|
|
|
 Re: ود شيقوق كيتا عليك إجازة العيد مدوها (Re: هويدا شرف الدين)
|
سلامات يا هويدا
أولاً بالتبادي
كل سنة وإنت طيبة وحقق الله أمنياتكم
ثانياً
ما تزعلي من ود شيقوق ، أصلو الإجازة دي بتجيب وراها تبعات كتيرة ، عشان كدا يظن الكثيرون أنه من الأرحم ( الفرار إلى العمل ) من أن ( نتدبس ) في شراء مالا نقتنع بجدواه
تالتاً
كنت عاوزك بي رواقة في موضوع إستثمار عقاري
نخليها بعد العيد ولا كيف ؟؟
| |
 
|
|
|
|
|
|
|
|
Re: ود شيقوق كيتا عليك إجازة العيد مدوها (Re: هويدا شرف الدين)
|
| Quote: الحمد لله تم تمديد العطله يوم واحد بأمر رئاسي ، هو واحد لكن أخير من العدم ودي جاءت في الصميم للناس الحاقده زي ود شيقوق ومن لفه لفه |
هسع يا مسنوحة جاية ناطة لزيادة 8 ساعات إجازة ؟ وكمان بقرار جمهوري ؟
اكيد حتتسانحي وترقعي باقي ايام الاسبوع باجازة مرضية ملفقة
سجمنا نحن البندفع الضرائب لحكومة السودان وتصرفوها انتوا رواتب بدون انتاج .
امبارح كنت بتجدع في السوق باحث عن حاجة حلووووووووة نمرة 36 ولقيتها وخمشتها وجيت قادل لبيتي .
| |
|
|
|
|
|
|
|
|
|
Re: ود شيقوق كيتا عليك إجازة العيد مدوها (Re: هويدا شرف الدين)
|
طيب
تشجعني هذه الأريحية للدخول في الموضوع
لدى منزل في الخرطوم في مرحلة التشطيب
أعمل بوظيفة مهندس مدني بدائرة حكومية في منطقة الخليج براتب معقول والحمد لله
ما هى شروط تمويل إكمال تشطيبه ؟؟
في حال أنني لا أحبذ فكرة رهن المنزل للبنك - ضمن إجراءات التمويل - ما هى الضمانات الأخرى التي يطلبها البنك ؟؟
| |
|
|
|
|
|
|
|
|
|
Re: ود شيقوق كيتا عليك إجازة العيد مدوها (Re: عاطف عمر)
|
الأخ عاطف
ما في اي مشكله والله جاهزين لأي استفسار وكمان لاي خدمات أخري لو جيت بي نفسك ، بس لازم ودا شرط أساسي انو يتم رهن المنزل دي لا فرار منها لانو هو موضوع العمليه ، عندنا إداره هندسيه في البنك تقوم بالتقييم للمنزل ويتم مقارنته بطلب التمويل المقدم من طرفك ، في الحاله دي بكون عندك مجالين يا إما مرابحه أو مقاوله ن المرابحه حا تكون لشراء مواد البناء للإتمام ودي يجب فيها وحسب قوانين والسياسات المتبعه دفع مقدم 25% علي أن لا تتجاوز مدة السداد عامان أما في حالتك فيفضل الدخول في مقاوله وهذه المقدم فيها حسب ما يتفق عليه الطرفان وفترة السداد قد تمتد إلي خمسه أعوام
| |
|
|
|
|
|
|
|
|
|
Re: ود شيقوق كيتا عليك إجازة العيد مدوها (Re: هويدا شرف الدين)
|
شكراً كتير للتونيه يا هويدا
ومعليش الإنتاج حا يتأثر بي اليوم دا لكن دا حق الموظفين (لوووول)
دواوين الحكومة دي مدو إجازتها لي العيد الجاي شوف كان يتأثر شيء !
عاطف عـمر قريبي
يا اخوي ربنا يفك كُربتك ( شكلك إتكوكرته)
يا قريبي إياكـ والبنوك ثم إياكـ والبنوك
بيتك دا كان تتمو جالوص ما تغامر بي البنوك وتحشرها في موضوعك دا
والله ما في واحد دّخل قروش البنك عليهو لقى قايده !! كلو خساره في خسارة وبتمحق ليك العندك والجاي !
ما تقول الزول دا أنصار سُنة ! قول دا واحد فارق البنوك السودانية قبل 12 سنه شمسية !
الله لا بارك في البنوك ولا غزّ فيها بركة !
قروش البنوك دي سم مغلف بي غلاف شُـكـلاتة جـلاكـسي ..
