|
|
|
 Re: عاملة كيف .. يا حبيبتي .. يا واحشاني .. (Re: tmbis)
|
الاخ العزيز تمبس
حسه وانا جاية داخلة عاوزة اكتب كلام كبير واسجل تحية واعجاب للبوح الاسفيري الرائع
اجي القاك كاتب امدرمان ( وش مبتسم)!!
ما مشكلة
امدرمان والسودان هم الحب الاشمل الذي يظلل الجميع
التحية لست الريد وامدرمان والنيل والسودان
| |
 
|
|
|
|
|
|
|
 Re: عاملة كيف .. يا حبيبتي .. يا واحشاني .. (Re: maia)
|
Quote: حسه وانا جاية داخلة عاوزة اكتب كلام كبير واسجل تحية واعجاب للبوح الاسفيري الرائع
اجي القاك كاتب امدرمان ( وش مبتسم)!! |
.. 
والله يا مايا أمدرمان برضو بتتحبه بي طريقة تانية .. زيها وزي ست الريد واحد ..
بس بتختلف طريقة البوح
| |
|
|
|
|
|
|
|
|
 Re: عاملة كيف .. يا حبيبتي .. يا واحشاني .. (Re: omer osman)
|
وقسما بالله قاصد امدرمان ..
ياخ ادوني فرصة كمان أعبر عن وحشتي لي الحلة .. والله مشتاق ليها ..
أمس كنت في حديث مع صديقي الصحفي اللطيف .. محمد عبد القادر بعد مشاهدته في برنامج تحت الطبع على النيل الأزرق ..
اصدتو وهو طالع من الاستديو ..
قلت ليهو إنت وين الآن ..؟
قال لي تعرف ضربت سمك في الموردة ..
وحسع ماشي على البيت .. بي يميني قصر الشباب ..
سرحته معاهو ..
فجأة لقيت نفسي ماشي بي كرعيني .. ومليان هواء جواني .. واشكال ناس ووجوه احبها وفاقده
يا سلام على البحــر الصباح تحت القيفه التحت مسجد النيلين
| |
|
|
|
|
|
|
|
|
|
Re: عاملة كيف .. يا حبيبتي .. يا واحشاني .. (Re: داليا حافظ)
|
Quote: دي زمااااان كن بنقول عليها ...شننننقا ..
كيف يا عريس .. |
وووين يا داليــا .. إنت ..؟
عارفه؟؟!
قمت من الصباح (محقون) عديل كدا بالحلة وقلبي قاعد يدق شديد .. طبعا مرات كتيرة بتداهمك الاحاسيس دي .. وبتنشلك من المكان الانت فيهو .. بتحس بي نفسك هناك ..
مرة ماشي الشغل الصباح .. كنت بسمع في فيروز كان في نسمة اصلو ما بتشبه المكان دا ..
دخلت التفتيش بتاع الحاجز حق الشرطة .. وانا داخل على الشغل ..
فجاة فيروز قالت .. ردني إلى بلادي .. يا سلالالالام .. أخدت لي تكية كدا في الكرسي .. ورحته فيها .. لقيت البوليص واقف في راسي ..
