|
|
 ود الطهور.....مصطفى ولدي...(توجد صور وطرائف)
|
الطرائف بدأت من يوم الحنة (الحناء)...
حيث علق سيادته صبحية الحنة بأن:
ياخ حنتي زاتها حرقت.. (يعني كانت بالليل حمراء والصباح بقت سوداء)..
أمه قالت ليهو : ما حرقت يا حلو...حنتك شالت..
قال ليها : شالت شنو؟؟
فكان دور العبد لله مدعوماً بالخيال غير العلمي:
يا مصطفى ياخ الحنة بتشيل من "سواد الليل" حتة .. خلاص؟؟
تابعونا بالله...
وأديكم الصورة الأولى هنا:
|
|
 
|
|
|
|
|
|
|
|
Re: ود الطهور.....مصطفى ولدي...(توجد صور وطرائف) (Re: SHIBKA)
|
جمعتكم مباركة يا ناس..
ود الطهور عدادو رامي قال ليك.. والحصالة بتاعتو قربت تتم الألف ريال..
قلت ليهو يا مصطفى بتفكر تشتري شنو هسي؟؟
أجاب إجابة مدهشة طبعاً..
هو يا بابا اللابتوب زي بتاعك دا بيكون بي كم كدا؟؟
قلت في سري: الله يرحم أيامنا يا ولدي.. أيام كانت أقصى أماني ود الطهور إنه يشتري دجاجة من الفريق..
أو بالكتير خالص.. غنماية..
غايتو..
ما عارف.. لكن صورة أصغر بوردابية في العالم ..متاب .. أظنها مناسبة جداً في الحتة دي..
جمعة مباركة..
| |
|
|
|
|
|
|
|
|
|
Re: ود الطهور.....مصطفى ولدي...(توجد صور وطرائف) (Re: Abd Alla Elhabib)
|
Quote: Quote: ياخ حنتي زاتها حرقت.. (يعني كانت بالليل حمراء والصباح بقت سوداء)..
أمه قالت ليهو : ما حرقت يا حلو...حنتك شالت..
قال ليها : شالت شنو؟؟
Quote: لـوووول
ياخ ده ألـذ زول !!
الله يخـليكم لي بعـض ويسـعدكم |
. |
حبيبنا عبد الله الحبيب..
الله يخليك إنت كمان ويسعدك دنيا وآخرة..
شكراً على الحضور اللطيف..
| |
|
|
|
|
|
|
|
|
|
Re: ود الطهور.....مصطفى ولدي...(توجد صور وطرائف) (Re: مريم عبد الله)
|
خالتو مريم..
عيدكم مبارك وكل سنة وأنت بخير وصحة تااااااااااااامة
Quote: دا اليوم الدايرنو ليك يا مصطفى مبروك عليك
عقبال حنة عرسك ويفرحوا بيك اهلك
و عقبال ما تلخ ليك امك ضريرة الجرتق |
شكراً على الكلام الجميل دا والشعور الراقي دا..والفيديو الجميل الذي أثرى البوست
وأضاف أجواء فرحة سودانية حقيقية عندنا هنا..
ونجيكم في السمح إن شاء الله..
| |
|
|
|
|
|
|
|
|
|
Re: ود الطهور.....مصطفى ولدي...(توجد صور وطرائف) (Re: Mahmoud Mustafa Mahmoud)
|
امبارح كانت في شكلة كبيرة جداً مدورة في البيت..
ذهبت لزيارة أحد الأصدقاء..وناس البيت الظاهر جوهم ضيوف وإضطروا يستلفوا خمسين ريال من حصالة
ود الطهور .. سي مصطفى..وليتهم لم يفعلوا..
الزول حردان العشاء..وقال ما عايز الحصالة زاتها..إلا تكون مكملة الألف ريال..شوفوا الإفتراء..
اللهم طولك يا رووووووح...
غايتو
| |
|
|
|
|
|
|
|
|
|
Re: ود الطهور.....مصطفى ولدي...(توجد صور وطرائف) (Re: Mahmoud Mustafa Mahmoud)
|
ألف مبروك لتوفا...وعقبال حنة العرس....في خيمة في فندق 17 نجمة..
ويغنوا فيها أولاد أولاد البنا...(ديل بس لأني ضامن للوقت داك حا يكون عندهم أولاد غنايين)
وفي العقد أولاد حاج الماحي ( ديل برضو زي مايكروسوفت ) للوقت داك بجيبو اولاد
حاج الماحي (طاريستا)...