يا اخوي بيت جالوص بي حر مالي ولا عمارة في شارع الجمهورية بي مال البنوكـ
كل سنه تيبين تيبين )
هشام
| |
|
|
|
|
|
|
|
|
|
Re: ود شيقوق كيتا عليك إجازة العيد مدوها (Re: Hisham Ibrahim)
|
عاطف عمر
Quote: لدى منزل في الخرطوم في مرحلة التشطيب
أعمل بوظيفة مهندس مدني بدائرة حكومية في منطقة الخليج براتب معقول والحمد لله
ما هى شروط تمويل إكمال تشطيبه ؟؟
في حال أنني لا أحبذ فكرة رهن المنزل للبنك - ضمن إجراءات التمويل - ما هى الضمانات الأخرى التي يطلبها البنك ؟؟ |
يشرفني ان اتقدم اليكم باسمى ايات الشكر والامتنان لنجاحكم الباهر في تغيير مسار البوست من الكيّة للتسهيلات البنكية النيّة
حاسب ابعد من المسنوحة دى اكان بتسوى عمار كان عمرت لروحها - بى فصاحتها دى ساكنة ليها في قطية من تحت جالوص وفوق من قش النال وارد البطانة - يعني لو استضافتك اى شرارة طايرة من سجارة بتسفرك مقابر شرفي .
| |
|
|
|
|
|
|
|
|
|
Re: ود شيقوق كيتا عليك إجازة العيد مدوها (Re: الطيب شيقوق)
|
| Quote: ود شيقوق الله يجازي محنك ، خلاص نشوف البحصل بس امسح باقي الكلام دا ام الاولاد ما تقراهو لانها كان قرتو بتغير كلامها القالتو لي في التلفون داك |
سجمك يا مسنوحة - هو ام الاولاد كان بتقرأ كلامي دا اكان زماااااااااان خشمي إتملأ تراب
| |
|
|
|
|
|
|
|
|
|
Re: ود شيقوق كيتا عليك إجازة العيد مدوها (Re: الطيب شيقوق)
|
| Quote: ما في اي مشكله والله جاهزين لأي استفسار وكمان لاي خدمات أخري لو جيت بي نفسك ، بس لازم ودا شرط أساسي انو يتم رهن المنزل دي لا فرار منها لانو هو موضوع العمليه ، عندنا إداره هندسيه في البنك تقوم بالتقييم للمنزل ويتم مقارنته بطلب التمويل المقدم من طرفك ، في الحاله دي بكون عندك مجالين يا إما مرابحه أو مقاوله ن المرابحه حا تكون لشراء مواد البناء للإتمام ودي يجب فيها وحسب قوانين والسياسات المتبعه دفع مقدم 25% علي أن لا تتجاوز مدة السداد عامان أما في حالتك فيفضل الدخول في مقاوله وهذه المقدم فيها حسب ما يتفق عليه الطرفان وفترة السداد قد تمتد إلي خمسه أعوام |
وحاة الله الزمن دا كلو كنت حاقر بيك ساى اتاريك خبيرة
طيب عايز ارحل من منطقة لاخري وعندى بيت مبني جاهز هل ممكن البنك يقيم بيتي الحالي ويسكنى في بيت في المنطقة المراد الرحيل اليها؟
| |
|
|
|
|
|
|
|
|
|
Re: ود شيقوق كيتا عليك إجازة العيد مدوها (Re: الطيب شيقوق)
|
| Quote: يشرفني ان اتقدم اليكم باسمى ايات الشكر والامتنان لنجاحكم الباهر في تغيير مسار البوست من الكيّة للتسهيلات البنكية النيّة |
سلامات سعادة المستشار شيقوق
نعمل شنو يا سعادتك
قدر ما نحاول نحجزك من ( الأقلام الصديقة )
تقوم براااك تجيب سيرة البحر تاني وتالت ورابع
ياخ أنا فراستي في الناس بحمد الله لا تخيب أبداً
أختنا هويدا دي واضح عليها
هميمة
وبت بلد
ومتربية في بيت كرم
غض النظر عن أنو أتعاون مع البنك الـ هى شغالة فيهو أم لا
لكن أنا سعيد أني عرفتها
| |
|
|
|
|
|
|
|
|
|
Re: ود شيقوق كيتا عليك إجازة العيد مدوها (Re: Hisham Ibrahim)
|
هشام كل سنه وانت طيب
يا خوي مالك علينا قول بسم الله ، والله عندنا شغل المقاولات دا بالكوم والردوم مافي زول شكي منها والله الناس بسددوا تمام التمام ، انا شغاله لي في البنك سنه وشويه ما سمعت بالكلام القلتو دا الحكايه اتفاق حتي لو اردتد ليك شيك ولا اتنين ولغاية تلاته وانت زول ملتزم بالدفع بتم التوصل معك لي حل ، طبعا في ناس عاوزين يبنو بنو مكلف وفي الحاله دي القروش ما بتتلما عشان كدي بقومو بلجو للبنك وما سمعت الكلام القلتو دا من زول الا منك
وعلي العموم طبعا كل زول بضرب حسب دخلو ومقدرتو ومن البدايه يتم اخبارك بقيمة القسط وكدا وبعد كدا انت بتعرف امكانياتك ونتمني نستقبلك في القريب العاجل كعميل متميز
| |
|
|
|
|
|
|
|
|
|
Re: ود شيقوق كيتا عليك إجازة العيد مدوها (Re: Hisham Ibrahim)
|
Quote: عاطف عـمر قريبي
يا اخوي ربنا يفك كُربتك ( شكلك إتكوكرته)
يا قريبي إياكـ والبنوك ثم إياكـ والبنوك
بيتك دا كان تتمو جالوص ما تغامر بي البنوك وتحشرها في موضوعك دا
والله ما في واحد دّخل قروش البنك عليهو لقى قايده !! كلو خساره في خسارة وبتمحق ليك العندك والجاي !
