوق الأوراق المالية
أتمنى أن تتلقي رد كمان من الأخوة الهادي هباني ومعتصم عبدالحليم ( رقم صفر )
لعلاقتهما بالمجال
| |
|
|
|
|
|
|
|
|
|
Re: ناس قطر والامارات.. استشارة للعارفين لو سمحتو (Re: أبو ساندرا)
|
سلامات يا مريم ..
حسب دراسة صديقتك وخبرتها فأنا شايفة إنو التخطيط المالي (strategic financial planning)
أو الرقابة المالية (financial controlling) من المجالات الممكن تناسبها والأمر بيرجع ليها طبعاً
بس يا ريت لو وريتيني الـ titles اللي هي خاتاها في راسها بالإنجليزي وأنا أخت ليك مقابلها بالعربي
كده بتكون سهلت علينا وعلى روحها وضيقت نطاق البحث
فرص العمل في الإمارات في الفاينانشيال سيكتر راقدة هي بس تحدد هي عايزة شنو
ومبدئياً كدا دي الريكومينديشنز بتاعتي:
شركة (مبادلة)
جهاز أبوظبي للإستثمار  (chief recommendation  )
معظم بنوك الإمارات قوية ولهذا تعتبر خيارات جذابة
| |
|
|
|
|
|
|
|
|
|
Re: ناس قطر والامارات.. استشارة للعارفين لو سمحتو (Re: مبارك محمد عثمان)
|
| Quote: درست بكالوريوس تمويل ومصارف، وعندها ماجستير في الإدارة المالية، ليها سبعة سنوات شغالة مع الامم الوظائف الاشتغلتها finance officer وbudget consultant... وحاليا شغاله في المكتب الرئيسي للمنظمة في دولة اوروبية. البت شاطره، ومجتهدة.. عمرها 30 سنة، ... وحسي بتعمل في certificate في supply chain... يعني ما زولة كسلانه |
صديقتك دي ما عاوزه ليها عريس ؟؟؟
| |
|
|
|
|
|
|
|
|
 Re: ناس قطر والامارات.. استشارة للعارفين لو سمحتو (Re: ناصر احمد الامين)
|
| Quote: صديقتك دي ما عاوزه ليها عريس ؟؟؟ |
مبروك يا باشمهندس ناصر، مقدماً
ودى خطوة صحيحة فى إتجاه التوظيف فى أبوظيى حيث يقيم العريس المرتقب ...
لو تم المراد و دخلت الإمارات عروس، عندى واسطة للشغل فى جهاز أبوظبى للإستثمار
بس كدى ركزوا لينا فى طلب الباشمهندس ناصر و الباقى ملحوق !!!!
-----
سلام يا بنت الحسين،
البجمع بين رأسن بالحلال أجره أكثر من البلقى وظيفة لصاحبته، مش ؟؟
و ربنا يديم أفراح سودانيزأونلاين
ش
| |
|
|
|
|
|
|
|
|
|
Re: ناس قطر والامارات.. استشارة للعارفين لو سمحتو (Re: بكري عباس علي)
|
khaleel
تحية، وشكرا على المبادرة والرد... وان شاء الله تجيكم قطر... قطر دي مكان ولادة محمود.. واعز بلد على قلبي.... شكرا ليك
هجو
شكرا جزيلا على المعلومات.. وسأبدأ من هناك...
أبوساندرا
والله جبته الرايحه، رقم صفر وهبّاني ايضاً فعلا في نفس الاتجاه إلى حد كبير... ألف شكر على القائمة...
