|
|
|
 Re: منـــاضـــــلي الكيبـــــــورد !!!! (Re: emad altaib)
|
Quote: مع كامل الاحترام لكل وسائل الاعلام المقروءه والمسموعه..
لكن النت اصبح الاكثر فاعليه وسرعه في نشر الخبر وتلقي المعلومه..
يعني نضال الكيبورد دا بقى اقوى من الرصاص..
بقى سلاح بنواجهكم بيهو ويكشف ويفضح افعالكم المشينه ودكتاتوريتكم..
وستكون المقاومة شامله ..
مسيرات .. مظاهرات .. هاتفات .. نضال كيبورد .. حصار شامل لفضح ممارساتكم ضد هذا الشعب الصابر. |
صح لسانك يا حبيبة
ولا نامت أعين الجبناء!
لنا
| |
 
|
|
|
|
|
|
|
 Re: منـــاضـــــلي الكيبـــــــورد !!!! (Re: lana mahdi)
|
لنا مهدي ...
حبيبة الكل...
والله داركم اول امس كانت عامرة وتشرح النفس ....
كل الوان الطيف السوداني ...
وحده جميله وعجيبه رغم اختلاف التوجهات السياسيه ..
لكن دا الجو الصحي والصاح .. في النهايه الهدف السودان.
مزعلاني شديد جملة مناضلي الكيبورد الحايمه اليومين ديل ..
وبعدين بيقولوها ليك كدا زي النبذه ..
تحياتي يا جميله..
| |
|
|
|
|
|
|
|
|
|
Re: منـــاضـــــلي الكيبـــــــورد !!!! (Re: Randa Hatim)
|
| Quote: ولا ياربي يمكن عشان "طقطقتكم" في الله وكيبوردكم "اسلامي" |
يا ناس مالكم عاوزين تجيبوا لينا الهواء ..
إقوموا ناس الهيئة ديل إجونا ناطين ببيان وإحرموا عليناعضوية سودانيزأو لاين ..
ولا يا رندا عجايب ..
لك التحية ..
| |
|
|
|
|
|
|
|
|
|
Re: منـــاضـــــلي الكيبـــــــورد !!!! (Re: عروة علي موسى)
|
كلام مليان يا رندا :
Quote:
دي اكثر الإساءات شيوعا في البورد اليومين ديل ...
تكتب مداخله يجيك واحد ناطي من الكيزان يقول ليك "مناضلي الكيبورد"
سمح هو بيكتب مداخلتو دي كيف ياربي؟؟؟؟
طيب بدل يضيع زمنو الغالي في الرد على "مناضلي الكيبورد"
ما يستفيد منو ويمشي يصيغ ليهو فتوى كاااربه يتخارج بيها بعدين ..
ولا يلبس كاكي ويمشي يحرس القصر ولا المجلس ولا البرلمان!!!
مع كامل الاحترام لكل وسائل الاعلام المقروءه والمسموعه..
لكن النت اصبح الاكثر فاعليه وسرعه في نشر الخبر وتلقي المعلومه..
يعني نضال الكيبورد دا بقى اقوى من الرصاص..
بقى سلاح بنواجهكم بيهو ويكشف ويفضح افعالكم المشينه ودكتاتوريتكم..
وستكون المقاومة شامله ..
مسيرات .. مظاهرات .. هاتفات .. نضال كيبورد .. حصار شامل لفضح ممارساتكم ضد هذا الشعب الصابر.
تخريمه بالفصحى:
الم تعلموا يا هؤلاء ان منبر سودانيزاونلاين اصبح الان احد المصادر المعتمده لاستقاء المعلومة ومعرفة ما يجري في الساحه السياسية السودانية.
تخريمه بالعاميه:
وكت اصلوا طقطقة الكيبورد دا بقت نبذه انتو مالكم عينكم للغلط وتعملوا فيهو...
هسي كدا انتو بتنبذوا في روحكم كمان ...