قال لي ايش فيك يا زول .. إنت ما بصاحي ..؟
إنتفضت ليك فوقو .. قلت ليهو إنت عارفني حسع كنت وووين ..؟ عارف إنت جبتني من وووين ..؟ إنتو بتصحو الناس ساااي ؟؟
بعدما ختمت المحاضرة .. قلت ليهو عليك الله خليها ساااي
لكن الشنقة .. مشت فيكم.. عليكم واحد
| |
|
|
|
|
|
|
|
|
|
Re: عاملة كيف .. يا حبيبتي .. يا واحشاني .. (Re: tmbis)
|
تمبس
ياخي ما في داعي للتبرير والجرسة
قلت لي السمك ونسيم الموردة
ما اختلفنا معاك ابدا
ده كلو جميل وبستحق الشوق
النيل والسمك والبحر والنسيم العليل
لكن يا تمبس يا اخوي
صدقني
امدرمان دي قعدة ليها حقب وسنين
لكن الان فقط بقيت تشوفها بملامح تانية
( وش مبتسم بيحاول يزيح من قدامك المبررات)
قول يا اخي قول
واطلق لبوحك العنان
انشالله تدوم امدرمان والسودان كمان
دمت بخير
| |
|
|
|
|
|
|
|
|
|
Re: عاملة كيف .. يا حبيبتي .. يا واحشاني .. (Re: maia)
|
Quote: امدرمان دي قعدة ليها حقب وسنين
لكن الان فقط بقيت تشوفها بملامح تانية |
.. ما ضغطتي علي يا مايا ..؟
أنا لو خليتوني براي .. بقول .. لكن بي طريقتكم دي .. ببداها ليكم من كبري شمبات بدخل بي الملازمين اطلع ليكم بالعرضة شمال .. واعرج على الفتيحاب .. ومنها تااني ارجع ودنوباوي ..
وكل شارع احسب ليكم عدد الاعمدة والمصطبات الفوقو .. يعني المسافة البين المجلس البلدي لحدت دار الرياضة بحكيها ليكم في سنين ..
سايسوني براحه كدا .. بفتو ليكم .. واحكي ليكم عن امدرمان القديمة
| |
|
|
|
|
|
|
|
|
|
Re: عاملة كيف .. يا حبيبتي .. يا واحشاني .. (Re: omer osman)
|
Quote: امدرمان ياكبير ..............
ودالصايم انا شايف احسن تقطع اجازتك تلحق الزول ده .... |
.. ..
دقيقة يا بوليص .. (فرقة) مكافحة الشغب دي جايبه لي وووين ..؟ الزول دا امسكو معاكم ..
والله بختك تتفسح ساااي .. وتضرب في ليمون الدنقلاوي ..
أنا الله لي ..
| |
|
|
|
|
|
|
|
|
|
Re: عاملة كيف .. يا حبيبتي .. يا واحشاني .. (Re: عبدالوهاب علي الحاج)
|
تمبس يا صديق
مشتاقين
قلت يا أم درمان
طيب أم درمان من زمااااااااااااااان ما كتبت عنها ليه
وبالبساطة دي عاوزنا نصدقك
أها كان حلفت المصحف ناس وهبة ديل ما بصدوقك
أحسن تجي بالدرب العديل
وبطل شماعة أم درمان دي
حركات الأمنجية معانا ما تنفع هههههههههههههههه
خالص مودتي يا حبيب سافرت ولا لسة
| |
|
|
|
|
|
|
|
|
|
Re: عاملة كيف .. يا حبيبتي .. يا واحشاني .. (Re: ارصد محمد جلال)
|
Quote: الكلام دهـ تقولوا
لواحد ماعندهـ هديدة |
.. .. أ،ا عارف لو الناس دي كلها صدقتني ما بتصدقني إنت ..
عاين
عليك الله اعمل مس كول لي حميدة أنا الايام دي مشغول ...
بلاي يا ارصد ومن لف لفـه .. ما تشتتو لينا افكارنـا خلونا نعرف نحب المدن الجميلة
مش الشاعر قاليك في عينيك مدن .. ؟
حسع لو قلت ليك أنا شاعر .. بي (هديدتك ) دي بتصدقني ..؟
قوم لف ياخ
| |
|
|
|
|
|
|
|
|
 Re: عاملة كيف .. يا حبيبتي .. يا واحشاني .. (Re: ودقاسم)
|
| Quote: عاملة كيف .. يا حبيبتي .. يا واحشاني .. |
كويسة وماعندى عوجة تب الا ناس الحلة بسألو منك بشدة ود ناس عطية بقول ليك ماتنسى
الملفحة اللات العقد وبت خالتك نفيسة راجيه المقنع الخ...