طارق
ألف شكر على اللنك.. لم أجد ما يناسبها، ولكن شكرا لك على المعلومة، سأتابع الموقع كل فترة...
abubak
والله وانا بكتب في البوست، وفي بالي انت تحديدا من ناس الامارات... اتخليت انك بتملك معلومة في الاتجاه ده... الف شكر ليك، وانا بؤمن بالتجربة لحدي النجاح.. نبدا من حسي... ونرمي الشبكة.. وان شاء الله نلقى شي
هارون دياب
والله ذكرتني قطر فاونديشان.. ممكن فعلا يكون عندهم.. حأشوفهم
تيسر عووضة
ايواااا انت شكلك من الجماعة اياهم بتاعين الجوطه بتاعت الاداره والمالية والاقتصاد (انا والدي دكتور في الاداره بالمناسبة) هههه يا ستي انا كتبت انها اشتغلت finance officer وbudget consultant...انا حأخليها تقرا البوست ده، واشوفها حتقول شنو.. وارجع ليك تاني...
مبارك
ألف شكر على العرض... واكيد حتكون مساعدتكم دعم كبير نتمناه.. وربنا يوفق...
ناصر الامين
والله بالغته
شكري ماطوس
انا برسل ليك السيرة الذاتية للزول بتاعك حق جهاز ابوظبي للاستثمار... البت عايزه تشتغل حسي، ما عايزه عرس... مع الاعتذار لناصر
هدى
ربنا يمرقكم من البرد ده، ان شاء الله البوست ده تلقي فيه اجابات تساعدك....
بكري
ألف شكر ليك.. انت كده ساعدتني كتير... انا بتابع معاك انت وتيسير في موضوع الترجمة ده
| |
|
|
|
|
|
|
|
|
|
Re: ناس قطر والامارات.. استشارة للعارفين لو سمحتو (Re: مريم بنت الحسين)
|
تحياتى
انا انصحك انه فى الوقت الحالى لا تفكرى فى اى دولة خليجية وخصوصا الان الازمة المالية اصبحت هاجس مزعج جدا فى دول الخليج
ثانيا اعتقد انه العمل فى الأمم المتحدة به امتيازات لا توجد فى اى دولة خليجية اولا لانه موظف الامم المتحدة عنده حصانة ثانيا الإمتيازات والتسهيلات الى لا توجد فى اى وظيفة بالخليج
انا شخصيا كنت اعمل فى احد مشاريع الأمم المتحدة فى السودان لمدة خمسة سنوات بس للأسف المشروع خلص واضطريت الى الهجرة خارج الوطن
اسمعى النصيحة وخليك فى اممك المتحدة فى اروبا لأنه اروبا ارقى من دول الخليج فى التعامل من كل النواحى
| |
|
|
|
|
|
|
|
|
|
Re: ناس قطر والامارات.. استشارة للعارفين لو سمحتو (Re: مريم بنت الحسين)
|
الأخت العزيزة مريم
أقترح أن تبحثي لها بالمسميات الآتية:
= محلل مالي موزازنات
= أكتبي كلمة "موازنة تقديرية"، وممكن تظهر ليها كثير من الوظائف ذات الصلة.
= أكتبي كلمة "التوقعات المالية" ودي ترجمة ل (Financial Forecasting)، وممكن تظهر ليها كثير من الوظائف ذات الصلة.
= أكتبي كلمة "المحاسبة الادارية"، وممكن تظهر ليها كثير من الوظائف ذات الصلة.
وعلى حد علمي أن مواقع التوظيف كلها تنشر اعلاناتها باللغة الانجليزية وقليلة جدا الوظائف التي تنشر بالعربي، وحتى المنشورة باللغة العربية ستجدينها نفسها منشورة بالانجليزي في مواقع أخرى:
وده موقع متخصص في الوظائف المالية:
http://www.efinancialcareers-gulf.com/
وده كمان واحد:
http://www.reed.co.uk/
بالاضافة الى موقع
Qatar foundation
Qatar Petrolium
وبالتوفيق ان شاء الله.
| |
|
|
|
|
|
|
|
|
|
Re: ناس قطر والامارات.. استشارة للعارفين لو سمحتو (Re: nadus2000)
|
ألف شكر الاستاذ nadus فعلا دي مساعدة كبيرة والله... وحننطلق من الحته دي...
