بعد ان عادت البلابل للتغريد في السودان وملآن وطن النجوم شجدوا فزادت النجوم بريقا هاهي الامارات العربية تستعد للغرق في بحر الشدو الجميل وهاهن البلالبل يرتقين كل شجرة زرعت في الامارات حيث اصبحت الصحرا اكثر اخضرارا من غابات افريقية فيغردن وسترقص فروع كل الاشجار علي دندنة البلابل وشدوها
أدناه تواريخ حفلات البلابل فى الامارات مع عاطر الود يوم 11 ديسمبر بالمسرح الوطني بأبوظبي يوم 15 ديسمبر ___ فندق انتركونتنينتال ــ العين يوم 17 ديسمبر ___ الجامعه الامريكيه ــ الشـــــارقه
(عدل بواسطة Elmosley on 12-06-2009, 04:44 PM) (عدل بواسطة Elmosley on 12-07-2009, 01:36 PM)
حبيبنا طيب النفس الطيب عثمان يوسف اولا اسفي للتاخير اذ كنت علي سفر ولازلت بعيد عن مدينتي وولايتي شكرا لطيب الكلام وجميله طالما انتم في ابوظبي فلكم في الطيب انصبة وكن طيبا دوما وسلمت
12-07-2009, 01:34 PM
Elmosley
Elmosley
تاريخ التسجيل: 03-14-2002
مجموع المشاركات: 34683
رسالة تعديل من هادية الفناااااااانه لك التحايا الحاره وكل الشكر, دايراك تعمل تعديل بخصوص حفل دبي لأنه ما حيكون قائم وبدله حيكون بتاريخ يوم 11 ديسمبر بالمسرح الوطني بأبوظبي وتباع التذاكر بالنادي السوداني و الخطوط الجويه السودانيه وبرجمان واتمنى ان نلتقي قريبا بأرض الوطن. لك محبتي وكل التقدير
12-07-2009, 04:39 PM
عماد شمت
عماد شمت
تاريخ التسجيل: 12-02-2004
مجموع المشاركات: 3857
استاذ الموصلي ..... ياخاتم المنى بنات عمك طلسم غنايات وفي وجودك لانستطيع التحدث اكثر عنهم ولان هذا بحرك وانت ضليع بالغوصان به وسؤال هل الثوب الفني الجميل .. القديم ام الجديد ؟
12-10-2009, 04:42 PM
Elmosley
Elmosley
تاريخ التسجيل: 03-14-2002
مجموع المشاركات: 34683
حبيبنا وليد تحياتي البلابل كلما يزداد عمرهن كلما تعتق صوتهن لهن تاريخ عظيم مع الاستاذ بشير عباس وموسي محمد ابراهيم وانس العاقب ومستقبلهن مع يوسف الموصلي واجيال اجد من المبدعين احترامي الكبير والنسي قديمو تاه
12-10-2009, 03:56 PM
Elmosley
Elmosley
تاريخ التسجيل: 03-14-2002
مجموع المشاركات: 34683
سوسن كيف حالك انا عايتو من البلالبل كنت لازم امشي مسقط ناسا محترمين وبيقدروا الفنون انا هنا بتكلم عن السودانيين اما ناس البلد ذاتهم فياسلااام عليهم مودتي
البلابل تلك التجربة الرائدة الثرة الباقية في عالم الغناء السوداني, تجربة الفخر بالمرأة السودانية واختيار الغناء الممنهج الخالي من الاسفاف والابتزال , انها الموهبة المصقولة بالعلم والمعرفة بضروب الغناء والموسيقى. ورغم تغيبهن عن الساحة الفنية لفترة طويلة جدا وللاسف, ظلت اغاني البلابل محكرة في وجدان الشعب السوداني, واقول الشعب السوداني لانك سوف تجدهم في كل مكان من ارجاء القطر السوداني من شماله حتى جنوبه ومن شرقه حتى غربه. لكم حبي البلابل ولك التحية الفنان المبدع الموصلي صاحب اروع انغام خالده في نفوسنا. هاجر
12-12-2009, 12:14 PM
Adam Mousa
Adam Mousa
تاريخ التسجيل: 09-15-2007
مجموع المشاركات: 1668
الاستاذ الموصلى وضيوفه الكرام..تحياتى.. كانت ليلة امس سر الليالى ومن اجمل ليالى ابوظبى حضورا طاغيا والقا جميلا فى حضرة البلابل.. فرغم تخوفنا من الفشل.. لضيق الوقت ..الا ان الحضور كان كبيرا حيث امتلأ المسرح الوطنى عن سعته.. حيث كانت لمجهودات الاستاذ سيد على بالنادى السودانى الاجتماعى ورسائل الSMS التى تم ارسالها ل3000 سودانى مقيم بابوظبى دورا كبيرا فى الحضور الطاغى ونجاح الحفل البهيج.. استمتع الحضور الفخيم بموسيقى طروبه وتجلى البلابل كعهدهن..وتغنين بروائعهن..خاتم المنى .. عشه صغيره..نور بيتناالى الروائع الخالده..وتم تكريمهن على خشبة المسرح بالدروع التزكاريه وكذلك تم تكريم شيخ الموسيقيين محمديه بالنيابه عن الفرقه الموسيقيه الماسيه.. وهذه بمثابة تجديد للدعوه لحضور حفلة العين بفندق الانتركونتنتل..يوم الثلاثاء القادق 15ديسمبر..
