|
|
 ثورة البرالمه داخل المنبر هل تتحول الى حرب مع السناير (توجد احداث)
|
اظنهم يريدونها حربا ، هكذا صرخت واحده من سناير المنبر وهى تطلق زفره قويه تنم عن مدى قلقها واستيائها ثم لم تليث ان
تداخلت مع اقرب السناير وهى تردد بعصبيه واضحه (انا الغلطانه وكمان ندمانه على الترحيب الكنت برحب ليهم لمن كانوا
برالمه جداد لنج ماقايلاهم فصيحين ولئمه كده لكن بعد ده بشوفوا) اما ذلك السنير فقد ارتجفت يداه وهو يحاول ان يمسك
بالماوس وفى صعوبه شديده استطاع ان يصل لذلك البوست واخذ يطالعه بمزيحا من الدهشة فقد وضح جليا انها ثورة هادرة تحتاج
الى نوع خاص من التكتيك ...وفى دقايق معدوده كان سناير المنبر داخل بوست ضخم اعد خصيصالاجتماعات السناير الذين تجاوزوا
الخمس سنوات فى عضوية المنبر وبدات المداخلات الساخنه فى كيقية تدارك هذا الامر وصبت اغلب المداخلات عضبها على صاحب المنبر
على خلفية انه اتاح الفرصه لكثير من البرالمه دون حساب وتدفق المئات منهم فى الاونه الاخيرة ...احد السناير تداخل بصورة
عقلانيه وكتب ( يااخونا يمكن نحن مقصرين فى حكاية المداخلات معاهم عشان كده هم حاسين بالظلم) رد عليه اخر (هم اصلا بشكو من
من قصة الشلليات) قاطعهم احد السناير المتطرفين ( يعنى هم عايزين الكتوف تتلاحق نحن لينا خمس سنه واكتر قاعدين هنا يجى برلوم
يخش توش فى نصنا)،، اخذت المداخلات تنهال وهمهمات الكيبوردات تتعالا وقد وضح ان السناير معظمهم فى حالة غضب وهياج شديد وفتح باب
المقترحات لكيفية معالجة الازمه داخل الاجتماع..........
* *
فى نفس الوقت بدأت اعداد البرالمه تتزايد واحتشدوا داخل البوست فى انتظار مايسفر عنه اجتماع السناير وكان يبدو ان اغلبهم
لا يعولون كثيرا عليه ولايثقون فى انه يمكن ان يخرج بنتائج فى مصلحتهم وفى تداخلاتهم الغاضبه تداخل احد البرالمه وهو يضرب
على الكيبورد بعنف شديد ( انا لى خمسه شهور فى البورد مافى زول قال لى : عينك فى راسك افتح فى البوستات ولا فى زول بيعبرنى
تداخل اخر فى محاوله منه للامساك بدفة الحوار وتفريغ بعض من غبنه( انا بخش بوستات سناير اعمل مداخله صاحب البوست بيفطنى
كأنو بيقرا تاريخ تسجيلى وبقول ده كمان جا متين؟ داير يعمل فيها بتاع مداخلات ) رد عليه احد البرالمه الساخرين بوش ضاحك
مماجعل الاخير يزداد غضبا ويتهمه بالاستهتار والتخازل فى ظل هذه الظروف الحساسه وان هذا الاستهتار من شأنه ان ينسف كل جهودهم
كان البرالمه مصممين على اشعال المعركه وزاد من ذلك احساسهم بالعزله داخل البورد جعلهم يضربون بكل اداب المنبر عرض الحائط وظلت
الحشود تتزايد مع مغيب الشمس ولم يعد البوست ليسع كل هؤلاء........
* *
لم يتوصل السناير الى موقف واضح وكانت بوادر الانشقاق تلوح من على الافق لتهدد اجتماعهم خصوصا انهم بدأوا غير مكترسين
لسناير الوسط الذين اكملوا من عام الى عامين داخل البورد حيث تجاهلوا ارائهم ووجهات نظرهم داخل الاجتماع مما خلق نوع
من التوتر فطن اليه احد السناير وحاول ردم تلك الهوة حتى لاتتعمق اكثر باعطائهم فرص اوسع فى النقاش لكن هذا لم يجدى
مع التصويت الكاسح الذى وجده البيان النهائى من قدام السناير ويشتمل البيان على عدة محاور على النحو التالى
: بعد مناقشات دامت اكثر من خمسه ساعات راعينا فيها حرية النقاش وافساح المجال لكل السناير كى يدلو بدلوهم خرجنا
بالتوصيات التاليه
: كيف يتثنى لبرلوم لم تتجاوز مشاركاته المائه مشاركه ان يساوى نفسه ويطلب حقوق من سنير له اكثر من ثلاثه الف مشاركه
: من منطلق السؤال اعلاه وبعد قيام وفد رفيع المستوى بمحاولة تهدئة الامور دون جدوى نعلن الحرب على هؤلاء المارقين حتى
يعودوا الى صوابهم ومن دخل منهم بوست السناير وكتب كلمة سلام فهو امن وفى امن وامان
: مخاطبة صاحب المنبر بخصوص تنشيط كودات الاسلحه الخفيفه وتنشط الكودات حسب مجريات المعركه اذا ما اقتضى الامر
* *
لم يكد فحوى هذا البيان تصل الى البرالمه حتى تدافعوا الى بوستهم المخصصه للمواجهة واعلنوا حالة الطوارى وبدات
اتصالات مكثفه بصاحب المنبر لاحاطته بالموقف ولتنشيط كودات الاسلحه المضاده وكود الار بجى بورد الذى دار حوله حوار عنيف
باعتباره من الاسلحه المحرمه فى المنابر لكن حساسية الموقف دعت الى طلبه خصوصا مع تلك الانباء القادمه من معسكر
السناير التى تتحدث عن انهم طالبوا بتنشيط كود القنابل المنبريه الحارقه وهو نوع ايضا محرم ومحظور ...اخذ البرالمه
اماكنهم حول اجهزتهم متحفزين فى انتظار تنشيط الكودات واكدت المداخلات على تكوين هيئة عليا من البرالمه المفتحين
لتقود دفة المعركه مع التاكيد عليهم ان خير وسيله للدفاع هى الهجوم،،فى هذه الاثناء تدافع عدد من سناير الوسط نحو
بوست البرالمه مماجعل هيئة القياده تعلن عن بداية الهجوم من قبل السناير لكن سرعان ماتراجعوا وهم يرون كلمة اصدقاء
تظهر امامهم بعد ان ارسلها سناير الوسط لطمئنتهم كان من الواضح ان هناك انشقاق فى صفوف السناير طالب على اثره سناير
الوسط بالانضمام الى البرالمه وبعد مشاورات برلوميه مكثفه شابها كثير من الشك والمخاوف فى ان يكونوا طابور خامس من اجل
التجسس ومد الطرف الاخر بالمعلومات توصلوا الى فتح بوست منفصل لسناير الوسط مع مدهم بكودات الاسلحه بحذر شديد متى ماوصلت
اليهم فقبل الطرف الاخر هذا الاقتراح على مضض...................
* *
فى هذه الاثناء كان سيد الحوش فى غاية الانزعاج ممايحدث وقد صمم على عدم تنشيط كودات الاسلحه لى اى من الطرفين رغم
الظغوط العنيفه التى مارسها السناير مماحدا بالطرفين فى الدخول معه فى مواجهة مباشرة تخللتها بعض المناوشات ومن
ستر الله ان الاكواد كلها مغلغه ولولا ذلك لوقعت الكارثه .. لكن صاحب المنبر كان حازم وبدا يتصل بالاطراف التى لم تشارك
فى الحرب من الطرفين بعدها جمع كل الاعضاء داخل بوست خاص بالطوارى وقال ( لن اسمح لكم تحت اى ظرف بهدم هذا المنبر الذى
ظل لمايزيد عن السبع سنوات قبلة اهل السودان فى الداخل والخارج ومنبر الحرية الاوحد فى زمن اللا حريات هذا المنبر الذى
استهدفه الهكر مرارا لكنه فشل فكيف بالله عليكم سولت لكم انفسكم بهذا وانتم ابنائه لمجرد اوهام ،، هذا المنبر ملك لكم وليس
هناك برلوم، فسنير اليوم هو برلوم الامس الكل يدلو بدلوه ياتى البعض ويمضى البعض ويظل المنبر هو الثابت روحه انتم وغزائه كلمتكم
لذلك لن ادخر وسعا فى ضخ الدماء فيه بمزيدا من الاعضاء الجدد يالله خلونا نختلف حول القضايا المهمة لتعم الفائده او نتفق)
استمر سيد الحوش لمدة ساعه كامله فى خطبته العصماء وكانت لكلماته الاثر البالغ فى تهدئة الاجواء والاحساس بالمسؤوليه تجاه
المنبر احس الجميع بالخجل ولم يستطيع احد منهم ان يتطلع الى الكيبورد بتاعو واشاحوا بوجوههم عن الشاشات وادركوا انهم
عملوا من الحبة قبه لان المنبر ليس مؤسسه عسكريه انماهى مساحه حره يمكن ان يقدل فيها الجميع حتى لو كان عمر العضو يوم
اما الشلليات فيمكن لكل المنبر ان يصبح شله واحده اذا حملوا الود لبعضهم البعض واختلفوا فى ادب فالود المتبادل الحقيقى
يساوى مليون مداخله... عاد الجميع للكيبورد وبضربه واحده تداخل الجميع بعباره واحده عبارة اعلنت ان الحرب قد انتهت قبل
ان تبدا وهى (سودانيز اون لاين منبر يسع الجميع )
|
|
 
|
|
|
|
|
|
|
|
Re: ثورة البرالمه داخل المنبر هل تتحول الى حرب مع السناير (توجد احداث) (Re: مدثر قرجاج)
|
العزيز : قرجاج - لك التحية
Quote: برالمه جداد لنج ماقايلاهم فصيحين
ولئمه كده لكن بعد ده بشوفوا |
إنت عارف إنو أخوانا السناير ديل بقو
ما بدخلوا المنبر ده كثير لظروف بعرفوها
هم , فأصبحت مشاركاتهم قليلة , والبرالمة
ما شاء الله تبارك الله أعدادهم زايدة ونشيطين
تلقى الواحد سجل الليلة اليوم الثاني
تلقى عنده عشرين مشاركة .
* اصبر يا مدثر حنخل ليك السناير ديل
بعد شوية ما يدخلوا البورد ده إلا بتأشيرة ....
| |
|
|
|
|
|
|
|
|
|
Re: ثورة البرالمه داخل المنبر هل تتحول الى حرب مع السناير (توجد احداث) (Re: د.يوسف محمد طاهر)
|
Quote: إنت عارف إنو أخوانا السناير ديل بقو
ما بدخلوا المنبر ده كثير لظروف بعرفوها
هم , فأصبحت مشاركاتهم قليلة , والبرالمة
ما شاء الله تبارك الله أعدادهم زايدة ونشيطين
تلقى الواحد سجل الليلة اليوم الثاني
تلقى عنده عشرين مشاركة .
* اصبر يا مدثر حنخل ليك السناير ديل
بعد شوية ما يدخلوا البورد ده إلا بتأشيرة |
يادكتور
ده الكلام الصاح
اهنيك واشد من ازرك
عايزين فنون عشان الناس تقتنع
مودتى
| |
|
|
|
|
|
|
|
|
|
Re: ثورة البرالمه داخل المنبر هل تتحول الى حرب مع السناير (توجد احداث) (Re: مدثر قرجاج)
|
ياقرجاج
من الاحداث التي مرت
سنير 2007 دخل معي دخلة
خشنة ما رديت عليه لاني وجدته مسطح
ومعارف الحاصل شنو في المنبر
تعرف لقيتو راجل كبير وله اربعة بنات
وعشان خاطرهم كمان سبب اساسي لعدم ردي
زنبهم شنو في يوم من الايام يجدوا
ابوهم ممسوح به الارض
كرهني ليك امدرمان والعباسية زاتها
ياخي دا لو كان مسح عربات في طرمبة عابدين بالعباسية
كان استفاد واتعلم كيف يحترم الناس
يجي يعمل ليك فيها سنير ويقل ادبه تخيل
والله مسكين بكري ابوبكر
---------------------
ود قرجاج بفتش ليك نموزج المداخلة عشان تعرف لماذا لم ارد عليه
| |
|
|
|
|
|
|
|
|
|
Re: ثورة البرالمه داخل المنبر هل تتحول الى حرب مع السناير (توجد احداث) (Re: وليد عبد اللطيف)
|
Quote:
ياقرجاج
من الاحداث التي مرت
سنير 2007 دخل معي دخلة
خشنة ما رديت عليه لاني وجدته مسطح
ومعارف الحاصل شنو في المنبر
تعرف لقيتو راجل كبير وله اربعة بنات
وعشان خاطرهم كمان سبب اساسي لعدم ردي
زنبهم شنو في يوم من الايام يجدوا
ابوهم ممسوح به الارض
كرهني ليك امدرمان والعباسية زاتها
ياخي دا لو كان مسح عربات في طرمبة عابدين بالعباسية
كان استفاد واتعلم كيف يحترم الناس
يجي يعمل ليك فيها سنير ويقل ادبه تخيل
والله مسكين بكري ابوبكر
---------------------
ود قرجاج بفتش ليك نموزج المداخلة عشان تعرف لماذا لم ارد عليه
|
ياوليد والله كنت حكيم فى عدم الرد لانو فى ناس بيفقعوا المراره
انا زاتو حصلت لى فى اول بوست عملتو لكن وريتو ليك فنون قتاليه
تانى اصلو ماظهر لى بالمناسبه فى سناير لحدى يوم الليله قايلين
البورد حقهم براهم وهم على قلتهم بيصيبوا البرالمه بى احباط لكن
مع مرور الزمن كلو بيصلح....
منتظر المداخله بتاعت عمك عشان نعلق عليها
مودتى
| |
|
|
|
|
|
|
| |
مدثر قرجاج
بكري عباس علي
د.يوسف محمد طاهر
وليد عبد اللطيف
فيس بوك
تويتر
انستقرام
يوتيوب
بنتيريست