|
|
|
 Re: حُميد و مصطفي: نوبة وزنوج وبجة وحلب رطانة عربان مو اشو ومولدين تلقانااو نلقاك ضو (Re: بدر الدين الأمير)
|
ماطال في بحرك قي مي
الكلام لحميد والغناء لمصطفانا:
ماطل في بحرك في مي
وتمرك مفدع بالجريد
وشدرك أمد حد السمى
طينك معتق بالطمى
نبنيك أكيد نبنيك هوا
نبنيك ايوا سوا سوا
منو وجديد نبنيك جديد
يا إيد ابوى على إيد اخوى
عل إيدى انا
يا إيد وإيد تجدع بعيد
في لجة من راس ميضنة
حيكومة الفقر الدمار
الكُضبن والصهينة
واللي نقاص ايامنا كاس
اليالطيف سوس البحر
نرجم قفاهو حجر حجر
من ها الرصيف
الماقدر قدام
سريحة الموج يقيف
المانستر
الأرزقية وناس مو يا
نسقيها كاس اسقتنا يا
نوريها كيف عشق الحياة
سنانا فوق حجر القصاص
سوانا ناس ضرب البحر
جوانا احر من الرصاص
نواصل باقى النص
| |
 
|
|
|
|
|
|
|
|
Re: حُميد و مصطفي: نوبة وزنوج وبجة وحلب رطانة عربان مو اشو ومولدين تلقانااو نلقاك ضو (Re: بدر الدين الأمير)
|
ياضو حبينبن القسا
طول ما انت غرقان في الأسى
تبت يدين ما ترمي فاس
ما تبنى مجدك من جديد
تفتح شبابيك الخلاص
تدخل نسيمات النشيد
بيت القصيد يستقبلا مستقبلا
والحاضر الماضى التليد
يا بلدى يافردت جناحى التانى
وكت الناس تطير لي عالما
واوجعة الزول البجيك
ما يلقى فيك غير الهجر
ناسا تواتى مسالمة
كل البشاشات القبيل
يلقاها ميتة مسممة
والجاتا جاتا من الارض
ما جاتامن تالا السما
ما اعتى غبنك ياولد
واعدل قضيتك واعظما
لا ترجع السيف الجفير
والدنيا فايرة مصادمة
نواصل باقى الاغنية
| |
|
|
|
|
|
|
|
|
|
Re: حُميد و مصطفي: نوبة وزنوج وبجة وحلب رطانة عربان مو اشو ومولدين تلقانااو نلقاك ضو (Re: doma)
|
من غير تجيب تار البلد
ريح العوارض تهزما
وتطرد مع ابليس الاخير
دعة الضلال من جنتك يا آدما
تاكل من الشجر الحلال
يغشاك نعاس في ضل رمي
تختاك هضاريب الصعب
كربة ليالى المظلمة
يا نيل قبل خاطرك يطيب
ارضك تفزع باللهيب
تكشح تواريب الغضب
صعب المراس
نوبة وزنوج وبجة وحلب
رطانة عربان مو اشو
ومولدين تلقانا او
نلقاك ضو
ضلمة لياليك العجاف
رشة نهاراتنا النشاف
آمنا بيك وموحدين
في ايدنا فاس وقلم رصاص
شتلة وكمنجة ومسطرين
وطبنجة في خط التماس
حراسة من كيد البكيد
ضد الرصاص والانتكاس
نبنيك جديد واشد باس
| |
|
|
|
|
|
|
|
|
|
Re: حُميد و مصطفي: نوبة وزنوج وبجة وحلب رطانة عربان مو اشو ومولدين تلقانااو نلقاك ضو (Re: بدر الدين الأمير)
|
Quote: صعب المراس
نوبة وزنوج وبجة وحلب
رطانة عربان مو اشو
ومولدين تلقانا او
نلقاك ضو
ضلمة لياليك العجاف
رشة نهاراتنا النشاف
آمنا بيك وموحدين
في ايدنا فاس وقلم رصاص
شتلة وكمنجة ومسطرين
وطبنجة في خط التماس
حراسة من كيد البكيد
ضد الرصاص والانتكاس
نبنيك جديد واشد باس |
زينب يابت الفحل
هذه الاغنية هى نشيدى الوطنى
ولم تفارق ذهني تلك الجلسة وكانت
بمناسبة خطوبة اخونا الجعلى نوح عبدالواحد
حين غناها مصطفى بالعود وإيقاع عبدالمنعم
ورقص عليها الدنقلاى ودالخير رقيص على ايقاع الدليب
لم اشهد له مثيل ادهش مصطفى واضحك الرزيقى مسعود ثم
علق مسعود بان حميد شاعر انسانى متفرد
| |
|
|
|
|
|
|
|
|
|
Re: حُميد و مصطفي: نوبة وزنوج وبجة وحلب رطانة عربان مو اشو ومولدين تلقانااو نلقاك ضو (Re: عزام حسن فرح)
|
...
يا عَزّة السودان يمين جوَّاي مُــدّاح الرسول
جواي نيل هدّار يعم كل السهول
جواي نقارة وطبول
جواي نحاس في الليل رزم
جواي شوق لا ونَّ لا مرّة انهزم
جواي جروف
جواي حروف منتظره عِـنْ باب العشم
جواي بلد تشكيلـُه بي عدّ الفصول
سودان ممدَّد في الأفق عرضـًا وطول
جواي صباحات خيرنا أمَّـات العيال
جواي حرائر في العقاب وكت الملم ببقن جبال
صعبت علي في الغربة أيام الضنى
سهرن عيوني محصحصات سهر البعيد ، غربة وعنا
لا انحل قيده ولا دنا
>>>>>
ياودالأمير
دا جزء من قصيدة أهداني إياها الشاعر
العوض مصطفى صاحب الحس الوطني العالي
الذي يبكي كلما ذكر السودان
وقد كتب مرثية ملحمة
شالوك ياالولد البحر ... في مصطفى سيد أحمد
للأسف ضاعت مني .
| |
|
|
|
|
|
|
| |
بدر الدين الأمير
عزام حسن فرح
doma
ALGARADABI
النذير حجازي
عماد الدين عبدالله
khaleel
haroon diyab
فيس بوك
تويتر
انستقرام
يوتيوب
بنتيريست