ولا ياربي يمكن عشان "طقطقتكم" في الله وكيبوردكم "اسلامي" |
| |
|
|
|
|
|
|
|
|
|
Re: منـــاضـــــلي الكيبـــــــورد !!!! (Re: عاطف مكاوى)
|
رندا سلامات
اضيفى واحده تانيه
مناتلى الكيبورد
ويا قولك هى وقت المناتله الكيبورديه دى متفهة قدر ده
وما عندها قيمةالمناتله معاها لزومها شنو؟؟؟؟؟
وايضا بالفصحى
الا يعلم هؤلاء ان غدا لناظره قريب
حتى ولو كان هذا الغدا بحساب الف سنة
مما يعدون
الله فى
| |
|
|
|
|
|
|
|
|
|
Re: منـــاضـــــلي الكيبـــــــورد !!!! (Re: عروة علي موسى)
|
والله يا عروه هم طلعوا فتوى قالوا المظاهرات حرام..
تفتكر ما ممكن يكونو مطلعين فتوى لعضويتهم الهنا ديل انو الطقطقه في الكيبورد لغير الكيزان حرام
او يطلعوا فتوى تانية يحرموا فيها الكيبورد دا مره واحده...
ويعتبرو مندرج تحت قائمة البدع وعليه فان كل بدعه ضلاله وكل ضلاله في النار..
غايتو في ظل الفرفره وحراق الروح الحاصل ليهم دا .. اي فتوى ممكن تطلع.
| |
|
|
|
|
|
|
|
|
|
Re: منـــاضـــــلي الكيبـــــــورد !!!! (Re: Randa Hatim)
|
الاحباء
عاطف وسهام ..
رايكم شنو لما يجي واحد يبرر ويقول ليك انا ما قلتها بمعنى نبذ انا بقصد بيها ناس معارضة الفنادق !!!!
يا اخوانا ...
علاقة الفنادق بالكيبورد شنو؟؟؟؟
بالتحديد كيبوردنا دا ..هنا في سودانيزاونلاين...
والله دا كيبورد اغبش وكل همو انو رطل السكر ما يبقى بي تلاته جنية..
| |
|
|
|
|
|
|
|
|
|
Re: منـــاضـــــلي الكيبـــــــورد !!!! (Re: أبو ساندرا)
|
ابو البنيات..
ازيك ياخي وازي رشيده ...
والبت المصيبه ماهيتاب ...
قلنا عامل السن وكدا بقينا ما بنقدر على الجري الكتير والسك سك ..
اها قلنا نكتر من نضال الكيبورد ونسد بيهو الفرقه .. وحاتك لقيناهم كل كلمه والتانية "مناضلي الكيبورد .. مناضلي الكيبورد".
نسوي شنو ذاتو معاهم ما عارفين .. والله حيرونا!!!!
| |
|
|
|
|
|
|
|
|
|
Re: منـــاضـــــلي الكيبـــــــورد !!!! (Re: ود الباوقة)
|
ود الباوقه...
حبابك..
والله انتو الحيرتونا..
نناضل معاكم بالكيبورد ... زينا زيكم ... طقه بي طقه..
تجوا تقولوها لينا في وشنا التقول عيبه..
اها قلنا يمكن كيبورديكم دا اسلامي ...
النبي ما تدي اختك واحد..
ياخي كل سنه وانت طيب.
| |
|
|
|
|
|
|
|
|
 Re: منـــاضـــــلي الكيبـــــــورد !!!! (Re: Randa Hatim)
|
رندا يا شجرة الطيب (العود) الفايح سلامات
طاب المقام وحسن المقال وليتهم يفقهون
"نضال البورد" من أشرف النضال... وأخطره
يهابونه لأنه يصيبهم في مقتل ويعريهم ويكشف عوراتهم
والتي ظنوا أن حسن ملبسهم وتدثرهم قد يخفي فظائعهم
التي إرتكبوها بحق الشعب والتاريخ
لا إرادة لهم... وتنقصهم سعة الصدر
لنكتب... ولنكشف ولنعري ونعزل ولننال شرف النضال الأسفيري
أو ما يعرف بـ "نضال البورد"
ودمتي...
| |
|
|
|
|
|
|
|
|
 Re: منـــاضـــــلي الكيبـــــــورد !!!! (Re: Mohamed Yassin Khalifa)
|
سلامٌ عليك يا صديقي ..
محمد الخليفه...ازيك انت وعساكا طيب..