بعتبار انا ام العريس ( يخوانا خلو تمبس قاصد والدتو ليها تعظيم سلااام
ربنا يتم على خير ياوليدى ...
| |
|
|
|
|
|
|
|
|
|
Re: عاملة كيف .. يا حبيبتي .. يا واحشاني .. (Re: ودقاسم)
|
.. دقيقة يا شباب عن اذنكم .. ادوني خالكم دا عندي معاهو كلام سر ..
..
طيب إنت قاعد عندنا ليه ما ترجع الجزيرة هناك ..
نحن لينا بي فوزية وفدوى وطلال وقاسم وزياد ..
إنت سلم نفسك لي اقرب مكتب ترحيل وحصر أجانب .. .. امشي اللحق الموسم الشتوى دا .. عامل لينا ضيق مالك ياخ ..؟
الكلام دا قلناهو ليك زمااان .. ووضعنا خطوط عريضة ..
حسع عليك الله لما تصحى الصباح كدا .. وتفتح الرادي وتسمع هنا امدرمان .. وتطلع على الشغل وفاتح الراديو حق العربية وإنت حايم في شوارع امدرمان وجيت جمب الاذاعة ونادي الفنانين .. والطابية وسوق الموردة ..
عليك الله ما بتلقى نفسك قعدته تضحك ساااي كدا لي الله ..
والله تلقاك بتتبسط جنس بسطـة .. عليك الله فكنا ياخ ..
ملحوظة:
معتصم قام قبل شوية .. قول واحد ..
من هنا لحدت الخميس إن شاء الله .. ح يكتمل العدد .. بكامل المفاجأت ..
ومن مصلحتك .. تخلي المنطقة وتمشي الجزيرة .. بي صراحة كدا يعني
تراك ابلشتنـا ..
| |
|
|
|
|
|
|
|
|
|
Re: عاملة كيف .. يا حبيبتي .. يا واحشاني .. (Re: عمر صديق)
|
| Quote: وقسما بالله قاصد امدرمان |
عليك صيام 3أيام...
هى بخير..ومترقبة حضورك بفارق الصبر...وقالت ليك...أنا جواك..وجوه قلوب كثير من الناس...
مشتاقة ليك زى ما مشتاق ليها...
عيدنا المرة دى ياتمبس..غير إن شاء الله..امدرمان ستكون بهجة..بأذن الله.....
| |
|
|
|
|
|
|
|
|
|
Re: عاملة كيف .. يا حبيبتي .. يا واحشاني .. (Re: Muna Khugali)
|
احيانا يكون شوقنا لمسقط رأسنا المؤلم امدرمان اشد ألما
مبروك ياتمبس .. بس ماتزيد طعوني بالشوق للعاصمة الانثي
كما قال نايف صقر
Quote: لا تزيد طعوني اوجعت الخناجر
مابقي عرق بقلبي ماثنيته
لو عيوني غيم واهدابك محاجر
ماظما رمشك تحت دمع بكيته |
نصيحة ..
حاول ركز اثناء هذه الفرحة الاستثنائية ركز في الزفة في زغرودة الخلالات في عمة نسيبك في رقصتك في العقد في صينية الحلاوة والخبيز في سيجارة البرنجي في نسمة امدرمان ركز ركز ركز ركز ...
فيك الملائكة
| |
|
|
|
|
|
|
|
|
|
Re: عاملة كيف .. يا حبيبتي .. يا واحشاني .. (Re: Nader Abu Kadouk)
|
Quote: وقسما بالله قاصد امدرمان ..
ياخ ادوني فرصة كمان أعبر عن وحشتي لي الحلة .. والله مشتاق ليها .. |
ههههههههههههههههههههههههههههههههه
أول مرة أشوفك تنعصر يا تامبا
يا زول امدرمان امدرمان
الخال ود قاسم دا رحلوه مش كل مرة ناطي ليكم وسخانة وسخانة لانو امدرمان دي حقت الانصار و ماحقت اتحادين
تسلم يا عريس
| |
|
|
|
|
|
|
|
|
|
Re: عاملة كيف .. يا حبيبتي .. يا واحشاني .. (Re: الصادق خليفة)
|
كن جميلا ترى الوجود جميل ....و تمبس اليومين ديل جمييييييييل جدا عشان كده شاف جمال ام درمان ....و بعدين عادى انو اسم داليا يدلعو ام درمان (وش مبتسم و فرحان ليك شديد).... ام درمان ...داليا ...داليا ام درمان فى النهاية نحن الكسبانين حنستمتع بجمال كلمات صادقة ...
| |
|
|
|
|
|
|
|
|
|
Re: عاملة كيف .. يا حبيبتي .. يا واحشاني .. (Re: tmbis)
|
يا صديقي المستبعل أخيرا..
كيف به الحنين ألا يأخذك إلى مدائن يتوسدها النيلان، و تغازلها الصحراء الأفريقية العظمى في
كل المواسم؟ كيف به إن لم يطوّف بك شوارعها جادّة جادّة.. ناصية ناصة.. ألقا ألقا.. فجرا فجرا
.. عمرا عمرا؟ كيف إن لم يدوّم في قلبك، مثل جرح قديم، حنينا إلى أن تعبئ من هوائها رئتيك
و أنت تركض في أزقتها و تتقرفص في سوحها و تختال الهوينى؟
يا صديقي.. أما فيض الذكريات و أصدقاء العمر الفتي و شقاوته، على براءتها، فيشرق بها القلب
ألف مرة حنينا أمجداً يستعصي على الاستكناه، إلا من رحم ربي و أشقاه بإبر الحنين تخز حوصلة
الأشواق..
يا تامبا.. الناس ديل زنقوك زنقة الفارق الممتاز.. محبتي أكيدة و عيدك و العروس أسعد..
بوعسل أبوعسل
| |
|
|
|
|
|
|
|
|
|
Re: عاملة كيف .. يا حبيبتي .. يا واحشاني .. (Re: ابوعسل السيد احمد)
|
تمبس
.
.
.
.
اثبت و بطل الجرسه
.
.
.
.
بكره بتخش الصف
.
.
.
.
و الريده بتبقى ... " قفه "
.
.
.
.
و القفه بتوديك الدايات ..
.
.
.
.
و الدايات بتوديك المدرسة ..
.
.
.
.
و المدرسة عايزه رسوم و مواصلات و كراسات .. و مش عارف ايه !!
.
.
.
.
و ح تبدأ الجرسه
.
.
.
.
و الله يا داليا ... والله يا داليا ... والله ياداليا !
.
.
.
.
و تشوف كان تذكر ام درمان !
.
.
.
.
قال شنو : عاملة كيف .. يا حبيبتى .. يا واحشانى ..
.
.
.
.
طيب يا تمبس
.
.
.
.
انا جاى العيد و كل يوم جمعة بكون فى ام درمان ... اما نشوف !
.
.
.
.
ربنا يجمعك بمن تحب ..
.
.
لكما امنياتى بالسعادة
| |
|
|
|
|
|
|
|
|
|
Re: عاملة كيف .. يا حبيبتي .. يا واحشاني .. (Re: Tragie Mustafa)
|
الظروف ما معروفة يا اهلنا..غايتو ده تضامني مع تمبس في محنتو..
لأن السكة دي شوف عيني جايبة ليها ضبة كربون في كورنه..و الجماعة بتحاول تطلع ليهو الكرت الأصفر..و الهرشة ما تديك الدرب على غرار ، ما قلت (اخر حب و أول)..!!
يا تمبس يا اخي ما قال ليك اسألوا اهل الذكر ان كنتم لا تعلمون..ولا علمنا في الشغلانة دي ما مالي عينك..
يا اخوي .. كلام تا اتا ده ما بسوا توالي..اصبرو لي سوية سوية..
ياخي خليها تمر سنة و بعداك بوح ..
وصية لداليا: الفيك انعرفت.. يعني بتقبلي الضـُرار؟
كل فرح و انتو بخير ..
كبر
| |
|
|
|
|
|
|
|
|
|
Re: عاملة كيف .. يا حبيبتي .. يا واحشاني .. (Re: Tragie Mustafa)
|
هههههههههه
Quote: قمت من الصباح (محقون) عديل كدا بالحلة وقلبي قاعد يدق شديد .. طبعا مرات كتيرة بتداهمك الاحاسيس دي .. وبتنشلك من المكان الانت فيهو .. بتحس بي نفسك هناك ..
|
يا تامبا دربك مرق تبببببب
العريس ده كان قريب بيكون هسي قطع
الاخدود الافريقي العظيم
كان ما واقف قدام بتاع جوازات مطار الخرطوم بيملاء فورم
انفلونزا الخنازير
------------------------
مبروك يا عريس
| |
|
|
|
|
|
|
|
|
|
Re: عاملة كيف .. يا حبيبتي .. يا واحشاني .. (Re: عمران حسن صالح)
|
أخوى..عمران.....أتبنانى معاك.........
PASSENGER NAME TIME STATUS
??????????????????????????????? ???? ???????????????????????
ELSHEIKH ALAAELDINMANSOU F NOT CHECKED-IN
€
الزول ده من شدة ما فرحان ومشتاق..ركب F/C قال عشان يصل قبل الناس
سأوافيكم بعد ما يأخذ كرت صعود الطائرة.....الزول ده منتظرنوا فى المطار قوم عديل...تقديرى واحترامى الشديد..
| |
|
|
|
|
|
|
|
|
|
Re: عاملة كيف .. يا حبيبتي .. يا واحشاني .. (Re: ismeil abbas)
|
بشروا المحبوبة...بأن الحبيب حالتو مظبوطة...
روحو هيمانة...
ضارب الدوخة..
جاء من التأكيد.....روحو عاجباهو...
خلاص الزول أخد كرت صعود الطائرة..والحمدالله....مرفق.. صورة...
PASSENGER NAME TIME STATUS
??????????????????????????????? ???? ???????????????????????
ELSHEIKH ALAAELDINMANSOU 1108F CHECKED-IN / BPP ISSUED
| |
|
|
|
|
|
|
|
|
|
Re: عاملة كيف .. يا حبيبتي .. يا واحشاني .. (Re: عمران حسن صالح)
|
| Quote: عاملة كيف .. يا حبيبتي .. يا واحشاني .. |
قول يا الكباشى ابو دلوش(المكاشفى أبو عمر)!
ﺍﺸﻌﺭ ﺍﻟﻨﺎﺱ ﺃﻤﺭﺅ ﺍﻟﻘﻴﺱ ﺇﺫﺍ ﺭﻜﺏ، ﻭﺯﻫﻴﺭ ﺇﺫﺍ ﺭﻏﺏ، ﻭﺍﻟﻨﺎﺒﻐﺔ ﺇﺫﺍ ﺭﻫﺏ، ﻭﺍﻻﻋﺸﻰ ﻁﺭﺏ , وتمس إذا أحب!
أم در أم در ولا شيتا كتر!
تعرف تقول
وما حب الديار شغفن قلبى ولكن حب من سكن الديارا!
أدينا النجيضة!
جنى
| |
|
|
|
|
|
|
|
|
|
Re: عاملة كيف .. يا حبيبتي .. يا واحشاني .. (Re: ismeil abbas)
|
تمبس
يا ود أم در يا حبيبها :
| Quote: عاملة كيف .. يا حبيبتي .. يا واحشاني .. |
آمنا بيك من غير ما تحلف بيها، وقريناك صاح :
كتبت ليك ..
و وقفت ليك .. لا من لقيتك ..
جاية في قلب الطريق ..
لمحت فيك .. راحة المشاوير البعيدة ..
ونفحة النسمة الحنينة ..
الجاية من جوف المضيق ..
حسيت عجايب الدنيا .. إتلمّت بقت ..
جاياني من عصراً سحيق ..
عينيك حِس أطفال ..
ينادوا القمرة للغايب يعود ..
وجبينك الضوّاي ..
حُجَا الحبوبة في الزمن السعيد ..