| Quote: وعلى حد علمي أن مواقع التوظيف كلها تنشر اعلاناتها باللغة الانجليزية وقليلة جدا الوظائف التي تنشر بالعربي، وحتى المنشورة باللغة العربية ستجدينها نفسها منشورة بالانجليزي في مواقع أخرى |
ده كلام صحيح، لكن في موقع مهم جداً بنشر الاعلانات بالعربي عشان كده انا كنت محتاجه للمسميات بالعربي.. الموقع ده هو
jobs.moheet.com
وميزته الاساسية انه بجيب الاعلانات بتاعت الصحف، وغالبيتها وظائف حكومية.. وبصراحة انا منشّنة عالي لصحابتي دي...
ألف شكر ليك مرّه اخرى وتحياتي للعزيزة ليلى
| |
|
|
|
|
|
|
|
|
|
Re: ناس قطر والامارات.. استشارة للعارفين لو سمحتو (Re: ناصر احمد الامين)
|
Quote: abubak
والله وانا بكتب في البوست، وفي بالي انت تحديدا من ناس الامارات... اتخليت انك بتملك معلومة في الاتجاه ده... الف شكر ليك، وانا بؤمن بالتجربة لحدي النجاح.. نبدا من حسي... ونرمي الشبكة.. وان شاء الله نلقى شي |
يانتي ما ذكرته هو من واقع عملي ووظيفتي ومراقبتي اليومية لسوق العمل وتواجدي الذي جاوز عقودا ثلاث وهو نفس ما وصيت بهاابنتي الكبري ...توجد شركات ومؤسسات تعلن لوظائف محدودة وربما في نفس التخصصات الا انها تستفيد من حال سوق العمل الراكد منذ عام وتكون عروضها ومزايا الوظائف اقل مما كانت عليه وما ستكون عليه حين يلتقط السوق انفاسه ..تخصصات صديقتك تؤهلها لمواقع متقدمة ومزايا ممتازة ولذا التاني في اختيار الوقت المناسب والجهة المناسبة امر ضروري ..ويمكنها فقط تقديم سيرتها الذاتية الي الوكالات التي اشرت اليها دون تحديد لوظيفة معينة فهذه الوكالات عندها متخصصون يحددون الوظائف وفق المؤهلات وبدقة وخبرة وخصوصا في قطاعات المال والاقتصاد التي توافق تخصصات صديقتك..والله المعين
| |
|
|
|
|
|
|
|
|
|
Re: ناس قطر والامارات.. استشارة للعارفين لو سمحتو (Re: Huda AbdelMoniem)
|
| Quote: عليك اللة ما تصهينى من ناصر الزول دة جادى |
عليك الله كلميها يا هدي ... انا و الله بموت في الناس الطموحين
و طموح زي دا ما لاقاني كلو كلو
ياخي الله يديها الفي مرادها ...... و يديني انا كمان!!!
شكري ..... ما قصرت يا حبيب
انت اول زول في قائمة المدعويين (ان شاء الله)
بس جيب معاك الكيك
| |
|
|
|
|
|
|
|
|
|
Re: ناس قطر والامارات.. استشارة للعارفين لو سمحتو (Re: عبدالرحمن الحلاوي)
|
Quote: أختنا
مريم
سلام
ما عليكم إلا البلاغ |
والله هو الموضوع بلغ الزولة دي لانها متابعة البوست.. يبقى ما علي شي انا...
انا غايته مركّزه في انه نلقى شغل يناسب ما تريده هي لنفسها.. وما نحبه ونرضاه لها.. آخذه في عين الاعتبار الوصايا الجميلة التي كتبها الكثيرون هنا...