Quote: طاب المقام وحسن المقال وليتهم يفقهون
"نضال البورد" من أشرف النضال... وأخطره
يهابونه لأنه يصيبهم في مقتل ويعريهم ويكشف عوراتهم
والتي ظنوا أن حسن ملبسهم وتدثرهم قد يخفي فظائعهم
التي إرتكبوها بحق الشعب والتاريخ
لا إرادة لهم... وتنقصهم سعة الصدر
لنكتب... ولنكشف ولنعري ونعزل ولننال شرف النضال الأسفيري
أو ما يعرف بـ "نضال البورد" |
تاني حرف فوق لي كلامك دا انا مابزيدو ..
اقعد عافيه..
| |
|
|
|
|
|
|
|
|
|
Re: منـــاضـــــلي الكيبـــــــورد !!!! (Re: emad altaib)
|
رندا حاتم
البت الحديقه....مرحيا بعودتك القويه
يا زوله انت اكيد حيلهم دي ما بتنطلي عليك
وحاتك غايظهم عطائنا المجاني لابناء شعبنا
بينما هم يدفعون ملايين الدولارات لعملائهم هنا.
باقي لك لو ماعارفين اهمية الانترنت كان دفعوا؟؟؟
الباس ورد قوة يا رندا
حافزي عليه ووزطفيه للافضل كما تفعلين دوما.
اهمي شيء نرفع البوستات البترفع ضغطهم ولو بنقطه
جيوشهم جراره هنا ونحن قلة ولكن وفاءنا كبير
لذا قادين على تلميع رسالة الاقليه المخلصه هنا
وهي ممثلة الاغلبيه المغيبه في الوطن.
كوني بخير ايتها الثائره الحره النقيه المخلصه للغالبيه
من بؤساء شعبنا الشرفاء.
| |
|
|
|
|
|
|
|
|
|
Re: منـــاضـــــلي الكيبـــــــورد !!!! (Re: Tragie Mustafa)
|
لك التحية أختي رندا على هذه المثابرة والجهد الكبير.
هم يعلمون أن (أقل) جهد وأبسط كتابة تظل مؤثرة للغاية، وإلا ما كتبوا حرفا واحدا هنا، وما لجأوا إلى تمييع القضايا تارة بالتثبيط الذي يتوهمون وتارة بالسخف والإنصرافية. لم يعوا دروس التاريخ بل لم يتوفروا عليه ليدركوا أن الغضب الشعبي ضد الظلم والقهر حين يبلغ مداه فلا يستطيع أحد أن يقف أمامه.
جيش الإنقاذ وشرطتها ليسوا أقوى من جيش الصين وشرطتها، ونحن لسنا أضعف من الطلاب الذين أحرجوا بكين عام 1989 في ميدان تيانامين
جيش الإنقاذ وشرطتها ليسوا أقوى من (الباسيج) و(الحرس الثوري) في إيران، ونحن لسنا أضعف من إصلاحيي إيران الذين حشروا حكومة نجاد في زاوية ضيقة.
جيش الإنقاذ وأجهزة أمنها ليسوا أقوى من تلك التي كانت لألمانيا الشرقية، والإنقاذ لا تملك (سورا) كـ(جدار برلين)، لكنه - بإرادة الجماهير تحطم في نوفمبر 1989.
جيش الإنقاذ وأجهزة أمنها قد تكون أكثر بطشا، لكنها ليست أذكى من أجهزة أمن الطاغية نميري، لكنه هُزم في نهاية المطاف بإرادة الشعب العظيم.
كل حرف يكتب هنا له تأثيره، ولأنهم يعلمون ذلك جيدا، فإنهم يحاولون تحويل المنبر إلى سخف طارد لأي شخص يتوخى الموضوعية وحريص على هذا الوطن العظيم.
سيذهبون وسيبقى الوطن وسيبقى الشعب .
| |
|
|
|
|
|
|
|
|
|
Re: منـــاضـــــلي الكيبـــــــورد !!!! (Re: Randa Hatim)
|
عماد الطيب
يعجبوك وليداتك يا يابا ...
اجاملك في السمح ..
لما وليدك يجي يعرس ويكون شغال في احسن وظيفة وبيصرف راتب يملا العين وداخل ومارق وقادل في بلدو على كيفو
لا خايف لا مسجون لا مخنوق بي لقمة عيشو
بلدو عاجباهو وحكومتو ماليه عينو ...
النبي قول آآآآميييين
| |
|
|
|
|
|
|
|
|
|
Re: منـــاضـــــلي الكيبـــــــورد !!!! (Re: قيقراوي)
|
الاخت
رندا حاتم
شكرا علي البوست انتي فتحتي شهيتنا القربت تتقفل
بقدرماحاولت ما انجرف لي مستوي الفهم و التهم الجاهزة
دي .. لاكن ردك دا و قع لي في جرح و ذي ما العسل بلم الضبان خليهم كاينات لا تحتمل الجو الصحي
عندهم زخيرة جاهزة و سلاح الاسلحة و بقت علي الكيبور و( نحنافي الشكل البدون يدين ياهو الكيبور دا
يدنا )
الناس ديل عارفين خطورة مناضلي الضللة الباردة ومرة (الكيبورد)
و عارفين براك اوباما بدون الكيبورد و الحملة المنظمة ما كان قامت ليهو قومة
و قبل كدا قلتا لي كوستاوي .. ديل خايفين من نقرة اصبع فلعمري كيف يحتملوا الهتاف آآ
و اتمني البوست دا يكون مرفوع علي اكتافنا و لي قدام تشكري يا مناضلة الكي بورد و ليس شرف تدعيه .
محمد الفاتح خالد
| |
|
|
|
|
|
|
|
|
 Re: منـــاضـــــلي الكيبـــــــورد !!!! (Re: محمد الفاتح خالد حسون)
|
أختي الفاضله
لك مني التحية والتجلة
دعينا نحاجهم بما يفهموه - إن كان ذلك ممكنا - فحديث الرسول ( ص ) :" من رأى منكم منكراً فليغيره بيده فإن لم يستطع فبلسانه فإن لم يستطع فبقلبه وهذا أضعف الإيمان" صدق رسول الهدى إذن القلب فيه كان اضعف أدوات التغيير، واليد وأدواتها(ومن أدواتها الكيبورد) كانت أقواها، ونحن والحمد لله نفعلهم جميعاً على اختلاف مشاربنا ومنازعنا، فلا تثريب علينا أختي الفاضلة، أتمنى أن أكون قد أبنت
مع خالص تحياتي
د. صلاح البشير
| |
|
|
|
|
|
|
|
|
|
Re: منـــاضـــــلي الكيبـــــــورد !!!! (Re: Randa Hatim)
|
رندا يا شجرة الطيب (العود) الفايح سلامات.
( التحـية دي سـرقتها من الأخ محمد يسـن خليفة )
***- ياحليل زمان،
***- وناس زمان،
***- ياحليل سنوات الأربعينيات والخـمسينيات، وناسات الزمان داك..
ماكان في كيبوردولامناضلين كيبوردات. تقسيمات السودانيين السياسة كانت واضحة، ده حزب أمة وده وطني اتحادي، وديل حزب شعب ديمقراطي، وداك احمر شيوعي، وناس الاخوان المسلمين والميثاق الاسلامي معروفين وظاهرين. كل واحد كان بعبر عن كلامه بكل وضوح وبلا دس ولاخوف، ماكانت هناك في مصطلحات زي بتاعت الايام دي ( ده مناضل، وده كوز،وده أمن،وديل مناتلين)!!!، جرائد الأيام ديك كانت نظيفة في صـراعاتها ودفاعها عن سياساتها وبلا مهاترات ولاسـب الا في حالات الانتخابات!!،والكتاب في الصحف دي كانوا في منتهي الأدب والالتزام بالاخلاق ومراعاة العرف العام، رؤساء الاحزاب الوطنية كانوا براقبوا بدقة سياسات صـحفهم الحزبية والتزامها بالموضوعية والبعد عن الاسفاف والتشهيـر بالاخرين،
***- انفلت العيار سنة 1971 بعد تاميم النميري للصحـف، واصبحـت تابعة للاتحاد الاشتراكي، وماتكتب الا ومايمـلأ عليها،وبعـد سنة 1985 والأنتفاضة الشعبية عادت الصحـف لاصحابها ولكن تغيرت اتجاهاتها وتغيرت ايضآ طريقة اسلوب تناولها للاحـداث، وظهرت صـحف ممولة من جـهات اجـنبية وتدعم وجهات نظر تلك الدول، وظـهرت ايضآ صـحف لايعرف احـدآ من هـو صاحـبها الحـقيقي!!!!