يلا يا طارق فرح(tariq) بالله الصور لو سمحت.....حيث كانت كامريتك ملتقطه لصور التكريم والحفل....
12-12-2009, 03:36 PM
ALGARADABI
ALGARADABI
تاريخ التسجيل: 12-30-2004
مجموع المشاركات: 5236
سلام مربع ...البلابل تجربة فريدة من نوعها و لن تتكرر ابدا ..ما شاء الله عليهم رجعو بعد سنوات بنفس القوة و بجمهور اكثر ....استاذنا الموصلى لك التحية و الاحترام ..نحن جادين فى حكاية البلابل فى مسقط امكانية مساعدتك شنو؟؟ يعنى ممكن تدلنا نتصل بمنو عشان ننسق معاه الحاجة دى لانو جمهور البلابل فى مسقط متعطش لسماع ابداعاتهم على الهواء مباشرة .... فى انتظارك و انت عارف ناس مسقط بتحبو و بيخشو للزول فى قلبو... مش كده بالله..... نحن جادين جدا لتنظيم بعض الحفلات للبلابل فى مسقط و مساعدتك حتفيدنا كثير و انت برضو معزوم .... لك كل التقدير و الاحترام
12-13-2009, 06:25 PM
Elmosley
Elmosley
تاريخ التسجيل: 03-14-2002
مجموع المشاركات: 34683
هلا يا منار اوعدك بانني ساعمل منذ هذه اللحظة مع البلالبل لتحقيق رغبتكم الصادقة هذه ساتصل بها تلفونيا اليوم وبعد الاتصال ساعطيك تلفونها للتوصية للاتصال المباشر طبعا اوفر ليكم مالا ان تحققوا هذه الزيارة فورا من الامارات اليكم لان معهم فرقة كبيرة ويمكن ان يصلوكم سياقة عبر العين ومن العين دي لي العين دي ياناس عمان لانكم محترمين وقديرين كلكم وتتحبوا مودتي واحتراماتي
12-14-2009, 02:31 AM
Elmosley
Elmosley
تاريخ التسجيل: 03-14-2002
مجموع المشاركات: 34683
Quote: سلام مربع ...البلابل تجربة فريدة من نوعها و لن تتكرر ابدا ..ما شاء الله عليهم رجعو بعد سنوات بنفس القوة و بجمهور اكثر ....استاذنا الموصلى لك التحية و الاحترام ..نحن جادين فى حكاية البلابل فى مسقط امكانية مساعدتك شنو؟؟ يعنى ممكن تدلنا نتصل بمنو عشان ننسق معاه الحاجة دى لانو جمهور البلابل فى مسقط متعطش لسماع ابداعاتهم على الهواء مباشرة .... فى انتظارك و انت عارف ناس مسقط بتحبو و بيخشو للزول فى قلبو... مش كده بالله..... نحن جادين جدا لتنظيم بعض الحفلات للبلابل فى مسقط و مساعدتك حتفيدنا كثير و انت برضو معزوم .... لك كل التقدير و الاحترام
وانا قلت
Quote: هلا يا منار اوعدك بانني ساعمل منذ هذه اللحظة مع البلالبل لتحقيق رغبتكم الصادقة هذه ساتصل بها تلفونيا اليوم وبعد الاتصال ساعطيك تلفونها للتوصية للاتصال المباشر طبعا اوفر ليكم مالا ان تحققوا هذه الزيارة فورا من الامارات اليكم لان معهم فرقة كبيرة ويمكن ان يصلوكم سياقة عبر العين ومن العين دي لي العين دي ياناس عمان لانكم محترمين وقديرين كلكم وتتحبوا مودتي واحتراماتي
اها قمت اتصلت بهادية شارحا لها رغبتكم الهميمة وشغفكم لسماع صوت البلابل الصداح هاديه ابلغتني بان الاتصالات جارية معهم بما في ذلك النادي السوداني هناك ولكن يبدو مشاكل التاشيرة لا تتماشي مع ارتباطات البلابل ولكن هنالك اتفاق شبه اولي بحدوث زيارتهن في ياناير القدم لكم بعمان نرجو ان يتوفق الجانبين لتحقيق هذا الهدف السامي وانا ذاتي يمكن اجي اتسلبط وتقبلي احترامي وتقديري
12-13-2009, 05:43 PM
Elmosley
Elmosley
تاريخ التسجيل: 03-14-2002
مجموع المشاركات: 34683