ناصر ده، موضوعه ما من اختصاصي 
شكرا على رفع البوست...
| |
|
|
|
|
|
|
|
|
|
Re: ناس قطر والامارات.. استشارة للعارفين لو سمحتو (Re: abubakr)
|
الاستاذ العم أبوبكر.. والله انا لاحظته انه خبراتك في هذا المجال، عشان كده اتوقعته انه رأيك حيفيد كتير.. طيب، لو كان الاتجاه انها تتوظف في مؤسسات حكومية او وزارات، هل كلامك بفضل نفسه؟ يعني يمكن ذبذبة الرواتب دي في القطاعات الخاصة بس.. ولا شنو؟
| |
|
|
|
|
|
|
|
|
|
Re: ناس قطر والامارات.. استشارة للعارفين لو سمحتو (Re: مريم بنت الحسين)
|
| Quote: لو كان الاتجاه انها تتوظف في مؤسسات حكومية او وزارات، هل كلامك بفضل نفسه؟ |
الادارات الحكومية معايير التوظيف عندها تختلف عن المؤسسات الكبيرة الخاصة وبالتالي التعميم يبقي غير وارد ..والادارات الحكومية تعطي اولوية للمواطن حيث هنالك عدة الاف من المواطنيين المؤهليين والقادريين علي ملئ وظائف قيادية ومهنية لا تجد عملا الان وان وجدت وظيفة فهي بالتاكيد اقل راتبا وامتيازات عن وظيفة مماثلة في المؤسسات الخاصة ..
| |
|
|
|
|
|
|
|
|
|
Re: ناس قطر والامارات.. استشارة للعارفين لو سمحتو (Re: مريم بنت الحسين)
|
الأخت مريم،
سلامات..
نصيحـة لهـذه الأخت..
لو ما مسكت الغزال ما تفك الأرنب.
ولو وجدت الوظيفـة إن شاء الله، فلا بد تأتى فى إجازة، وتعمل الكنترات موثق مع محامى حتى لو كانت وظيفة
حكومية، بعد ذلك تستقيل من الأمم المتحدة.
دكتورة فى الصيدلة إتمقلبت، لأنو وفد (تخيلى وفد) من دولة خليجية مشى ليها مخصوص وأتفقوا معاها، لما
تركت وظيفتها وحضرت شغلوها ولكن كل الوعود ذهبت أدراج الرياح.. حتى أضطرت للإستقالة بعد عام وعادت
لوظيفة اقل مما كانت عندها فى الدولة الخليجية الأخرى.. والسبب لم يتم توقيع إتفاقية عمل قبل ذهابها
واعتمدت على الثقـة.
| |
|
|
|
|
|
|
|
|
|
Re: ناس قطر والامارات.. استشارة للعارفين لو سمحتو (Re: Abureesh)
|
العم ابو الريش.. تحية
وشكرا على التنبية، صديقتي تقرأ هذه الردود جميعها، وهي بالتأكيد ستنتبه لكل هذه الامور حين يأتي الاوان ...
الثقة ما اساس ابدا للتعامل الرسمي، وللاسف نحن السودانيين بنتعامل بيها كتير.. بس صاحبتي دي ياما شافت.... عشان كده بتنتبه للحاجات دي... وبالتأكيد كلامك ده حينبهها زيادة...
تحياتي وشكري
| |
|
|
|
|
|
|
|
|
|
Re: ناس قطر والامارات.. استشارة للعارفين لو سمحتو (Re: Abureesh)
|
| Quote: لو ما مسكت الغزال ما تفك الأرنب. |
هذا امر ضروري فلا يجب مطلقا الاستقالة اولا او ترك العمل الحالي الا بعد توقيع عقد وبشروط جزائية ..الخ ...فحالة الاسواق الغير مستقرة حاليا تتضطر شركات كثيرة لعدم الالتزام ببعض التزاماتها الوظيفية ... التاكد من مكانة المخدم الجديد وتاريخه وامكانياته امر ضروري.. كثير ما تكون بعض الوظائف مغرية لكنها لا تستمر كثيرا لاسباب تتعلق باداء ومكانة المخدم ...التقديم العشوائي وقبول عشوائي لوظائف فقط لان راتبها وامتيازاتها مغرية امور يجب التحوط منها ...
| |
|
|
|
|
|
|
|
|
|
Re: ناس قطر والامارات.. استشارة للعارفين لو سمحتو (Re: Abureesh)
|
والله كلام ابوالريش دا صاح وانا حصل معاى السنه الفاتت جهجو لى اجازتى فى السودان لكن استفدت اتجدعت لى اربعه يوم ورجعت وما استغلت من وظيفه
يا بت دكتونا احمد أخوك ناصر دا ماتطنشيهو وظيفتو احسن ليها وعلى اليمين تسعيلو فى موضوعو نشغلا ليك فى الجيش القطرى
| |
|
|
|
|
|
|
|
|
 Re: ناس قطر والامارات.. استشارة للعارفين لو سمحتو (Re: WAD ELGAALI#4)
|
ههههههههههههههه يا ود الجعلي، غايته لو بتجيبوها لي قطر، ناصر ده بشوف ليه فرقه...
لكن سآءلاكم النصيحة، انتو جادين كده في قصة ناصر ده ليه؟؟... الزول ده بهظر... وانا زولة الحاجات دي ما عندي فيها هظار...
بعدين ناصر ده عاين البروفايل بتاعه (مشيت تاوقت لما شفتكم كتّرتوا الواسطات)
Quote: شاعرك المفضل: برضو كتاااار (لكن بشجع اللعبة الحلوة)
عدد الاطفال: اتنين
معلومات اضافية:
مكان العمل: ابوظبي و ضواحيها
|
داير يدبّل بي صاحبتي دي!!!؟ هو انا اليوم ده كله ساكه بوستات تعدد الزوجات، انكر واشجب... اجي ابقى واسطه فيه!
محنكم والله
| |
|
|
|
|
|
|
|
|
|
Re: ناس قطر والامارات.. استشارة للعارفين لو سمحتو (Re: مريم بنت الحسين)
|
طيب يابت الحسين لو ناصر مالفق معاها او مادايره ضره يبقى أخوك جاهز ويا حبذا لو بقت رببليكان ويكون يادار مادخلك شر وعليك أمان الله نفتح ليها شركه خاصه تبقى هى التفتش الموظفين بس بعد سنتين العسل
ربنايوفق صاحبتك ويديهاقدر أحلاما
وتحياتى للوالد ونادر ومحمود اسم ابوى الله يحفظو ويرعاه
| |
|
|
|
|
|
|
|
|
|
Re: ناس قطر والامارات.. استشارة للعارفين لو سمحتو (Re: عمر سعد)
|
| Quote: طيب فى لاعب تالت دخل واسطتو ( هدى عبد المنعم) ( واسماعيل) (والنور حمد) (والخاله اسماء) (وعبد الغنى ) و(مامون) (وابو الريش) |
والله يا عمر سعد واسطتك قوية... وغاتيه سكّتني عديل كده ... هدى عبدالمنعم دي عميل مزدوج ولا شنو
__________________________________
يا اخوانا البوست ده متين قلب من بوست بحث عن وظيفة لبوست بحث عن عريس؟ كله منّك يا ناصر
| |
|
|
|
|
|
|
|
|
 Re: ناس قطر والامارات.. استشارة للعارفين لو سمحتو (Re: مريم بنت الحسين)
|
الكريمة مريم، وضيوفكم
كل عام و أنتم بخير بمناسبة العام الهجرى
وبمناسبة أعياد الإستقلال و العام الميلادى الجديد...