أما طرائف اولاد الطهور...فانا حضرت طهور ولد اختي...وهو معجب
بخاله (كعازف اورغ)...فلما الولد جمع زي عشرة ألف جنيه بالقديم
سأل أمو...انت يا ماما الرقشة بي كم؟؟؟ قالت ليه بي ألف جنيه
قال ليها لا ما ركوب...هي زاتا بي كم؟؟ قالت ليه بدور بيها شنو؟؟؟
قال عايز يشتريها ويشبح فوقها خالو بي اورغنو من فوق ...
| |
|
|
|
|
|
|
|
|
|
Re: ود الطهور.....مصطفى ولدي...(توجد صور وطرائف) (Re: عفاف الصادق بابكر)
|
مصطفي محمود مصطفي محمود (مبروووك العرس الصغير عقبال العرس الكبير) رغم أنو أبوك عمل ميت ما أدنا خبر ولا حزنون بنشيل ليك يا جميل .
حسي قصي ده لمن أعرس ليهو مابعزمك تبقي واحده بواحده عيني ذي الدرون الكان بيحلمو بيهو ناااس الهلال
دي مناسبتين نبارك لك في كلاهما الخير وعقبال ماتشوفوا ببدلة العرس والتخرج يا صحبي .
،،،،أبوقصي،،،،
| |
|
|
|
|
|
|
|
|
|
Re: ود الطهور.....مصطفى ولدي...(توجد صور وطرائف) (Re: مجدي عبدالرحيم فضل)
|
أووووووووووووه... أخونا أبو قصي..
حقك علينا.. وجميع بورداب جدة.. (لم يعلم أحد) على وزن شنو كدا ما عارف...
| Quote: دي مناسبتين نبارك لك في كلاهما الخير وعقبال ماتشوفوا ببدلة العرس والتخرج يا صحبي . |
آمين.. وبحياتك إن شاء الله.. لكن كورة وارغو الدقت في القائم دي والله قربت تعمل لي شلل نصفي...
مبروك للمريخ الذي لم يعد كسيحا...
| |
|
|
|
|
|
|
|
|
|
Re: ود الطهور.....مصطفى ولدي...(توجد صور وطرائف) (Re: الجندرية)
|
| Quote: مبروووووووووك عقبال الكبيرة |
أووووووووووووه خالتو أماني الجندرية ...
بحياتك يمة..
نلقاك يا أخت الحبيبة..ونرجاك في الفرحة القريبة..
وبشراك يا أم السنااااااااااااا
وعشرات حبابك...سلامات..
كيفكم والعيال والخالة أم أسامة بخير؟؟
عيدكم مبارك والعفو لله والرسول..
| |
|
|
|
|
|
|
|
|
|
Re: ود الطهور.....مصطفى ولدي...(توجد صور وطرائف) (Re: nazar hussien)
|
حبيبنا الفنان الجميل نزار حسين يااااااااخ...
Quote: ألف مبروك لتوفا...وعقبال حنة العرس....في خيمة في فندق 17 نجمة..
ويغنوا فيها أولاد أولاد البنا...(ديل بس لأني ضامن للوقت داك حا يكون عندهم أولاد غنايين)
وفي العقد أولاد حاج الماحي ( ديل برضو زي مايكروسوفت ) للوقت داك بجيبو اولاد
حاج الماحي (طاريستا)... |
ياخ إنت أحلى زول في الدنيا الزايلة دي يا نزار..
أقول ليك حاجة؟؟
أولاد أولاد البنا الضامنهم ديل.. ممكن أقبل ليك أولاد أحمد الفرجوني وبالكتير خالص أولاد عاصم ..
لكن أولاد اللمين قطع شك بيكونوا شُتُر.. أبوهم هسي قاعد يجلي من الزمن..
ياخ مرة بادي الله يرحمه قرب يقوم يديهو شلوت في أغنية غزال البر يا راحل..
بعدين تعال هنا يا نزار... شنو للوقت داك؟؟ إنت قايل الوقت داك بعيد خالص كدا؟؟
صوفي هسه عمرو ما شاء الله 7 سنة.. يعني بعد 13 سنة حا تلقاهو داقي جرس في حكاية العرس دي...
دا طبعاً لو ما قام ختانا في الأمر الواقع وجا طابق ليهو واحدة على عينك يا تاجر وقال دي زوجتي يا حاج ..
