|
معقول من الخميس للأحد بس ، عطلة العيد
|
أعلن أن عطلة عيد الأضحي المبارك ستبدا يوم الخميس القادم وتنتهي يوم الأحد علي أن يزاول جميع العاملين أعمالهم يوم الإثنين - معقول يا جماعه يومين بس الخميس والأحد
|
|
|
|
|
|
|
|
Re: معقول من الخميس للأحد بس ، عطلة العيد (Re: انس التوم احمد)
|
والله يا هويدا، أنا برضو سمعت الكلام دة، بس ما متأكدة منو،،
على العموم ما أستغربتو كلو كلو،،
يعنى هى الخمس أيام و فيها الجمعة و السبت كانت كفاية، عشان كمان يقصوا منها يوم،،
يعنى الناس التعبانة و فترانة دى و معنوياتها فى الارض، حتى العيد ما يمرقها منها،،
غايتو لينا الله بس،،،،،،
| |
|
|
|
|
|
|
Re: معقول من الخميس للأحد بس ، عطلة العيد (Re: مدثر قرجاج)
|
قالت يومين وهي في السودان
شنو يفرق معاك يا مسنوحة يومين او عشرة ما اصلك جنب امك وابوك تتونسي زييين وتتخمجي بزيت سمسم صاااافي وتنومي في الهمبريب لحدى الصباح .
شنو يفرق معاك يعني ما اصلك بتمشي الدوام تجي العصر تتجدعي مع الويكيي والباميي ومحل رهيفة تنقد
شنو يفرق معاك يوم او شهر ما بتداومي وتجي العصر تدرعي توبك في كتفك وتمشي على خالاتك وعماتك وجكسيك ذاتو - إن وجد
قالت يومين بس !!!!!!!
| |
|
|
|
|
|
|
Re: معقول من الخميس للأحد بس ، عطلة العيد (Re: الطيب شيقوق)
|
الطيب يا مسنوح
كل سنه وانت طيب وربنا يحقق الاماني والسنه الجايه إن شاء الله عاقل وهادئ وفي آخر بقاع الأرض لوحدك (حساده كدا بس)
والله يومين شويه خالص خالص هسع عصر الشتاء دا فيهو شنو تجي راجع من الشغل المغرب يجي لو فرشت السراير ما خليت حاجه
بععدين تعال هنا وينو وعدك أنا في الإنتظار
| |
|
|
|
|
|
|
Re: معقول من الخميس للأحد بس ، عطلة العيد (Re: هويدا شرف الدين)
|
المسنوحة
وحياتك المنبر غيرك رماد وناااااااااااائم احمدك يا الله الجيتي خجيتيهو
Quote: إن شاء الله عاقل وهادئ وفي آخر بقاع الأرض لوحدك (حساده كدا بس) |
ان شاء الله انت كمان يجيك مغترب يعرسك ويرحل بيك بلدا طيرو عجمي ويفكك هناك ويجي بلاك
Quote: بععدين تعال هنا وينو وعدك أنا في الإنتظار |
هلا هلا جاييك شائل الفرح
لقيتيني كيف؟
| |
|
|
|
|
|
|
Re: معقول من الخميس للأحد بس ، عطلة العيد (Re: الطيب شيقوق)
|
هويدا، كل سنة و إنتى طيبة و ربنا يحقق ليك كل الامانى،،
انا فعلا لقيت الخبر فى الصحف بعد ما رسلت المداخلة،،،
غايتو ما عارفين نقول شنو؟؟؟
الظاهر العيد دة مافى زول ح يلف على زول، حدنا السبت،،،
ما مزعلنى إلا الناس البسافروا يعيدوا مع أهلهم، الله ليهم،،،،،
| |
|
|
|
|
|
|
Re: معقول من الخميس للأحد بس ، عطلة العيد (Re: على احمد النعيم)
|
ود شيقوق كيفنك؟؟؟
Quote: شفتي عمايلك م/ هالة حسن دى مافي حد قلعها لينا الا انتى - الزمن دا كلوو عاملة لينا فيها تقلة |
صدقت، هويدا دى تستاهل أمرق ليها من بياتى الشتوى،،
لكن بينى و بينك قبل كدة، موضوع الحصل بعد الكورة غلبنى كلو كلو اسكت،،،،
منتظرنك فى العيد،،،،
| |
|
|
|
|
|
|
Re: معقول من الخميس للأحد بس ، عطلة العيد (Re: هويدا شرف الدين)
|
يا هندسة
Quote: صدقت، هويدا دى تستاهل أمرق ليها من بياتى الشتوى،، |
عمرك كلو صادقة الا في دى - دى والله ما يستاهل يمرق ليها الا تمساح يلحقها الفاتو
Quote: منتظرنك فى العيد،،،، |
جاييكم وكلكم معزومين المرة دى في بيتي وكمان عازم معاكم واحدة مسنوحة متابعة كتاباتكم دى هنا وقالت مشتهية تشوف مسانيح سودانيز ديل
هويدا :
كويس خمي وصري يعني مصرة ما تتراجعي
| |
|
|
|
|
|
|
Re: معقول من الخميس للأحد بس ، عطلة العيد (Re: هويدا شرف الدين)
|
أختي / هويدا شرف الدين طابت أوقاتك أنتو السنة كلهامؤجزين شيء عيد انقاذ شي عيد استقلال شيء عيد الكريسماس شيء رأس السنة الهجرية شيء المولد شيء ما شيء هذا إضافة للإجازة الأسبوعية يوم السبت دا كلو ما كفاكم؟؟ نحن هنا في السعودية الإجازة من عيد لي عيد وبسسسسسس اجازتنا العيد دا للقطاع الحكومي 15 يوم غالبيةالقطاع الخاص إجازته من الخميس إلى الثلاثاء الأربعاء دوام يديد العافية تحياتي
| |
|
|
|
|
|
|
Re: معقول من الخميس للأحد بس ، عطلة العيد (Re: عصام دهب)
|
PLEASE INFORM EVERYONE you know!
