|
|
 هيثم مصطفى من الاستاد الى الطبيب عقب نهائى كأس السودان
|
اشتكى هيثم مصطفى عقب المباراة بوجع حاد وغريب فى كلتا يديه
خصوصا فى منطقة الكتفين مما استدعى نقله الى الطبيب ليطمئن
الجماهير التى احتشدت من اجل كابتن الهلال والمنتخب بدأ هيثم
منزعج جدا وهو فى انتظار ان يخبره الطبيب حول تداعيات هذه الالم
وزاد من انزعاجه وضجره ان الطبيب بعد ان فحص عليه ابتسم فى برود
شديد لكنه ما ان لمح ذلك الضيق الواضح على هيثم حتى تلاشت ابتسامته
وحلا مكانه نوع من الجمود وهو يسأل هيثم فى صوت خافت :هل حملت اى شى
وزنه ثقيل عقب المباراة ) رد عليه هيثم بالنفى وهو يحاول ان يتذكر
لكنه محاولته باءت الفشل ولم يجد الطبيب سبيل سوى ان يسأله من جديد
عن متى احسست بهذا الالم اجابه هيثم على الفور لم اشعر به الا...ثم
لم يلبث ان قفز من تلك الطاوله التى كان يستلقى عليها وهو يردد
(افتكرته نفس الوجع ده جانى يوم نهائى الدورى الممتاز لكنه لم يكن
بهذه الدرجة ) عندها تنهد الطبيب وكأنه قد توصل الى تشخيص الحالة
وابتسم من جديد وهو يلمح ذلك الفضول الذى انتاب هيثم وهو ينهض ويجلس
على ذلك الكرسى المجاور له ،،اخذ الطبيب قصاصه من الورق يكتب عليها
وهو يسأل هيثم للمرة الثالثه هل حملت الكأس فى المباراتين؟ فاجابه بالايجاب
فواصل الكتابه وهو يقول انت مصاب بروماتيزما الكؤوس وهى تردخات حاده يصاب
بها الشخص الذى يحمل عدد من الكؤوس فى فترات متقاربه وقد كتبت لك بعد المسكنات
شريطه ان تمثل للراحة الكامله خلال الفترة القادمه....
خرج هيثم من عند الطبيب وهو مبتسم ويحمد الله فى صمت على ان الموسم قد انتهى
وليس هناك بطوله او نهائى على المدى القريب حتى لاينتكث من جديد
تسلم ايدينك ياسيدا
(عدل بواسطة مدثر قرجاج on 12-15-2009, 05:56 AM)
|
|
 
|
|
|
|
|
|
|
 Re: هيثم مصطفى من الاستاد الى الطبيب عقب نهائى كأس السودان (Re: نيازي عبدالله مرحوم احمد)
|
Quote: ،،اخذ الطبيب قصاصه من الورق يكتب عليها
وهو يسأل هيثم للمرة الثالثه هل حملت الكأس فى المباراتين؟ فاجابه بالايجاب
فواصل الكتابه وهو يقول انت مصاب بروماتيزما الكؤوس وهى تردخات حاده يصاب
بها الشخص الذى يحمل عدد من الكؤوس فى فترات متقاربه وقد كتبت لك بعد المسكنات
شريطه ان تمثل للراحة الكامله خلال الفترة القادمه.... |
مسكين لأنو ما جرب و ما ح يجرب روماتزما الكؤوس البتجي من برة..دي كمان أغرب و لأنو مسكين خلاص عجز و بعد دا الا يلعب مجاملة ما ح يجربها..
| |
|
|
|
|
|
|
|
|
|
Re: هيثم مصطفى من الاستاد الى الطبيب عقب نهائى كأس السودان (Re: د.يوسف محمد طاهر)
|
Quote: لك التحية أخي مدثر ...
وسلامات لنجم النجوم سيدا ...
وأعتقد أن نفس هذه الحالة قد أصيب بها كابتن برشلونة الإسباني بيجول ...
والنجوم على أشكالها تقع ...
ولك كل الود والتقدير ،،، |
صبرى كيفنك
والله انا من قبيل اقول ياربى الحاله دى ان شفتها وين؟
كتر خيرك فكرتنى بيجول ياهو الانا بقتش فيهو زاتو...
ومبروك الثنائيه...
لك كل الود
| |
|
|
|
|
|
|
|
|
|
Re: هيثم مصطفى من الاستاد الى الطبيب عقب نهائى كأس السودان (Re: مدثر قرجاج)
|
Quote: هيثمنا يبرا ويستبرا .. وإنشاءالله يمينه يعينه ..