***- كل شـيئ تغير الأن، واختفت المصطلحات السياسية القديمة وحلت محـلها مصطلحات صنعتها المواقع الالكترونية...وكل تظـهر عشرات الالقاب التي تستمر لفترة قصيرة وتختفي ....وتجـئ بعـدها عشرات اخري!!!
***- قعدت احسب من سنة 1989 وحتي اليوم كم مصطلح سياسي عندنا الأن، والحسبة لسه ماكملت لكن الرقم العندي هو 217 مصطلح سياسي (والساقية لسه مدورة)!!!
| |
|
|
|
|
|
|
|
|
 Re: منـــاضـــــلي الكيبـــــــورد !!!! (Re: بكري الصايغ)
|
السلام علي ست الدار ,عجبني كلامك يارندة يسلم فمك .وكلام بلعامية كدا هي الناس دي يا كافي البلاء لا ترحم ولا عايزة رحمة اللة تنزل ,يعني لما الناس كانت محرومة من حق الكلام وخشومها مكممة, وربنا فتح لينا الطريقة الكيبوردية دي عشان نعبر بيها عن لسان اهلنا الطيبين ,برضو واجعاهم ,لانهم عارفين انو النضال بيلكيبورد دا بقي اقوي وصوتو أعلي من البمبان والكلاشنكوف ,و الدنيا كلها بتقرا وبتعرف بيلبحصل علي أهلنا
بوست موفق
| |
|
|
|
|
|
|
|
|
|
Re: منـــاضـــــلي الكيبـــــــورد !!!! (Re: سامي صلاح محمد)
|
الاحباء
الاخوة المتداخلين جميعا...
اشكال النضال لا تقتصر على المواجهه بل هي اخر مراحل النضال
انما اولى مراحل النضال والتعبئة الحقيقية تتم عبر التنسيق الداخلى ولم الشمل وتوضيح الرؤى
لا يمكن ان يكتب النجاح لشئ دون تنظيم او اعداد
نضال الكيبورد او النضال المنبري او النضال الاسفيري من اهم النضالات في هذه المرحله
لانو الشارع لما مرقنا ليهو وقلنا مسيرة سلمية الحصل شنو؟؟؟؟
العالم كلو وعبر المنبر ح يشوف التوثيق المرئي والمسموع للانتهاكات اللاانسانية والتي تمارسها الطغمه الحاكمة في حق هذا الشعب الصابر.
التحيه لكل المناضلين وهم....
يهتفون في المظاهرات والمسيرات السلميه
يعتصمون امام السفارات مطالبين بحقوقهم
يوقدون الشموع احتجاجا
يضيئون انوار سياراتهم نهارا
يوزعون اوراق احتجاجهم في الازقة والشوارع
يكتبون في الصحف والمجلات والمنابر وعبر النت
يعبرون عن غضيهم واحتجاجهم بكل ما اوتو من وسيلة سلميه و متاحة
وعاش نضال الكيبورد يقض مضاجع الخونه...
وعاش نضال الشعب السوداني الصابر.
| |
|
|
|
|
|
|
|
|
|
Re: منـــاضـــــلي الكيبـــــــورد !!!! (Re: Randa Hatim)
|
Quote: التحيه لكل المناضلين وهم....
يهتفون في المظاهرات والمسيرات السلميه
يعتصمون امام السفارات مطالبين بحقوقهم
يوقدون الشموع احتجاجا
يضيئون انوار سياراتهم نهارا
يوزعون اوراق احتجاجهم في الازقة والشوارع
يكتبون في الصحف والمجلات والمنابر وعبر النت
يعبرون عن غضيهم واحتجاجهم بكل ما اوتو من وسيلة سلميه و متاحة
وعاش نضال الكيبورد يقض مضاجع الخونه...
وعاش نضال الشعب السوداني الصابر. |
تسلمى ايتها الباسقة
ويسلم كيبورديك
| |
|
|
|
|
|
|
|
|
|
Re: منـــاضـــــلي الكيبـــــــورد !!!! (Re: haroon diyab)
|
Quote: بالله الشرك قبض ..
"جقر" ... انا احمد الله |
عسل بس ..... والشرك ما عندك لكن.