وقت عريس أبوظبى (ناصر) عندكم مخاوف من جهته،
كدى ندور مع عمر سعد، عمر ولدنا من جهتين :
الأولى أمدرمانى أصيل من حى الموردة من أسرة لها جذور و كمان فروع فى تاريخ أم در
(بالمناسبة دى،، العروسة من وين؟؟)
و الثانية من أولادنا المؤصليين و الغارقين فى عزوبيتهم فى الدوحة حاضرة دولة قطر
دعمنا لمشروع ود سعد بنجدع ليكم اللنك ده و هو لشركة قطر للبترول (حيث أعمل) وهى بمثابة
العمود الفقرى لإقتصاد الدولة، التقديم عن طريق النت، بعد مرحلة الشورت لست ممكن ندخل، و ندفع
قولة الخير و فتح الخشم
http://www.qp.com.qa/qp.nsf/jobs?OpenView&Start=1&Count=100&Expand=5#5
Business Analysis and Planning
CPD/03/001 Senior Economist
CPD/08/001 Senior Information Analyst
CPD/08/003 Senior Business Planner
DA/09/001 Senior Planning Coordinator
OSD/04/001 Head Business Analyst
OSD/05/001 Senior Business Analyst
OSD/06/001 Business Analyst
OSD/08/001 Process Analyst
هنالك الكثير من الوظائف المطلوبة (و فى عدة أقسام و دوائر) لها صلة و علاقة بالأعمال الحسابية و الميزانيات و الإدارة المالية و موارد المشاريع و غيره .... و الخير كثير،
Finance and Accounting
FNA/04/001 Consolidation and Group Accountant
FNA/05/001 Financial Analyst
FNA/08/001 QMS Analyst
FNA/08/002 Investment Analyst
FNA/08/003 Finance Controller (Consolidation & Investment Support)
FNA/09/001 QMS Coordinator
FNA/09/002 Senior Financial Procedures Accountant
FNA/09/003 Senior Financial Analyst (Policy & Trg Coord)
FNA/09/004 Senior Systems Accountant
FNF/07/003 Senior Accounting Assistant
FNM/05/002 Cost and Budget Accountant
FNM/08/001 Management & Cost Reports Accountant
FNM/08/002 Chief Accounting Assistant
FNP/04/002 Senior Investor Affairs Officer
FNP/07/005 Senior Public Relations Officer
FNP/09/001 Investor/DSM Affairs officer
PFD/06/001 Senior Financial Advisor
PFD/07/001 Economic Analyst
PFD/07/002 Senior Merger & Acquisition Advisor
-------------------
تفاصيل الإتصال للمزيد بالبروفايل
والله فى كترة وظائف، بس كدى روقواا المنقة و شوفو الخيرة
ش
| |
|
|
|
|
|
|
|
|
|
Re: ناس قطر والامارات.. استشارة للعارفين لو سمحتو (Re: شكرى سليمان ماطوس)
|
هالله هالله.. والله عمك شكري يا صاحبتي نازل بالطول والعرض... عمر سعد ده شكله سرّه باتع (والله انا لسه محتاره كيف الموضوع قلب عرس)....
بالمناسبة يا عمو شكري، انا زاتي كنت شغاله في قطر للبترول قبل ما اتزوج واجي الدمام.. وبتمناها لصاحبتي طبعا.... انا كنت شغاله في مركز التدريب as a computer instructor... لكن حسي كبرنا وبقينا بندرّس في الجامعة...
أما صاحبتي من وين... فده ما بقدر اقوله ليكم.. لانها من اسره مشهورة.. ولو ملاحظ انا معتمة على حاجات كتيره من معلوماتها حافظاً على الخصوصية.... لكن اقدر اقول ليك انه ابوها وابوي من نفس البلد... واهل امها، نار على علم... قصّرنا هههههههههه
انا حأرسل ليك السيرة الذاتية بتاعتها، وحأوريك حنقدم في ياتو وظائف.. وربنا يجيب الخير...
انا شكلي ماشه معاكم في الموجه... وممكن بعد ده الزوله دي تدقّني...رسلوني للشغل، بقيت في عرسان
______________________________________________
Merry Chrismas and happy new year وكل عام وانتم بخير بمناسبة العام الهجري....
| |
|
|
|
|
|
|
|
|
|
Re: ناس قطر والامارات.. استشارة للعارفين لو سمحتو (Re: شكرى سليمان ماطوس)
|
مريم الفاضلة،
و أنا فرحان بمناسبة إعلان الإستقلال فى 19 ديسمبر 1955 من داخل البرلمان
الزعيم الأزهرى (طيب الله ثراه) هو من أعلن الإستقلال و من رفع العلم (بروفايلى)
عمر سعد قال ناوى يسابق تمبسداليا،
شركة بروة العقارية، هى كذلك من إحدى الشركات الفتية فى دولة قطر
http://www.barwa.com.qa/english/eng.html
لها فاينانشيال ارم وهو بنك بروة (بنك المستقبل= كما يحلو لهم)
الوظيفة التالية مش بطالة
:
Group Director Financial Services Education Master's Degree Location Barwa Doha
الرابط
https://barwa.hua.talentxpress.com/ats/js_job_details.php?reqid=16
يلا سخنو لينا اللعب عشان نفوت ناس (تمبسداليا)
ش
| |
|
|
|
|
|
|
|
|
|
Re: ناس قطر والامارات.. استشارة للعارفين لو سمحتو (Re: مريم بنت الحسين)
|
بوست دمه خفيف
تمنياتى لصديقتك بان توفق فى رغبتها باحصول على وظيفة مرموقة فى جو عمل ممتاز وفى مدينة دمها خفيف
يا ناصر
دى مرتبها حيكون اربعين الف درهم وبما ان الرجال قوامون على النساء بما فضلوا فى الرزق فانصحك بالبحث عن وظيفة مرتبها
40000 درهم +1
والواحد قبل الاربعين وبعدين ينظر فى طلبك!
شفت كسير المجاديف كيف!
جنى
| |
|
|
|
|
|
|
|
|
|
Re: ناس قطر والامارات.. استشارة للعارفين لو سمحتو (Re: Dr.Mohammed Ali Elmusharaf)
|
| Quote: طيب يابت الحسين لو ناصر مالفق معاها او مادايره ضره يبقى أخوك جاهز ويا حبذا لو بقت رببليكان ويكون يادار مادخلك شر وعليك أمان الله نفتح ليها شركه خاصه تبقى هى التفتش الموظفين بس بعد سنتين العسل |
ود الجعلي ازيك تاني...اها من حسي اختلفنا... سنتين عسل ... حتجي بعدهم سنيتن عيال.. وتروح البت شمار في مرقة.... لالا يا ود العم.. ما تنفع..
| Quote: توجد وظيفة Senior Budget Analyst وباب التقديم بيقفل يوم 21 |
د.المشرّف.. ألف شكر على نقل المعلومة... انا بخليها تعبي المعلومات كلها الليلة دي... ما بخليها تنوم كان ما ملتهم... وبنديك خبر..
Quote: دى مرتبها حيكون اربعين الف درهم وبما ان الرجال قوامون على النساء بما فضلوا فى الرزق فانصحك بالبحث عن وظيفة مرتبها
40000 درهم +1
والواحد قبل الاربعين وبعدين ينظر فى طلبك!