والجايات كتتتتتتتتتتتتار .. وده الكلاااااااااااااااااام |
عفاف يافرده
انشاالله طيبه
ربنا يحفظو من رطوبات الكؤوس ويعافيه
والله ياعفاف فتر عديل كل يومين رافع ليه كاس
قدر الضربه ربنا يقويه والسنه الجايه انا بقترح
مايخلوه براهو الناس تتشايل معاه وربنا يصبر الناس
الطلعوا سااااااااااااااااكت
مودتى الاكيده
| |
|
|
|
|
|
|
|
|
|
Re: هيثم مصطفى من الاستاد الى الطبيب عقب نهائى كأس السودان (Re: مدثر قرجاج)
|
Quote: يا راجل التشخيص غلط
دى اثار خمسة مازيمبى
اصلو الحمل كان تقيل
ايمن كنة |
هههههههههههههههههههههه
اقول ليك حاجه نظموا ليكم بطوله رباعيه
وجيبوا معاكم اربعه فرق الهلال مايكون فيها
يمكن يجيكم مرض هيثم ده او يغشاكم ساكت
والله اول مرة اشوف لى ناس بتمنوا المرض وبعد
ده مالاقينوا غايتو جنس ابتلاء عليكم بالصبر ولاشى
غير الصبر
مودتى
| |
|
|
|
|
|
|
|
|
|
Re: هيثم مصطفى من الاستاد الى الطبيب عقب نهائى كأس السودان (Re: مدثر قرجاج)
|
Quote: الغريبه السنه الفاتت وزي المواعيد دي كا بتنا وقائد فريقنا شال نفس الكاسات
لكن ما شكا من حاجه لانو متعود علي حمل الكاسات الخفيفه والثقيله الثقيله دي الخارجيه طبعا
دحين مسعول من الخير كورتكم مع برشلونه متين...
80 سنه من الفشل الذريع ولازال الهلال في اشهر صفر دولي |
يانيازى
قائدكم السنه الفاتت لمن شال الكاسات كان ليهو خمسه سنه
ماشال فيها صفيحه وماخلى ميداليه فضيه فى البلد ،الناس قال
ليك من كترت العجب ماشال الميداليات الفضيه الناس بقت تلقاها
مجدعه فى شوارع كوبر واى زول يلقى ليه واحده واقعه يوديها ليه
فى البيت ... الكاسات الخارجيه الشاله كابتنكم مابعرفه والله الا
يكون قصدك البياخد اربعه فى النهائى معناه شال الكاس يمكن يكون
القانون غيروه .. يارب العجب يمرض بنفس مرض هيثم وانشاالله يخش
فى غيبوبه زاتو من بس يشيل الكؤوس.....
| |
|
|
|
|
|
|
|
|
|
Re: هيثم مصطفى من الاستاد الى الطبيب عقب نهائى كأس السودان (Re: مدثر قرجاج)
|
| Quote: مسكين لأنو ما جرب و ما ح يجرب روماتزما الكؤوس البتجي من برة..دي كمان أغرب و لأنو مسكين خلاص عجز و بعد دا الا يلعب مجاملة ما ح يجربها.. |
الحاج حمد
اليشوف كلامك يتخيل انك بتكلم عن الاهلى المصرى
ماشوفنا ليكم كاسات من بره لو قصدك الزمان ديك
سقطت بالتقادم والدورة بتاعت مانديلا زاته اتلغت
اوع تقول لى كاس دبى لانو حا اضحك طوالى كمان لو
قلت لى سيكافا حاادردق من الضحك عديل لانو حا اتذكر
لمن ناس المريخ اتفقوا بعد الكورة النهائية يلبسوا
الرقم 24 تكريم للعجب لكن يا خسارة لبسوا خازوق
والكاس طاااار والعجب كان داير يمرض لو مره واحده
زى هيثم لكن العافيه جاتوا من زملانوا
... والله لو هيثم مصطفى عجز ولسه بغلب
فيك مرحب بالعواجيز
مودتى
| |
|
|
|
|
|
|
|
|
|
Re: هيثم مصطفى من الاستاد الى الطبيب عقب نهائى كأس السودان (Re: مدثر قرجاج)
|
Quote: 0 سنه من الفشل الذريع ولازال الهلال في اشهر صفر دولي
وسيظل هكذا ل 80 اخري.....!!!!!!
كاااااااااااااااااااااااكـ |
ياصحبى شد حيلك وواجه المشكله بصلابه والصبر هو خير سبيل
لبلوغ الغايات لاتهرب من المصائب بحاجات تانيه حاميانى
وبخصوص سادومبا نحن ماحانخليهو حانعمل ليه مجلس محاسبه
يعنى كان لازم اتنين واحد ماكفايه ... عاجبنى انتو 80 سنه
شلت بطولة افريقيا عشرين مره ماشاء الله عليكم ربنا يغطيكم
ويغطى ليكم فشلكم الطوالى ده بالكاس الواحد الليهو 30 سنه
| |
|
|
|
|
|
|
|
|
|
Re: هيثم مصطفى من الاستاد الى الطبيب عقب نهائى كأس السودان (Re: مدثر قرجاج)
|
Quote: ديل شيالين الكاسات
ومبروك للهلال العظيم
انا غادرت يوم 11-12-2009 |
ياعصام كيفنك ياخ
والله سألت منك اشرف وعبد المنعم وكنت ناوى اجيك اودعك
لكن شكلو انا اتأخرتا
الله يبارك فيك اها رايك شنو فى برشلونه افريقيا ده
حاصد الالقاب وكايد المريخاب والله ياعصام زهجنا زاتو
من حكاية الكؤوس الطوالى دى لكن تقول شنو؟ مع انعدام
المنافسه
مودتى وحمدالله على السلامه
| |
|
|
|
|
|
|
|
|
|
Re: هيثم مصطفى من الاستاد الى الطبيب عقب نهائى كأس السودان (Re: مدثر قرجاج)
|
مشاركة عبر الايميل من هلالابى ظريف وطبعا الهلالاب يعرفون
بخفة الدم وحلاوة الروح
Quote: أدروب عمل شكلة مع فلسطيني، والفلسطيني مدرب كاراتيه
وأساليب قتالية، كسر ليك أدروب علقة تمام، أخينا أدروب دمه
سايل وشلاليفه مورمات عاين للفلسطيني وقال ليه أهة اسرائيل كيف
النكتة مهداة للجماعة البقولوا الهلال ما عنده بطولة أجنبية |
مشكور ياولدنا
| |
|
|
|
|
|
|
|
|
|
Re: هيثم مصطفى من الاستاد الى الطبيب عقب نهائى كأس السودان (Re: مدثر قرجاج)
|
تقدم صديقي لخطبت إحدى الحسناوات
سأله والد العروس هل أنت مريخابي أم هلالابي؟!!
حينها احتار صديقي في السؤال.. وقال في سره ربما لو قلت الحقيقة لضاعت من الأموره..!!
حينها توكل على الله وقال بأنه مريخابي
وعلى الفور وافق والد العروس على إتمام مراسيم الخطوبه
.....
....
.....
....
بعد فترة من الخطوبة سأل صديقي صهره المرتقب
لدي سؤال يحيرني.؟؟؟؟
قال له والد العروس:-
اها سؤالك شنو؟؟؟
قال صديقي: لماذا سألتني هل أنت مريخابي أم هلابي ؟..
قال والد العروس: والله يا ولدي أنا هلالابي على السكين..
لكن...
لكن قلت في نفسي البصبر على المريخ ده... بصبر علي بتي.....
| |
|
|
|
|
|
|
|
|
|
Re: هيثم مصطفى من الاستاد الى الطبيب عقب نهائى كأس السودان (Re: على محمد على بشير)
|
Quote: هيثم كضاب ورب الكعبه
ايدينو كويسات واكتافه ما فيهن العوجه
اها شوف اكتافه فى الصوره دى شايله ايدينه
وشوف ايدينه كانت بتعمل لينا احنا جمهور المريخ فى شنو
|
على حبابك الف وعساك طيب
لا اعرف بالضبط مامعنى التلويح الذى فى الصورة فهذه
الحركه لها دلالات كثيره جدا ويستخدمها بعض الناس
للتعبير عن سحق المنافس كما يستخدمها البعض فى
معانى اخرى واظن ان الكابتن هيثم كان يعبر للجمماهير
عن سروره وفرحه بدحر المريخ اى الفوز عليه .....
بعدين يا اخوى لو قمنا وجبنا الصور ومقاطع الفيديو
والله بتتعبوا معانا خلينا كده نحن الحصل فى نهائى
الممتاز مشيناه وقولناكل الانفعالات والحاجات الحصلت
دى لانهم فرحانين بالنصر ولم نخرج عليكم بتلك الراقصات
والحركات العجيبه وقولنا الرد حايكون فى نهائى السودان
فكانا لنا .....
محبتى ياكومندان
| |
|
|
|
|
|
|
| |
مدثر قرجاج
اشرف عبدالودود
سيف الدولة كامل
البدري عبد الله
ALGARADABI
عفاف الصادق بابكر
عمار محمد ادم
omer osman
نيازي عبدالله مرحوم احمد
الحاج حمد الحاج
د.يوسف محمد طاهر
انس التوم احمد
عبدالله كع
haroon diyab
عصام علي أحمد
على محمد على بشير
فيس بوك
تويتر
انستقرام
يوتيوب
بنتيريست