ما تقول الزول دا أنصار سُنة ! قول دا واحد فارق البنوك السودانية قبل 12 سنه شمسية !
الله لا بارك في البنوك ولا غزّ فيها بركة !
قروش البنوك دي سم مغلف بي غلاف شُـكـلاتة جـلاكـسي ..
يا اخوي بيت جالوص بي حر مالي ولا عمارة في شارع الجمهورية بي مال البنوكـ
كل سنه تيبين تيبين )
هشام |
سلامات هشام
جزيل الشكر لنصيحتك التي أحسست بصدقك فيها
تعودت قبل إتخاذ أى قرار أن أدرس كل الخيارات المتاحة والممكنة
وتأتي بعد ذلك مرحلة المفاضلة بين هذه الخيارات
وبعد ذلك الإستخارة
وشكري الجزيل أيضاً لدعوتك الطيبة
| |
|
|
|
|
|
|
|
|
|
Re: ود شيقوق كيتا عليك إجازة العيد مدوها (Re: هويدا شرف الدين)
|
عاطف
Quote: ياخ أنا فراستي في الناس بحمد الله لا تخيب أبداً
أختنا هويدا دي واضح عليها
هميمة
وبت بلد
ومتربية في بيت كرم |
بالجد ابصم معاك بالعشرة - يعجبني فيها روحها الطيبة وظلها الخفيف ومن الذين يدخلون الفرحة في نفوس متصفحي سودانيز اونلاين فهي بحق وحقيقة تاج وقار يتلألأ على جبين هذا المنبر .
| |
|
|
|
|
|
|
|
|
|
Re: ود شيقوق كيتا عليك إجازة العيد مدوها (Re: الطيب شيقوق)
|
الأخ عاطف
مشكور علي الكلام الجميل ودا بس من زوقك ويسعدني أن أقبلك أخ وصديق ذي ما قلت بغض النظر علي انك اشتغلت معانا ولا لا وكمان برضو اذا وصلت لي قرار انك تشتغل معانا حا ابقي ليك واسطه كويسه خالص خالص لكن بعدين ود شيقوق دا لو جاء لي شغل بقطع ليك راسهو بدفعو دبل وبرهنو البيت وببيعو ليهو في المزاد
| |
|
|
|
|
|
|
|
|
|
Re: ود شيقوق كيتا عليك إجازة العيد مدوها (Re: هويدا شرف الدين)
|
ود شيقوق اخوى قلت انا واسطة خير والله والمصالح بنقاشها بعدين
هويدا اختى الزول كويس شديد ومعصور بيهنا معنا وانتى قلبك كبير خلاص سامحية
وانت عارفة الناس ديل اكل عيشهم فى لسانهم ولما يزنقوا بجروووووا واطى
المهم ممكن نشوفكم بعد العيد ان كان لنا عمر باذن الله وتذكرونا كل ما عضت الاسنان على اللحم المشوى ههههههههههههه
وكل عام وانتم بخير ونسال الله ان يحقق الامانى للجميع والعزة والرفعه للسودان ولاهل السودان جميعا يارب
والتحية والتهانى القلبية الصادقة لناس الحوش الكبير وربنا يجعل ايامنا كلها رحمة ومودة وسترة فى الدارين
واعفو عنا ان اساءنا او اخطاءنا فهى مناكفة وحلاوة كلام وربنا عالم بالفى القلوب
ود ابوسنينه
| |
|
|
|
|
|
|
|
|
|
Re: ود شيقوق كيتا عليك إجازة العيد مدوها (Re: برير احمد إبراهيم)
|
الأخ برير كل سنه وانت طيب وربنا يحقق الأماني
والله طبعا ما دعايه للبنوك ولا حاجه لكن اصلا نادرا ما يقدر الزول يبني براهو لانو القروش ما بتقعد المهم البناء هنا زي ما قلت سابقا تجي البنك نعمل ليك صيغة مقاوله بنديك الشروط بعد كدا انت تشوف امكانياتك وانا ما عندي مانع استقبلك في اي وقت
| |
|
|
|
|
|
|
| |
هويدا شرف الدين
عاطف عمر
الطيب شيقوق
Hisham Ibrahim
Yousif A Abusinina
Ahmed Yousif Abu Harira
برير احمد إبراهيم
ALazhary2
فيس بوك
تويتر
انستقرام
يوتيوب
بنتيريست