أولاد حاج الماحي ما عندنا فيهم أي كلام.. النسخة الحالية مؤهلة خالص لمواصلة العطاء الرصين لعشرين سنة قادمة
إن شاء الله..أو (إذا أمد الله في الآجال) على قول أحمد البلال الطيب..وهو معجب بالعبارة دي كأنه اخترعها..
Quote: أما طرائف اولاد الطهور...فانا حضرت طهور ولد اختي...وهو معجب
بخاله (كعازف اورغ)...فلما الولد جمع زي عشرة ألف جنيه بالقديم
سأل أمو...انت يا ماما الرقشة بي كم؟؟؟ قالت ليه بي ألف جنيه
قال ليها لا ما ركوب...هي زاتا بي كم؟؟ قالت ليه بدور بيها شنو؟؟؟
قال عايز يشتريها ويشبح فوقها خالو بي اورغنو من فوق ... |
لووووولز..
اللذاذة دي ما غريبة على الولد دا..
الجنا خال يا نيزو ياخي..
سعدت سعادة حقيقية بمرورك الجميل وعباراتك الرشيقة..
كن بخير .. وكل سنة وإنت طيب..
| |
|
|
|
|
|
|
|
|
|
Re: ود الطهور.....مصطفى ولدي...(توجد صور وطرائف) (Re: صديق الموج)
|
حبيبنا صديق الموج...
Quote: لا كان كدى النجهز ليه العروس
الف مبروك باقى طولنا ما باركنا لينا لى ود طهور
ياخى الطهور ده زمان كان فيه جنس غمت
تاخد ليك بكية صغيرة الشلن يجيك طاير
تتنهف يدوك ابعشرة يلمع..
غايتو انا استثمرته استثمار..
الف مبروك وعقبال الفرح الكبير،،، |
آمين وبحياتك إن شاء الله.. وكتر خيرك على التهنئة.. ولكن...
من ناحية شرطت عيننا شرطها.. قول لي كيييييف؟؟
هسي نحن نودي وشنا وين من رابطة معجبات صديق الموج؟؟
ياخ من زمن الشلن وأبعشرة والفريني؟؟
كمان بعين قوية بتقول استثمرته؟؟ ما ياها الطحنية والتمر ولا بالكتير خالص الجدادة ولا السخلة الأخدتها ديك؟؟
البيسمعك يقول اشتريت لابتوب.. لووووووووولز
نجيك في السمح وأرجو أنك تكون ما حضرت الحلقة بتاعة الفنان ياسر تمتام وعازف العود أحمد المك
وأفتكر كان معاهم (فنانة شابة كدا..الله يديني اسمها)... كاااااااااااااك
أو أحيييييييي يا عوضية على قول وهبة..
شكراً والقابلة عندكم في الـ (أفراح)...
| |
|
|
|
|
|
|
|
|
|
Re: ود الطهور.....مصطفى ولدي...(توجد صور وطرائف) (Re: Mahmoud Mustafa Mahmoud)
|
اخونا الغالي المبدع محمود ود مصطفي
الف مبروك للعريس مصطفي وان شاءالله نبشر معاك كدا وهو عريس يارب العالمين ...
طبعا اي كلام انت بتكتبه ان بكون بتخيلك والقعدة ومعنا السيد ( حسبو) واخونا الغالي سيد حامد كما يحلو لك ان تسميه ..والعقد الجميل من الاحبة ، فتكون الرسالة معبقة بعطر انفاس هذا الجمع الرائع وبعد كدا شوف البهجة تكون كيف ..؟؟؟
الف مبروك وليدي مصطفي وعليك الله يامحمود زي ماقلت ليك مصطفي دا لما يدخل الجامعة سوي الاتفقنا عليه ..خلاص ياابوي
ودعتك الله
| |
|
|
|
|
|
|
| |
Mahmoud Mustafa Mahmoud
انور التكينة
محمد علي ياسين
كمال ادريس
SHIBKA
abdulhalim altilib
مريم عبد الله
Abd Alla Elhabib
عبد القادر شادول
nazar hussien
عفاف الصادق بابكر
مجدي عبدالرحيم فضل
الجندرية
صديق الموج
عبدالمنعم الزين
Mohamed Yassin Khalifa
الطيب بشير
فيس بوك
تويتر
انستقرام
يوتيوب
بنتيريست