وعشان كده حقو برضو تقرا كلام يوسف ده صاح :
Quote: تمبس
.
.
.
.
اثبت و بطل الجرسه
.
.
.
.
بكره بتخش الصف
.
.
.
.
و الريده بتبقى ... " قفه "
.
.
.
.
و القفه بتوديك الدايات ..
.
.
.
.
و الدايات بتوديك المدرسة ..
.
.
.
.
و المدرسة عايزه رسوم و مواصلات و كراسات .. و مش عارف ايه !!
.
.
.
.
و ح تبدأ الجرسه
.
.
.
.
و الله يا داليا ... والله يا داليا ... والله ياداليا !
.
.
.
.
و تشوف كان تذكر ام درمان !
.
.
.
.
قال شنو : عاملة كيف .. يا حبيبتى .. يا واحشانى ..
.
.
.
.
طيب يا تمبس
.
.
.
.
انا جاى العيد و كل يوم جمعة بكون فى ام درمان ... اما نشوف !
.
.
.
.
ربنا يجمعك بمن تحب ..
.
.
لكما امنياتى بالسعادة |
و .. مكتول هواك أنا من زمان ؟!
مودتي ،
( ليمو )
| |
|
|
|
|
|
|
|
|
|
Re: عاملة كيف .. يا حبيبتي .. يا واحشاني .. (Re: abdulhalim altilib)
|
أكتب يا تمبس عن أم درمان ..
أو عن البت الحديقة ؟!
أكتب وفضفض .. وقول ليهم
مثلما قال شاعرنا :
يا حبيبة الخطوة عنك .. غربة ساقتني وأبيتا ..
أعمل إيه يا ست همومي .. ماني راحتي معاك نسيتها ..
قلت أكتب ليك حكايتي .. الفي جناح الريح طويتها ..
عشان هواك الريح بعرفو .. شافو لما كتبت حرفو ..
يا سماحة عينيك واحة .. للحزانا في إرتياحك يلقو راحة ..
تدفق فيها بدون تمهل ..
واصرخ (بالكيبورد العالي) :
يا .. أم درمان .. يا حبيبتي الواحشاني :
كان نفسي أقولك من زمان ..
بالكاتمو في سري ..
ومكتم في حشاي ..
مدسوس سنين ..
بالشايلو في عيني معزة ..
وفي القلب ريدا ..
بخاف الغربة والشوق والحنين ..
إحتجت أرتاح في عيون ..
فيهن ملامحك ذاتا من غير أي زيف ..
واشتقت لي ضحكة صباحك ..
والدُّعاش عطَّر رذاذ مطر الخريف ..
مودتي ،
( ليمو )
| |
|
|
|
|
|
|
| |
tmbis
ارصد محمد جلال
omer osman
داليا حافظ
Abd Alla Elhabib
عفاف الصادق بابكر
فايزودالقاضي
عمران حسن صالح
عبدالوهاب علي الحاج
mayada kamal
ودقاسم
محمد عمر جبريل
حذيفه ابراهيم الكباشي
عفاف علي ميرغني
عصام عبد الحفيظ
Nader Abu Kadouk
Abureesh
هويدا شرف الدين
عمر صديق
ismeil abbas
أبوبكر أبوالقاسم
moaz elsir
طارق جبريل
Muna Khugali
Siham Elmugammar
بابكر عثمان مكي
الصادق خليفة
ابوعسل السيد احمد
يوسف محمد يوسف
عبدالله ود البوش
محمد المرتضى حامد
doma
Tragie Mustafa
Kabar
نصرالدين صلاح
نصار
انعام عبد الحفيظ
دينا خالد
khatab
Kamal Karrar
Saifeldin Gibreel
Osman Musa
قاسم المهداوى
محمد إبراهيم علي
Emad Abdulla
نصر الدين محمد شريف
محمد عبد الماجد الصايم
jini
JAD
انعام حيمورة
صلاح أبودية
abdulhalim altilib
omar altom
فيس بوك
تويتر
انستقرام
يوتيوب
بنتيريست