هاجر تحياتي ان كل قلم يضيف تشجيعا لمبدع لهو امر جدير بالاحترام والتقدير قد لا تعلمين الكيفية التي تدخل بها كلمات التشجيع والنقد العفيف العفي في قلوب الفنانين كل الود وكثيف التقدير
12-13-2009, 06:49 PM
Osman Musa
Osman Musa
تاريخ التسجيل: 11-28-2006
مجموع المشاركات: 23082
الاستاذ القدير الموصلى شكرا على اهتمامك الشديد .... فرحتنى جدا بمجرد وجود احتمال لزيارتهم لمسقط فى يناير و فرحتنى اكثر بانو احتمال تتسلبط معاهم و دى حتكون احلى سلبطة ... لك التحية و كل التقدير و كذلك للبلابل و نحن فى انتظاركم ... خالص المودة
12-14-2009, 07:38 AM
داليا حافظ
داليا حافظ
تاريخ التسجيل: 06-06-2008
مجموع المشاركات: 5055
تحيي فرقة البلابل السودانية مجموعة من الحفلات في الإمارات وذلك بعد غيبة طويلة امتدت أكثر من عشرين عاما عن الساحة الفنية . وتعد فرقة البلابل والتي تتكون من الشقيقات أمال وهادية ونادية من الفرق النسائية الأولي التي وجدت شهرة ورواجا في السودان وقدمن العديد من الأغاني التي شكلت وجدان الشعب السوداني وتميزن بالأداء الرصين والموهبة الحقيقية .
وأحيت فرقة البلابل ليلة أمس الأول حفلا علي المسرح الوطني في ابوظبي حيث استقبلت الفرقة بحفاوة كبيرة من جمهور الجالية السودانية المقيمة في ابوظبي وتحيي الفرقة حفلين في العين بفندق انتركونتينتال بتاريخ الخامس عشر من الشهر الحالي وفي الشارقة يوم السابع عشر .
كنت دايما بقول ونحن الجيل الإنحرم من ملاقاة البلابل Live وإن كان صوتهم حولنا ومعانا ..ياربي إمكن يجي يوم ونشوفهم ..
مبروك لجيلكم ملاقاة البلابل ومبروك لهن ملاقاة جيلكم هذا حدث هام جدا في رآيي نسبة نسبة لانقطاع وصل الشوف العيان بينهن وجيلكن كده المعادله حلوه وبالمناسبة نجاح عودة البلابل شجع كل الطيور المهاجرة علي العودة
12-14-2009, 03:00 PM
Elmosley
Elmosley
تاريخ التسجيل: 03-14-2002
مجموع المشاركات: 34683
هذه صوره من صور التكريم ..ويظهر فيها من اليمين للشمال: حياة وآمال وهاديهطلسم(البلابل)،،عزالدين محمدحسن،،عصام الدين ابوقصيصه،،عيسى آدم،،آدم موسى،،سيد على
12-14-2009, 03:38 PM
Adam Mousa
Adam Mousa
تاريخ التسجيل: 09-15-2007
مجموع المشاركات: 1668
آدم موسى سلامات ... الصوره غير ظاهره حاول مره اخرى
______
داليا سلام وين اماكن بيع التذاكر بالظبط ان امكن يعنى ياتو مطاعم فى الشارقه او دبى ... ضرورى لان التلفون ما بخش معاى ... او ممكن تلفون آخر بس يكون اتصالات ما دو
_______
الموصلى ... مساء الورد و الياسمين ... الليله تاكيد احقية المريخ بالوصفنه مع الجداره ... خليك قريب وما تغيب
12-14-2009, 10:39 PM
Elmosley
Elmosley
تاريخ التسجيل: 03-14-2002
مجموع المشاركات: 34683
قضيت اجازة العيد فى السودان وتانى يوم البلابل كان عندهن حفلة فى نادى الضباط ومشيت وكانت حفل حميمه للغاية الكل بغنى مع البلابل و الجمهور بختار الغنا و بغنى من اول اغنية لاخر اغنية حقيقى كان حفل عيدية بالنسبة لى ولما رجعت هنا دخلت الحفل وكانت اجمل حفله احضرها من 10 سنوات والله اشجتنى الالحان لحد الطرب ربنا يحفظ البلابل و يغطيهن من كل سوء والله يا استاذ انا لا احتمل سخونه الالحان
12-16-2009, 05:01 AM
Elmosley
Elmosley
تاريخ التسجيل: 03-14-2002
مجموع المشاركات: 34683
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة