|
Re: بدر الدين الامير تعال احكي لينا حكايه الايرلندية جوزفين ابراين (Re: محمد طه الحبر)
|
Quote: بدر ياخي الحكايه دي مجنناني
داير اعرف الحصل شنو |
ود الحبر ياحفار انت من وين لميت في سيرة (القديسة) جوزفين ابراين أم شيفون ودارا استاذة اللغة الانجليزية بجامعة الجزيرة وجامعة قطر سابقا واخر عهدى بها بجماعة العين منذ سنوات وياريت تستدعى معى هنا للحكى استاذنا وشيخنا مسعود محمدعلى صديق وزميل جوزفين الذى ادخلها عالم مصطى سيد احمد ـ ولى عودة
| |
|
|
|
|
|
|
Re: بدر الدين الامير تعال احكي لينا حكايه الايرلندية جوزفين ابراين (Re: محمد مكى محمد)
|
Quote: فعلا الاستاذه جوزفين شخصيه عظميه ,تحب السودان والسودانين. تربطنى بها صداقة وطيده..لها الود والتحايا.
|
محمد المكى محمد هلا بيك عزيز وغالى والقدسية جوزرفين كما يحلو لى تسميتها انسانة من عجين المد الانسانى ليت زملاها وتلاميذها واصدقاها يجو يحكو عنها.... لقد كانت ترى وجه شبه بين غناء مصطفانا وغناء الايرلنديين اي الغناء من خلال قضية او القضية التى نغنى بها ومن اجلها بل كان لديها محاولة ان يغنى مصطفى احد الاشعار الايرلندية ولها موقف من بدء حفل مصطفي في فندق الواحة عام 1992م وهو موقف اضحكنا ومحننا ولكن تعلمنا منه سوف احكيهى لاحقا
| |
|
|
|
|
|
|
Re: بدر الدين الامير تعال احكي لينا حكايه الايرلندية جوزفين ابراين (Re: doma)
|
وعلى ذكر انقلترا احكى لك ولود الحبر وباقى الاحباب واحدة من ذكرياتنا وحكاياتنا مع القديسة جوزفين وغدا بجيك بالصور.. كنا نعد لحفل مصطفي بفندق الواحة 1992م وكانت القديسة جوزفين وبناتها يتابعون معنا وقبل الفحل بيوم اسالتنى جوزفين متى تبدا الحفل قلت الساعة الثامنة والنصف كما هو مبين في التذكرة وكانت جوزفين متحمسة لسماع مصطفى من خلال حفل وكذلك بناتها شيفون ودارا طبعا الخواجية وصلت لمكان الحفل قبل نصف ساعة من الزمن المحدد وحين وصلت الساعة الثامنة والنصف لم ترى احد غير المنظمين سالتنى متى تبدا الحفل قلت بعد نصف ساعة شوية تاخير الناس في الطريق وبعد مضى نصف الساعة اشوف ليك الخواجية جايا على قلت لمسعود امسك مني الخواجية انا مابقدر على زرزرتها هي مش عارف عدم انضابط السودانين بالزمن فرد مسعود وهى برضو بتعرف رقبتها ونضباطها بالزمن المحدد منتظرة لها ساعتين ولسة جمهوركم ما وصل المهم الخواجية وصلت وبكل هدو سلمتنى التذاكر وقالت رجعو لى قروشى رجعنا ليها قروشها وغادرت ونحن منططين عيونا ومن يومها بقينا الزمن البنحددو على التذاكر بنلتزم به حتى ولو كان الحضور واحد وبعد الحفل حكيت الحكاية لمصطفي قعد يضحك وقالى انت قايلها خواجية من اربجى
| |
|
|
|
|
|
|
|