Emails with pictures of Osama Bin-Laden hanged are being sent and the moment that you open these emails your computer will crash and you will not be able to fix it!
1.) If you get an e-mail along the lines of 'Osama Bin Laden Captured' or 'Osama Hanged' , don't open the Attachment!!!!
This e-mail is being distributed through countries around the globe , but!mainly in the US and Israel
Be considerate & send this warning to whomever you know.
PLEASE FORWARD THIS WARNING AMONG FRIENDS, FAMILY AND CONTACTS:
2.) You should be alert during the next few days:
Do not open any message with an attached file called 'Invitation' regardless of who sent it.
It is a virus that opens an Olympic Torch which 'burns' the whole hard disc C of your computer!!!!
This virus will be received from someone who has your e-mail ad dress in his/her contact list ,that is why you should send this E-mail to all your contacts.
It is better to receive this message 25 times than to receive the virus and open it
If you receive e-mail called 'invitation', even though sent by a friend. Do not open it!!! Shut down your computer immediately!!!!
This is the worst virus announced by CNN, it has been classified by Microsoft as the most destructive virus ever..
This virus was discovered by McAfee yesterday, and there is no repair yet for this kind of virus..
This virus simply destroys the Zero Sector of the Hard Disc, where=2 0ther vital information is kept.
SEND THIS E-MAIL TO EVERYONE YOU KNOW!!!!!!
| |
|
|
|
|
|
|
Re: معقول من الخميس للأحد بس ، عطلة العيد (Re: على احمد النعيم)
|
الأخ علي أحمد النعيم
قالو ليك واحد زي صاحبك دا بياع كلام ومرتو برضو نفس الوظيفه أها غالطو سيد اللبن في حسابو ، قالو ليهو أنت تغاطلنا نحن ، قال ليهو أفو عاد إنتو بغالطوكم ، انتو الغلاط فاتحنلو مكتب
اها صاحبك دا نفس الحكايه يوديك البحر ويجيبك عطشان ، يتكلم معاك تقول مافي اصدق منو لكن هو خليهو ساي بس حدنا معاهو جية العيد دي
| |
|
|
|
|
|
|
Re: معقول من الخميس للأحد بس ، عطلة العيد (Re: على احمد النعيم)
|
ألأخت/هويدا...السلام عليكم وكل عام وانتم بخير...
أعتقد معقول...
هناك مستقطع وقت من العمل كان فى السنة كثير..مثل إجازة ألأمطار الحصلت القريب إسبوع للطلبة..وأضف إلى ذلك الحاجات البتحصل..زى مباراة الجزائر..وأجازة السبت البقت ثابته دى...
كيف يتم الطالب المنهج....؟؟؟هذا مثال..
زمان كانت الناس بتضحك من كثرة ألأجازات....ده كلام كويس..خلينا ننهض بالعمل وألأنتاج...
إن شاء الله يقبوا جادين..لك التحية..أخت هويدا...مرة ثانية...
| |
|
|
|
|
|
|
Re: معقول من الخميس للأحد بس ، عطلة العيد (Re: انعام عبد الحفيظ)
|
الأخت انعام
كل ع ام وانتي بخير وربنا يحقق الأماني طبعا اصلا يوم الخميس دا بكون نظافه وركيب ستائر وفريش وتعب شديد ونفس التعب اول يوم في العيد غايتو بس تاكلي وتنومي وتغسلي العده ويتم التناوب في مقابلة الضيوف لكن لا سفر لا زياره لا مناسبه علي الاقل عشان يوم الإتنين إن شاء الله الزول يقدر يجي الشغل
| |
|
|
|
|
|
|
Re: معقول من الخميس للأحد بس ، عطلة العيد (Re: هويدا شرف الدين)
|
Quote: معقول من الخميس للأحد بس |
ناس بتحب الركلسه والراحات نحن هسي اجازتنا المره دي عشره يوم بس وما اعترضنا
طبعا لازم تكون العطله قصيره لانه الناس متعودين برجعوا بعدها بأسبوعين بعدين عندكم شهر واحد دا كلو اجازات
اشتغلوا .. اشتغلوا ياخ ما تعطلوا لينا دولاب العمل بأجازاتكم الكتيره دي
هويدا سنه وانت طيبه
| |
|
|
|
|
|
|
Re: معقول من الخميس للأحد بس ، عطلة العيد (Re: الطيب شيقوق)
|
الاخت هويدا كل عام وانت بخير
والله نحنا فى الايجازات بقينا ذى الطلبة بنفرح بيوم الجمعه عشان الواحد ياخذ لية نومة بمزاج
واخوانا ود شيقوق مالو معااااك دعاكينوا هناااا مطلعين منه الزيت ما عرف يتفشى فيهم لاقك انتى قدامو طلع فيك سنين غربتة كلها
ناس السعودية خليهم على قول واحد اخونا العاوزين يادبوا يجبوا السعودية ههههههههههههه
الله يهدى سركم يارب
| |
|
|
|
|
|
|
Re: معقول من الخميس للأحد بس ، عطلة العيد (Re: قلقو)
|
ابو سنينة
Quote: واخوانا ود شيقوق مالو معااااك دعاكينوا هناااا مطلعين منه الزيت ما عرف يتفشى فيهم لاقك انتى قدامو طلع فيك سنين غربتة كلها |
مالك يا الحبيب البنية كلها بركة ما تخرب البيني وبينا - حاري لي تسهيل مالي من بنك عقاري بواسطة هويدا بت البقاري
| |
|
|
|
|
|
|
|