شفت كسير المجاديف كيف! |
والله يا جنّي، كان الجماعة ديل جادين، ده تكسير قلوب.... ههههههه لكن عندك نقطة محورية وهامة... ولا حتتنازلوا عن القوامة يا شباب؟
| |
|
|
|
|
|
|
|
|
|
Re: ناس قطر والامارات.. استشارة للعارفين لو سمحتو (Re: مريم بنت الحسين)
|
Quote: تحياتى
انا انصحك انه فى الوقت الحالى لا تفكرى فى اى دولة خليجية وخصوصا الان الازمة المالية اصبحت هاجس مزعج جدا فى دول الخليج
ثانيا اعتقد انه العمل فى الأمم المتحدة به امتيازات لا توجد فى اى دولة خليجية اولا لانه موظف الامم المتحدة عنده حصانة ثانيا الإمتيازات والتسهيلات الى لا توجد فى اى وظيفة بالخليج
انا شخصيا كنت اعمل فى احد مشاريع الأمم المتحدة فى السودان لمدة خمسة سنوات بس للأسف المشروع خلص واضطريت الى الهجرة خارج الوطن
اسمعى النصيحة وخليك فى اممك المتحدة فى اروبا لأنه اروبا ارقى من دول الخليج فى التعامل من كل النواحى |
مع احترامي للاخ ، لكن احب ان اوضح بان هذه الايام يجب علي المرء ان يتجه الي الخليج ، وخاصة دولة قطر ، فالازمة المالية جعلت دولة قطر تكتسب الثقة اكثر ، لانها لم تتضرر كثيرا ، بل حتي الضرر استطاعت الدولة ان تعالجه بكل حنكة ، وهذا يظهر جليا في عدم مواجهة اي بنك لاي نوع من انواع التعثر ،، قطر سستجه بعد هذه الثقة الي توسيع مشروعاتها في كل المجالات ، بينما البنوك في العام القادم ستقوم باعادة نشاطها مثل عام 2008 ، وهو قمة النشاط المصرفي في الخليج ككل ,,,
لا اعتقد ان مشكلة صديقة مريم هي اين تقدم ، ولكن يجب عليها ان صياغة السيرة الذاتية لها حسب الوظيفة (وهذا ليس نوع من الخداع بقدر ما هو تسليط الضو علي المهارات والخبرات التي تمتلكها ) فمثلا لو قدمت وظيفة مدير مالي ، يجب ان تظهر بشكل واضح خبراتها في هذا المجال ، لماذا ؟ لان من يقرا السير الذاتية في المرحلة الاولي هم في المعظم موظفي شؤون الموظفين ، وهم قد لا يعملون شكل الوظيفة او المتطلبات ، فمثلا اذا قدمت في وظيفة ما ،يجب ان تنطبق هذه الشروط عليك تماما ،،،،
لن انصح باي وظيفة ولكن يمكنها ان تتجه الي مواقع البنوك ، ويجب عليها في قطر ان تركز علي البنوك الجديدة ، وهي الريان ، الخليجي وبروة ....
ربنا يوفقها ان شاء الله
| |
|
|
|
|
|
|
|
|
|
Re: ناس قطر والامارات.. استشارة للعارفين لو سمحتو (Re: رقم صفر)
|
الاخ رقم صفر.. تحية
| Quote: لا اعتقد ان مشكلة صديقة مريم هي اين تقدم ، ولكن يجب عليها ان صياغة السيرة الذاتية لها حسب الوظيفة (وهذا ليس نوع من الخداع بقدر ما هو تسليط الضو علي المهارات والخبرات التي تمتلكها ) فمثلا لو قدمت وظيفة مدير مالي ، يجب ان تظهر بشكل واضح خبراتها في هذا المجال ، لماذا ؟ لان من يقرا السير الذاتية في المرحلة الاولي هم في المعظم موظفي شؤون الموظفين ، وهم قد لا يعملون شكل الوظيفة او المتطلبات ، فمثلا اذا قدمت في وظيفة ما ،يجب ان تنطبق هذه الشروط عليك تماما ،،،، |
هذه نقطة اساسية، خاصة في مجال فضفاض مثل مجالكم... سأتبع نصيحتك، واخبرها عن الموضوع.. والف شكر على المشاركة والتعليق...
بنت الحسين
| |
|
|
|
|
|
|
| |
مريم بنت الحسين
khaleel
هجو الأقرع
أبو ساندرا
abubakr
haroon diyab
تيسير عووضة
مبارك محمد عثمان
ناصر احمد الامين
شكرى سليمان ماطوس
بكري عباس علي
مصطفى توفيق
nadus2000
حاتم علي
عبدالرحمن الحلاوي
Abureesh
WAD ELGAALI#4
عمر سعد
jini
رقم صفر
فيس بوك
تويتر
انستقرام
يوتيوب
بنتيريست