عارفة .. أحلى حاجة في نضال الكي بورد ده، المسألة ما دايرة تفرّغ. يعني ممكن الواحد كل ما يلقى ليهو فرصة يدخل النيت .. ويعمل ليهو (نضالاية) أو (نوضيلة) صغيرونة كدة .. ويعمل (صاين آوت) ويمشي يشوف رزقو وين.
| |
|
|
|
|
|
|
|
|
|
Re: منـــاضـــــلي الكيبـــــــورد !!!! (Re: حبيب نورة)
|
صباحك قهوة بي هيل يا حبيبا ...
وكل الكتبو حرف "رصاصة نضال"
جيت ارفع البوستات استعدادا لي يوم بكره....
لقيتك ما قصرت "عتلت" لي واحد ...
ما تقصر ايامك انت يابا
Quote: وحدة وييييييييييييي
وحدة وييييييييييييي
سودان جديد وييييييي
سودان جديد وييييييي |
| |
|
|
|
|
|
|
|
|
|
Re: منـــاضـــــلي الكيبـــــــورد !!!! (Re: حبيب نورة)
|
تحياتي
Quote: تخريمه بالفصحى:
الم تعلموا يا هؤلاء ان منبر سودانيزاونلاين اصبح الان احد
المصادر المعتمده لاستقاء المعلومة ومعرفة ما يجري في الساحه السياسية السودانية. |
تأكيدا لكلامك هذا فقد شاهدت قناة العربية وهي تعرض
أحد بوستات منبر سودانيزاونلاين وقد تأكدت من ذلك تمامامن صورة نيلسون مناديلا
(المابتغباني) في بروفايل صاحب البوست الذي كانت تتصفحه لبنى الحسين
ولو أن الوقت وسع القناة قليلا لكنت رأيت صورة جيفارا تزين بروفايل مناضل آخر صاحب بوست
تتصفحه لبنى
| |
|
|
|
|
|
|
|
|
|
Re: منـــاضـــــلي الكيبـــــــورد !!!! (Re: Kostawi)
|
Quote: عماد الطيب
يعجبوك وليداتك يا يابا ...
اجاملك في السمح ..
لما وليدك يجي يعرس ويكون شغال في احسن وظيفة وبيصرف راتب يملا العين وداخل ومارق وقادل في بلدو على كيفو
لا خايف لا مسجون لا مخنوق بي لقمة عيشو
بلدو عاجباهو وحكومتو ماليه عينو ...
النبي قول آآآآميييين |
ياسلام يارندا أأأأأأأأأأأأأأأأأأأأأمييييييييييييييييييين
عماد اقصد نجلاء ههههه
| |
|
|
|
|
|
|
|
|
|
Re: منـــاضـــــلي الكيبـــــــورد !!!! (Re: مدثر محمد ادم)
|
ـــ
Quote: عماد الطيب
يعجبوك وليداتك يا يابا ...
اجاملك في السمح ..
لما وليدك يجي يعرس ويكون شغال في احسن وظيفة وبيصرف راتب يملا العين وداخل ومارق وقادل في بلدو على كيفو
لا خايف لا مسجون لا مخنوق بي لقمة عيشو
بلدو عاجباهو وحكومتو ماليه عينو ...
النبي قول آآآآميييين |
حقيقة أجمل دعوة سمعتها ومن (بؤك) ذي ما بيقولوا المصاري وإلي الله السامع دااك
النبي عزيز ومكرم (كيفكن) ما بعزو
آآآآميييين آآآآميييين آآآآميييين
تسلمي ويسلم الوطن معاك
| |
|
|
|
|
|
|
| |
emad altaib
lana mahdi
Faisal Al Zubeir
عاطف مكاوى
Siham Elmugammar
ماضي ابو العزائم
tarig almakki
شكرى سليمان ماطوس
أبو ساندرا
Hussein Mallasi
مريم بنت الحسين
محمد الامين محمد
Mohamed Yassin Khalifa
هجو الأقرع
Tragie Mustafa
النذير حجازي
عزام حسن فرح
MOHAMMED ELSHEIKH
قيقراوي
محمد الفاتح خالد حسون
محمد النيل
إخلاص محمد أحمد
Nasr
khaleel
Yassir Tayfour
حواء سليمان ابراهيم
haroon diyab
محمد أبوالعزائم أبوالريش
حبيب نورة
Mohamed E. Seliaman
Kostawi
نجلاء سيد أحمد
البحيراوي
فيس بوك
تويتر
انستقرام
يوتيوب
بنتيريست