هلا يا تراجي.... الجماعة ديل طلعو بتاعين مسرحيات ساااااي..
** في تعليق كده ظريف من واحد مصري زعلان... يا تراجي اها.... قام سألوهو في التلفزيون وقالو ليهو الحصل ليك شنو في السودان.؟ فقام المصري ردا بي زعل شديد للمذيع وقال.... ( نحنا مظلومين وعاوزين ناخد حقنا من حكومة حسني مبارك نحنا مطهدين في أي مكان كمصرين حتي في السودان نحنا مطهدين ديل كانو متأمرين علينا) والله لمن تسمعي الكذاب دا بيتكلم كيف تموتي من الضحك.... المهم من خلال كلامو انا عرفت انو متحسر علي القروش اللي الدفعها لحدي ما يمشي السودان وعرفت انو أخد مقلب وما دخل المباراة بعد التعب و القروش و السفرية.. _________ ** بالله شوفي المدعو عمر أديب دا كان فرحان كيف في الفيديو ا قبل المباراه يرقص ساااكت (وبعد الهزيمة ..... قلب البرنامج شتيمة ).
11-22-2009, 04:41 AM
احمد محمد بشير احمد محمد بشير
تاريخ التسجيل: 06-17-2008
مجموع المشاركات: 14987
الجماعة ديل طلعو جرسات وكانو دايرين يخشوا المونديال سلفقة ساكت... و أفتكرو انو تمثيلياتهم دي حتمشي في الفيفا و اهو الفيفا زاتوو قرر يعاقبهم...
بعدين الناس ديل في بلدهم الظاهر ما ماشين بالاية الكريمة... ” يأيها الذين أمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين”
عاين هنا يا حمزاوي محمد فواد الكذب وقال انا بموت ومعاي ناس بتموت وسكاكين... الفيديو دا فضحو.... في لحظة اتصاله بعمر أديب تم الاتصال تم تصوره
11-22-2009, 10:08 AM
احمد محمد بشير احمد محمد بشير
تاريخ التسجيل: 06-17-2008
مجموع المشاركات: 14987
ناس مستهبليين ذي ديل الله خلقني ما شوفتا... بالله عشان الدرشة الصغيره الفي صلات الانتظار في مطار الخرطوم عملو الزوبعة دي كلها والهدف دا طير ليهم الفي راسهم.
11-22-2009, 12:29 PM
ابراهيم محمد الحسن ابراهيم محمد الحسن
تاريخ التسجيل: 11-08-2006
مجموع المشاركات: 8154
في صوت واحدة بتتكلم شكلها مع قناة من بتاعاتهم ،، وبتسأل عن رانية علواني ،،(رانية علواني معاكم ،ن؟) وبعد شوية نجرت ليها كلام من واحد معاها .. (رانية علواني متعورة في الأتوبيس التاني ،، !!!!)
تاني يوم في واحد من برامج الجعجعة بتاعتهم المذيع سأل واحد من العائدين من أرض المعركة ،، عن (رانية علواني ،،)
قال ليه : رانية مش معانا ،، رانيا في أمريكا ،،،،
خديجة وقعت من البلكونة ،،،
11-23-2009, 01:01 AM
احمد محمد بشير احمد محمد بشير
تاريخ التسجيل: 06-17-2008
مجموع المشاركات: 14987
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة